بخصوص enmas [الأرشيف] - الصفحة 2 - منتديات الجلفة لكل الجزائريين و العرب

khathir chine

2013-03-20, 18:34

السلام عليكم :
يا جماعة راه وصلني خبر بلي راهم يبعثو الرسائل للناس الناجحين ، ......خبر مؤكد ...........كاش ما وصلكم ولا والو .......................بالتوفيق للجمبع ....

DIDINE BABISTE

2013-03-20, 18:43

عاجل صديقي وصلته رسالة الان فقط بانه ناجح وعليه الحضور الى المدرسة يوم 24/03/2013

اسيل امال

2013-03-20, 19:16

مساء الخير انا وصلني ميساج وربحت لعقوبا ليكم

ahmed-amine1

2013-03-20, 19:32

اللللللللللففففففف مبروك للناجحين :) :) .) لعقوبة للبقية .

أنا ملحقنى ولوا يستما مربحتش

amir-kennedy

2013-03-20, 19:47

الاخت اسيل مبروك عليك مي قولونا وين لحقكم ميساج في البورتابل ولا في الايمايل

khathir chine

2013-03-20, 19:47

السلام عليكم
أنا وصلني ميساج بلي ربحت بصح مانيش متأكد من الرقم ، أرجو من الناجحين أن يضعو رقم الهاتف الذي
أرسل الرسالة ...........و شكرا

minou1183

2013-03-20, 19:50

ألف مبروك للناجحين
لكن رجاءا وضحونا برك كيما قال الأخ الرسائل عن طريق البريد أو ميساج في البورطابل ؟؟؟

شايب عبدالله

2013-03-20, 19:51

السلام عليكم لقد وصلتني الرسالة من الرقم 96 57 52 60 05

شايب عبدالله

2013-03-20, 19:53

الإخوة اللي لحقتهم الرسالة ممكن تقولونا معدلاتكم ... انا عندي 13.70 + متفوق الدفعة

شايب عبدالله

2013-03-20, 19:59

رجاءا هل من تأكــــــيد من أي رقم وصلتكم الرسالة

khathir chine

2013-03-20, 20:07

لقد وصلتني رسالة من الرقم 0560525796...............و في الرسالة نص بأني من الناجحين و يجب أن أتقدم إلى المدرسة يوم 24/03/2013....................

rima1979

2013-03-20, 20:09

salam a3likom mabrok larabhin
lakin hal kalamkom sahih ardjokom akhbirona hakika wlah lam na,mlik a3sab linatahamal aktar

اسيل امال

2013-03-20, 20:14

انا ايضا وصلتني رسالة في الهاتف من الرقم الذي قلته على الساعة 18:38 وعندي معدل 14 مبروك للناجحيين

شايب عبدالله

2013-03-20, 20:17

الأخت ريما بالنسبة للرسالة نعم صحيح فقد وصلتنا لكننا غير متؤكدين من صحتها أو مصدرها !!!!!!

khathir chine

2013-03-20, 20:34

انا وصلتني الرسالة ، لكن و بصراحة لم أصدق أن النتائج لم تظهر في الموقع الرسمي ، والاعلان يكون في شكل رسالة من رقم نجمة عادي 0560 ...............إذا كانت الحكاية حقيقة فمبروك للناجحين ، وحظ اوفر للبقية ..........و شكرا

khathir chine

2013-03-20, 21:08

هل نصدق أو لا ، أرجو أن يشاركنا من كان له الحظ في النجاح ،بأن يوضح لنا : وقت الرسالة ، محتوى الرسالة ، المعدل ، إن كان اول الدفعة أم لا ....، من أجل التحقق فقط من النتيجة و إزالة الغموض ...........و شكرا .
انا وصلتي الرسالة على الساعة 18.04 ---- محتوى الرسالة : أنني من الناجحين في المسابقة و يجب علي التقرب إلى المدرسة يوم 24/03/2013 على الساعة العاشرة ------------انا معدلي 14.40 و انا الأول على الدفعة ................

bob chawi

2013-03-20, 21:29

أنا ايضا وصلتني نفس الرسالة بأنني من الناجحين و يجب أن التحق بالمدرسة يوم الأحد قبل الساعة 10.00 صباحا .
مع العلم أن معدلي هو : 14.45
و نص الرسالة وصلني بالفرنسية كما يلي :
vous informe que vous etes admis au concours APSS .vous presenter a ENMAS - ELMARSA le 24 Mars a 10 heurs.
مبروك للناجحين وبالتوفيق للجميع .

ينبوع العسل

2013-03-20, 21:32

انا عندي 13.80 بالصح ماوصلني والوا .....................

اسيل امال

2013-03-20, 21:50

ممكن سؤال يعني يوم الاحد ان شاء الله نسجلو ولا نبداو نقراو ؟

khathir chine

2013-03-20, 22:10

نهار الأحد نروحو و نشوفو كيفاه .......... يا ربي أجعل خير ، خايف غير نمشي 400 كلم رايح جاي و تكون القضية مكانش منها خلاص ...............يا رب أجعل خير ............

اسيل امال

2013-03-20, 22:38

ان شاء الله انا اعتقد انا الخبر صحيح لان الرسالة وصلتنا من نفس الرقم ونفس الكلام مكتوب ولااعتقد انه يوجد من يعرف ارقام المشتركين لاننا من مختلف الولايات

djalika

2013-03-20, 23:26

السلام عليكم
أنا وصلني ميساج بلي ربحت بصح مانيش متأكد من الرقم ، أرجو من الناجحين أن يضعو رقم الهاتف الذي
أرسل الرسالة ...........و شكرا

الف مبروك الف مبروك تستاهل خويا من كل قلبي miran mira

ayoub_azerty

2013-03-21, 08:30

السلام عليكم
اتصلت بصديق يدرس في المدرسة هدا الصباح و قال لي بان sms لا اساس له من الصحة لانه استفسر و قالوا له ان الاعلان الرسمي عن النتائج لم يتم بعد .
و الله ولي التوفيق.

rima1979

2013-03-21, 08:36

صباح الخير أنا في الحقيقة لم يصلني شئ معدلي 12 وأظن لا أمل لدي
فيما يخص أصدقائي المعتادين أمير من تلمسان - سميرة من يشار - فاتح من الجزائر هل وصلتكم أي رسائل أخبروني أنتظر الرد حظ موفق للجميع

rais flex

2013-03-21, 08:43

مؤسسة رسمية تتعامل بالرسائل النصية قمة في التطور
لحد الساعة لم يحملوا انفسهم عناء وضع القائمة الاسمية للناجحين على الموقع الامر الذي لا يستغرق اكثر من 5 دقائق
انا شخصيا لم تدخل راسي فكرة الرسائل النصية و الله اعلم
و اذا كانت صحيحة فهي اشارة واضحة عن التهرب من وضع النتائج امام الكل لان الامر به كواليس لا نعلمها نحن
و انشاء الله رانا واجدين للطعون و للمحكمة الادارية

houssam06

2013-03-21, 09:56

السلام علينكم , كل شـــــــي مبروك للناجحين و حظ موفق للبقية ,
أنا عندي معدل 13,84 و متخرج من مدرســة الدراســات العليــا التجاريـــة تخصص مناجمنـــت و لكن لم يصلني شيء.
و الله شيء مؤ سف و عـــــــــــار كبيــــر ما يحدث اليوم و هذا عبـارة عن تهرب عن المسؤوليــة و قمة في البيروقراطية, في بلد يدعون فيه الديموقراطية, لا حول و لا قوة الا بالله العطيـــــــم

ali-bouira

2013-03-21, 10:08

السلام عليكم
انا عندي معدل 14
اول على الدفعة وصلني نفس الميساج البارح على 18.11
مي مانيش متاكد من صحته كاش ما علابالكم

houssam06

2013-03-21, 10:16

كل شـــــــي مبروك عليك خويا ali bouira

ali-bouira

2013-03-21, 10:19

يبارك فيك خويا حسام
مي مانيش عارف ادا صح ولا لالالالالالالالا

houssam06

2013-03-21, 10:26

نفس الرسالة في نفس التوقيت , لجميع المترشحين اللذين تفوق معدلاتهم 14

issamfbm

2013-03-21, 10:40

اذا كاينا صح هاذ النتائج ينشروهلنا فالموقع تاعهم لازم ما نسكتوش

bob chawi

2013-03-21, 10:42

أعتقد انه نتيجة للتأخر في الدخول الى المدرسة لهذه الدفعة فإنهم سرعوا في دخول الناجحين و ذلك ليوم هذا الأحد ثم بعد ذلك سيقومون بوضع قائمة الناجحين في الموقع الرسمي للمدرسة وذلك بعد اعلام كل المتسابقين الناجحين ....لأنه نفس الأمر الذي حدث لي في مسابقة الماستر حيث تمت مكالمتي من الجامعة بأنني مقبول فيه قبل أن تعلق قائمة الناجحين في موقع الجامعة بأسبوع .....يبدو أن إجراءات الادارة هكذا ....

issamfbm

2013-03-21, 10:42

حابين يخليو كل شيء سري و حنا نبقاو ناكلوا في بعضانا

amir-kennedy

2013-03-21, 10:49

صباح الخير أنا في الحقيقة لم يصلني شئ معدلي 12 وأظن لا أمل لدي
فيما يخص أصدقائي المعتادين أمير من تلمسان - سميرة من يشار - فاتح من الجزائر هل وصلتكم أي رسائل أخبروني أنتظر الرد حظ موفق للجميع

انا موصلني والو الاخت ريما عندي 14 معدل و اول الدفعة و ناس ب 13 راني نشوف ربحت بصحتهم و زيد مكان والو في السيت راني نصبر لنهار الاحد و يبان الرسمي
المهم الي ربح بعرقه و خدمته الله يباركله و بصحته
و الي جابها بالمعارف و ,,,,,,,,,,,,,,,,,,,,نقولو راك كليت حق ناس اخرين و روح شوف كيفاش تجاوب مولاك يوم لا ينفع مال و لا بنون سلام

houssam06

2013-03-21, 10:54

لا للســكو ت , ارجو من كل المترشحيـــن الطعن على هذه المهزلة

issamfbm

2013-03-21, 10:58

الاعوام لي فاتوا كامل كانوا ينشروا فالانترنيت و السنة بدلوا الطريقة لا خاطر فيها بن عميس
لازم نبقاو نعيطولهم فالتيليفون نكرهوهم حتى ينشروهم و ينشروا المعدلات لي نجحوا بيها باش تصفا النية و لي نجح ربي يباركلو

amir-kennedy

2013-03-21, 11:00

بالتوفيق للجميع

houssam06

2013-03-21, 11:03

اذا كان صــح ....... ادعوكم للحضور يوم الاحد في المدرسة للاحتجاج على الكارثة

nadal3omr

2013-03-21, 11:12

والله راكم حبستونا الراس كيفاه مدرسة قد الدنيا تتعامل بالsms

rais flex

2013-03-21, 11:14

قالك حقوق التسجيل لازم تفليكسيها في ارقم تاع ............0560
و قالك الدروس بعد السابعة و فقط للناس لي عاندهم الميلينيوم لان الدروس تلقى بالهاتف
و الامتحانات بالرسائل النصية و العلامة تجيك ميساج
الله ينعلكم هاذي سياسة في اسرائيل و ما تلقاهاش حرقتوا دم الناس

rima1979

2013-03-21, 11:16

أخت ندى كم معدلك هل وصلك إستدعاء

houssam06

2013-03-21, 11:29

خــــــــــــــــــــبــر عــــــــــــــــــــــــــــــــــاجــل :
المدرسة الوطنيـة لادارة الصحة enmas تصنع الحدث و تتـحدى البلدان الكبــرى في علم الاتصالات
و هذا بعد ابتكارها اغبى طريقة لاعلان النتائج و ذلك عبر ارسال sms من رقم محمــول
بـــــــــــــــلادي يــا بــــــلد المعجـــــــزات

nadal3omr

2013-03-21, 11:44

معدلي 13.16 ولم يصلني شي وأنا لا أصدق طريقة اعلان النتائج انها كارثة؟؟؟؟؟؟؟؟؟؟؟؟؟؟

harounito_21

2013-03-21, 12:37

السلام عليكم وصلتني نفس الرسالة على الساعة 18.04 بنفس المضمون وعلينا التقرب يوم الأحد قبل الساعة 10 مع العلم ان معدلي 15 وصديقي أيضا وصلته رسالة ومعدله 14 وبالتوفيق للجميع

amine eco

2013-03-21, 13:43

قالك حقوق التسجيل لازم تفليكسيها في ارقم تاع ............0560
و قالك الدروس بعد السابعة و فقط للناس لي عاندهم الميلينيوم لان الدروس تلقى بالهاتف
و الامتحانات بالرسائل النصية و العلامة تجيك ميساج
الله ينعلكم هاذي سياسة في اسرائيل و ما تلقاهاش حرقتوا دم الناس

ههههههههههه والله تحير مدرسة عليا ب sms هم يضحك وهم يبكي هههههههههه

rima1979

2013-03-21, 13:48

السلام عليكم
اتصلت بصديق يدرس في المدرسة هدا الصباح و قال لي بان sms لا اساس له من الصحة لانه استفسر و قالوا له ان الاعلان الرسمي عن النتائج لم يتم بعد .
و الله ولي التوفيق.

أخ ايوب من سطيف أرجوا ان تاكد لنا من خلال صديقك إذا كانت صحيح النتائج قد تمت ام لا أرجوك

nadal3omr

2013-03-21, 14:05

راني حايرة كيفاه صدقتو هذا الشي و اللي ماعندوش raison في البلاصة اللي يسكن فيها كيفاه يعرف بلي نجح جاوبوني ؟؟هذي اشاعة أنا ما نصدقهاش

rima1979

2013-03-21, 14:14

والله لم أعد أفهم شئ أخت ندى هل إشاءة ام حقيقة هذا كله راجع لأن المدرسة لم تضع النتائج
كان بالاحرى ان نرى بأعيننا حتى نصدق لا أن نبقى هكذا كالمجنين
أقول حسبي الله ونعم الوكيل

ayoub_azerty

2013-03-21, 14:31

سلام
تاكدت رسميا ان الذين وصلهم sms ناجحين في المسابقة مبروك
ولكن للاسف اول مرة في تاريخ المسابقات يعلن بهذه الطريقة عن النتائج التي تبدو غير شفافة تماما
الله لا تربحهم هدا واش نفدر نقول

rima1979

2013-03-21, 14:36

حسنا نقول مبروك للناجحين الذين يستحقوا هذا النجاح
ونحن لنا الله هو يتكفل بنا

nadal3omr

2013-03-21, 14:37

لاتصدقو أي شي يقال الموقع نتاعهم هو الصح أما هذه طريقة الاعلان بالsms لا يتقبلها العقل

ayoub_azerty

2013-03-21, 14:43

لا تكن حائر انت في بلد الغرائب مع العلم اني تاكدت رسميا لا مجال للشك
لي وصلو sms راهو ناجح

ينبوع العسل

2013-03-21, 14:57

انا لي محيرتني 90 واحد يبعثولوا sms بنيميروا واحد والاحتياط يبعثولهم ولا ماكانش

bob chawi

2013-03-21, 16:03

إخوتي أخواتي لقد زالت كل الشكوك حول مسألة رسائل sms ...قبل قليل تم الاتصال بي من نفس رقم الرسالة ، تحدثت مع موظف بالمدرسة و سألني عن وصول الرسالة بالأمس و دعاني الى اللتحاق بالمدرسة يوم الأحد صباحا .

ali-bouira

2013-03-21, 16:16

إخوتي أخواتي لقد زالت كل الشكوك حول مسألة رسائل sms ...قبل قليل تم الاتصال بي من نفس رقم الرسالة ، تحدثت مع موظف بالمدرسة و سألني عن وصول الرسالة بالأمس و دعاني الى اللتحاق بالمدرسة يوم الأحد صباحا .

نفس الشيء اخي الفاضل تم اتصال بي على الساعة 14.45 بالرقم 0560525796
و اخبرني نفس لي قالولك و قالي بالاحد ارواح للمدرسة
و كذلك استاذي في الماستر هو استاذ كذلك في المدرسة اكد لي الخبر
الف مبروك للجميع
و الحمد لله الذي وفقنا وحده لا غير

fateh amana

2013-03-21, 16:34

السلام عليكم
الرسائل صحيحة و الطريقة غير قانونية
معدلي 13.96 + أول الدفعة و لم يصلني شيء
حسبي الله وحده و نعم الوكيل

ادعوكم للتنظيم و التفكير في حل.

c.moiyanis

2013-03-21, 16:38

كاش جديد!!!!

fateh amana

2013-03-21, 16:45

الجديد هو
ان ال90 طالب بانو

nadal3omr

2013-03-21, 17:28

حسبي الله ونعم الوكيل

khathir chine

2013-03-21, 17:38

يا جماعة انا أيضا وصلتني رسالة البارحة و أيضا اتصلو بي هذا المساء من أجل التأكيد علي بالالتحاق يوم الأحد .....مبروووك للناجحين و حظ أوفر للبقية ............إن شاء الله خير

nadal3omr

2013-03-21, 18:50

والله هده مهزلة بأتم معنى الكلمة أغرب طريقة لاعلان النتائج في العالم

Noura-01

2013-03-21, 19:03

ههههههه انا بيباولي
واش هدا التمسخير راهو كاين الموقع علاش ميديروش فيه النتائج ويهنونا باش كل واحد يعرف روحو
ربي يوفقنا ان شاء الله هدا مكان

nadal3omr

2013-03-21, 21:11

Hadi el tarika ghair 9anounia wa yomkinona el ta3n fi el nataij

hicham_mrk

2013-03-21, 21:16

مبروووك للناجحين و ربي يوفق البقية للخير

بمأن النتائج الرسمية لم توضع في الموقع حبيت انسقسي الإخوة اللي اتاصلو بيهم

كي اتاصلو بيكم و طلبوا منكم القدوم للمدرسة يوم الأحد هل حددوا الغرض:

من أجل اجتياز اختبار اخر شفوي مثلا ولا من أجل الإطلاع على النتائج، التسجيل، أم الشروع في التكوين

مبروووك للناجحين و ربي يوفق البقية للخير

fateh amana

2013-03-21, 21:17

النتائج مشكوك فيها 100%
والله العظيم غير كاين فيها ان و أخواتها

الموقع موجود و الوظيف العمومي موجود ........... لكن ال sms هو اللي غير معقول
أنا والله تبانلي باللي 50% معريفة لهذا خافوا من الاعلان الرسمي
................. ارجوكم سؤال فقط............................
* اذا كانت القائمة كلها بدون معريفة -لماذا الخوف من الاعلان الرسمي
* المفروض هو " أن يتم نشر القائمة بالترتيب التنازلي من 01 الى 1500 لتكون الشفافية
......................... كرهتك يا بلادي البلاد هذي اللي دعاها مات.
و السلام ختام

خليل 1984

2013-03-21, 21:28

انا منكر كل ماورد بالإعلان عن النتائج بهذه الطريقة .صبحان الله هذي بلاد لازم فيها ثووووووووووووووووووووووووورة
البلاد عدة نحس بيها تاع امليها و أحنا فيها غاشي برك .

rima1979

2013-03-21, 21:37

حسبي الله ونعم الوكيل لكل شخص أخذ مكان أحد

hicham_mrk

2013-03-21, 21:38

يا جماعة بالنسبة لطريقة تبليغ الناجحين عن طريق الهاتف

فالقانون الذي ينظم المسابقات و الامتحانات يعطي الحق للإدارة إبلاغ الناجحين بأي طريقة تراها ملائمة

أما قوائم النجاح النهائي والقوائم الاحتياطية فيجب نشرها لا محالة عاجلا أم آجلا، هذا من حقنا

و بالتالي فالقوائم النهائية ستنشر و لكن متى ستقرر الإدارة ذلك و لماذا هذا التأخر؟ الله أعلم

مرسوم تنفيذي رقم 194 -12 مؤرخ في 3 جمادى الثانية عام 1433 الموافق لـ 25 أبريل سنة 2012
يحدد كيفيات تنظيم المسابقات والامتحانات والفحوص المهنية في المؤسسات والإدارات العمومية وإجرائها

jia-smile

2013-03-21, 22:44

ياسبحان الله عجب والله غير عجب
الموقع كاين ويبعثو النتائج بلي ميساج
كيفاه هدا الي عندو 11 ينجح كيفاه
وخونا fateh amana الاول على الدفعة وماينجحش
هنا تأكدت صح بلي نصهم معريفة صح
حسبي الله ونعم الوكيل
ملي سجلنا واحنا على اعصابنا
عقبناا الكونكور وبقينا شهرين على اعصابنا
ممبعد يبعثو النتائج !sms
ياسيدي يقيمونا على الاقل ويديرو العدل برك فالاعلان عن النتائج هذا اقل حق عندنا
بزااف والله غير بزاف
استغفر الله

fateh amana

2013-03-21, 23:10

انا الاول على الدفعة + معدل جيد
المقابلة الشفهية شكروني فيها كثيرا و قالولي انشاءالله راك معانا. و قالولي عندك ثقافة و اسلوب و شخصية
.................................................. .................
في الاخير "اعلان النتائج بالـ sms
.................................................. ....................
كم انت عظيمة يا بلادي
.................................................. .....................
كم كرهتك يا بلادي

nadal3omr

2013-03-22, 21:45

سلام ، راني نشوفكم سكتو ياجماعة والله قلبي راه يغلي باين من طريقة الاعلان ان الانتقاء لم يكن بشفافية بل بمعرفية صحيحة فكرونو في حل و رانا معاكم الى متى ونحن نتفرج على أكل حقوقنا في جميع المجالات

minou1183

2013-03-22, 21:53

يا أختي أنا الشيء لي فهمتو أنهم رايحين يلمو الغاشي يعني 90 ناجح لي مضمونين باش يروحو يقراو، ومبعد يافيشيو القائمة في الموقع تاعهم، عليها راهم يبعتولهم في ليميساج ويعطولهم في البورتابل.

nadal3omr

2013-03-22, 21:59

اخي الكريم كي تبدا الناس تقرا واش من فايدة كي يافيشو ثم مانقدرو نديرو والو

walido_star

2013-03-22, 22:18

لازم الطعن في النتائج ، والتحقق من صحتها

minou1183

2013-03-22, 22:25

هادي الطريقة داروها تاع الجمارك في مسابقة المفتشين الرئيسيين، اتصلوا بالناجحين لمو 50 لي ضمنوهم يجيو يديرو التكوين ومبعد أفيشاو في الموقع 50 ناجح وماكانش الاحتياط.

samira08

2013-03-22, 22:33

salam ana hada win sma3t lakhber mlih rabi ywafek ljami3

houssam06

2013-03-23, 01:57

السلام عليكم
أقترح ان ننتـقل الى المدرسة يوم الأحـــــد للاحتجاج على هذه المهزلة و نقدم طعن جمــــاعي لكل الاطراف المعنية.... من يوافقني الرأي؟

fateh amana

2013-03-23, 10:34

انا أول من سيطعن يوم الاحد بأذن الله -فاتح-

merzouguiyoucef

2013-03-23, 11:30

بالتوفيــــــــــــــــــــــق

nadal3omr

2013-03-23, 11:56

السلام عليكم بما ان النتائج ما تافيشاتش هل يمكننا الطعن يا أخ fateh ??

safir hydra

2013-03-23, 13:44

هل صحيح هذه الأخبار عن sms ام هي اشاعات
شكرا لكم

issamfbm

2013-03-23, 13:51

هل صحيح هذه الأخبار عن sms ام هي اشاعات
شكرا لكم

راهي صحيحة كلش ممكن في هاذ البلاد

lotfi16070

2013-03-23, 15:53

désolé mon frere mais c vrai par sms jai un ami a moi qui a aussi recu un sms jeudi hadahoua maktoubna

غزال الجزائر

2013-03-23, 19:07

ya djema3a rabi makatabanach ndjibooh o na7amdo allah 3la kolchi sob7ano maykatabalna ghir ali fih el khir lina

noureddine biskra

2013-03-24, 09:55

الدراسة بدات اليوم الاحد ................النتائج كانت عن طريق الهاتف ......على خاطر راهم خايفين من القائمة نتاع المعريفة .....هاذي هي جزائر الشفافية ....ومدرسة الاطارات المتعفنة كقطاع الصحة المتعفن ....فمزيدا من الرداءة في وزارة المرض وتخريب المستشفيات

rais flex

2013-03-24, 10:18

السلام عبيكم
يا خاوتي معليش ربي يجب الخير ان شاء الله راني حتى انا معاكم بالرغم عندي 15 معدل السنة الاخيرة و 07 سنوات خبرة كموظف مرسم و شهادة تحكم في اللغة الفرنسية و الانجليزية غير ان الشرط الاساسي للنجاح ينقصني و هو المعريفة فلم اوفق
انا انصحكم من تجربتي، كنت اتمنى ان اعمل بالمكان الذي اعمل به حاليا الا انني بعد ما وفقني الله في منصب عمل حيث اردت ندمت ندم شديد و تفاجاة بالتعفن الذي هو عليه و لذك انصحكم لا يدري الانسان الخير اين
انا شخصيا كما قلت لكم سابقا جو هذه المدرسة لم يعجبني و لم يقنعني، اقسم لكم ان الخبرة المتواضعة التي امتلكها اكثر من خبرة الذي اجر لي المقابلة لدرجة انه كفى عن الاسئلة و اصبح يتحاور معي في مواضيع عامة و من حديثي معه خرجت بخلاصة:
المقابلة اجراء شكلي فقط و الناجحين امورهم منظمة من قبل المسابقة
و عليه يا اخوتي يا اولاد الشعب البسيط و الزوالي حتى و ان وفقتم سوف تجدون العديد من العراقيل بهذه المدرسة حيث اعرف بعض الاشخاص الذين تمكنوا من النجاح في السنوات السابقة لما كان الاختبار كتابي، حيث عند انتهائهم من الدراسة تم تعيينهم في مناطق صحراوية نائية و اولاد القطن تم تعينهم في اكبر المستشفيات و المخابر الوطنية
و الخير فيما اختار الله و ربي يوقفكم في الاتي ان شاء الله

fateh amana

2013-03-24, 10:50

السلام عليكم صباحكم سعيد

أوافقك الرأي أخي 100% "rais flex"

Noura-01

2013-03-24, 11:26

السلام عليكم

كم كنت اتمنى الدخول الى هده المدرسه

ولكن للاسف

rima1979

2013-03-24, 11:42

صباح الخير كيف حالكم ربما حان الوقت لننسى هذة المدرسة فبقدر حب الكبير للدراسة فيها إلا انني لم أعد أريد الحديث عنها

zangalo011

2013-03-24, 13:02

يا إخواني إذا كانت النتائج بالأساماس فهذه حجة ضعيفة يعني لي معندوش التيليفون راح سيزي ولي كان التيليفون تاعوا أمبان ملحقوش الميساج محشيتلوا يا إخواني ستظهر النتائج في الموقع ما تكسروش راسكم عاجلا أم آجلا

أو ماتخافوش رانا قاع خايفين

nadal3omr

2013-03-24, 14:40

يعطيك الصحة أخ rais flex والله كلامك دوا كيما يقولو لازم نتوقعو أي شي في البلاد هاذي.

issamfbm

2013-03-24, 14:41

[QUOTE=zangalo011;13417591]يا إخواني إذا كانت النتائج بالأساماس فهذه حجة ضعيفة يعني لي معندوش التيليفون راح سيزي ولي كان التيليفون تاعوا أمبان ملحقوش الميساج محشيتلوا يا إخواني ستظهر النتائج في الموقع ما تكسروش راسكم عاجلا أم آجلا

كيما دارو المرة الاولى كي نشروا قائمة الناس المعنيين بالمسابقة في موقع الانترنيت و بعثوا الاستدعاءات بعد نهاية المسابقة بايام و كاين ناس ما عندهمش الانترنيت دفعوا الملفات و بقاو يستناو و الناس لي
جاو للمسابقة لاحظوا غياب عدد كبير من المترشحين للمسابقة و هذا دليل على ان الاماكن محجوزة و نظموا مسابقة شكلية
فقط و ما يهمش اذا حضروا الناس كامل و لا لا

youcef-leader

2013-03-24, 15:29

السلام عليكم و رحمة الله
من المفروض ان النتائج قد ظهرت
بعثولهم sms في هواتفهم
و اليوم الاحد 24/03/2013 التحقوا بالمدرسة

fateh amana

2013-03-24, 16:58

لن يظهر أي شيء بالموقع.
لا تنتظروا أي جديد. اللي فات مات نسيتو ...

hamzalgeria

2013-03-24, 17:39

سلام عليكم
مكاش كاش واحد راح للمدرسة و جابلنا قائمة الناجحين ؟؟؟؟؟؟

samira08

2013-03-24, 18:34

سلام و الرحمة اخواني ارجوكم ارحمو انفسكم صحيح تعلقنا بالنجاح لكن عندما لا ننجح لا نكلف انفسنا الحمد لله على كل حال....عن نفسي صليت صلاة استخارة و لم انجح سابرهن عدم نجاحي بعدم المنفعة لي في هدا النجاح و نحمد ربي على كل شيء سواء ربح او خسارة و مكتابنا مازال ما لحق مبروك على الناجحين و عقبال لينا كما اليوم ان شاء الله

fateh amana

2013-03-24, 19:05

نريد أن نرى قائمة الناجحين

nadal3omr

2013-03-24, 19:19

نعم نريد أن نرى قائمة الناجحين وهدا حقنا القانوني

minou1183

2013-03-24, 20:27

مبروك مرة أخرى للناجحين
بما أنه اليوم 24 مارس ونورمالمو راكم التحقتم، هل تم التحاق 90 ناجح بالفعل ؟؟

fateh amana

2013-03-25, 19:38

أظن أنه لم يعد أحد مهتم بالمدرسة الوطنية للمانجمنت و أصحاب المعارف.

rima1979

2013-03-25, 19:59

سلام أخ فتحي ما الفائدة الأن من الحديث أنا خصوصا لم تصبج
تهمني لانني لا أستطيع المشاركة مرة أخري لان السن يلعب دور عندهم

fateh amana

2013-03-25, 21:06

أخر الأخبار من عند أحد الناجحين بالمدرسة
قامو بعملية التسجيل و الغرف
الدراسة تبدأ الأحد. و لن يكون هناك اعلان للقائمة .

nadal3omr

2013-03-25, 21:13

Salem leljami3 seme3t bely les resultat rahom mafichine f l'ecole wmaidirouhemeche fi sute nta3hom l

reda-tlemceni

2013-03-26, 10:41

ال السلام عليكم انا عندي اخ نجح في الالتحاق ب enmas و قال لي بان 86 من ناجحين جاو للمدرسة اما بانسبة للقائمة الاحتياطية فلا توجد و ان معظم الناجحين عندهم معدل 16
بالتوفيق للجميع و شكراااااااااااا

azzedine13000

2013-03-26, 11:45

Reda tlemceni ana tayni tlemcen ida habite contacte moi skkkkyyyypppeee bachlor10 merci

reda-tlemceni

2013-03-26, 12:30

ok sahbi ***** ta3i redha_messi

reda-tlemceni

2013-03-26, 12:51

ya khouya ltah9o ghir 86 9alak 4 majawch

reda-tlemceni

2013-03-26, 12:52

مبروك مرة أخرى للناجحين
بما أنه اليوم 24 مارس ونورمالمو راكم التحقتم، هل تم التحاق 90 ناجح بالفعل ؟؟

4 maltah9ooooch

nadal3omr

2013-03-26, 16:17

أنا نعرف وحدة عندها المعدل 10 وب ratrappage وجابتو مكانش منها قاع الي لتحقو عندهم 16

zangalo011

2013-03-26, 19:16

يا إخواني هل صحيح تم إعلان النتائج في المدرسة هل هذا خبر صحيح

nadal3omr

2013-03-27, 13:21

سلام عليكم سمعت أنهم أعلنو النتائج في المدرسة ولكن هذا غير صحيح لم يعلنو شى فقط أرسلو رسائل sms

issamfbm

2013-03-27, 13:36

خويا ممكن اعلنوعليها في باب المدرسة ماشي فالموقع تاعهم لكنهم بعثوا الخميس لي فات رسائل للناحجين عبر sms و نهار الاحد بداو التكوين كيما انا ما قدرتش نروح لمدرسة على خاطر بعيدة عليا ب 600 كم بزاف المهم خويا نقدروا ننساوها و نروحوا لمسابقات اخرين
و ربي ينحجنا كاملين و يعوضنا على التعب المعنوي و المادي لي رانا نعيشوا فيه يوميا.

zakariamed

2013-04-08, 13:07

هل من جديد عن الدراسة

kerrouchesaid

2013-04-09, 22:41

الجماعة راهي تدير في الستاج

amine eco

2013-04-10, 00:40

لي كانو في منتدى و ربحو اعطونا شويا معلومات على قائمة الناجحين

nadal3omr

2013-04-10, 13:36

توحشناكم كيفاه راها أحوالكم ؟؟؟والناجحين كيف الدراسة؟؟