♥○♥ تريدون نصآئح ....لديكم استفسآرآت بخصوص ال bem .....*بسمة* هنآ للمساعدة♥○♥

[*بسمة*]

السلام عليكم يا طلاب السنة الرابعة متوسط ~

كما يعلم الجميع ....لم يتبقى الكثير على امتحانات شهادة التعليم المتوسط ،،

و بلا شك لدى البعض منكم استفسارات بخصوص الامتحانات ...

لذا قمت بكتابة هذا الموضوع ...و ذلك كوني اجتزت الامتحانات السنة الماضية ~~

لاتترددوا و اكتبوا جميع أسألتكم ......و سأرد عليها ان شآء الله ....

♥♥♥♥♥

[fares5]

السلام عليكم

جزاك الله خيرا على هذه المبادرة أما استفساري:

مع الشروع في الفصل الثاني بدأت أنسى الفصل الأول ولا أجد الوقت لمراجعة ما درسناه خلال الفصل 1

ماذا عنك كيف وفقت بمراجعة الفصول الثلاث ؟؟

[أنا جسر السعادة]

كيف كان شعورك و كيف حضرت لها و كم اخذت المعدل

[fares5]

خلال أوقات الاختبارات أتوتر ولا أعرف كيف أراجع

رغم أنني أضع جدولا ولكن لا أستطيع التقيد به

++++

الفيزياء هل نحن مطالبون بحفظ جميع الشوارد؟؟

عذرا على كثرة استفساراتي

[*بسمة*]

السلام عليكم

جزاك الله خيرا على هذه المبادرة أما استفساري:

مع الشروع في الفصل الثاني بدأت أنسى الفصل الأول ولا أجد الوقت لمراجعة ما درسناه خلال الفصل 1

ماذا عنك كيف وفقت بمراجعة الفصول الثلاث ؟؟

هذا من دواعي سروري ،

بصراحة أخي انا مابديتش نحفظ حتى بعد انتهاء الفصل الثاني بصح المواد تاع الفهامة كنت مركزة عليهم مليح يعني من الفصل الاول كي نديرو

درس في الرياضيات او الفيزياء او العلوم نعاود نراجع ،، بصح مواد الحفيظة كنت نحفظهاغير للاختبارات الفصلية و بعد الفصل الثاني بديت نعاود

الحفظ من الاول + راح يعطوكم فترة قبل الامتحانات باش تحفظو و تراجعو و راح تكون كافية ،، المهم انك تكون فاهم مليح المواد لي ماتحتاج

للحفيظة باش يباقلك الوقت للحفظ ~

[*بسمة*]

كيف كان شعورك و كيف حضرت لها و كم اخذت المعدل

طبعا كنت متوترة قليلا .... لكن اكثر ما أحسست به هو الحماسة و التحدي باني سأحقق ما أريد ،،

تحضيري كان عادي ...نفهم + نحفظ + نراجع + نثق في ربي و في روحي ،، و ماكاش حاجة مستحيلة ~

معدلي كان 18 ~

[〆 بٰٰاولو 乄]

مرسي ختو الله يحفظك + كيفاش كان شعوركم كي تجاوزتو البيام

[*بسمة*]

خلال أوقات الاختبارات أتوتر ولا أعرف كيف أراجع

رغم أنني أضع جدولا ولكن لا أستطيع التقيد به

++++

الفيزياء هل نحن مطالبون بحفظ جميع الشوارد؟؟

عذرا على كثرة استفساراتي



ذكرتني بنفسي العام الماضي .....حتى أنا كنت اضع جداول لكن لم أتقيد بها اطلآقآ ...بديت نحفظ و نراجع بالمزاج برك ،،

بصح في الاختبارات الفصلية كنت نقدم مواد الحفيظة و كي نكمل نروح نراجع المواد تاع الفهامة ~

ما تحفضش جميع الشوارد غير المهمة برك لانو هي لي دايما طيح في الامتحانات ~~


+ انا هنا لاي مساعدة :)

[fares5]

أنا كذلك قررت أبدأ بمواد الحفظ ثم المواد العلمية

أجد صعوبة في الإنتقال من مادة أدبية الى مادة علمية

مثلا لما أراجع التاريخ ثم انتقل الى الرياضيات أجد صعوبة كبيرة

وأحس بالكسل

هل يحدث معكم ؟؟

[fares5]

كم مدة نومك تقريبا وهل كنت تدرسين لساعات متأخرة ؟؟

[*بسمة*]

مرسي ختو الله يحفظك + كيفاش كان شعوركم كي تجاوزتو البيام

العفو أخي ،
كنت متحمسة جدا + كنت واثقة بلي راني مراجعة و حافظة مليح يعني لا داعي للخوف مي كنت متوترة شوية ~~

اما بعد الاكتحانات فهي الفترة الاصعب ...فترة الانتظار ،، تمر و كأنها سنوات~~

[*بسمة*]

كم مدة نومك تقريبا وهل كنت تدرسين لساعات متأخرة ؟؟

كنت نرقد عادي ....و ماكنتش نقرا في الليل

بلا ما تعيي روحك لاخاطرش يعطوكم فترة قبل الامتحانات باش تراجعوا~~

[الدرّة المصونة]

Merci sister Basma
c'est gentille

[- الياس -]

السلام عليكم

أولا شكرا على هذه المبادرة أما بعد


-انا في بعض الأحيان اريد طريقة حفظ للاختبارات تجعلني لا انسى لذا اريد المساعدة منك ؟

-ما هي الأوقات التي كنت تراجعينا فيها للاختبارات ؟

أشكرك

[mana98]

سلام
انا عندي استفسار
انت تقولين انا معدلك 18 هذا يعني انو مستواك الدراسي عالي ونفسيتك و تحديك يكوت قوي ومتكونيش خايفة ومتوترة عكس الي يكون معدلو مثلا 12 او 14 يكون في اشد التوتر
وبما يخص المواد الحفض اجد صعوبة شديدا في ترسيخها في ذهني وسرعان ما انساها مثلا نرجع الي قال بلي راه نسي دروس نتاع الفصل الاول انا دروسي تاع الفروض (الحفض) نسيتهم والمشكلة انها قالتلنا انو نفس الدروس تاع الفرض يطيح في الاختبارات واحنا الاختبارات نبداهم في يوم 26 -2-2013 وفي النهار هذاك عدنا اجتماعيات ومدنية فكيف بوسعي ان انضم وقتي وان افتح شهيتي للحفض واسف عليكثرة اسئلتي مع تحياتي

[0Girl0]

بسمة شكرااا على المساعدة
العام لي فات كنتي
دايرة الكووور

[سلسبيل123]

ربي يخليك اعضيني نصائح
تفيد ني لكي اجتاز الخوف وشكرا

[*بسمة*]

السلام عليكم

أولا شكرا على هذه المبادرة أما بعد


-انا في بعض الأحيان اريد طريقة حفظ للاختبارات تجعلني لا انسى لذا اريد المساعدة منك ؟

-ما هي الأوقات التي كنت تراجعينا فيها للاختبارات ؟

أشكرك

العفو ،

الطريقة ساهلة انا كنت كي نحب نحفظ نقرا الدرس و ممبعد نسجل الافكار المهمة في ورقة اخرى نفهم هادوك الافكار و نقعد غير نعاود فيهم

حتى نلقى روحي حافظتهم و تأكد بلي كي تفهم الفكرة الحفظ يجيك ساهل ~

+ طريقة اخرى كنت نديرها مع الدروس الطوال تاع التاريخ كنت ترجع الدرس كيما القصة و نقعد نحكي فيها و هاد الطريقة تاع الصح عاونتني
لانو ماشي المهم تحفظ كلمة بكلمة ،،

ادا كنت تقصد الاختبارات الفصلية فكنت نراجع في الصباح ادا كان الاتحان في العشية و لا نراجع في العشية ادا كان الامتحان في الصباح و

دايما نقدم مواد الحفيظة باش نتهنى منهم و نراجع براحتي ~

اما في البيام كنت نحفظ و نراجع على حساب مزاجي و اكثر الاوقات في العشية ،

نتمنى نكون افدتك و اي استفسارات راني هنآ ~

[*بسمة*]

أنا كذلك قررت أبدأ بمواد الحفظ ثم المواد العلمية

أجد صعوبة في الإنتقال من مادة أدبية الى مادة علمية

مثلا لما أراجع التاريخ ثم انتقل الى الرياضيات أجد صعوبة كبيرة

وأحس بالكسل

هل يحدث معكم ؟؟

جرب ان تبدأ بمادة علمية ثم ادبية ربما تناسبك هذه الطريقة ........انا بعكسك فعندما انتهي من مادة ادبية احس بالنشاط لاني نحب كي نراجع المواد العلمية

و ماشي شرط تحفظ كلش يكفي تفهم ~

[*بسمة*]

سلام
انا عندي استفسار
انت تقولين انا معدلك 18 هذا يعني انو مستواك الدراسي عالي ونفسيتك و تحديك يكوت قوي ومتكونيش خايفة ومتوترة عكس الي يكون معدلو مثلا 12 او 14 يكون في اشد التوتر
وبما يخص المواد الحفض اجد صعوبة شديدا في ترسيخها في ذهني وسرعان ما انساها مثلا نرجع الي قال بلي راه نسي دروس نتاع الفصل الاول انا دروسي تاع الفروض (الحفض) نسيتهم والمشكلة انها قالتلنا انو نفس الدروس تاع الفرض يطيح في الاختبارات واحنا الاختبارات نبداهم في يوم 26 -2-2013 وفي النهار هذاك عدنا اجتماعيات ومدنية فكيف بوسعي ان انضم وقتي وان افتح شهيتي للحفض واسف عليكثرة اسئلتي مع تحياتي

مهما كان معدك أختي مايهمش المهم انو تكوني واثقة من روحك + تكون عندك قاعدة مليحة ....و حتى انا ماكنش نجيب 18 في العام مي جبتها

في البيام ~

اختي الحل تاع الحفاظة هو ترجعيها مسلية حاولي ترجعي الدرس كيما القصة يعني ماتحظيش كلمة بكلة بصح افهمي جربي هاد الطريقة و ان

شاء الله تفيدك ~~

بالنسبة ليك قدمي المدنية لاخاطرش ساهلة و ماتديش بزاف وقت حولي الدرس لافكار افهميمي مليح ووحدهم راح يدخلو في راسك ، و نفس

الطريقة مع الجغرافيا ،، اما التاريخ رجعيه كالقصة ~~

ان شاء الله نكون ساعدتك و لو قليلا ;)

[*بسمة*]

بسمة شكرااا على المساعدة
العام لي فات كنتي
دايرة الكووور

نعم كنت ندير دروس خصوصوية في الفيزياء ~

اي اسألة خرى ؟

[*بسمة*]

ربي يخليك اعضيني نصائح
تفيد ني لكي اجتاز الخوف وشكرا

لازم تتاكدي بلي ادا كنت مراجعة و حافطة مليح ماكان حتى سبب باش تخافي ،،

يعني خدي بالاسباب و توكلي على ربي .....و ان شآء الله التوفيق من نصيبك ~~

[آح ـآسيس مڪتومہ ≈]

زميلاتي غيورات جدا

يعاملنني بطريقة فظة

ليس مثل الفصل الاول لا أعرف ماذا تغير ؟؟

لا أعرف .... ينظرن نظرات خبيثة طوال الوقت

كيف سأتعامل معهن

=======================

لقد وضعت استفساراتي بعضوية fares5

شكرا على الاجابة جزاك الله خيرا

[آح ـآسيس مڪتومہ ≈]

أضيع الكثير من الوقت أمام الأنترنت في البحث

لكن لا أجد نتيجة .. كيف اردع نفسي عن هذه العادة السيئة ؟؟

=====================================

ممكن نصائح لتحسين وضعية العربية كذلك الفرنسية

[*بسمة*]

زميلاتي غيورات جدا

يعاملنني بطريقة فظة

ليس مثل الفصل الاول لا أعرف ماذا تغير ؟؟

لا أعرف .... ينظرن نظرات خبيثة طوال الوقت

كيف سأتعامل معهن

=======================

لقد وضعت استفساراتي بعضوية fares5

شكرا على الاجابة جزاك الله خيرا


أختي في كل الاحوال لآ تهتمي واحد ماراح ينفعك ... ركزي في قرايتك ،،

كون معاهم عادية ديري كلي ماكاين والو ...مادام غيرة الله يهديهم ،، و حاولي ماديرش خلافات معاهم ~~

ربي يوفقك ، ~

اذن عضوية fares5 لك ...المهم أي مساعدة أنا هنآ ~

[*بسمة*]

أضيع الكثير من الوقت أمام الأنترنت في البحث

لكن لا أجد نتيجة .. كيف اردع نفسي عن هذه العادة السيئة ؟؟

=====================================

ممكن نصائح لتحسين وضعية العربية كذلك الفرنسية

ديري كيما كنت ندير العام ليفات .......كنت كي مانحبش نضيع وقتي بلا فايدة في الانترنت ندير موضوع تاع

مراجعة و نبدا نحل في التمارين مع الاعضاء و نطرح أسئلة على دروس مانكونش فاهمتهم مليح و هكا نستفاد بطريقة ممتعة ~ يعني ماشي المهم تبعدي على الانترن المهم هوكيفاش ترجعي الانترنت في صالحك ~

بالنسبة لوضعية العربية و الفرنسية يكفي تطالعي مجموعة من الكتب ~

[*بسمة*]

................................................

[el-hanouna]

بسمة أنا متوترة جدآ و أ،ا خائفة منالوقتكونميكفينيش
و خائفة كدلكمننسيانبعض الدروسس
يا إلهي مادا أفعل

و العلومماني حافظةوآآلو
++أستادةمحبتش تشرحلنا 2 دروسس لخرين
قالتلنا روحو تروحو راهمساهلين تقدرو تحفظوهم

[*بسمة*]

بسمة أنا متوترة جدآ و أ،ا خائفة منالوقتكونميكفينيش
و خائفة كدلكمننسيانبعض الدروسس
يا إلهي مادا أفعل

و العلومماني حافظةوآآلو
++أستادةمحبتش تشرحلنا 2 دروسس لخرين
قالتلنا روحو تروحو راهمساهلين تقدرو تحفظوهم


أختي الحل الوحيد باش نتحي الخوف هو اديري الي عليك .....يعني حاولي تكوني فاهمة كلشي { هدا ادا كنت باغية تجيبي معدل شباب }،

+ العلوم ماشي مادة تآع حفظ ...استعيني بكاش كتاب باش تفهمي ،، و ادا بغيتي نقدر نعاونك فيهم

[نوال كوتير]

انا احتاج لملخصات ت مدنية في اقرب وقت بليزززززززززززززززز

[منار العلم]

بسمة أنا عندي عرقلة في العلوم
أنا راجعتها يوم كامل من الصبح لليل
واليوم لي بعده درنا الفرض
تصوري نقطتي؟؟
6/20
انصدمت جدا
واصبحت أمل كثيرا عندما ألاحظ كراسها فوق المكتب
أمل من لادراسة للمواد الأخرى
كيف أتجاوزهآ ؟؟
وكيف أراجعها ؟؟
هل تستحق يوما كاملا؟
+
بقي لي حفظ الجغرافيا + الوحدة الاخير من التاريخ+المدنية+الاسلامية
أي اقتراح لتنظيـم الوقت ؟؟
مع العلم امتحاناتي في 22ماي
وأريد أن أترك أياما كافية للمواد العلمية واللغوية

[ahmed40]

السلام عليكم
انا خافية من التاريخ الاسئلة الغير مباشرة لدلك اريد التعلود عليها هنا

[sacha.dz]

السلام عليكم
جزاكــِ الله خيرًا على هذِه المبـادرة الطيبة
أما بــعد إستفساري هـو عن : كيفية تنظيم ورقة الإجابة و تقسيم الوقت داخل قاعة الإمتحان و كذلك عن كيفية تنظيم الوقت في البيت لكي أراجع بطريقة منظمة و كذلك أنا لا أركز كثيرا في الإمتحانات هل من حل ؟؟

[منار العلم]

وين ردددددددددددددددددددددددددك

[شَمعة أملْ]

مرحبا اختي
اواجه مشكلة مع اللغة الفرنسية
او بالاحرى..مع اللمادة!!
علاماتي القصوى فيها 13/14!!
ما الحل؟؟

[*بسمة*]

بسمة أنا عندي عرقلة في العلوم
أنا راجعتها يوم كامل من الصبح لليل
واليوم لي بعده درنا الفرض
تصوري نقطتي؟؟
6/20
انصدمت جدا
واصبحت أمل كثيرا عندما ألاحظ كراسها فوق المكتب
أمل من لادراسة للمواد الأخرى
كيف أتجاوزهآ ؟؟
وكيف أراجعها ؟؟
هل تستحق يوما كاملا؟
+
بقي لي حفظ الجغرافيا + الوحدة الاخير من التاريخ+المدنية+الاسلامية
أي اقتراح لتنظيـم الوقت ؟؟
هه مع العلم امتحاناتي في 22ماي
وأريد أن أترك أياما كافية للمواي للمواد العلمية واللغوية

آسفة للرد المتأخر .... لآ تهتمي بنقاطك الآن ....أفضل طريقة هي أنك تحلي مواضيع الشهادات السابقة في العلوم باش تتعرفي اكتر على طريقة طرح الاسألة ،، ابداي بالحفظ الان ....و كي تكملي روح للمواد العلمية ~

[*بسمة*]

السلام عليكم
انا خافية من التاريخ الاسئلة الغير مباشرة لدلك اريد التعلود عليها هنا

متلا كون يعطوك ربط او ترتيب احدات ديري التاواريخ ....

[*بسمة*]

السلام عليكم
جزاكــِ الله خيرًا على هذِه المبـادرة الطيبة
أما بــعد إستفساري هـو عن : كيفية تنظيم ورقة الإجابة و تقسيم الوقت داخل قاعة الإمتحان و كذلك عن كيفية تنظيم الوقت في البيت لكي أراجع بطريقة منظمة و كذلك أنا لا أركز كثيرا في الإمتحانات هل من حل ؟؟

تكتبي غير لون واحد + في الامتحان ما تخرجيش بكري و ادا زدتي ورقة تاكدي بلي لصقوهالك + باش تركزي لازم اديري في بالك بلي لازم تجيبي مليح و كي يعطوك الموضوع ماتخليش التركيز تاعك يروح ادا عيطولك اش تلاميذ و اهم شيء هو عدم التسرع في الاجابة لنو مرات لواي تاع الامتحان يخلاصو ،، ~بالتوفيق~

[bouchra_mosta]

~~مشكورة ختي بسمة على المبادرة لي نتمنى نستفيد منها ومن تجربتك ~~

~~تقدري تعطيني نصيحة باش نقدر نحفظ تواريخ مادة التاريخ بلا منخلط بيناتهم~~

♥♥♥♥♥♥

☺☺☺

[*بسمة*]

مرحبا اختي
اواجه مشكلة مع اللغة الفرنسية
او بالاحرى..مع اللمادة!!
علاماتي القصوى فيها 13/14!!
ما الحل؟؟


حلي شهادات السنوات الماضية ، بالاضافة ان مواضيع الشهادة سهلة ...و ماشي صعيب تدي اكتر من 13 ~

[*بسمة*]

~~مشكورة ختي بسمة على المبادرة لي نتمنى نستفيد منها ومن تجربتك ~~

~~تقدري تعطيني نصيحة باش نقدر نحفظ تواريخ مادة التاريخ بلا منخلط بيناتهم~~

♥♥♥♥♥♥

☺☺☺


العفو أختي ، اول حاجة لازم تعرفي تسلسل الاحداث ...هادا يعاونك باش ما تتخلطيش + انا كنت كي نتخلط نحفظ غير السنة برك ~

[sousou1998]

انا خائفة من مادة الرياضيات