يا ناس فهموني برك [الأرشيف] - منتديات الجلفة لكل الجزائريين و العرب

هاجر المدانية

2013-02-24, 18:37

أنا فوتت مسابقة توظيف لمتصرف إداري لمجيرية الثقافة وقاعدا نساتنا فالنتيجة عندي مال2002 متخرجة وعندي خبرة مهنية لاباس بيها ليوم رحت سقسيت قالك خرجت النتيجة وعينو 4 بناااااااااااااااااااااات يخدمو فالمديرية .انا مافهمتش على اساس واش عينوهم ياسيدي نفترض يخدمو في اطار عقود ماقبل التشغيل شحااال خدمو يا ربي انا خلاص كرهت ويأست علاه هذي الحقرة . راني ناويا نقطع الديبلوم تاعي وحلفت والله مانزيد نفوت لي كونكور راهي ليهم ولمواليهم . راني غير نبكي . رانا في بلاد الحقارة ربي وكيلهم انشالله تخرج فيهم . انشالله مايفرحوش بهذو لي بوست إذا ماكانوش يستاهلو.

islammedia

2013-02-24, 20:01

أختي لا تيأسي أبدا وربي كيشوفك حاكمة فيه والله مايخيب واحد شاركي وعاودي لعل الله يحدث بعد العسر يسر ادا كنت انت فتاة هدا حالك مادا نقول نحن الشباب الجامعيين لكن الله المستعان

elsaker

2013-02-24, 23:24

ديري ربي في بالك يا اختي ويفرج عليك ان شاء الله ................................والله غير الي يدي المنصب عن غير حق ماينعمش بيه وتكثرو المشاكل في حياتو ويخلصها عاجلا ام اجلا

رانا كامل في العقود ويجي النهار الي يفرج علينا ربي ان شاء الله

amine eco

2013-02-25, 01:58

شوفي ياختي هاجر هديك مديرية الثقافة ان رحت نحت في دوسي تم عبادها دايرين كالشر شاد علي دوسي واحد ملتحي وكي فاتت سمان رادوهلي لدار قالولي عندك ماستر حنا نحتاجو ليسانس ياخي حالة مع العلم ان عند خبرة دوست معاهم تم لخاطر عرفت اللعب انا قطعت لياس كيما نتي من هادي مدية مديرية السياحة نفس الشيئ نتائج متسمعش قاع بيهم son semir يجيبو بينا في وقت ويخسرونا في ورق برك لي بوست بايني بناتهم .................الله لا تربحهم انشاء

sloqa

2013-02-25, 09:42

اشهد ان لا اله الا الله و اشهد ان محمدا رسول الله
اللهم صلي على سيدنا محمد صلى الله عليه و سلم
يااختي نعرف ناس متخرجة من 2000 و لهون و ماهمش يخدموا و عايشين و حامدين ربي
الرزق على ربي و الواحد يصبر حتان يفرج المولى سبحانه و تعالى
و المكتوب يجي للانسان
اما مسألة حرق الدبلوم لا اوافقك

هاجر المدانية

2013-02-25, 09:53

algerienne88

2013-02-25, 10:22

صباح الخير عليكم جميعا. صحيتو يا خاوتي وخواتاتي الله غالب غاضتني عمري راني في حالا. والله لا راني نعاني حتا ضرك في قرايتي يا ناس النقطة تتمد بالوجوه تلحق بيك درجة تروح تحلل واحد متخرج كيفو كيفك على نص نقطة ومش طلبة حقك برك هذا ظلم ولالا أنا كي راني نبكي مش غير على البوسك راني نعاني يوميا مالحقرة .علاه حنا مش مكتوبلنا نفرحو غير المعاناه برك .الله يهدينا أسمحولي راني نكتبلكم والله مالقيت ليمن نحكي الله غالب هذي نفس لازم الواحد تغيضو عمرو .

هذا القول كان في توقيع أحد الأعضاء و أفادني جدا

ما أخطأك لم يكن ليصيبك و ما أصابك لم يكن ليخطأك

كل شيء من عند الله سبحانه و تعالى و إفرحي بالذي عندك ، الكثير من الناس لا يملكون عشره، تطلعي حولك فقط و ستتيقنين من ذلك
الحمد لله رب العالمين على الإيمان و الصحة و العافية

هاجر المدانية

2013-02-25, 11:43

يعطيك الصحة أختي .والله يا أختي غير راني حاسا الدنيا مظلما قدامي الإنسان كي يولي الضغط عليه وين نصد نلقاها عوجا الله غالب ماقدرتش والله ماقدرت .

algerienne88

2013-02-25, 11:55

يعطيك الصحة أختي .والله يا أختي غير راني حاسا الدنيا مظلما قدامي الإنسان كي يولي الضغط عليه وين نصد نلقاها عوجا الله غالب ماقدرتش والله ماقدرت .

اللي خلق ما يضيع يا أختي ، انت حاولي و ربي معاك

merzouguiyoucef

2013-02-25, 14:35

توكلي على الحي الذي لا يموت والله المستعان

albert45

2013-02-25, 16:38

كبري بالك والله غير رانا قاع كيما انتي

هاجر المدانية

2013-02-25, 16:42

يعطيكم الصحة إنشالله ربي يفرج علينا.