حلوة القوفريط

[منى ابراهيم]

:19: حلوة القوفريط
250 غ زبدة لابال+6حبات بيض مغليين+ باكي قوفريط+2 باكيات شيكولة+كاس سكر قلاسي+باطة خمارة+ قشور الليمون+الفرينة + الحلويات الفضية للتزيين
طريقة التحضير
خوذي صفار البيض الطايب وبواسطة الفرشيطة امحية وزيديلو الزبدة وامزجيهم مع بعض حتى يصبح مثل الكريمة ثم ضيفي كاس سكر قلاسي وخلطي جيدا حت يتجانس مع الخليط تم ضيفي قشور الليمون والخمارة وبالتدريج اضيفي الفرينة حتى تتشكلك عجينة ماهي جارية وماهي يابسة متوسطة الطراوةشكلي كويرات صغيرة وديريهم في الفرن ومن بعد ما يطيبو خرجيهم من الفرن تكون في هذا الوقت مذوبة الشكولاطة اغطسي كل حبة في الشكولاطة ومرمديهم في القوفريط الي كنتي قد رحيتيه وزيينيه بحبة نتاع حلويات فضية وضعيهم في حاويات ا
ان شاء الله تجربوها وتعجبكم

[ام ساجد]

يعطيك الصحة اختي

[fadilasor]

يعطيك الصحة اختي هذي الحلوة فعلا بنينة جربتها وذوقها هايل

[rania.16]

bzef bnina en + dji doub f fam merci ma belle

[الصوامعية]

يعطيك الصحة تبان شابة

[amouna89]

شكرا جزيلا

[نبض الفؤاد]

يعطيك الصحة كنت كل عيد نديرها صح بنينة وهشوشة

[Nadjwa270]

allah ykhalik
maditilna recette chabba

[omaymen]

يعطيك الصحة اختي تبان هايلة