ارجو من الاخوات الانتباه اكثر

[الوهرانية 1]

السلام عليكن حبيباتي ترددت بزاف باش نكتب الموضوع لكني قررت في الاخير نحطه لاني متاكدة انو الاخوات راح يفهمو قصدي طبعا مقارنة مع بعض المنتديات منتدانا العزيز سباق للجديد دائما ونتمنى نحافظو عليه وطبعا رانا اخوات و مانخبو على بعضنا والو كاين المبتدئة وكاين المحترفة ولكن كلنا رانا نتعلمو ونقومو بمجهودات واحيانا حاجة بسيطة تفيدي بيها استادة طبخ
لكن انا حبيت نوجه ملاحظة لبعض الاخوات الكريمات انو ماشي عيب كي تقولي منعرفش وحابة نتعلم وماشي عيب كي تبدعي في حاجة وتقولي صاحبتها شكون او على الاقل تقولي انها منقولة او منسوخة من فكرة سبقتني ليها اخت انا نتكلم بحكم اني شفت موضوعين ليا ومتاكدة انها طريقتي الخاصة وقبل مانقول انها طريقتي كنت بحثثتفي الانترنت وسالت في منتديات وكانت اجتهاد مني ولقيت البعض استغلها باسمة ولقى نجاح بيها بصحة عليك اختي لكن بينك وبين نفسك وحتى لوكان الاخوات سهاو ومدكروش انت ضميرك مرتاح اكيد لا لانك سرقتي افكار غيرك ونسبتيها ليك
اقسم بالله انها مش تشابه وانا نتاكدة ومحبيتش ندكر اسم الاختين تفادي للاحراج
القضية انو كاين اخوات يشوفو وصفة تعجبهم ويجربوها ولكن يبدل المقادير ويحطوها على انها وصفة ليهم يعني ادا انتي حطيتي بالكاس هي تحط بالغرام علاش هاد الخدع
المهم سامحوني اخواتي الكريمات على الصراحة
واسفة ادا كنت قد ازعجتكم
سلامي ليك وهدا دفعني اني نقدم اكثر للمنتدى

[زهره نرجس]

يعطيك الصحة على صراحتك

[مرام 1987]

:mh92:
Lala okhti 3andak hak kayan li mahdahomch rabi yasarko haja ta3 ghirhom w ygolo hna li khdamnaha
Ana kif chaft chhal mn mawadi3 kont chafthom mn kbal 3and akhawa homa sah ta3hom w lokhrin sarkohom
Na3tik mithal w natmana okht dir ihtiyatatha bah mayzidouch yasarkolha w howa ta3 okht lina11 kayna wahda hna f forum djelfa sarkat w nasbato liha
Wac fiha ki tgol amana raho mankooooool ????3la kol hal rabi yahdina

[linat]

يعطيك الصحة صراحتك شكراااااا لك

[إلهام07]

شكرا يالوهرانية على الموضوع ، انا كل ما نحط وصفة راني نقول منين جبتها ، يعني مثلا : وصفة المايونيز ووصفة الكرواسون ووصفة الحرشة بالطون كنت شفتهم في منتدى مغربي و جربتهم وصلحو وقلت في مواضيعي أنها من هذا المنتدى و ثاني وصفة السوفلي بالشكلاطة قلت أني أخذتها من كتاب و سميت الكتاب و حتى لما نجحت وصفة الكرواسون مع الأخوات قلت في الردود أنني ما شفتش موضوعك قبل ما نحط موضوعي و لكن شفتو مؤخرا و ماشي مشكل لأنني أصلا لم أنسب الوصفة لنفسي ، إذا قصدك علي أنا راكي غالطة يالوهرانية بالعكس ما كانش عضوة تتحرى الأمانة في الوصفات هنا مثلي ، حتى لما جيت نحط وصفة صلصلة التوفي ، بحثت وتأكدت أنو ولا واحدة عملت هذا الموضوع .
أنا أصلا نحترمك بزاف ، أنت عضوة مبدعة و تعلمت من عندك حاجات مثل طريقة الكيس المبلل و بل العكس أتمنى تكون بيناتنا صداقة و محبة في الله .
أرجو توضحي سوء التفاهم :)

[moslihe29]

عندك الصح اختى العزيزة انا كذالك وجدت موضوعى اخذاته اخرى وحاطاته باسمها ولما نحط وصفة نقول صاحبتها ونشكرها حتى واحد ما زاد متعلم نجرب ونشكر صاحبة الوصفة الاصلية واذا ابتكرت وجددت فيها فهذا فائدة للجميع بارك الله فيك

[نور المستقبل]

;واش راكم يالبنات اممممممممممم باين عليكم منرفزين متخليوش الشيطان يدخل بيناتكم صدقوني احنا كامل اسرة واحدة وهاذ المنتدى هو بيتنا وافراد الاسرة ساعة هاك اساعة هاك يعني احنا في هاذ المنتدى نديو واللي عندو يمد وبامانة اسمحولي ياخوتاتي باش منقعوش في الاحراج كل واحدة تحط موضوع تذكز صاحبته او منقول الى اخره حتى لو نسات صاحبته تقول راني نسيت حتى يعلم الجميع اقتراح اخر كل كل واحدة تشوف موضوعها يسرق ترد عليها في نفس الموضوع وتاكد لها بالدليل القاطع وجميع العضوات تدافع وبالديل ايضا يمكن صاحبة الموضوع الرسمي منتبهتش ويقدم الاعتذار مهوش عيب اللي يغلط يخلص كل واحد يقول رايو وفي الختام الغرض من هاذ المنتدى هو افادة الجميع والاعمال بانيات ولكل امريء ما نوى شكرا

[amina nourhanne]

عندك الحق ختي

[الوهرانية 1]

:mh92:
Lala okhti 3andak hak kayan li mahdahomch rabi yasarko haja ta3 ghirhom w ygolo hna li khdamnaha
ana kif chaft chhal mn mawadi3 kont chafthom mn kbal 3and akhawa homa sah ta3hom w lokhrin sarkohom
na3tik mithal w natmana okht dir ihtiyatatha bah mayzidouch yasarkolha w howa ta3 okht lina11 kayna wahda hna f forum djelfa sarkat w nasbato liha
wac fiha ki tgol amana raho mankooooool ????3la kol hal rabi yahdina
شكرا اختي على المرور الطيب
يعطيك الصحة على صراحتك
الله يسلمك وتحياتي ليك حبيبتي
عندك الصح اختى العزيزة انا كذالك وجدت موضوعى اخذاته اخرى وحاطاته باسمها ولما نحط وصفة نقول صاحبتها ونشكرها حتى واحد ما زاد متعلم نجرب ونشكر صاحبة الوصفة الاصلية واذا ابتكرت وجددت فيها فهذا فائدة للجميع بارك الله فيك
شكرا ليك حبيبتي شكرا على التفاعل
شكرا يالوهرانية على الموضوع ، انا كل ما نحط وصفة راني نقول منين جبتها ، يعني مثلا : وصفة المايونيز ووصفة الكرواسون ووصفة الحرشة بالطون كنت شفتهم في منتدى مغربي و جربتهم وصلحو وقلت في مواضيعي أنها من هذا المنتدى و ثاني وصفة السوفلي بالشكلاطة قلت أني أخذتها من كتاب و سميت الكتاب و حتى لما نجحت وصفة الكرواسون مع الأخوات قلت في الردود أنني ما شفتش موضوعك قبل ما نحط موضوعي و لكن شفتو مؤخرا و ماشي مشكل لأنني أصلا لم أنسب الوصفة لنفسي ، إذا قصدك علي أنا راكي غالطة يالوهرانية بالعكس ما كانش عضوة تتحرى الأمانة في الوصفات هنا مثلي ، حتى لما جيت نحط وصفة صلصلة التوفي ، بحثت وتأكدت أنو ولا واحدة عملت هذا الموضوع .
أنا أصلا نحترمك بزاف ، أنت عضوة مبدعة و تعلمت من عندك حاجات مثل طريقة الكيس المبلل و بل العكس أتمنى تكون بيناتنا صداقة و محبة في الله .انا لم اقل اي اسم عضوة حبيبتي وماشي من عادتي اني نجرح ناس انا فقط وضعت نقطة باش الاخوات يفهموها انا متاكدة من كلامي ومن الشي الي قلتو وفيما يخص الاحترام راهو متبادل اختي الكريمة ماكان حتى مشكل تحياتي
أرجو توضحي سوء التفاهم :)

يعطيك الصحة صراحتك شكراااااا لك
العفو حبيبتي الغالية

[الوهرانية 1]

;واش راكم يالبنات اممممممممممم باين عليكم منرفزين متخليوش الشيطان يدخل بيناتكم صدقوني احنا كامل اسرة واحدة وهاذ المنتدى هو بيتنا وافراد الاسرة ساعة هاك اساعة هاك يعني احنا في هاذ المنتدى نديو واللي عندو يمد وبامانة اسمحولي ياخوتاتي باش منقعوش في الاحراج كل واحدة تحط موضوع تذكز صاحبته او منقول الى اخره حتى لو نسات صاحبته تقول راني نسيت حتى يعلم الجميع اقتراح اخر كل كل واحدة تشوف موضوعها يسرق ترد عليها في نفس الموضوع وتاكد لها بالدليل القاطع وجميع العضوات تدافع وبالديل ايضا يمكن صاحبة الموضوع الرسمي منتبهتش ويقدم الاعتذار مهوش عيب اللي يغلط يخلص كل واحد يقول رايو وفي الختام الغرض من هاذ المنتدى هو افادة الجميع والاعمال بانيات ولكل امريء ما نوى شكرا

حبيبتي احنا خواتات وماشي هاد الاشياء الي تنرفزنا لكن انا حبيت نوضح كيما قلت يعني مش الغرض التهجم انا والله بحسن نية حبيبتي ومادكرت حتى اسم وحدة والي راهي عارفة روحها تدخل الصف النضباطي تاع المنتدى وادا كانت غلطة متكررهاش وهكدا نستفادو كلنا بكل احترام

[الوهرانية 1]

عندك الصح اختى العزيزة انا كذالك وجدت موضوعى اخذاته اخرى وحاطاته باسمها ولما نحط وصفة نقول صاحبتها ونشكرها حتى واحد ما زاد متعلم نجرب ونشكر صاحبة الوصفة الاصلية واذا ابتكرت وجددت فيها فهذا فائدة للجميع بارك الله فيك

ربي يخليك حبيبتي الغالية تحياتي

[ام زيد]

يعطيكم الكل الصحة المهم عندي ان هذا النتدى مميز وابحث فيه دوما على الجديد ولا اعرف ولا اريد ان اعرف غيره بارك الله فيكن حميعكن وخاصة الوهرانية وام رامي وام كوثر وام راضية

[الوهرانية 1]

شكرا يالوهرانية على الموضوع ، انا كل ما نحط وصفة راني نقول منين جبتها ، يعني مثلا : وصفة المايونيز ووصفة الكرواسون ووصفة الحرشة بالطون كنت شفتهم في منتدى مغربي و جربتهم وصلحو وقلت في مواضيعي أنها من هذا المنتدى و ثاني وصفة السوفلي بالشكلاطة قلت أني أخذتها من كتاب و سميت الكتاب و حتى لما نجحت وصفة الكرواسون مع الأخوات قلت في الردود أنني ما شفتش موضوعك قبل ما نحط موضوعي و لكن شفتو مؤخرا و ماشي مشكل لأنني أصلا لم أنسب الوصفة لنفسي ، إذا قصدك علي أنا راكي غالطة يالوهرانية بالعكس ما كانش عضوة تتحرى الأمانة في الوصفات هنا مثلي ، حتى لما جيت نحط وصفة صلصلة التوفي ، بحثت وتأكدت أنو ولا واحدة عملت هذا الموضوع .
أنا أصلا نحترمك بزاف ، أنت عضوة مبدعة و تعلمت من عندك حاجات مثل طريقة الكيس المبلل و بل العكس أتمنى تكون بيناتنا صداقة و محبة في الله .
أرجو توضحي سوء التفاهم :)

حبيبتي الهام انا مدكرتكش ومادكرت حتى وحدة انا عالجت نقطة مهمة الي نتمنى ما تتكررش لانها تزيد وتشكل فتنة بين العضوات انا هدفي غير الي دكرتيه صدقيني وادا كان على الاحترام راهو متبادل ومرحبا بصداقتك

[أم ياسين الزهراء]

ا نامعاك في كلش ماشي عيب اللي يتعلم عيب في اللي حاط روحو فاهم وانا شخصيا عند عائلة متفننة في الطبخ بصح كيدخلت المنتدى تعلمت واستفدت الكثير

[الوهرانية 1]

ا نامعاك في كلش ماشي عيب اللي يتعلم عيب في اللي حاط روحو فاهم وانا شخصيا عند عائلة متفننة في الطبخ بصح كيدخلت المنتدى تعلمت واستفدت الكثير

ربي يخليك اختي شكرا على المرور وفعلا كامل تعلمنا من المنتدى

[*أم كوثر*]

نقطة توضيحية فقط
اي اخت معانا هنا في المنتدى وابدعت وتميزت في مواضيعها الحصرية اكيد لمستها رح تبان واي وحدة تقوم بنسبها اليها راح تبان عليها اكتر
كل وحدة هنا يميزها شيئ عن الاخرى
اللي تجتهد باينة واللي تنقل باينة
واللي تقلد ايضا باينة
بالنسبة ليا فكرة الكيس المبلل كلما نشوفها في اي مكان تاني نعرفها بلي فكرتك انت في الاصل
وشكرا على صراحتك

[أم سراج الدين]

السلام عليكم
اختي الوهرانية الشي لي ذكرتيه كاين منه و حتى لاحظته
و الي غاضني في هذا المشكل انه صاحبة الوصفة لي حطتها هي الاولى ما تديش حقها
بصح الحمدلله اننا شايفين و عارفين و مش عيب نجرب الوصفة و كي ننجح فيها نحطها كتطبيق ماشي كموضوع جديد

[الوهرانية 1]

نقطة توضيحية فقط
اي اخت معانا هنا في المنتدى وابدعت وتميزت في مواضيعها الحصرية اكيد لمستها رح تبان واي وحدة تقوم بنسبها اليها راح تبان عليها اكتر
كل وحدة هنا يميزها شيئ عن الاخرى
اللي تجتهد باينة واللي تنقل باينة
واللي تقلد ايضا باينة
بالنسبة ليا فكرة الكيس المبلل كلما نشوفها في اي مكان تاني نعرفها بلي فكرتك انت في الاصل
وشكرا على صراحتك

انتي من المفروض يا استادة ماتكونيش هنا راه عندك امتحان ههههههههه
الى المطبخ والا ناقص نقطة
شكرا حبيبتي لكن الله شاهد نغير على المنتدى ونحبه دائما يكون باهي بعضواته
حظ سعيد ورانا نستناو طبقك

[الوهرانية 1]

السلام عليكم
اختي الوهرانية الشي لي ذكرتيه كاين منه و حتى لاحظته
و الي غاضني في هذا المشكل انه صاحبة الوصفة لي حطتها هي الاولى ما تديش حقها
بصح الحمدلله اننا شايفين و عارفين و مش عيب نجرب الوصفة و كي ننجح فيها نحطها كتطبيق ماشي كموضوع جديد

شفتي كيفاه هادا الي كنت حابة نقولو والله فهمتيني لازم كامل نحرسو على منتدانا الغالي

[دلوعة أبيها]

الصراحة راحة لا للغش نحن هنا لكي نفيد ونستفيد
وكاينين حتى ليجيبو تصور تاع تصديرة من منتدى اخر وتقول شوفو تصديرتي
وواش خيطت ربي يهديهم

[الوهرانية 1]

الصراحة راحة لا للغش نحن هنا لكي نفيد ونستفيد
وكاينين حتى ليجيبو تصور تاع تصديرة من منتدى اخر وتقول شوفو تصديرتي
وواش خيطت ربي يهديهم


هههههه شكرا حبيبتي ضحكتني تاع التصديرة والله عندك الحق سلامي اختي الكريمة

[nana w]

السلام عليكم .....مافيها والو كي تكتب الوحدة تحت الوصفة بين قوسين ان الموضوع منقول لتعم الفائدة

[أنا أمهم]

السلام يا الوهرانية .....توحشتك

عندنا مدة ما تلاقيناش هنا هههههههه


بالنسبة للكلام اللي قلتيه , أكيد هذا الشيء مؤلم لصاحبة الوصفة الأصلية لأنه مجهود و تعب......... و إن شاء الله العضوات اللي حطو الوصفات للمرة الثانية يكون قصدهم شريف (هههههه شفتي التعبير ههههه)



و يمكن يصير إلتباس : لما عضوة تعمل وصفة هنا و يصير نقلها لمنتديات أخرى من غير إسمها الأصلي, و تشوفها عضوة أخرى و تنجح معاها و تجيبها و كإنها حاجة جديدة ..... من غير علمها بأن صاحبة الوصفة الأصلية هنا..... يعني النية طيبة ههههههه



و ربي يحفظنا لبعضنا في منتدانا العزيز





بالنسبة لي لما تكون الوصفة أخذتها حرفيا من منتدى آخر , نقول إنها لشخص آخر و طبقتها, لكن لما تكون عدة أفكار من مواقع عديدة و جمعتها بطريقتي في وصفة واحدة , فأنا أنسبها لنفسي ههههه حتى أكافئ نفسي على مجهود التفكير و التنسيق هههههههه

[عروبتي]

شكرا عزيزتي الوهرانية على موضوعك وعلى صراحتك
انا والله دايما كي نحط موضوع او وصفة في اي منتدى حتى وان كانت نكتة نكتب اسفللها منقول لانو ضميري الحمد لله صاحي وانا كيما مانرضاش انو مواضيعي ينقلها غيري ويحطها باسمو كدلك مانرضاش اني ندي مواضيع غيري
ويبقى لكل ضميره
شكرا مرة اخرى عزيزتي المتالقة دوما وان شاء الله واحد مايديلك مواضيعك

[القسنطينية 84]

شكرا على التنبيه هذا من حقك لكن بلاك كاين سوء فهم و اللي يتعلم مش عيب وانت جزاءك عند ربي

[ام حبيب الرحمان]

المفروض حقوق التاليف محفوظة لصاحبتها تحية لكي

[YAKMISSOU]

http://im32.gulfup.com/VceCz.gif

[douane hadjer]

انا نشكر كل عضوات منتدى الطبخ بصفة عامة المبتدئات منهن و المحترفات لانو صراحة تعلمت منهم اشياء صراحة رووووووعة و مام سي كو مازلني صغيرة مي معاكم يوميا و انا فالكوزينة نطبق اشياء عديدة اللي تصلح ماشاء الله و اللي تفسد بحر عليها و نتمنى نقعدو هكا نتعلمو من بعضانا و نبقاو عايلة واحدة و يد واحدة

قولو امييييييييييييييييييييييين

[miri_27]

حبيبتي الوهرانية ليك وحشة ياغالية أنا أشكر التي نسبت الوصفات إليها كثيرا كثيرا ههههههههههههه لانه لولاها لما دخلتي الى المنتدى كما يقال مصائب قوم عند قوم فوائد و الفائدة أنكي بخير ياغالية لاتغيبي عنا وسلامي وتحياتي

[رملاك]

مرسي ختي يعطيك الصحة على صراحتك هادي

بارك اللهف يك

[الصوامعية]

أهلا عزيزتي الوهرانية و مشكورة على الموضوع تقولي طليتي على قلبي
واش قلتي كامل صح ومراكيش غاطة
أنا ايضا صرالي نفس المشكل مع زوج مواضيع حطيتهم فالمنتدى حلوة السيار أو الغربال بعد ما لقات هذي الوصفة نجاح باهر نصيب عضوة مرانيش عارفة اسمها تحط نفس الموضوع ولتزيد تهبلني كي يدخلو ويشكرو فيها تقولي هي الأولى لحطاتو الله يهديهم
أما الموضوع الثاني هو لتارت الفارميسال صرالي نفس المشكل فقط العضوة دارت لمستها وعملتهم في أطباق فردية
مرة أخري شكرا جزيلا يا الوهرانية وربي يطول في عمرك

[أم شيماءْ]

اولا اهلا بيك توحشناك وتوحشنا اطباقك وابداعاتك
لاحظت عدة وصفات هنا في المنتدى ولقيتها في منتديات اخرى ونسبوها ليهم والله استغربت لهذا التصرف :confused:

[meriama13]

مشكورة حبيبة على صراحتك
حتى انا لاحظت هاد العفسة و استغربت

[moniz]

عندك الحق الامانة ثم الامانة ........

[ام شرفو]

صباح الخير
ربي يهديهم و راه كاين الصالح و الطالح و كاين ناس كي الفطريات
عايشين على ظهر الاخرين و تلقايهم ما يحشموش
اوكلي امرك الى الله
وحسب الردود رانا كلنا عارفين قيمتك
وما تبخليناش بوصفاتك يا استاذة
و اذا كان عليا راني ما نسكوتش

[ساندي 28]

بصراحة يا اختي عندك الحق انا عن نفسي استفدت كتير من الكيس المبلل بصراحة من هداك الوقت هنيتيني من العجن كل غداء وعشاء والكسرة تجي مفشفشة ربي يحفطك ويخليلك احبابك تحياتي ليكي

[OU SS AMA]

بارك الله فيك اختي هاذا هو عين العقل ربي يجازك ويهدي الي يدير هاذ للحوايج

[mina80]

عندك حق لاحظت هذا كثيرا ولم يعجبني الامر