المساعد الشخصي الرقمي

مشاهدة النسخة كاملة : ادخلو يا شاطرات منتدى الجلفة محتاجتكم ضروري

**مرآة الضمير**
2013-02-22, 13:06
مساء الانوار عليكن حبيباتي
اردت منكن اليوم خدمة صغيييييييييرة
الا وهي لاصوص تاع السلطات المتنوعة يعني هناك عدة انواع صوص
كل واحدة منكن تدخل وتقوللنا على لاصوص اللي تستعملها في سلطاتها ونوعية السلطة يعني مكوناتها
باش نستفادو من بعضنا البعض ان شاء الله
انا في الانتظار على احر من الجمر
zhor1970
2013-02-22, 13:32
موضوع رووووووووووووووووووووووووووعة مشكورة عليه حبيبتي


انا كيتكون صلطة خضار مفورة تندير هذي المقاديروهي تعمرلكالقرعة اللي تتباع سبيسيال انديرو فيهل لاصوص +


كاس زيت نباتي+ربع كاس خل اتا دائما نستعمل الابيض+سنة ثوم مرابي+قرصة ملح+نصف ملعقة صغيرة موطارد+قليل من الفلفل لكحل الابيض+حبة طماطم طازجة ومرابية بدون قشور+م ك مايوناز ونخلوطوها مليح ونحطها في لفخيجيداغ وعند الحاجة نخلوطها مليح قبل ما نستعملها

اما صلطة الخيار لاصوص تاعها سبيسيال

انديرباطة ياؤورت+م ك موطارد+ عصير الليمون+ملح وفلفل اكحل مي اللبيض ونفرغوها علي الخيار ونزينوها

اما صلطة الكرمب بالدجاج اللي انطيبوه ومنبعدانديرلو زيت+عصير الليمون +ملح +م ك خردل+معدنوس ونخلط مليح ونسقي بيه الدجاج والكرمب لمفور مع الملح+شوي ماييس+وجزر مبشور ويجي رووووعة

اما صلطة البيضنجان

انديرثوم زيت الزيتون خل فلفل اسود ملح ونخلط مليح ونضيفهم للبيضنجان طبعابعد مانشويوه في الفرن ونقشروه ونسحقوه بالفرشيطة

ان شاء الله انفيدكم حبيباتي ومازال انواع اخري اذا حبيتوهم انحطهم
**مرآة الضمير**
2013-02-22, 13:56
موضوع رووووووووووووووووووووووووووعة مشكورة عليه حبيبتي


انا كيتكون صلطة خضار مفورة تندير هذي المقاديروهي تعمرلكالقرعة اللي تتباع سبيسيال انديرو فيهل لاصوص +


كاس زيت نباتي+ربع كاس خل اتا دائما نستعمل الابيض+سنة ثوم مرابي+قرصة ملح+نصف ملعقة صغيرة موطارد+قليل من الفلفل لكحل الابيض+حبة طماطم طازجة ومرابية بدون قشور+م ك مايوناز ونخلوطوها مليح ونحطها في لفخيجيداغ وعند الحاجة نخلوطها مليح قبل ما نستعملها

اما صلطة الخيار لاصوص تاعها سبيسيال

انديرباطة ياؤورت+م ك موطارد+ عصير الليمون+ملح وفلفل اكحل مي اللبيض ونفرغوها علي الخيار ونزينوها

اما صلطة الكرمب بالدجاج اللي انطيبوه ومنبعدانديرلو زيت+عصير الليمون +ملح +م ك خردل+معدنوس ونخلط مليح ونسقي بيه الدجاج والكرمب لمفور مع الملح+شوي ماييس+وجزر مبشور ويجي رووووعة

اما صلطة البيضنجان

انديرثوم زيت الزيتون خل فلفل اسود ملح ونخلط مليح ونضيفهم للبيضنجان طبعابعد مانشويوه في الفرن ونقشروه ونسحقوه بالفرشيطة

انشاء الله انفيدكم حبيباتي ومازال انواع اخري اذا حبيتوهم انحطهم
اممممممم باينين بنان وهايلين اكيد راح نجربوهم حبيبتي شكرا ليك وان شاء الله يزيدولنا البنات من مواهبهم باش نستفادو
zhor1970
2013-02-22, 14:08
اممممممم باينين بنان وهايلين اكيد راح نجربوهم حبيبتي شكرا ليك وان شاء الله يزيدولنا البنات من مواهبهم باش نستفادو



العفووووووووووووووووووووووووووو حبيبتي واكيد راح ايفيدونا لبنات
sarra5
2013-02-22, 14:43
ana na3raf rir la vinegrétte hada makan
kakinova
2013-02-22, 14:55
السلام عليكم
انا سلطة الخضر المفورة بسباس قرنون ماسيدوان نستعمللها صوص قاعدتها مايوناز زائد الصلصة العادية

باقي السلطات نعمل الصلصة التالية

4 سنات ثوم او خمسة كبار نشقهم من جهات مختلفة دون تقطيعهم

كاس زيت

كاس ماء

فنجال خل

ملعقة صغيرة ملح و في سلطة الشمندر او البطاطا او الجزر نصيف الملح اكثر

رشة فلفل اسود

قشور طماطم

و نحطها في بلارة نظيفة تاع مايوناز و قبل كل استعمال نخلطها حتى تصبح كثيفة و نسكبها

تجي خفيفة ماشي حامضة بزاف و ماشي مزيتة
درة بيتي
2013-02-22, 22:19
أنا نعمل الصلصة تع السلاطة العادية خيار وخس وبسباس وزيتون وطماطم ندير فيها كاس زيت زيتووووون ماشي صان قو وكاس نصفه قارص ونصفه خل وسنينتين ثوم مثقوبين ونعناع زعتر نسحقهم مابين الراحة تع يديا ونرميهم وملعقة صغيييييييرة موطارد نخلطها مليح ونحتفض بيها في الثلاجة مي النعناع والزعتر يعطيو وحد النكهة للسلطات رووووعة وفي الأخييير شكرا على الموضوووع سلام
**مرآة الضمير**
2013-02-23, 18:48
شكرا لكن اخواتي الفضليات كل واحدة باسمها
في انتظار بقية الفحلات لمزيد من الاستفادة