ساعدوا زوجي

[yatoyato31]

صباح الخيرضاقت بيا الدنيا وحابة منكن المساعدة انا حاملفي الشهر السادس و الجنين بنت انشاء الله بدلك يكون عندي ثلاثة بنات المشكلة في زوجي راهو قلقن بزاف من روهو و زعفان راني نقولو هدي مشيئة الله يقولي علابالي بصح منيش قادر نتحملساعدوني راني وليت نبكي ديمة

[رُقية]

يا اختي راجلك راهو غالط
وهده مشيئة الله سبحانه وتعالى
مايحس بالنعمة غير لي فقدها
﴿يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ﴾
﴿وَإِذَا بُشِّرَ أَحَدُهُمْ بِالأُنثَى ظَلَّ وَجْهُهُ مُسْوَدًّا وَهُوَ كَظِيمٌ * يَتَوَارَى مِنَ الْقَوْمِ مِن سُوءِ مَا بُشِّرَ بِهِ﴾
هو الله يهديه ختي ونتي ربي يصبرك

[اريج06]

ربي يهديه ويحمده على النعمة اللي عطاه غيرو ملقاش وهو يزعف على حكم ربي .
يستغفر ربي ويدعيه انو يحفظهم ويكونوصالحات ويبعد عنهم كل مكروه
وأنت أختي متقلقيش روحك وساعفيه

[كبسولة الاحلام]

ربي يباركلك فالثالثة
اقسم اني احب البنات حبا جما
وربي يهدي الناس لي يكرهو لبنات
بدلا ايها السيد من ان تكره البنت ربيها وخرجها امرءة صالحة تدخلك للجنة

[**د لا ل**]

هل تعلمين ان من له 3 بنات ورباهن احسن تربية واخرجهن على الخلق الحسن وتعب عليهن في الدنيا كن له حرزا من النار يوم القيامة

وقد يدخلنه الجنة جزااااء معروفه معهن في الدنيا

اختي البنات نعمة من الله انتي فقط احسني تربيتهن واسهري على بذل كل ما تستطيعين في سبيل جعلهن نساااء صالحات تقيات عفيفات

وربي يجعلها في ميزان حسناتكم

موفقة اختي الكريمة

[شموخ امرأة]

ادعيله ربي يهديه كاين لما عندوش لا بنت ولا ولد

[ذكرى أبي]

عادي يا اختي ما تبكي ما والو استناي جوزي هاذ الأشهر الأخيرة ، و كي تزيد ان شاء الله يتبدل ويلا ما تبدلش ابداي تقوليلو راهي تضحك معاك ، تعرفك .......هكا بالشوية بالشوية

[ام ايمان16]

ربي يهدي زوجك
قوليلو هذي حاجة تاع ربي وهو لي يعطيلنا لبنات وهو لي يعطيلنا الذكور وكاين ناس ماعطالهمش خلاص وماعندهمش اولاد اصلا وراهم متمنين يجوهوم مهما كان جنسهم (المهم الخلقة التامة والسليمة)

مالا قوليلو يحمد ربي في كل وقت وربي اكيد شافلكم الخير في لبنات

ربي يحفظهملكم

[ام فريال لينة]

واش نقولك اختي ربي يهدي راجلك ونتي ماتقلقيش روحك بزاف اتهلاي في صحتك هذا هو المهم ان شاء الله تنوضي بخير تولدي الطفلة ما خصها والو هذا هو المهم انا مثلك كان عندي ثلاثة بنات ماتت وحدة ومازلي زوج ربي يحفظهم لي ودوك البنات لي يرفودو والديهم كيما تقول عجوزتي لي معندش البنات مغبون

[ikhbb81]

أكيد زوجك يكون له نقطة ضعف يعني يكون له شخص او بعض الناس عندهم تأثير معنوى و نفسي ما يعني انه يأخذ من كلامهم و يأثروا فيه . مثلا اخوه اكبر منو او الوالد او إمام أو صديق صالح يتكلم معاه و يحدثوا حديث مليح و يذكرو بالله و يذكروا بأن الله يقول في محكم تنزيله {لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَن يَشَاءُ الذُّكُورَ أَوْ يُزَوِّجُهُمْ ذُكْرَاناً وَإِنَاثاً وَيَجْعَلُ مَن يَشَاءُ عَقِيماً إِنَّهُ عَلِيمٌ قَدِيرٌ }


أما علميا فالرجل هو الذي يحمل صبغيات جنسية مختلفة يعني xy أما المرأة فهي تحمل الصبغيات الجنسية xx .مع العلم ان تلقيح البويضة من النطفة ,حيث ان النطفة تحمل الصبغيين الجنسيين إما x أو y و البويضة تحمل الصبغي x في كل الحالات فإذا كانت النطفة تحمل x و البويضة x تصبح البويضة الملقحة xx يكون الجنس أنثى بإذن الله و إن كانت النطفة تحمل y تتكون بويضة ملقحة xy يكون جنس المولود بإذن الله ذكر ما يعني أن الله جعل السبب في إختلاف الجنسين للذكر . و الله اعلم

[~أمة الله~]

السلام عليكم ورحمةُ الله وبركاته
أسأل الله أن يبارك لكم فيهنّ ويجعلهنّ صالحات وأن يرزق زوجك حُسن الرضا بقضاء الله وقدره ..آمين
ولعلّك تذكرينه وفقكِ الله بثواب من يُحسن تربية البنات :
ففي الحديث يقول - صلى الله عليه و سلم - : ( من عال جاريتين - أي : بنتين- حتى تبلغا جاء يوم القيامة أنا وهو كهاتين وضم أصابعه ) . رواه مسلم .

وقال - صلى الله عليه و سلم - : ( من ابتلي من هذه البنات بشيء فأحسن إليهن كن له سترًا من النار ) . متفق عليه .
ولمزيدِ فائدة ،لعلّك تطلعين على هذا :
توجيهات حول تربية البنات - للشيخ علي بن يحي الحدادي حفظه الله (http://www.ajurry.com/vb/archive/index.php/t-4150.html)
قُرَّةُ عَيْنِ الأَبَوَيْن في رِعَايَةِ و تَرْبيَّةِ البَنَاتِ و البَنِين الشيخ نجيب جلواح حفظه الله (http://www.ajurry.com/vb/showthread.php?t=17987)
وفقكما الله وأسعدكما.

[برايجية 34]

الله سبحانه وتعالى هو اللي يعطينا واش يحب ولكن الدراسات العلمية أفادت انه الرجل هو المسؤول الوحيد عن تحديد جنس المولود و ليست المراءة لأن المراءة عندها نوع كروموزوم أي صبغي من نوع واحد والرجل عنده نوعين من الكروموزوم اذا تطابق كروموزوم الرجل مع كروموزوم المراءة تجي بنت و اذا اختلف كروموزوم الرجل عن كروموزوم المراءة يجي ولد وبهذا فهو المسؤول عن تحديد جنس المولود واللوم يقع دائما على المراءة نزيدلك حكاية خالتي أنجبت طفل ذكر هو الأول و من بعده ستة (06) بنات وابن خالتي كان يحتقر البنات لدرجة انه تخلى على والديه و أخواته البنات وأنا نتذكر انه قال لو كان نتزوج و يرزقتني ربي طفلة نذبحها أما البنات فاعتمدوا على أنفسهن و صاروا بنات ورجال في نفس الوقت اللي يخدموا واللي يقراو في الجامعة تزوج ابن خالتي و هو الان أب لخمسة بنات و أخواته البنات هن اللي يعاونوه فمن الأفضل انه الواحد يرضى بما عطاه ربي

[منال 22]

ربي يهدي زوجك كاين ناس يحوسو على ذرية ومالقاولا طفل لا طفلة