واش نعمل مع زوجي الكتوم

[souhila1995]

انا متزوجة من سنوات زوجي فيه صنعة الكتمان يخبي كلش عليا
تصورو عندنا فيلا نجهزو فيها بشوية كل مايخدم فيها ما يقوليش
كيما دورك راه يخدم في الكوزينة و لي صال دو بان وما سمعتش غير من خوه الصغير
مافهمتش وين راه رايح بهده العقلية
هوما في دارهم هدي هيا صنعتهم كي يعملو حاجة ما يقولوش
هو ناس ملاح بزاف بصح هده الصنعة كرهت اقاربهم فيهم

المهم انا ضرك واش نعمل معاه
دارلي نفس الخدمة قبل وزعفت منو بصح ماحشمش
دورك راني كارهة حتى كي يولي للدار
مارانيش مداوزة معاه بصح هو راه شاك فيا بللي زعفانة لاني مارانيش نكثر معاه الهدرة
حتى الفراش راني نتعمد نرقد بكري ونخليه يتفرج باش كي يجي في الليل يلقاني راقدة
قولولي واش نعمل معاه
اليامات اللي فاتو كان هو اللي يهدر معايا و انا نردلو بلا مانكثر معاه الهدرة
هو علابالو راني زعفانة لانو انا نهدر بزاف
الصباح ناض زعفان شوية ولا هو اللي مايكثرش معايا
راني حاسة قلبي فرغان من جيهتو
راني هدرت معاه في هدا الموضوع بصح هو عيبو لازم يرد الغلطة فيا

[فافا مينوشة]

لالا ختي سمحيلي مشي هكدا تتحل المشاكل هكدا راكي تكرهي في روحك فيه الراجل مهما كان يبغي المرا الحنينة لي تساعفو وحاجة الكيتمان مادام فيهم طبيعة في دارهم خلاص مهيش بشيء الخطير لي تقلقي روحك بيه انتي بينيلو بلي تحبيه ورجعي كيما كنتي وقادرة انتي لي تبدليلو هاد الطبيعة ختي غير بشويا وكلش يتحل ربي يسرلكم اموركم ويهنيكم

[souhila1995]

لالا ختي سمحيلي مشي هكدا تتحل المشاكل هكدا راكي تكرهي في روحك فيه الراجل مهما كان يبغي المرا الحنينة لي تساعفو وحاجة الكيتمان مادام فيهم طبيعة في دارهم خلاص مهيش بشيء الخطير لي تقلقي روحك بيه انتي بينيلو بلي تحبيه ورجعي كيما كنتي وقادرة انتي لي تبدليلو هاد الطبيعة ختي غير بشويا وكلش يتحل ربي يسرلكم اموركم ويهنيكم

راني ماعرفتش واش نعمل معاه راه عملهالي بزاف هدي الجاست مي هو والو
حنيت و حنيت و ماكان والو لوكت راه نبقى هكدا

[محمد جديدي التبسي]

الشخص الكتوم صعب التعامل معه وأحسن طريقة لذلك هي إظهار اهتمام أكبر به حتى يعرف قيمته عند زوجته وهنا سيخبرها بكل ما يحدث له وعن كل اسراره
لأنه سيجد فيها الملاذ الوحيد والمستمع الأمين لذلك مزيدا من الاهتمام والله الموفق ربي ييسر لكم سبل الخير

[souhila1995]

الشخص الكتوم صعب التعامل معه وأحسن طريقة لذلك هي إظهار اهتمام أكبر به حتى يعرف قيمته عند زوجته وهنا سيخبرها بكل ما يحدث له وعن كل اسراره
لأنه سيجد فيها الملاذ الوحيد والمستمع الأمين لذلك مزيدا من الاهتمام والله الموفق ربي ييسر لكم سبل الخير


و الله يا اخي زوجي لوكان ندور الدنيا مانلقى كيفو في الشهامة والغيرة على اهلو و عرضو فيه كل الصفات من الدكاء و المستوى الاكاديمي و المادي والاجتماعي
بصح هده العادة اللي فيه تكرهلي حياتي
شكرا على النصيحة

[dahbi01]

أولا ربي يوفقك
ثانيا: راكي انت تخلقي المشاكل.كيفاش ترقدي بكري باه يلقاك راقدة معناه باه مايكلمك لأنه أكيد في حاجة إليك.
أختي الكريمة حاولي التقرب من زوجك وتقومي بواجباتك على أحسن وأكمل وجه ولا داعي للخوض في أشياء لا تهمك.وحاولي دائما بالقيام بالمفاجآت السارة إتجاهه

[جمال الدين الأفغاني]

السلام عليكم

لا ادري لماذا احسسن وانت تسردين قصتك مع اني لا وافقك اختي

ان تحكي تفاصيل حياتك الزوجية اتركيها بينك وبين زوجك بارك الله فيك

ولكن وانا اقرأ مشكلتك خطر ببالي المثل القائل : وأعظم النار من مستصغر الشرر

والله لا يشوف مؤمن لا نار ولا شرر

ولكن لو تتبعنا مشكلات الزوجية والتي قد تؤدي في احيان كثيرة للطلاق

نجدها باسباب تافهة او على الاقل ليست بالامور الكبيرة

ولكن لان الشيطان والوسواس يحكم في البني آدم يكبر الامور

ويصر على رأيه وهكذا تبدأ المسافات بين الازواج في التباعد حتى تصل للطلاق

والله المستعان لذلك اختي الكريمة احمدي ربي راك في نعمة كبيرة قليل اللي راهم كيما

انت وما تشوفيش السلبيات وتكبريها في بالك وهاكذا رايحة تعيني الشيطان على زوجك ويبدا

هو تاني يحوس على سلبيات فيك ويسناك كي تبداي تهدريلو على ملاحظاتك يفاجؤك هو بكلام

لم تكوني تتوقعينه وربما يصدمك ولكن انت لا تعلمين انك انت السبب في ذلك لانك بتحسيسه

انك تبتعدين عنه متعمدة وانك غصبانة منه هو ايضا يحس انو ليس مخطأ وانك انت المخطأة

ويبدا الشيطان الشغل نتاعو يعمرك انتي من جهة وهو من جهة وتفسد العلاقة لا قدر الله

المهم اختي استعيذي بالله واحمدي ربي وحاولي قدر المستطاع الصبر على طبيعة زوجك

وهي ليست بالصفة المنفرة والتي تستحق غضب الآخرين لهذه الدرجة تحمليه واصبري عليه

وارفديه واذا ما تحمليتهش انتي شكون اللي رايحة تتحملو ؟؟

المهم شدي في زوجك وفي بيتك وكبري بالك وما يكون غير الخير ان شاء الله تعالى

[هدى الجيجلية]

السلام عليكم
اختي
لا تقلقي
حاولي معاه
يعني إساليه
عن المنزل
كيف هي ىخر التحضرات
وصدقيني
راح ايجاوبك
إن شاء الله ربي
أيفرج همك
يارب

[mitrochka]

سامحيني أختي
لا أرى انه سبب يؤدي للتصرفات التي ذكرتيها
استهدي بالله و حاولي تلقاي طريقة للتعامل معه

[نورسين.داية]

الصراحة أختي ....و شخصيا الرجل الذي لا يعتبرني أهلا لأسراره ........أو شراكته ....سوف أتعامل معه بنفس الطريقة ...و ليس له الحق في لومي تمـــــــــــــــــــــــــــــــــــــــــــاما

[النجمة القطبية]

و الله يا اخي زوجي لوكان ندور الدنيا مانلقى كيفو في الشهامة والغيرة على اهلو و عرضو فيه كل الصفات من الدكاء و المستوى الاكاديمي و المادي والاجتماعي
بصح هده العادة اللي فيه تكرهلي حياتي
شكرا على النصيحة

يعنى راكى تشهدى عليه بامور مليحة ماشاء الله
مدام عندك ثقة فى الشخص خلاص
حاجة بسيطة ولا تستحق الغضب والكمال لله وحده
والله اعلم

[wafa16]

اختي من حقك تزعفي لانو المسكن هدا راح تسكنو فيه للزوج ولازم يسقسيك على رايك و دوقك و لا كيفاش تحبي لانستالاسيون راكي تعرفي سال دو بان كوزينة الحمام لكن انت تاني غلطتي لانو هاد التصرفات تزيد تخشنلو راسو و يولي عنيد عاودي اهدري معاه و ماتسنايش هو يحكيلك انت بادري بالاسئلة باش تعرفي وين راهم لاحقين و هدي عادة سيئة لانو هدا ماشي سر خطير يتوجب كتمانه و راكي زوجتو ماشي حتى تسمعي من خوه

[سفير الأيام]

وانتي علاه دخلي الشيطان بيناتكم بالوسواس بلاك حاب يديرهالك مفاجئة وكي تشوفيها تفرحي بالديكووووووووووووووووووور


نعلي الشيطان لوكان يحب الراجل يبعد على شريكة حياته حاجة ساهلة بصح ديري في بالك مادام ختارك انتي تشاركيه لازملك


انتي تفوتي شي حوايج


وانتي تكوني ساس الداااااااااااااااااااااااااااااااااااااار

[منهاج]

السلام عليكم

ختي انصجك لوجه الله مشي هكدا تحلي مشاكلك معاه هكدا تنفريه منك ويولي يكرهك ,خالتي زوجها كتوم لدرجة ما تتخيليهاش

وهي هدارة بزاف وتحكي


في البدية لقاتها صعيبة بصح والفاته وتعودت عليه لانو ما قدرتش تبدله عقليته دروك راهم عايشين مليح وعندها ولاد قد الزواج

[khouloudnicegirl]

يا اختي لعبتي على الوتر الحساس حتى أنا زوجي لا يقول لي شيئا لكن يفرغ أسراره عند عائلته بما فيهم الام الأخوة و الأخوات و أنا اكون اخر من يعلم هذا ان علمت وهما عندهم اخت متزوجة وأجلها يقلها كلشي بلبا و التاء يعني يااختي اصبري خاطر هذي طبيعة

[إيناس2005]

يا اختي راكي وحك لاحظت بلي العنف مي وصلش لحتى حل اذا عليك بالحنان حاربيه برقة الانوثة استغلي الاوقات الحميمية وطرحي

عليه كل ماتودين معرفته هذه النوعية من الرجال تحب الحنان والرقة واعدك انك ستكونين اسعد امرة على وجه الارض

[madoucha]

اختي الرجل بطبعه ما يكثرش الهدرة واحنا النسا لسانا طويل
من حكمة ربي خلق الرجل رزين و عقلو كبير و ما يهدرش برك حاولي تفهمي منو بطرق ذكية واصبري معاه و ربي يهنيكم

[أم احمد3]

راني هنا اختى كيفك
من 3 شهور الحرب لم تستقؤ بعد
هو اصلا لا يقول لي شيء لكن مسكت له ذلة في خطا فادح صورة مع امراءة وقلت في نفسي الموت هو الحل يا انا يا هو
اصلا يخفي على كل شيء فما بالك بال..هذه الاشياء
وكل ما قاله دفاعا عن نفسه ليس كما تضنين ..اقسم بالله
وهذا كل ماقله لذا الشك لا يزال في دائما الخطا خطأه يجب ان يقول لي والله غير مكان والو بيناتنا كنت هكذا وصار ذا وصار لكن اكتفى بكلمة واحدة ولحد الان انتظر يوم القيامة لاعرف ما جرى

هو ليس بكاذب لذا اختار وسيلة ان لا يحكي وي نفس الوقت هو صادق


اما مفاجأته كثيرة احكي لك
لقد عمل لي جواز سفر انا لا اعلم قرر ان زور تونس
وفي يوم قالي ارواحي نخرجو رحت داني للامضاء على الاوراق قريب مت من تلك الافعال
لكن ردته فعله قالك نحب نديرك مفاجأة ونحوسو في تونس لكن لم اذهب في تلك السنة وقال انت من تفسدين الامور بيننا رغم انني مللت من مفجأته كل شيء زوجة اخوه هي التي تقول لي كل ما يجرى
وانا ليس لي علم بشيء
واليوم قررت ان انسى الهموم لكن والله منسامحو حتى وان كانت طباعه غي مقصودة لكنها جعلته شرير عندي وليس بانسان اود ان يشاركنى حياتي

الانسان الذي يجب ان تنفر منه المراءة هو الكتوم لان عايش في حياة ويترك زوجته فقط للضنون والشكوك

فانا ايضا في مصيبة لو جعلها الله فقرا لي احسن من اكون مع انسان هكذا

لكن الحمد لله على كل شيء......

[أم عمرو]

و الله أختي أنا حالي من حالك ننصحك ديري بنصيحة جمال الدين الافغاني.
و الشدة فالله المهم حافظي على بيتك خيرمن تديهولك أخرى كلش يجي بالصبر.