بقلاوة بالجوز على طريقتي جربوها متندموش

[اميرة في دنيا حقيرة]

السلام عليكم حبيباتي راني درت اليوم بقلاوة بالجوز جاتني روعة و حبيت نشاركم في الوصفة لانو لي دقوها اليوم الكل عجب
مقادير العجينة=
كيلة سمن
4 كيلات فرينة
رشة ملح
عظمة
نصف كاس نشاء الذرة باه يعطيلها هشاشة في القرشة نتاعها
ماء زهر و ماء باه نبلوا بيه العجينة

الحشو=

كيلة جوز مرحي متحمصيهش لانو الطعم نتاعوا يروح مجرج انك تشيحيه فقط فوق النار 5 دقائق ومبعد ترحيه

نصف كاس سكر(كاين لي يديروا كيلو جوز و نصف كيلة سكر انا لا لانو تجي حلوة بزاف كي نديرولها لعسل)

ترشيها بقليل من الزهر

و نبهكم لحاجة بقلاوة الجوز بذات متحبش القرفة ياسر لانوا طعمها يطغى على طعم الجوز ديري رشة خفيفة خلاص تجيك ملاحة

3الى 4 ملاعق زبدة ذايبة


الان حبيباتي نبداو بطريقة التحضير=

نخلط جميع المقادير الخاصة بالعجينة و كيما تلاحضي كاين لي يقولوا كيلة تع ماء زهر مخلط مع الماء اانا محطيتش لانوا الفرينة كاين لي تشرب و كان لي متشربش انتي عينك ميزانك تبلي حتي تتحصلي على عجينة طرية شوي ماشي ياسر

نترك العجينة ترتاح على الاقل 2 ساعة باه متتقطعلكش في الحلان

اما بالنسبة للحشو تخلطي المقادير مسبقا و تخليه


نرجعوا للعجينة (انا نحلها بالماكينة لي معندهاش تحل الحلال اليدوي ) نقرصوها الى 12 قرصة صغيرة يعني باه نديروا 6 من تحت و 6 من فوق
بالنسبة للي تستخدم الماكينة راح تجيك العجينة بعد ما تحليها مستطلية ماهيش دائرية تحطي كل مستطيل بجانب الاخر بشرط يكون طرف المستطيل 1 فوق طرف المستطيل الثاني باه ميجوش بعاد كي يطيبوا

وكي ديري الطبقة الاولي من العجينة نخلط قليل من الزبدة و السمن و الزيت تقولولي وعلاه الزيت لانوا هذا الخليط يعطي قرمشة ولا اروع للبقلاوة
كي تدهني الطبقة الاولى من العجينة ديري الطبقة 2 و لكن نبهك لحاجة اخري المستطيلات في الطبقة الاولى اذا درتيهم على الشكل العمودي الثتانية دريها افقيا تبقاي تعكسي من طبقة لطبقة ميجوش افقين الكل ولا عموديين الكل
ومتنشايش في كل طبقة تدرني بالخليط تع السمن والزبدة و الزيت
كي تكملي الطبقة 6 تحطي الحشو لي حضرتية وتكملي نفس الطريقة بالنسبة للعجينة
ملاحظة=العجينة تحليها في ارق رقم في الماكينة باه متجيكش خشينة

ونشاله تجربوها و لي عندها اي استفسار اختكم هنا

http://www.up.djelfa.info/uploads/136188334116891.jpg


http://www.up.djelfa.info/uploads/136188346752641.jpg


http://www.up.djelfa.info/uploads/136188353804661.jpg

[oum anas 69]

raw3aaaaaaaaaaaaaaaaaaa kharjatt hata ya3tik asaha

[faizarbh]

يعطيك الصحة اختي

[اميرة في دنيا حقيرة]

oum anas 69 faizarbh الله يسلمكم حبيباتي ربي يخليليكم نشاله

[ام محمد فارس]

يعطيك الصحة لكن حنا نديرو اللوز و الجوز و تاني تجي مليحة البنة نتاع الجوز تمد مذاق هايل للبقلاوة

[ام محمد فارس]

الوصفة رائعة

[ام محمد78]

جداً رآئعَـةة
يعطيك العـآُإفيـةة
لآعدمنـآُإ جديدك
ودي

[Abood-Dollar]

بارك الله فيك

[omaymen]

يعطيك الصحة اختي

[OU SS AMA]

بارك الله فيك

[اميرة في دنيا حقيرة]

اسعدني مروركم شكرا على الاهتمام احبتي

[سمونة بق]

باينة بلي تشهي يعطيك الصحة انا نموت على البقلاوة

[عازفة الناي]

هايلة يعطيك الصحة انا ندير 2 كيلات لوز وكيلة جوز وتجي روعة

[بريق الامل&]

http://upload.v22v.net/uploads/2013-03/v22v_67_127_662.gif

[الأمنيات]

http://i47.tinypic.com/14w69gx.jpg

[mounira titi]

جاتك هايلة و باين عليها بنينة اختي .يعطيك الصحة .و الله يجزيك عليها اختي.

[ام عبيدة]

جزاكي الله خير

[aicha3357]

Baraka Allah fik

[zineb_saib]

واااااااااااااااااااااااو فور فوووووووووووووووووووووووووور تهبل

[وداد100]

يعطيك الصحة تشهي

[faryal zahira]

بورك فيك على مجهودك الرائع

[souheila dz]

شكرا بارك الله فيك على الوصفة

[أم يحي صهيب]

الله يبارك اخيتي
صح يجي دوق فن

[وردة زمن]

يعطيك الصحة حنونة

[اميرة في دنيا حقيرة]

جاتك هايلة و باين عليها بنينة اختي .يعطيك الصحة .و الله يجزيك عليها اختي.

الله يسلمك يا لحبيبة:1::1::1:

[اميرة في دنيا حقيرة]

يعطيك الصحة حنونة

الله يسلمك حبيبتي الغالية

[RANIA32]

يعطيك الصحة

[zahra rose]

روعة الله يبارك ويزيد

[Oum Aness Bba]

افضل بقلاوة عندي على الاطلاق بقلاوة الجوز ..بارك الله فيك أختي جات هاايلة

[نورانيات]

تبان هايلة أختي انا ندرها كيما هكذا ونخلط لوز وجوز لأن حشو الجوز وحده ما يحكمش روح .

[idron0]

بارك الله فيك