إلى الغالية أم رامي [الأرشيف] - منتديات الجلفة لكل الجزائريين و العرب

المساعد الشخصي الرقمي

مشاهدة النسخة كاملة : إلى الغالية أم رامي

raboha

2013-02-19, 13:41

raboha

2013-02-19, 22:29

وينك يا أم رامي؟؟؟؟؟؟؟؟؟؟؟؟؟؟؟؟؟؟؟

الوهرانية 1

2013-02-19, 22:39

حبيبتي متتقلقيش اكيد راح تجاوبك الاخت ام رامي ممكن مدخلتش ا تحياتي اختي

*ام رامي*

2013-02-20, 08:43

بسم الله الرحمن الرحيم
أولا نشكرك على كل مجهوداتك ربي يطيك الصحة
نتمنى تجاوبي على أسئلتي اللي راني حايرة فيهم
1- أختي الغالية جربت قداش من وصفة لقلب اللوز و منجحليش دايما يطلع يابس حجرة
و الله نتبع كل الخطوات بالتدقيق و النتيجة فاشلة حتى طريقتك درتها و كيف كيف
جربتو بكل أنواع الدشيشة و مصلحليش. و علاش؟
2- العجينة المورقة جربتها و خرجت هايلة درت بيها كوكا+ ميل فاي+ بيتزا و النتيجة روعة
لكن كي درت الكرواسون و البتي بان مصدقليش تخرج يابسة و متطلعش و من داخل تبقى عجين مع أني نطيبها بعقلها
إسمحيلي كثرت عليك و إنشاء الله أجرك عالي عند الله تعالى
تحياتي و تقديري لك

اهلا اختي وعذرا على التاخير لم الحظ سؤالك
العفو اختي الله يسلمك ويخليك
والله بالنسبة لقلب اللوز اكيد هناك خلل يخلي تطبيقك غير ناجح
ممكن في الشاربات تحضريها ثقيلة ممكن في نوعية السميد يتبلل ويتعجن كي ترشيهبالماء او ما تخليهش يشرب في راحته وضحليلي كيفاه حضرتيه اكثر باه نعرف السبب
العجينة المورقة مش هي عجينة الكرواسون
نتاع الكرواسون فيها خميرة الخبز وتخمر وتورقيها بمرغرين التوريق وعند التشكيل تخمر مدة طويلة حوالي ساعتين
ثم تطهيها
اي سؤال اختي اتفضلي

زنجبيل11

2013-02-20, 14:22

شكرا ربوحة انتي تسالي و نحن نستفيد
يعطيك الصحة ام رامي على التوضيح

raboha

2013-02-20, 14:24

اهلا اختي وعذرا على التاخير لم الحظ سؤالك
العفو اختي الله يسلمك ويخليك
والله بالنسبة لقلب اللوز اكيد هناك خلل يخلي تطبيقك غير ناجح
ممكن في الشاربات تحضريها ثقيلة ممكن في نوعية السميد يتبلل ويتعجن كي ترشيهبالماء او ما تخليهش يشرب في راحته وضحليلي كيفاه حضرتيه اكثر باه نعرف السبب
العجينة المورقة مش هي عجينة الكرواسون
نتاع الكرواسون فيها خميرة الخبز وتخمر وتورقيها بمرغرين التوريق وعند التشكيل تخمر مدة طويلة حوالي ساعتين
ثم تطهيها
اي سؤال اختي اتفضلي

شكرا على الرد و اسمحيلي كي كنت مقلقة حبيتك تجاوبي عليا ثم ثم
شوفي ختي الوصفات اللي من قبل تقريبا كيف كيف
يقولو إفتلي الدشيشة مليح بالسمن من بعد نشمخها بماء الزهر و نخليها تبات و الصباح نزيد نفتلها و نبللها بماء الزهر و نفرشو فالسنيوة و نطيبو و الشاربات ثان نديرها خفيفة و كي تغلي نطفي عليها و نزيدلها كاس ماء الزهر و نسقيه و نخليه يطول باش نطل عليه قاع ذاك الشى و نصيبو يابس و كلي مسقيتوش قاع
كاين اللي قاتلي بالاك من نوع السنيوة
- قلب الوز لازم يبات ولا تقدري غير تخلطيه طيبيه؟
أما الكرواسون درت خمرت قبل العجينة من بعد ورقتها
- الكرواسون لازم يخمر بزاف بعد توريقو؟
- كي نحل العجينة لازم تكون شوية خشينة ولا رقيقة؟
- الفور يكون سخون من قبل و كي ندخلو يطيب نقصلو؟
يا الغالية إسمحيلي عييتك معايا و الله اللي نديرها تخرج تحفة إلا هاذو محبوش
ألف ألف شكر مسبقا و ربي يجازيك على تعبك

*ام رامي*

2013-02-20, 16:50

شكرا على الرد و اسمحيلي كي كنت مقلقة حبيتك تجاوبي عليا ثم ثم
شوفي ختي الوصفات اللي من قبل تقريبا كيف كيف
يقولو إفتلي الدشيشة مليح بالسمن من بعد نشمخها بماء الزهر و نخليها تبات و الصباح نزيد نفتلها و نبللها بماء الزهر و نفرشو فالسنيوة و نطيبو و الشاربات ثان نديرها خفيفة و كي تغلي نطفي عليها و نزيدلها كاس ماء الزهر و نسقيه و نخليه يطول باش نطل عليه قاع ذاك الشى و نصيبو يابس و كلي مسقيتوش قاع
كاين اللي قاتلي بالاك من نوع السنيوة
- قلب الوز لازم يبات ولا تقدري غير تخلطيه طيبيه؟
أما الكرواسون درت خمرت قبل العجينة من بعد ورقتها
- الكرواسون لازم يخمر بزاف بعد توريقو؟
- كي نحل العجينة لازم تكون شوية خشينة ولا رقيقة؟
- الفور يكون سخون من قبل و كي ندخلو يطيب نقصلو؟
يا الغالية إسمحيلي عييتك معايا و الله اللي نديرها تخرج تحفة إلا هاذو محبوش
ألف ألف شكر مسبقا و ربي يجازيك على تعبك

العفو اختي

ممكن جدا يكون السبب هو التشيشة لازم تكون كبيرة قد حبات الكسكس وما تلقايهاش الصباح لاصقة في بعضها العكس كل حبة وحدها وترشيها بالماء ويكون الخليط ثقيل
الشاربات تكون باردة و كثيرة بلاك انت تديري غير شوية وبعد ما تسقيه تغطيه وترجعيه للفرن طافي على الاقل 3
ساعات
الخليط لازم يبات مايصلحش تطيبيه ثم ثم يتحرق السكر
ايه لازم يتخمر بعد التوريق والتشكيل ساعتين
سمك العجينة يكةن حوالي نصف سم
الفرن يكون ساخن وبعد 5 د او 10 د تبداي تنقصي غير شوية باه ما يتحرقش
السماح اختي
وبالنسبة للكرواسون راهي الهام 07 حطاتوا ويجي رااائع شوفي تطبيقي في قسم التطبيقات وكذلك تطبيقات العضوات
راه ناجح روحي طبقيه طوووول

raboha

2013-02-21, 10:04

العفو اختي

ممكن جدا يكون السبب هو التشيشة لازم تكون كبيرة قد حبات الكسكس وما تلقايهاش الصباح لاصقة في بعضها العكس كل حبة وحدها وترشيها بالماء ويكون الخليط ثقيل
الشاربات تكون باردة و كثيرة بلاك انت تديري غير شوية وبعد ما تسقيه تغطيه وترجعيه للفرن طافي على الاقل 3
ساعات
الخليط لازم يبات مايصلحش تطيبيه ثم ثم يتحرق السكر
ايه لازم يتخمر بعد التوريق والتشكيل ساعتين
سمك العجينة يكةن حوالي نصف سم
الفرن يكون ساخن وبعد 5 د او 10 د تبداي تنقصي غير شوية باه ما يتحرقش
السماح اختي
وبالنسبة للكرواسون راهي الهام 07 حطاتوا ويجي رااائع شوفي تطبيقي في قسم التطبيقات وكذلك تطبيقات العضوات
راه ناجح روحي طبقيه طوووول

مشكورة مشكورة و ربي يخليك
صح الدشيشة كي نبيتها الصباح منصيبهاش مزربعة بصح لإنشاء الله ندور على النوع الخشين و نجربها
و الكرواسون نتبع واش قلتي بصح حاليا ندير اللي حطاتو الأخت إلهام
إسمحيلي ختي الغالية ربي ينورك