من معي في المدرسة العليا للدرك الوطني يسر..... [الأرشيف] - منتديات الجلفة لكل الجزائريين و العرب

مشاهدة النسخة كاملة : من معي في المدرسة العليا للدرك الوطني يسر.....

dridi laid

2013-02-21, 21:23

السلام عليكم جائتني لوردبال الاخيرة وانا ان شاء الله ذاهب ملزم الالتحاق بالمدرسة العليا للدرك الوطني وذللك لمعرفة كيفية الوصول الي المدرسة ومناقشة امور الكفالة .....ادا دفعت الكفالة تقعد في المدرسة مدة طويلة ولا يطلقوك . وهل عندها عدد معين من الضباط الاحتياطين ..........وعدة تساؤلات والي عندو سؤال يطرحو باش نستفادو الناس الكل ونشوفو راي الخبراء .........في هذه المدرسة

sinopointic4

2013-02-21, 22:12

بالتوفيق أخي ...

dridi laid

2013-02-21, 22:53

شكرا اخي .........اما بعد انا من ولاية تبسة المدرسة الي بعثوني ليها منعرفهاش وين جت وكيفاش روحيلها هل روح للجزائر العاصمة ومن ثما الروح بومرداس ولا روح بومرداس ديراكت .........وهل كي نوصل الجزائر نلقا النقل تاع بومرداس ومن ثما روح للمدرسة انا في انتضار ردكم وشكرا

kapilos

2013-02-22, 00:52

arkeb fe buse ta3 3alwani yhatek fi alger wmba3ed roh el tafora rak talka tam les bus ta3 boumerdess

khayrou 35

2013-02-22, 04:00

غير تلحق لالجي يحطك في محطة النقل البرية خروبة نتا في خروبة روح لمحطة القطار و اركب فالتران الي يدي لبومرداس و نهاية السفر فيه مدينة الثنية نتا انزل في مدينة الثنية و في محطتها للحافلات الموجودة امام محطة القطار اركب فالحافلات الي تدي لمدينتي يسر و برج منايل و يحطك في مدينة يسر مقابل 20 دج فقط او حل اخر استقل انتقل لمدينة عنابة و احكم القطار المتجه للجزائر و اثناء السفر انزل في مدينة الثنية و الباقي كيما قتلك الفوق و الله المستعان

dridi laid

2013-02-22, 21:13

يا خوتي انا عندي ملف كفالة كي رحت باش ندفعو في مكتب التجنيد رفضوهولي قالولي روح ادفعو في الكزرنة الي بعثوك ليها السؤال درك هل يحكمو في عليا الملف ثم يدرسوه وهل فيها تحقيق عند الدرك الوطني وانا في الكزرنة وهل وحكاية يحكمو الملف في الكزرنة كاينة منها في انتضار رد الخبراء ........

dridi laid

2013-02-23, 14:13

هل من مجيب من الخبراء وضعييتي محرجة جدا عندي الوالدة مقعدة 100ب 100 لا استطيع ان اتركها اكثر من شهرين ارجو الاجابة من الخبراء ..................

dridi laid

2013-02-23, 21:43

dridi laid

2013-02-23, 22:45

هل من مجيب اخوتي .............................................

ــ جعفر كريستيانو ــ

2013-02-25, 02:19

يحكمو عليك الدوسي تع الكفالة في حالة وحدة فقط
و هي عندما تكون الثكنة ممتلئة
اما في حالة ما ادا كانت الثكنة غير كاملة العدد راح تفوتو
و الله اعلم

F.A.W.Z.I

2013-02-25, 10:47

انا معك ايضا في يسر بومرداس و زيد انا وليد بلادك من تبسة
انا جاتني ال ثانية و مازال نخمم نروح ولا لا

dridi laid

2013-02-25, 20:53

يحكمو عليك الدوسي تع الكفالة في حالة وحدة فقط
و هي عندما تكون الثكنة ممتلئة
اما في حالة ما ادا كانت الثكنة غير كاملة العدد راح تفوتو
و الله اعلم
شكرا اخي علي الاجابة انا المهم نتكل علي ربي وروح وندي معايا الملف اذا قبلوه اللهم ما بارك وذا ما قبلوهش الله غالب وزيد انا عندي يما مريضة بالقصور الكلوي لازم كل 12 يوم نديها لسبيطار اك تشوف غير انا في الدر بابا جابني غير انا شوفتي الزهر نخلي لميمة وحدها تتعذب ....انا روح ونشكي حالتي واذا مقبلوليش الملف نوكل عليهم ربي

Nabil.23

2013-02-25, 23:05

شكرا اخي علي الاجابة انا المهم نتكل علي ربي وروح وندي معايا الملف اذا قبلوه اللهم ما بارك وذا ما قبلوهش الله غالب وزيد انا عندي يما مريضة بالقصور الكلوي لازم كل 12 يوم نديها لسبيطار اك تشوف غير انا في الدر بابا جابني غير انا شوفتي الزهر نخلي لميمة وحدها تتعذب ....انا روح ونشكي حالتي واذا مقبلوليش الملف نوكل عليهم ربي

ربي معاك خويا ، ربي يسهلك إن شالله واش دير توكل على الله و ربي يطلق سراحك