ارجو الرد السريع من المديرية العامة للحماية المدنية

[hamza assami]

السلام عليكم
انا عون حماية مدنية تخرجت مع الدفعة الاخيرة وتربصت في مستغانم لكن زملائي كامل او بالاحرى دفعتي الكل
وجهت للعمل في الوحدات الا انا وزميلين عينا كرها في مديرية الحماية المدنية لولاية...... دون غيرنا من 77 عون
عينو في مختلف الوحدات الانحن نشتغل في الادارة مع الشيوخ وذهب عام من الكد في التربص في مهب الريح بحيث
والله ثم والله ثم والله اني لا احس نفسي عون في الحماية المدنية بل اشعر اني عامل في اطار الادماج المهني كما في السابق لأن العمل مقتصر على جمع وفرز الملفات والتنقل من مكتب لاخر والله العضيم اني كل يوم فكرة الاستقالة تكبر في راسي لان حسب ماقالونا تكملو حياتكم المهنية كامل هنا واذا ماعجباتكش الخدمة حطها وروح تروح والله بصريح العبارة يا خاوتي والله نخدم مع شيوخ اصغر واحد يفوتني ب15 سنة وهدرتهم كامل غير على التقاعد.
كي نروح نفطر نتلاقا مع صحابي تع التدخل والله تحز في نفسي كثير علاش غير حنا مع العلم ان هناك الكثير من الاعوان الي حابين الادارة وماقبلولهمش والسبب مجهول وأخرصفعة تلقيناه انه عندما بعثت المديرية العامة الخوذات لاعوان الدفعة
كامل عطاوهم غير حنا قالك ما ادير بيه والو انتا تبقا في الادارة وعلى حساب علمي ان المديرية العامة بعثاتو بأسمي الخاص لكل عون جديد خوذة......
والله ياجماعة راني مرضت صح واصبت بمرض عفاكم الله الزيادة المفرطة في الوزن بحيث الطبيب المختص قالي روح تعالج عند طبيب نفساني والشي هاذا جاك من القلق واتخمام والله ماني عارف واش انقول
-* هل يحق لهم ان يعينونا في الادارة مباشرة من فترة التربص الى الادارة
-* هل نحن اعوان ام لا حتى يحرمونا من الخوذة
-* متى نستمتع بلذة العمل بالتدخل ومساعدة الناس وتطبيق التقنيات المكتسبة من التربص قبل نسيانها
من يستطيع ان يشرحلي ولا يساعدني ماذابية ماييبخلش والله راني راح نهبل
حاب غير العمل في الوحدة وتعلم واتقان المهنة برك

[hamza assami]

وين راكم يا مشرفي الحماية المدنية ماكانش واحد يشرحلي وضعيتي ولا يصبرني بكاش خبر رسمي ولا قانون

[hamza assami]

ربي يتوبلك بالغقل farib

[hamza assami]

يا farib
اولا كيف تسمح الروحك تقولي هاذ الكلام وراك مازال غير ماسبيتليش والديا في نهار جمعة وعندك تضن راني نترجى فيك
اصلا من عنوان الموضوع تفهم بلي مايخصكش ويعنيكش الرد وزيد راك تقول بلي دخلت رشوة كون دخلت رشواة راني ضابط ونخدم كينا صحابي
وزيد و لله الحمد الخدمة جبتها بعرقي ولعلمك عندي 4 شهادات وشاركت في 12 مسابقة مهنية مختلفة والحمد لله نجحت في الحماية وربي يهديك وينوبلك بخدمة والخدمة ماتجيكش ولنتا مقابل النت وتهدر بالباردة وزعمة غير انتا لي راك مشومر وزيد مفوض روحك وترد بأجابات او ردود اقل ما توصف انها جد سخيفة وتافهة ربي يهديك راني نقلك هكا مش باش ندخلو في نقاش جاهلي ربي يسهلك ويسهل على كل المؤمنين كامل بالخدمة وربي يسامحك على كلامك الي قلتو فيا ومادابيك ماتردلي والو لاخير ولا شر وربي يهنيك

[Buffalo]

يا اخي مع كامل احترماتي و الله ناس مالقاتها .. احمد ربي و راك خدام تاكل الحلال ...

و بالاك تفكر فالاستقالة راك تندم عليها ..

الحل تاعك تكتب رسالة الى المسؤول تطلب يحولوك الى العمل لي راك حابو ..
او اصبر بالاك يبدلولك الخدمة ..
المهم غير الاستقالة ما تستقيلش و راهي وصية و نصيحة

و الله الموفق

[جندع]

الشوماج تاني ماعندك ماتقول فيه يا اخي ماعجبتكش شوف معريفة بدل لكان مكانش اخدم وهني على روحك تخدم مع الشيوخ ولا مع الميتين المهم خدمة ومصروف كاين ولا حاب تخدم مع البابيش يا اخى احمد ربك كي راك تخدم ونحي الفكرة هادي من راسك

يا اخي احنى في الجزائر كي نكونو في الميزيرية واخواتها نقولو كون غير نخدمو حتى زبال بصح كي نحكمو خدمة نوليو نتكبرووووووووووووووو

[haroun-43]

خويا اسحمد ربي ناس مالقاتهاش
نسقسيك حاب ندخل سلك هدا اسردلي تجلابة تاعك من بداية

[meddz2014]

إحمد الله يا أخي أنا لي نوض صباح لله كل يوم على 6 في المزارع و الجليد و البرد و صابر باه يعيتولي للشرطة و راني حامدها
إذا تقدر تخلي لي مكانك خليهولي

[المحقق PC]

وعليكم السلام ورحمة الله تعالى وبركاته


أخي الكريم بصفتك عون من أعوان الحماية المدنية يمكن للإدارة في إطار الدعم الإداري أن يكلفوك بتأدية مهام إدارية لمدة معينة ولا يمكنهم أن يحرموك من تأدية مهامك كعون التدخلات مدى حياتك المهنية كما ذكرت.


أما حديثك عن الاستقالة أعلم أخي الكريم أن الله ابتلى الإنسان بما يسوؤه وجعل له ما يكره أملاً فيما يحب ليحسن في حالة صبره فسبحانه له الحمد كله فكن يا أخي من الحامدين الشاكرين لنعمته فإننا دائما لا نشعر بالنعم إلا عندما تزول.


أخي الكريم لا تمضي في حياتك المهنية وأنت معلق بقناعة مفادها أنك لا تستطيع أن تغير من حالك، بما أنك غير راضي قم بطلب التحويل إلى السيد المدير أو بطلب مقابلته ربما ستفلح وإن لم تفلح، لا تقلق أعصابك، ولا تهزُّ كيانك ولا تتعب قلبك فأصبر وواصل عملك الإداري بكل إخلاص وإتقان إلى أن يحصل تغيير إداري أخر ثم حاول مرة أخرى وإن أوصدت الأبواب أمامك وضاقت عليك السُّبل وانتهت الآمال وتقطعت بك الحبال فادعوا الله أن يسر من أمرك إلى أن تتحقق رغبتك.

نسألك ربنا فرجًا قريبًا وصبرًا جميلاً يا أرحم الراحمين

[nounoumissi]

وعليكم السلام ورحمة الله تعالى وبركاته


أخي الكريم بصفتك عون من أعوان الحماية المدنية يمكن للإدارة في إطار الدعم الإداري أن يكلفوك بتأدية مهام إدارية لمدة معينة ولا يمكنهم أن يحرموك من تأدية مهامك كعون التدخلات مدى حياتك المهنية كما ذكرت.


أما حديثك عن الاستقالة أعلم أخي الكريم أن الله ابتلى الإنسان بما يسوؤه وجعل له ما يكره أملاً فيما يحب ليحسن في حالة صبره فسبحانه له الحمد كله فكن يا أخي من الحامدين الشاكرين لنعمته فإننا دائما لا نشعر بالنعم إلا عندما تزول.


أخي الكريم لا تمضي في حياتك المهنية وأنت معلق بقناعة مفادها أنك لا تستطيع أن تغير من حالك، بما أنك غير راضي قم بطلب التحويل إلى السيد المدير أو بطلب مقابلته ربما ستفلح وإن لم تفلح، لا تقلق أعصابك، ولا تهزُّ كيانك ولا تتعب قلبك فأصبر وواصل عملك الإداري بكل إخلاص وإتقان إلى أن يحصل تغيير إداري أخر ثم حاول مرة أخرى وإن أوصدت الأبواب أمامك وضاقت عليك السُّبل وانتهت الآمال وتقطعت بك الحبال فادعوا الله أن يسر من أمرك إلى أن تتحقق رغبتك.

نسألك ربنا فرجًا قريبًا وصبرًا جميلاً يا أرحم الراحمين


هلا بك يا اخ كونان ارجوا ان تكون بخير
ان شاء الله يعود لنا المنتدى و نرجوا منك ان توافينا بكل جديد فيما يخص الحماية المدنية و شكرا

[المحقق PC]

هلا بك يا اخ كونان ارجوا ان تكون بخير
ان شاء الله يعود لنا المنتدى و نرجوا منك ان توافينا بكل جديد فيما يخص الحماية المدنية و شكرا
أهلا بك أيضًا أخي nounoumissi نحن بخيروالحمد لله نرجو أنكم بخير أنتم كذلك

طبعًا يبقى منتدانا الأصلي عزيز علينا سنوافي بقدر المستطاع ما يعين أمر إخواننا وأخواتنا حيث ما كانوا من المعلومات أو النصح والتوجيه.
وسأبدل كل جهد -إن شاء الله- من أجل الاستجابة ما داما هذا الجهد يوظف في أمور الخير...

[nounoumissi]

أهلا بك أيضًا أخي nounoumissi نحن بخيروالحمد لله نرجو أنكم بخير أنتم كذلك

طبعًا يبقى منتدانا الأصلي عزيز علينا سنوافي بقدر المستطاع ما يعين أمر إخواننا وأخواتنا حيث ما كانوا من المعلومات أو النصح والتوجيه.
وسأبدل كل جهد -إن شاء الله- من أجل الاستجابة ما داما هذا الجهد يوظف في أمور الخير...

انا بخير شكرا لك
هدا ما عودتنا عليه اخ كونان و ان شاء الله نحن هنا من اجل ان نساعد كل من هو بحاجة لنا بالتوفيق لك ان شاء الله
مع تمنياتنا بعودة المنتدى ان شاء الله :19: