مشكلة نظري

[مشكلتي]

السلام عليكم

انصحوني راني تعبت بزاااااااف نفسيا والسبب هو ادماني على الانترنت احيانا احس حتى اني اجلس بدون فائدة ولكنني اجلس لساعات طويلة
اعلم ان في هذا ضياع لوقتي بدل ان استثمره في حاجة تنفعني ولكنه الادمااااااااان

وصلني لحتى درجة وين وليت ما نشوفش مليح للبعيد وقعدت هكاك حتى وين زاد نقص نظري اكثر حتى مرة جاو في المسيد ديالنا وبعثتني الطبيبة لطبيب العيون هنا والديا زقاو عليا وقالولنا نصحناك وما حبيتيش تسمعي ( حتى اني اصبحت نقعد بالخفية عليهم )

رحت للطبيبة درت نواظر وما عجبونيش ماكنتش نخرج بيهم للبرا وكنت كي نقرا نديرهم لاني مع اللول مع سييتهمش مع خماري ماجاوش مناسبين مع الخمار ( يتخربلي ) وكي نشوف صحاباتي يديروهم نورمال وليت حتى في القسم ما نديرهمش

حتى اني الان بديت نحس بلي حتى بيهم في الدار ما نشوفش مليح من عيني اليمين وراني خايفة نزيد نقول لبابا كاشما يهدرلي
( حبيت ندير عدسات لاصقة وخايفة لا يكونوا غاليين اذا قلت لبابا ) وتاني اعطوني نصيحة الا بدلت نواظري كيفاش يجو ملاح مع الخمار كيفاش نخيرهم

[حلمي الجنان]

صحة عيناك اهم من الموضة والخمار واهم من المظاهر واهم من نظرة الناس لك البسي نواظرك يا اختي وخليك من التوسويس اهم شئ في الانسان عيونو

[بيسان فلسطين]

عاونيني اختي ربي يعيشك و يفتحها ف وجهك نجي نحط مشكلتي يقلولي غير مصرح لك بدخول هذه الصفحة ما لقيتش كيفاش نراسل الادارة واش ندير

[sabounimanal0]

انا تاني من راي الاخت عينيك خير على كلشي البسيهم و خليك من نظرة الناس ليك.وزيد نواظر درك ولاو يلبسوهم بزاف حتى اللي عينيهم نورمال وزيد بالعكس مع الخمار يواتيو روعة اعرفي برك كيفاه توالفي بيهم و خلاص.

[Dr.hmss]

سلام خيتو ...
مشكل النت والادمان عليها مشكلة يعاني منها الكثير...وانا كنت اعاني منها

لكن فكري مع نفسك ...هدا وقت ...وقت من حياتك ...وقت ضايع مع الكترونيات صمااااء ...ما اخدت ما جبت
سيي قدر المستطاااع تبعدي عليها وما تقعدييش بزااف
وتفكري مساوءها باش تكون عندك قوة باش تبعدي عليها
ومن المساوء هي ضعف نظرك

اتمنى لك الشفاء العاجل

موفقة بادن الله

[sousou hz]

النظارات ماشي عيب ديريهم كاين لي مودال يهبلو انا ندير وحدة مام لي لونتي موافقين غي استهلي في عينيك وبعدي شوية على الميكرو انا تبانلي ماكاين حتى مشكلة

[sali-sali]

وهدي وراكي درتيها مشكلة

يا اختي المهم صحتك و تولي تشوفي نورمال

[yako02]

صدقي او لا تصدقي الان فقط كنت اتحدث مع صديقتي في العمل على النظارات الطبية انا ايضا منحملهمش و حابة نديرهم ليس لانو عندي نقص في النظر و لكن بحكم عملي اما جهاز الكمبيوتر لازم نديرهم للحفاظ على صحة بصري فما بالك اذا نقصلك النظر لازم ديريهم اما بالنسبة انهم يخربولك الخمار فهذا لانك اخترتي الاطار الخطأ روحي عند صاحب النظارات الطبية و قوليلو يعطيك اطار لي ميخربش الخمار و راهم كاينين انا غبر بارح رحت نشوف و كنت نخاف اذا درت نظارات مع الخمار ميجوش و اعطاني جربت كذا اطار و الله الخمار متحركش من مكانو مخربش جربي و شوفي
لازم ديري نظاراتك و يكونش عندك عقدة حنونة لازم هذا البصر و اذا فقدتيه ما عساك تفعلين و قللي من الجلوس امام الكمبيوتر مثلا ادخلي المطبخ اعملي حلويات او طبخ المهم حاولي تلاهي روحك شوية عليه

[nana w]

السلام عليكم انا ايضا اعاني من ضعف بالنظر واانا مدمنة انترنت الله غالب لم استطع المقاومة اغلب وقتي امام النت لساعات متأخرة من الليل وكنت ألبس نظارات ولكني كرهتها ورفضتها وصار ينتابني منها احباط فلبست عدسات لاصقة بعد استشارة طبيبي اكيد وانا الآن البسهم من سنين والحمدلله اغلب الناس اعتقدو اني شفيت تماما من قصر النظر وتخليت عن النظارات

[ام البنتين]

يا بنتي راكي غضتيني بزاف و ما ليت ما نقولك غير :عندك غير خيارين اما ان يتخربلك خمارك او يتخربوا عينيك.اختاري واحد من اثنين.ربي يهديك

[medscd]

اولا نقولك ربي يشافيك وان شاء الله يرجعلك الشوف بقدرة الله عزل وجل

هو القادر على كل شيء

شوفي معايا انا راني فاهمك 10/10

لان مشكلتك انا مرت عليا لكن عادي جدا

لا يهمني اي شخص

لا خيرة . ولا كاترين هههههههههه

كلهم سواء وكل شخص لديه عيوب

الكمال لله عز وجل

لكن اذا حبيتي تديري ل لونتي

انا من ولاية عين دفلى

ول لونتي كاين انواع


كاين من 6000 دج يعني 600 الف

حتى

12000 يعني مليون و 200 الف


توع 600 الف جيدة جدا

وصراحة والله احبتت الكلام معك تعرفين لمذا

لاني عندي نفس مشكلتك

لكن نسيت كل شيء وكل الاشخاص من ناحية هذه

يعني نطلع ونهبط لحسابات انا اعرف بلي راكي تفكري هكذا

لكن نورمال

كي تكبري وتزوجي ان شاء الله

ثماك والله تولي تضحكي على روحك كيفاه كنتي تفكري ( هذه شفتها من عند ناس كانو مثلنا)

وف الاخير نقولك مرة ثانية ان شاء الله ياااااااارب

ربي يرجعلك النظر التاعك 10/10

ودائما قولي
والحمد والشكر لله على كل حال

[أسماء أماني*]

http://www.youtube.com/watch?v=m6f8wTWJUfo

[fifiarch]

مساء الخير
انا والله لما شفت مشكلتك
حبيت نساعدك بلي نعرفو
انا عن نفسي درت لي لينات مين كان عمري 14 سنة
والان الحمد لله عندي 24
كنت ناقصة ومانقدرش نشوف للبعد مليح
من التلفزيون طبعا لانو في هذاك الوقت ماكانش انترنت وادمان عليها
لكن والله لما درتهم ارتحت
واعتبرتهم جزء من شخصيتي
ولحد الساعة جامي يوم مالبستهمش
اما على لي لونتي جامي خممت فيهم
علاه لانو يبانولي نخبي في الواقع
وغير ضعيف الشخصية ولي يتاثر بكلام الناس يخبي الواقع نتاعو
مالا انا ننصحك ديري نواضرك عادي وجامي النواظر يخربو الخمار
حاولي تلقايلهم طريقة مع الخمار
وماكلاه تكثري على باباك نحب كادر زي اخر ونحب لي لونتي
الاب مسكين واش يلحق واش يخلي مع غلاء المعيشة
اعملي شخصيتك من الان
ولي عجبتو كيما راني اهلا بيه
لي ماعجبتوش هو الخاسر
هكا اوثقي بروحك
وليس المظهر هو كل شيء
رغم انو النواظر مايشوهو في منظر الانسان والو
بالعكس يرتحولك عينيك و يحافظولك على نظرك

بالتوفيق

[yacine-08]

الحل واضح اختي الكريمة

قللي من الجلوس في على الكمبيوتر +عليك وضع نظاراتك في اغلب الاوقات

لدي اصدقاء يقومون بوضع النظارات عند الدراسة او في البيت وهدا ما عليك فعله .

[lola22]

نورمال اختي انا ثاني مدايرتهم في القراية وفي الدار برك
وراني نخمم اندير ليلونتي

[منهاج]

السلام عليكم

نظارات احسن من العدسات اللاصقة يليقلهم اهتمام كبير وكل ستة اشهر لازم تبدليهم واذا كانو عينيك فيهم حساسية

راهم يديرولك مشكل