مشاهدة النسخة كاملة : من يعرف المدرسة العليا للاشارة بالقليعة
السلام عليكم
جاني استدعاء الخدمة الوطنية للمدرسة العليا للاشارة بالقليعة-تيبازة ارجوا مساعدتي في مكان تواجدها
انا نركب من عنابة للجزائر محطة الخروبة ومن بعد منين نروح للقليعة من تافورة ولا منين
bougherara-salim
2013-02-19, 14:38
mliha ta3 l9li3a
men tafoura kayen les bus l 9li3a
el mazouni
2013-02-19, 17:47
غادي تفوتها بالمساك حبيبي عليك دعوة الخير واحتمال كبير تخرج فائض القليعة تخرج بزاف
يارك الله فيكم.فيما يخص الفائض هل يخرجوا اللي يلتحقوا مع الاول ولا مع الاخر
TAREKCH34
2013-02-19, 21:31
جاوبونا خاوتي على الفائض وا لهاتف كيفاش أنا تاني جاتني القليعة ط.ض.إ
imad2012
2013-02-20, 10:11
اخي انا بعتوني الى هذا المدرسة وخرج فائض منها انا انصحك ان وجدت اي حاجة تكفلك باه ما تعقبش ماتعقبش باي طريقة كانت لانها مهما كانت خسارة من عمرك 18 شهر لكن ان لم يكون لك حل كما كان لي توكل على ربي وروح
كيما انا رحت في 2007 بعد الخرج مباشرتا والحمد لله خرجت فائض كنت من الاوائل راهي تدخل حتى يوم قبل الموعد
15 او 22 لكن بعد الظهر اي يوم 14 على 13.00 او 21 بعد الظهر لكن الان لا اعلم اما فيما يخص المدرسة فهي قمة في الروعة والاكل جيد في كل وقت المدرسة بها حتى البنات متعاقدات وهي قمة من كل النواحي
الركوب من تافورة الى لقليعة وهي قربية من محطة القليعة يعني تنزل في قليعة تمشي توصل الى المدرسة
حول الفائض هي تستوعب 350 فرد يقومن بالقسمة 175 من كل دفعة 15 و 22 و 20 احتياط وقتي ادخلونا 1 وراء 1 ولي قدامك تلقاه قدامك حتي فالنوم ولم يظلم احد ولا معريفة ولا هم يحزنون حتى من يملك ملف طبي فهو يبقى في المدرسة الى ان ياخدوه الى البليدة او عين النعجة وتسوى وضعيته وانا الحمد لله كنت من الاوائل وخرجت بعد 11 يوم
لانهم كانوا يخرجو بالدفعات انا كنت في 2 اما الان ان كان الفائض سيخرج الله اعلم هذه كانت تجربتي وشكرا
TAREKCH34
2013-02-20, 15:57
بارك الله فيك أخي على المعلومات ربي يوفقنا إن شاء الله أدعولنا
اخي طارق وقتاه ناويي تروح ان شاء الله
bilel0522
2013-02-20, 22:43
رجاءا من الإخوة الي عقوبها في القليعة اعطيونا تفصيل ممل من الدخول حتى الرجوع سالمين غانمين إن شاء الله
TAREKCH34
2013-02-20, 22:46
ناوي إن شاء الله يوم 22 بصح مافهمتش طاحت بالجمعة
ونتا وكتاش ناوي تروح خويا عاطف وما هو إختصاصك ؟؟؟
houcine11315
2013-02-20, 22:49
يا اخي المدرسة راهي فور جايا في البلاد
المحطة لي تنزل فيها في القليعة تمشي وحد 3 دقائق تلقاها قدامك
المعاملة فيها ممتازة
يا اخي هده معلومة مؤكدة الله يسهل ان شاء الله
TAREKCH34
2013-02-20, 23:20
خاوتي أحكونا على الميطاسيو من بعد شكون لي عندو فكرة
ناوي إن شاء الله يوم 22 بصح مافهمتش طاحت بالجمعة
ونتا وكتاش ناوي تروح خويا عاطف وما هو إختصاصك ؟؟؟
اختصاصي حقوق
ما زلت ما نويتش وقتاه نرح
amine eco
2013-02-21, 19:01
مليحة القليعة روح يا خويا
TAREKCH34
2013-02-22, 01:57
ولا واحد حكالنا على الهاتف كيفاه والميتاسيون من بعد ، وثاني النوم كيفاه شاليات ولا غرف
يا جماعة كاش واحد فوت في القليعة يتفضل ويشرحلنا
طارق الوفاق
2013-02-22, 12:15
السلام عليكم
طارق الوفاق
2013-02-22, 12:19
رجاءا من الإخوة الي عقوبها في القليعة اعطيونا تفصيل ممل من الدخول حتى الرجوع سالمين غانمين إن شاء الله
مرحبا بك اخي في المدرسة العليا للاشارة
TAREKCH34
2013-02-22, 19:13
وعليكم السلام خويا طارق ، أخي راك تفوت في القليعة ؟
كاش ما تفيدنا أخي بارك الله فيك
bilel0522
2013-02-22, 20:29
مرحبا بك اخي في المدرسة العليا للاشارة
و بيك الله يحفظك أنت راك تعقب فيها في القليعة؟؟؟:dj_17:
imad2012
2013-02-22, 21:00
اخي النوم في الشالهات 8 في كل غرفة ومجزة مليحة يعني 12/20 اما الميتاسيون الى اي مكان الجزائر البليدة وغيرها لان كل شيء بالتصالات حتى الصحرى هذا على حسب اقوال اصحابي لعقبو فيها
khayrou 35
2013-02-23, 19:59
سلام عليكم اليوم لحقني الاستدعاء الاول للقليعة علما اني من ولاية بومرداس و اعتقد اني نلتحق بالقليعة باه نتهنا و نولي نقدر نشارك في مسابقات الوظيف العمومي
bilel0522
2013-02-23, 21:33
صح خويا كرهنا نشوفوا كل يوم المسابقات يفوتوا و حنا نتفرجوا
mansofian
2013-02-24, 14:09
السلام عليكم
انا كيفك القليعة في 22/03/13
TAREKCH34
2013-02-24, 20:31
هيا لي فوتو في القليعة وين راكم
طارق الوفاق
2013-02-24, 23:19
وعليكم السلام خويا طارق ، أخي راك تفوت في القليعة ؟
كاش ما تفيدنا أخي بارك الله فيك
نعم اخي كما دكر الاخوة سايقا المدرسة جيدة من حيت المعاملة +الهواتف ممنوعة
طارق الوفاق
2013-02-24, 23:21
و بيك الله يحفظك أنت راك تعقب فيها في القليعة؟؟؟:dj_17:
اخي انا ملازم احتياطي
bilel0522
2013-02-25, 00:09
يا جماعة الله ينوركم و يزوجمكم شوية تفاصيل يرحم والديكم:1:
السلام عليكم ...اخواني لي راح يجوز معانا في القليعة ويروح يوم 2013/03/22 يتواصل معانا وان شاء اللهنجوزهم بالصحة والهناء ..انا بعتوني طالب ضابط احتياطي ...وعندي صاحبي من دفعة سبتمبر راهو يجوز فيهم في القليعة وراهو يقول مليحة بزااااااف
dahman.aoulef
2013-02-25, 12:42
السلام عليكم.... انا من ادرار وبعثولي الاستدعاء اول البارح ليوم 15/03/2013 و على حسب اقوال الغاشي اللي كانو يفوتو فيها يقولو عليها مليحة بزااااااااااف...
لكن سؤال :
هل م.ع.ا هي مدرسة عسكرية للاشارة ؟
khayrou 35
2013-02-25, 12:55
هي المدرسة العليا للاشارة transmition انا فالاستدعاء كتبولي لازم نلتحق في 15 مارس و لكن نظن ندير روطار ب 15 يوم الرتبة الي بعتوني ليها طالب ضابط احتياطي حبيت نعرف الميتاسيون تاعها وين تكون وهل الميتاسيون تكون في سلاح الاشارة او شيئ اخر ؟ عاونونا ربي يستركم
لحقيقة تعتبر المدرسة العليا للاشارة احد اهم مراكز الجيش الوطني الشعبي من حيث التكوين والمستوى وبخصوص الاخ الذي يسال هل م.ع.ا هي مدرسة عسكرية للاشارة ؟نقول نعم هي المدرسة العليا للاشارة بالقليعة ولاية تبازة.. كتوضيح ماهي الاشارة وماهو اختصاص هذه المدرسة نقول انه في ساحة المعارك الواسعة والمترامية الاطراف لابد ان تكون الوحدات على اتصال دائم مع بعض من جهة ومع مراكز السيطرة والقيادة من جهة اخرى فلنفرض ان الوحدة ا تبعد بمسافة(س) عن الوحدة الثانية كيف لهذه الاخيرة ان تعرف وضعها لولا الاتصال
باختصار سلاح الاشارة هو سلاح يهدف الى تامين الاتصال بين الوحدات الصديقة والعمل على منع العدو من الوصول اليه والتشويش عليه مهما كانت الظروف وعلى جانب اخر يعمل هذا السلاح على شل وحدات الاشارة للخصم اي مايعرف بالحرب الالكترونية التي هيمنت على كل شي
ViVeAhMeD
2013-02-25, 18:10
ا نا من ولاية تيارت جاتني ثما ايضا 22-03
ViVeAhMeD
2013-02-25, 18:33
هل مكتوب
المدرسة العليا للاشارة ن ع 1 اخي ؟
وهل كاين غير في القليعة ؟
نعم هي الناحية العسكرية الاولى والثكنة عبارة عن المدرسة العليا للاشارة وتقع في وسط مدينة القليعة قريبة من محطة الحافلات وعلى حساب علمي كاين ثكنات سلاح الاشارة بأفلو بالأغواط ..والمدرسة العسكرية للإشارة ضباط هي في القليعة ولاية تيبازة تجوزهم معانا بالصحة والهناء
ViVeAhMeD
2013-02-25, 20:54
ان شاء الله خويا
والاخ لي رد ممكن توضحنا اكثر
نروحو 21 مارس ام 22 مارس شكون الافضل
momedzahi
2013-02-25, 21:01
السلآم عليكم
أردت أن استفسركم حول المدرسة العليا للعتاد الحراش وذلك لاداء الخدمة الوطنية 22-03-2013
ارجو من اصحاب الخبرة الذين ادو فيها الخدمة الوطنية ان يزودنا بمعلومات شاملة عن هته المدرسة بلنسبة للضباط (الفائض , افضل تاريخ للإلتحاق بالمدرسة, نوعية التدريب الاقامة الاكل كل شيء )
و لكم منا جزيل الشكر و التقدير
أنتظر الرد من الإخوة الكرآم !
لا تبخلو علينا بمعلوماتكم و جزاكم الله خير
السلام عليكم
نتلاقاو تما فالقليعة ان شاء الله يوم 15/03/213
أخوكم من سطيف
السلام عليكم
نتلاقاو تما فالقليعة ان شاء الله يوم 15/03/213
أخوكم من سطيف
momedzahi
2013-02-25, 21:07
السلآم عليكم
أردت أن استفسركم حول المدرسة العليا للاشارة بالبيض وذلك لاداء الخدمة الوطنية 22 -03-2013
ارجو من اصحاب الخبرة الذين ادو فيها الخدمة الوطنية ان يزودنا بمعلومات شاملة عن هته المدرسة بلنسبة للضباط (الفائض , افضل تاريخ للإلتحاق بالمدرسة, نوعية التدريب الاقامة الاكل كل شيء )
و لكم منا جزيل الشكر و التقدير
أنتظر الرد من الإخوة الكرآم !
لا تبخلو علينا بمعلوماتكم و جزاكم الله خير
ViVeAhMeD
2013-02-25, 21:08
من يعرف المدرسة العليا للاشارة بالبيض
؟؟؟؟
البيض ولا القليعه من فضلكم بركاونا من التخلاط
طارق الوفاق
2013-02-25, 22:29
السلام عليكم
طارق الوفاق
2013-02-25, 22:37
ان شاء الله خويا
والاخ لي رد ممكن توضحنا اكثر
نروحو 21 مارس ام 22 مارس شكون الافضل
لا و21 ولا 22 ارواح 1ولا2 افريل
طارق الوفاق
2013-02-25, 22:43
السلام عليكم
نتلاقاو تما فالقليعة ان شاء الله يوم 15/03/213
أخوكم من سطيف
ادا دخلت في هدا التاريخ ستربح 3500 دج اضافية
اما جماعة 21 و22 لا يجب ان تربح يمات اخرى فدارلانك لن تستفيد من هده المنحة
اقدم لكم بعض الثكنات المتخصص في المجال العسكري والتي يتم الالتحاق بها ..
المدرسة التطبيقية للمشاة أ.ع.م...أ شرشال.ولاية تيبازة
المدرسة التطبيقة للدفاع المضاط للطائرات ..ولاية الاغواط.
المدرسة التطبيقة لسلاح المدرعات ولاية باتنة.
المدرسة التطبيقية للهندسة ولاية بجاية.
المدرسة التطبيقية لمدفعية الميدان ولاية المسيلة
المدرسة التطبيقية للنقل والمرور ولاية تلمسان.
المدرسة الوطنية للقوات الخاصة ولاية بسكرة .
مركز التدريب للمشاة ولاية الجلفة .
مركز التدريب المختص لنقل ولاية المسيلة.
مركز التدريب للمشاة ولاية وهران.
مركز التدريب للنقل ولاية ام البواقي.
مركز التدريب للمشاة ولاية بشار.
مركز التدريب للمشاة ولاية افلو ولاية الاغواط.
مركز التدريب تاعظميت ولاية الجلفة
مركز التدريب للمشاة ولاية سطيف عين ارنات.
مركز التدريب للدفاع المضاد للطائرات ولاية الاغواط.
مركز التدرب راس الماء ولاية سيدي بلعباس.
مركز التدريب لمدفعية الميدان ولاية المسيلة بوسعادة.
مركز التدريب للمغاوير بوغار ولاية المدية.
المدرسة العليا للطيران طفراوي ولاية وهران.
مدرسة التخصص للحوامات عين ارنات ولاية سطيف .
مدرسة صف الضباط للمعتمدية ولاية قالمة.
مركز التكوين اللتقني للمعتمدية ولاية البليدة
مركز التدريب للاشارة ولاية البيض.
المدرسة العليا للاشارة القليعة ولاية تيبازة.تكوين خاص بالضباط
المدرسة العليا للاشارة افلو ولاية الاغواط.
مركز التدريب للاشارة تقرت ولاية ورقلة.
المدرسة العليا للعتاد بالحراش.
مدرسة ظباط الصف للعتاد بسكيكدة.
مدرسة ظباط الصف للعتاد بعين الترك / وهران.
المدرسة العليا للإدارة العسكرية بوهران.
مركز التكوين التقني للمعتمدية بالبليدة.
مدرسة صف الضباط للمعتمدية ص.ب : 162 قالمة
- مركز التكوين التقني للمعتمدية الأرضية الأولى البليدة
- المديرية الجهوية للمعتمدية للناحية العسكرية الثالثة بشار
- المديرية الجهوية للمعتمدية للناحية العسكرية الرابعة ورقلة
- المديرية الجهوية للمعتمدية للناحية العسكرية السادسة تمنراست
المدرسة التطبيقية لمصالح الصحة العسكرية بسيدي بلعباس
المدرسة الوطنية للصحة العسكرية / القبة الجزائر
المدرسة الوطنية التحضيرية لدراسات مهندس الرويبة / الجزائر
طارق الوفاق
2013-02-25, 22:55
sailor
شكون نت
طارق الوفاق
2013-02-25, 23:00
sailor
شكون نت
ViVeAhMeD
2013-02-25, 23:20
لا و21 ولا 22 ارواح 1ولا2 افريل
لوردبال فيها 22 مارس كفاه تروح 1افريل ؟؟؟؟
a.gourias
2013-02-26, 20:12
السلام عليكم ورحمة الله وبركاته ... انا من المسيلة وبعثولي للمدرسة العليا للاشارة بالقليعة الالتحاق يوم 22/03/2013 طالب ظابط صف احتياطي ... نرجو التواصل فيما بيننا ونجوزوها حباب وخاوة بالصحة والعافية
TAREKCH34
2013-02-27, 00:03
خاوتي 22/03/2013 طاحت بالجمعة وزيدو فهمونا مليح على الروطار
الأخ قالك تاع ال 22 ما يخلصوش في الشهر الأول زيد أشرحلنا من فضلك
TAREKCH34
2013-02-27, 20:07
هل من جديد
a.gourias
2013-02-27, 21:18
السلام عليكم ورحمة الله وبركاته
حبابي راني خدمت صفحة فيس بوك باه نقدرو نتناقشو فيما بيناتنا خاصة للجماعة لي بعثوهم للقليعة
اسم الصفحة هو
المدرسة العليا للاشارة بالقليعة مارس 2013
khayrou 35
2013-02-27, 22:59
يا خو مالقيتهاش هاد لاباج اعطيلي الفايس تاعك و منبعد اجوتيني فيها
a.gourias
2013-02-28, 12:55
Prince Ammar (Appel Masqué)
السلام عليكم
راني رايح نعطيكم الأجوبة على شكل نقاط:
1- المدرسة العليا للإشارة مدرسة شابة بزاف و فيها المعاملة مليحة خاصة أنه اللي دربوكم هوما تاني آبلي ( الدفعاة السابقة)
2- إذا كنت قادم إلى الجزائر العاصمة فستنزل في محطة الخروبة بعدها كاين بيس تاع ساحة الشهداء قوله ينزلك في شمنوف بعدها تمشي 300م تلقى محطة تافورة فيها بيس تاع القليعة، بعد اللي توصل للمحطة تاع القليعة كاين بيس يهود حتى للبلاد هود معاه حتى للترمينيست، بعدها سقسي أي واحد يوريهالك تلقاها بعيدة حوالي 2 شوارع برك
3-كي تدخل للمدرسة رايحين يفتشوك تفتيشة خفيفة و دير في بالك رايحين ينحولك التيليفون و مايرجعوهلكش حتى تخرج إنبت و اللي قبدوهم حتى يكملوا الستاج أي حوالي 3 أشهر .
4-بعدها يدخلوكم للمكان اللي غادي تتجمعوا فيه و تتلقاو قاع نتوما الدفعة تاع مارس و هذه المرحلة صعيبة شوية لازم تصبر فيها شوية, تولوا تنوضو على 4 صباحا و تولوا تخدموا الكرفي. و تقعدوا على هذا الحال على الأقل شهر تتم خلالها عملية التصفية. اللي عنده ملف طبي ننصحه يديه معاه، و من الأحسن يكون قديم،
5-ننصحك تحفف شعرك مليح لأنك رايح تقعد شهر و نصف تقريبا باش يحفولكم، و جيب معاك الكسوة و الكاشي تا الراس،و تينيسة باش ما توسخش صوالحك، الأومو باش تغسل حوالاك، أدواة الحلاقة،كادنة باش تبلع كابتك،و جميع أدواة النظافة.
6- و في قضية الروطار ما راهمش يخرجوا الفائض لأنه توقف، و الروطار ما راهمش رايحين يحاسبوك عليه إطلاقا، فمثلا الدفعة الماضية لم يكن هناك فائض و أول واحد دخل كان في 15 سبتمبر و آخر واحد دخل كان في 9 أكتوبر، و الفرق الوحيد هو أنه اللي دخل في 15 سبتمبر يخلص 375 ألف تاع سبتمبر و اللي دخل من 16 سبتمبر و روح ما يخلصهاش.
و اللي عنده سؤال مرحبا به
bilel0522
2013-02-28, 19:48
بارك الله فيك خويا العزيز
ViVeAhMeD
2013-02-28, 21:01
صحيت تيارتي انت رايح تفوت ولا فوت ؟
الله يزوجك قول امين
ViVeAhMeD
2013-02-28, 21:02
مصبناش صفحة الفايسبوك
صحيت تيارتي انت رايح تفوت ولا فوت ؟
الله يزوجك قول امين
آمين
أنا فوت الستاج فيها.
ViVeAhMeD
2013-02-28, 22:16
بصحتك تهنيت منها
انا ثاني من تيارت
++
ممكن تحكينا بالتفصيل واش ندو معانا او كفاه يفوتو الايام يعني تنوض صباح تغسل وجهك تنوض تجري رياضه من بعد تفطر من بعد تقرى
وتفوت هاكا مده 6 اشهر ؟
شحال من واحد في لاشومبر
المهم حكينا بالتفصيل معدا ااسرار الدوله هههه
++ بارك الله فيك وربي يحفظك
TAREKCH34
2013-03-02, 16:12
............................................
TAREKCH34
2013-03-03, 11:48
بقات 20 يوم هيا أبداو توجدو كاباتكم
السلام عليكم خاوتي ان شاء الله تكونوا بالف خير ياخاوتي لي عندوا كشما خدما راهو حاكمها او عندو عقود تشغيل مزال مخلاصتلوش ابروفيتي لوكازيون واخدم خيرلك من لارمي ولي راهو حاب يروح وهو يخدم في كشما بلاصة لازم يدير قرار الانتداب موافق عليه ويدي معاه فوتو كوبي نتاع لوردبال الى المؤسسة لي يخدم فيها هكذا تعقب 18 شهر وتولي للمنصب نتاعك ... لي عندو فكرة يحطها وينصح بيها الاخرين ولي عندو دوسي لازم يديه معاه للثكنة العسكرية واذا كان ملف طبي من الافضل يكون قديم شوي ولي عندو معريفة مايغبنش روحوا يخرجها ظرك خير من وقت اخر ولي معندوش معريفة بحالتي ومراهوش لا خدام لا والو يروح يعقب وراااني فرحان بزاااف الجزائر بلادي في 2013/03/22تسحقني وانا كي نحتاجها منلقهاش ..
***********************.بلادي احبك *****************
ربي يوفق الجميع
ويلاقينا بالخير فالمدرسة
brahim finance
2013-03-03, 15:48
ana rkabte sep 2011 katloun bal corfeyyyyy w khrajte reformeee
hamdellah
TAREKCH34
2013-03-06, 20:34
الموعد إن شاء الله القليعة
فائض مكاه
فائض يوجه ثكنة اخرى
انا لقليعة نعرفها مليح
دير روطار على 3 أسابيع
قليعة فيها مشكل ماتلبسش واشنوا تخدم لكرفي ولمكان لي ترقد فيه قبل ماتلبسش بارد و ترقدوا فيه كل وكاين فيه مرحاض واحد
لكان بعتولك مع 15 روح بعد 3أسابيع
انا نهار كنت لتم شهرين باه لبسوا
ودي معاك القش بزاف
من حيث تدريب مليحة و يحكموكم لي قاعدين يفوتوا فالعمين كيفكم
ماكلة خير من ثكنات الأخرين
واشنوا المشكل لكبير طولوا باه تلبسوا عليها يلزم تجيب لحوايج بزاف
ودير دوسي مديكال تقدر فيها خير
وربي يوفقكم
vBulletin® v3.8.10 Release Candidate 2, Copyright ©2000-2025, TranZ by Almuhajir