نداء لكل من تعرف في الكروشي و سعره

[salam6]

السلام عليكم
من فضلكن اخوتي شكون تقدر فيكم تعاوني في سعر هاذ la dentelle طلبت مني وحدة نديرلها هاذ المديل بالصح و الله ما على بالي كيفاش نقيم سعر الخدمة كاين اللي تقول 25000 للمترا وكاين و كاين و انتو واش تقولو مع العلم ان الخيط من عندها و نحسب تعبي برك
شكرا مسبقا

[أم هجورة]

أختي شوفي على حساب المودال ،هذا المودال يبان ساهل حنا عندنا يحسبوه بين 130دج إلى 150 دج للمتر وشوفي نتي

[salam6]

شكرا اختي على التوضيح مانيش حابة لا نظلم روحي و لا اللي نخدم لها

[المتألقة]

حتى أنا دايما تواجهني هذه المشكلة

نتمى من الأخوات اللي عندهم خبرة يعطونا الأساس الي يحسبو بيه سعر الأعمال نتاع الكورشي

[زهرة الهضاب 19]

موديل شباب ان شاء الله يعاووك الاخوات كاينة الاخت اميرة 79 هي مالفة تخدم للناس

تحياتي

[amira79]

بين 150 و 200 دجللمتر كي يكون الخيط من عندها

[salam6]

شكرا كنت من الصبح تستنى طلتك اختي اميرة 79 كيفاش من عندها الخيط ادا كان انا نجيب الخيط ولا اللي راح نخدم لها هي عطاتني الخيط واش تنصحيني

[polyma]

حتى أنا دايما تواجهني هذه المشكلة

نتمى من الأخوات اللي عندهم خبرة يعطونا الأساس الي يحسبو بيه سعر الأعمال نتاع الكورشي وحت في الخياطة

[amira79]

صباح الخير عليكم

انا نحسب على التعب تاعي اولا نحي دراهم السلعة و قيم العمل تاعي حسب الوقت و الغرزة ادا تطلع بالخف الو تشد اليد و هكذا

بالنسبة لهاد المودال ادا رايحة تخدمي كمية كبيرة اشري انت الخيط و احسبيلها 250 للمتر او ادا جابتلك الخيط هي قوليلها 200 دج للمتر

ما قلتيلناش واش دير بيهم ............نموت على التقرعيج

[الجزائرية المحبوبة]

يحسبوا المتر ب 200 دج
اى عشرين الف

[salam6]

صباح الخير عليكم

انا نحسب على التعب تاعي اولا نحي دراهم السلعة و قيم العمل تاعي حسب الوقت و الغرزة ادا تطلع بالخف الو تشد اليد و هكذا

بالنسبة لهاد المودال ادا رايحة تخدمي كمية كبيرة اشري انت الخيط و احسبيلها 250 للمتر او ادا جابتلك الخيط هي قوليلها 200 دج للمتر

ما قلتيلناش واش دير بيهم ............نموت على التقرعيج

حابة تديرهم dentelle لغظاء الفاليزا تاع لعروسة يا ذرا ولا على بالك شحال الظول تاعها في معظم الاوقات

[ربيعة الورود]

انا نخدم فيهم ب 15 الف ل 80 سم