اذا رفض الاهل ماذا تفعلون؟؟؟؟؟؟

[آمال الجزائرية]

السلام عليكم
اريد ان اطرح عليكم هذا الموضوع للنقاش و اتمنى المشاركة بارائكم
لكل انسان سواء الرجل او المراة الحق في اختيار شريك الحياة
سؤالي ماذا يكون رد فعلك اذا رفض اهلك الزوج الذي اخترته ؟؟؟؟ طبعا اسس اختياره لا تتعارض مع دينك او مستواك التعليمي و الاجتماعي ( تناسب) ؟؟؟؟

[ARCHIO]

[سلام عليكم وبعد ربما ساهرب انا ومن اختار الى جزيرة من الجزر .........واذا لم استطع اطلب من ابي ان يطلق امي او العكسس.......

[k.walid]

علاش هوما اللي راح يتزوجو .. رانا كبار و نعرفو صلاحنا ، ما علابالي بحتى واحد .. إذا فت خيرت وحدة و الله غبر حاجة ما توقف في طريقي .. normal الراجل يقدر يروح يخطب وحدو بلا مواليه .. صح طايحة mais ما نسمحش في عمري .. و هوما مع الوقت يرجعو لعقلهم

[علال محمد]

c'est le probléme................

[البتول]

بالله عليك يا وليد
كيفاش تسمح في والديك على جال بنت البارح
بصح رد بالك
المراة اللي تعرف بلي راك سمحت في والديك راح يدور في بالها بلي يجي نهار وين تسمح فيها هي ثانيك

[k.walid]

بتول .. نهدرو شوية و نفهمو بزاف .. لوكان جا عندي واحدة بنت فاميلية و متربية و قارية و ما خاصها والو كيما قالت أمال :" أسس إختياره لا تتعارض مع دينك أو مستواك التعليمي أو الإجتماعي " .. ذوك واحدة كيما هاذي علاش يرفضوها الاهل ؟؟؟ شوفي ختي إذا ما جابوليش سبب مقنع أنا ما نبقاش ساكت و نشوف المرا تروح من بين يدي .. ذوك أنا نقولك par exemple علاش يرفضو : يجي يقولولك بلي حنا من بكري هادرين على بنت عمك ولا بنت خالك ولا .... معنتها نروح برجلي للتعاسة و نزيد نضلم بنت الناس معايا .. أنا نقولك الصح ندير possible
تاعي باش نفهمهم .. بصح إدا بقاو على رايهم ما نقدرش نتخلى على اللي تحبني و نحبها على جال عقلية بكري تاع الوالدين هوما لي يخيرو ، شوية رانا ف 2007 .. و راني sure بلي يجي نهار و يعرفو خطأهم و نرجعو كيما كنا

[الباشق]

السلام عليكم
لا اعتقد اخوتي ان في هذه الدنيا ابوين لا يحبون الخير لابنائهم ، و لا اعتقد ان من الابناء من يفوق ابواه في الحكمة او خبرة الحياة الا من رحم ربك . لا فاني اعتقد جازما ان رايي لن يكون اصلح من رايهم .
بورك فيك الاخت البتول على اهتمامك لابويك جعلها الله في ميزان حسناتك .
و انا معك فيما قلت لان المراة مستحيل ان تحب زوجها اكثر من والديه فلماذا افضل من لا يحبني على من احبني و يحبني للابد .
شكرا على الموضوع الاخت امال الجزائرية . . . . .

[motafael]

إن جائكم من ترضون دينه وخلقه فزوجوه
إن رفظتم سيهربون ؟ سينتحرون ؟ سيتعقدون ؟ ستموت عندهم العاطفة ؟ أبائنا من فظلكم نحترم زمانكم ونقدر حاضرنا معكم ونأمل مستقبل مشترك معكم لهذا نحب أن ترضو عنا وعن من هم معنا لأننا اخترناهم دون سواهم فالإختيار اختيارنا والحصيلة حصيلتنا ولا شيء لكم في الامر سوى ان تكون اليد المتضرعة للمولى عز وجل ان يوفقنا ويرضى عنا فبرضاكم يرضى الله عنا والله اعلم

[آمال الجزائرية]

شكرا على ردودكم لكن الرجل مثل ما قال وليد يقدر يروح يخطبها اذا كان رفض الاهل لسبب غير مقنع وهي بنت الحلال ما ينقصها شيء و اكيد مع الوقت يرجعوا لابنهم لكن تعرفون اين المشكلة في البنت فماهو الحل اذا رفضوا اهلها شخص اختارته وطبعا فيه كل المؤهلات الدين التقارب الفكري والعمل المستقر و لكنه من منطقة بعيدة و الاهل لا يريدون ان تبتعد عنهم بنتهم و يريدون تزويجها من شخص يعرفونه طبعا فيه المواصفات لكنها لا ترتاح معه و تحب شخص آخر ويخيروها بين القبول او تنسى اهلها؟؟؟
انا طبعا اختار اهلي على حساب سعادتي ما استطيع ان اخرج على طوعهم فاعيش من غير مشاعر لارضاء اهلي و المجتمع فما رايكم

[علال محمد]

لازمها تضحى

[البتول]

انا لا اوافقكم الراي بتاتا
فاول خطوة يجب القيام بها هي اقتناع الوالدين على المراة الي راه حاب يتزوجها
بصح كيما قلت اخي وليد مع كل احترامي لرايك راك غالط في حق والديك
و هكذا مارانيش انقلك بلي اتزوج مع البنت الي خيروهالك والديك
انا نفظل تقعد عازب و ما تتزوجش مع الي يحبوها والديك عروسة ليك بسيف عليك ولا تتزوج مع الي تحبها انت و والديك ماراهمش راضيين عليك
و ما تنساش بلي رضا ربي سبحانو من رضى الوالدين
ياو دعاوي الوالدين راهم صعاب و يبقى مجرد راي

[salim_s3ad]

يقول الرسول صلى عليه و سلم : " تنكح المراة لأربع لمالها ولحسبها و لجمالها و لدينها .....فاظفر بذات الدين تربت يداك ".....
و الله تعالى يقول : "...و إن جاهداك على أن تشرك بي فلا تطعهما....."
أخوتي الأعضاء الحديث للرسول صلى الله عليه و سلم يحث على اختير الزوجة........أما قوله تعالى فيحث على طاعة الوالدين . حيث يقر بطاعتهما مهما كان الأمر إلا في أمر الشرك بالله ........
ولكم القياس....

[جمال الدين]

و الله صراحة سأكون صبورا و شكرا على الموصوع

[sadam47]

طاعة الوالدين من طاعة الله .ألا تعلمون أنكم تتزاوجو في السماء قبل الأرض

[نصرو]

صح منقدرش باش ما نطيعش الوالدين
لكن في حاخ كيما هاذي
نهرب ونبطل الزواج وندرق عامين

[lalla]

انا راح نتبع والديا هم ادرى مني بمصلحتي

[tlemcenia]

والله موضوع جدير بالمشاركة وارجو من صاحبة الموضوع ان تقرا رايي وتعطيني جواب....المهم ارى انه في ديننا الحنيف يقول اذا جاء من ترضون دينه وخلقه في هذه الحالة على الوالدين اذا راو ابنتهم حبت هداك الشخص مايرفضوهش لانه صاحب دين وخلق .اما اذا كان الخاطب معندوش مواصفات هذه فلهم الحق في التدخل من نلحية الرفض .....اما اذا رفضوه لاسباب تافهة فهنا واجب على الابناء الصبر وانه هاد الزواج غيل ملمكتوب ...و اذا كان من الممكن يقنعا الوالدين بطريقة مهذبة و لطيفة يعني ارضاء الوالدين ....يتبع

[عيسىالبوسعادي]

اذا رفضو يتزوجو هم

[ABOU MOHAMMED]

أعتقد أنّ حبّ الوالدين لأبنائهم يحتّم عليهما دوما مراعاة مصالحهم والسعي لإسعادهم وهو أكبر من يجعل رفضهما لمجرّد الرفض أو لجرّ التعاسة لأولادهم،
ويكون الرّفض في غالب الأحيان مبنيا على أساس أو خلفية.
لذلك على الإنسان أن يحاول جادّا إقناع أهله برغبته في الزواج ممن يحّب وأن يحاجّهم بالدليل على أصل و أخلاق من يريد أن يكون شريكه في الحياة. أمّا إذا لم يتسنّ له ذلك فليصبر، فعسى أن تكرهوا شيئا وهو خير لكم.
ملاحظة: برأيي الحبّ يأتي بعد الزواج، وينمو ويزدهر بالعشرة.

[fulla-dj]

ليس سهلا رفض الأهل لإنسان هو كل شيئ في حياتك و لكن من الصعب عدم الإكتراث لرأيهم لأنهم أكثر من يحب الخير لنا.
أما بالنسبة لي فاخترت ما اختاره أهلي على الرغم من أنني أحبه و يحبني و لأني واثقة في قرارهم الصائب و على كل واحد منا أن يضحي في يوم من الأيام لسبب أو لآخر و قضاء الله و قدره لا أحد منا يستطيع تغييره شاء أم أبى
و مشكورة أختي على طرحك للموضوع

[hafidgery]

ارى ان الاخوان لجاو الى الهروب او مقاطعة الوالدينمباشرو .ان حذث هذا المشكل فعلا فوجب النقاش مع الوالدين حتى يرضيا (فصاحبهما في الدنيا بالمعروف) وانا متاكد انه اذا توفرت الشروط السليمة فلا اظن ان يحب الوالدين السوء لولدهما والله اعلم

[sousou-min]

نقولك حاجة
الوالدين ما يتعوضوش وهوما لي يعرفو مصلحتنا و راني نقصد الوالدين العاقلين مشي المتهورين الطماعين
و انا نقولك لا ما قبلوش والديا نتزوج مع لي نبغيه نحترم رايهم
هدا لي عندي

[bigbos]

السلام عليكم ,
كاينا حاجا نتفاهمو عليها بلي الوالدين مايحبو إلا الخير لولادهم , بصح إلا كان مشكل كيما هذا نجربو نقنعوهم باللتي هي أحسن او ماننساوش صلاة الإستخارة فيها فايدة كبيرا , أنا عندي صاحبي خطب في بنت بلا رضاء والديه , عندو 3 سنين او مازال مدارش العرس , لأنو والديه مسمحولوش او راهو غير في المشاكل .الله ايفرج عليه .آمين
وانظن لازم الوالدين ليربيو اولادهم أفضل تربية ,ما شي الخليوهم على هواهم حتى يكبرو وبعد ليكبرو يفرضو عليهم بزاف صوالح ألي ماتعودوش عليهم .
والله أعلم .