الى الوهرانية 1 رجاءااااااااااااااااااا

[الأمنيات]

السلام عليكم
اختي وهرانية 1 يلزمني مقادير للوصفات التالية الحريرة وطاجين الزيتون والجلبانه والمثوم لكن بكميات كبيرة تاع عرس ربي يفرحك اختي
راني في الانتظار رجاءااااااااااااااااااااااااااااااا

[أم ياسين الزهراء]

شفتها مرة دارت الحريرة بكمية كبيرة ادا لقيتها نحطهالك

[أم ياسين الزهراء]

شوفي هذا وادعلي دعوة خير حنونة راني حوستلك


http://www.djelfa.info/vb/showthread.php?p=12435395#post12435395

[الأمنيات]

بارك الله فيك اختي ام ياسين الزهراء لكن انا اريد مكونات الاطباق ايضا

[amina-31]

hrira li daretha marahich ta3 3rass daret hrira khfifa w sari3a fi tahdir
nchallah tedkhol wt3awnek

[الوهرانية 1]

السلام عليكم حبيبتي الغالية قوليلي كم من شخص وانا نقولك ونزيد نسقسي ماما راهي محترفة

[الأمنيات]

بارك الله فيك اختي عدد الاشخاص تقريب 50 هو عرس ان شاء الله

[الوهرانية 1]

شوفي الحريرة راهي موجودة في الرابط راني مديت لاخت مقادير تع 8 لتر توكل 22 واحد انتي ضاعي الكمية 3 مرات الزايد خير
والاطباق الاخرى تبعي معايا اعطيني فرصة نكتبلك بالتفصيل
المهم جاوبيني على هاد الاسئلة ربي يخليك
الزيتون بالدجاج محمر والفلفون ولا بالغنمي
الجلبان بكريات الكفتة والغنمي ولا بالقرنون معمر ومقلي
المثوم كيداير الي راح اديريه بكوريات البيض المحشي ولا العادي
وزيد مارغديش اديري الحلو
لانو راكي دايرة طواجين مالحة متقاربة مجرد راي حنونة
والمقبلات كيفاه لانها تتبع الطبق
اعطيني افكارك وانا ننقاشها معاك لانو اخر صيحة اطباق راهي طاجين الحلو بالحلة الجديدة

[الأمنيات]

شوفي الحريرةراني شفت الرابط
الزيتون اعطيني كلا الوصفات بالدجاج والغنمي
الجلبانه بدون قرنون لانه قليل عندنا بصح اذا تكرمتي بالوصفتين دجاج وغنمي
المثوم العادي
وهاد الاطباق ماشي كامل تندار في العرس فقط واحد فيهم الحلو سهل ماشي مشكل
شكرااااااااااااااااا

[الوهرانية 1]

اوك امنحيني وقت قصير ونبعثلك بالتفصيل

[شلال فرح]

امممممممممممممممممممممممم شهيتونا


ربي يكملك العرس اختي الامنيات

اختي الوهرانية يا ريت تعطينى وصفة هاد الحلو الجديد شوقتيني و صورة لكان عندك انا عندي عرس خويا ابعد 15 يوم

[الأمنيات]

راني نستانه يا الوهرانية 1 طلي عليا

[الوهرانية 1]

راني نستانه يا الوهرانية 1 طلي عليا

اوكي حبيبة غالية والطلب رخيص

[dahmouna2006]

دواااااااااااااااااااااااااااااااااااام الافراااااااااااااااااااااح

[الوهرانية 1]

اولا اسمحيلي اختي امنيات والله العظيم كيما قلتكم ماكنتش قادرة ندخل للمنتدى بسبب تغيير كلمة المرور المهم راح نحاول نساعدك وانشاء الله نتوفق يعني نكون عند حسن ظنك
بالنسبة للمعروضين قلتي 50 فرد انا نعطيك تاع 60 يعني الزايد خير من الناقص راكي تعرفي هاد الشي
نقسمو هاد الافراد في راسنا هي طريقة الوالدة يعني كل خمسة في طابلة وحدة يعطونا12 حطة كيما نقولو في وهران هههه
نبدوا على بركة الرحمان بالجلبان بالغنمي
-12 طرف لحم غنمي -12 كيلو جلبان -40الى 50 حبة جزرة متوسطة – 12 حبة بصل كبيرة - 18 ملعقة كبيرة طماطم مصبرة - 6ملاعق كبار ملح بالتقريب لانو كل ملح ونوعيتو -3ملاعق كبار فلفل اسود ماشي معمرين بزاف -4 ملاعق كبارقرفة مطحونة-2ملاعق كبار فلفل احمر –لتر زيت و250غ زبدة
طريقة التحضير طبعا تعرفيها
نفس المكونات ادا درناه بالدجاج وكي يطيب نديرو التتبيلة تاع الدجاج المحمر ونحمروه
الزيتون 6الى7 كيلو زيتون البيدو يجي فيه 5 كيلو
12دجاجة ولا 6دجاجات كبار انتي وواش حابة تحطي جاجة ولانص
40الى 50 جزرة -20 حبة بصل كبيرة-18 ملعقة كبيرة طماطم مصبرة -6 ملاعق كبار ملح -3ملاعق كبار فلفل اسود-4ملاعق كبار كروية -2 ملاعق كبار فلفل احمر -3 ربطات معدنوس -6 الى 7 ريسان ثوم مرحي ريسان ماشي سنينات -24 ورقة رند
2لتر زيت
شوفي ادا درتي الغنمي نقصي نصف لتر زيت
وكيما راكي تشوفي الجلبان اعطيتهلك باللحم والزيتون بالجاج وانتي غيري المهم راهم عندك المقادير
تتبيلة الدجاج المحمر
زبدة – معدنوس-ملح- فلفل اسود –زعفران- ثوم- موتارد-وصفار بيض اختياري لكنو يحمر مليح الدجاج خاصة في الاعراس
شوفي من بعد نحط لك المثوم حنونتي

[مليكة01]

السلام عليكم


طولتي الغيبة ، الحمد لله رجعتيلنا بالسلامة .

أشكرك كثيرا ، والدتي أمامي قالتلك الله يحفظلك الأم و يحفظك ..


قالتلي إكتبيهملي هذه حاجة هايلة لما تكون المقادير مضبوطة


و تسألك على طاجين الجلبانة ما يكونش حلو بزاف مع الجزر ؟ و لا يزيدو بنة ؟


و ما تنسايش مقادير الحلو

تعبناك طماعين بزاف و أنت كريمة .
ألف شكر

[الوهرانية 1]

[quote=مليكة01;13147331]السلام عليكم


طولتي الغيبة ، الحمد لله رجعتيلنا بالسلامة .

أشكرك كثيرا ، والدتي أمامي قالتلك الله يحفظلك الأم و يحفظك ..


قالتلي إكتبيهملي هذه حاجة هايلة لما تكون المقادير مضبوطة


و تسألك على طاجين الجلبانة ما يكونش حلو بزاف مع الجزر ؟ و لا يزيدو بنة ؟


و ما تنسايش مقادير الحلو

تعبناك طماعين بزاف و أنت كريمة .




اولا سلامي للوالدة الكريمة وليك طبعا وبالنسبة للجزر بالعكس راه دوقه هايل لانه راه غادي يشرب بنة القرفة اكثر من الجلبان نفسو وهادا هو الحساب بمعدل 3 احبات الى 3 حبات ونص للكيلو تاع الجلبان تحياتي حبيبتي واي سؤال انا في الخدمة المقادير مضبوطة ممكن اختلاف بسيط بالنسبة لنوعية التوابل او حجم الملعة ماتنسيش ولكن المهم راه هدا هو الحل لانك بعد ماتدوقي ماراحش تتعبي اكيد والاضافات قليلة

[مليكة01]

شكرا لك على الرد و الإهتمام .

ليلة سعيدة .

[dahmouna2006]

mmmmmmmmmmmmmmmmmmmmmmmmmmmmmmmmmmmmm

[الأمنيات]

بارك الله فيك اختي الوهرانية على المقادير راها عجبتني
لكن احنا الزيتون ما نديروش فيه الجزر تاع العرس غير الزيتون وحده فقط ومرات الشونبنيو
راني ننتظر في الحلو الوصفة الجديدة كيما قالت الاخت مليكة
ربي يحفظك تعبناك معانا انتي والوالدة سلمي عليها
ما قدرتش نرد امس المنتدى كان ثقيل خاصة مع العشية

[الوهرانية 1]

بارك الله فيك اختي الوهرانية على المقادير راها عجبتني
لكن احنا الزيتون ما نديروش فيه الجزر تاع العرس غير الزيتون وحده فقط ومرات الشونبنيو
راني ننتظر في الحلو الوصفة الجديدة كيما قالت الاخت مليكة
ربي يحفظك تعبناك معانا انتي والوالدة سلمي عليها
ما قدرتش نرد امس المنتدى كان ثقيل خاصة مع العشية

حبيبتي صح كاين الي يدير وكاين الى مايديرش احنا مانديروهش في اعراسنا لكن مؤخرا كليتو في قاعة افراح كان روعة وناشف وجربتو في عرضة نفاس ل40 فرد كان هايل حبيت نقولك عليه
ويبقى اختياري ونسيت ممكن لفولفون معمرين اسمحلي حبيبتي

[الأمنيات]

الي عندك هاتي اختي انا رايحة نعطيهم وحدها مسكينة تخدم على ولادها ليس لي
انا عايلتي ولا قدرت لها ههههههههههههههههههه

[wala]

السلام عليكم ربى يعطيلك صحتك رانا ستفدنا بزاف منك وهدا كل بفضل حبك لفعل الخير واحنايا طبعا