ساعدوني في تأثيث منزلي

[ام عبودة]

السلام عليكم وأسعد الله صباح كم، راني ان شاء الله انوي النسكن في بيت جديد بعد قرار صعبنوعا ما ، الانفصال عن العائلة وانا الكنة الاولى و أولادي متعلقين بهم كثيرا .لكن كان هذا قرار زوجي ويجب نوافق .

من وين نبدأ؟ من المطبخ أو الصالون أو غرفتي او غرفة الأولاد.....؟ زوجي يريد كل شيؤ جديد . ومن المفروض أنا التي ستشتري كل شيء.

المشكل هو أني لا أحب التسوق ، كل مانخرج نرجع الى البيت راسي يؤلمني .


ساعدوني أخواتي :كيف أثاث منزلي من دون تعب ،كيف استغل الوقت.كل من عندها خبرة او رأي مرحباً بها وجازاكن الله كل الخير.لا تتأخرن علي ، أشعر بالفتور و قلة الجهد،لأنو هذا المنزل جاء في غير وقته.لم أتقبل بعد فكرة العيش وحدي .
الخاتمة1

السلام عليكم
سبحان الله اليوم 28 فبراير ولكن 2014 بعد العام وكان هذا اول موضوع ليا في المنتدى حكمتني ظروف خلاتني نحبس موضوع التأثيت ومن بعد غيرنا فكرة السكن
في اقل من اسبوع تأثث البيت من دون ان اتعب رحت في اقل من ساعة خيرت كامل صواحي وصاحب المحل تكفل بكل التركيبات
وراهو واجد ما زال المطبخ ما ركبناهش ورتيحو نحط الصور كي نلحق
وسبحان الله تاتي الرياح بما لا تشتهي السفن

[معاً إلى الله]

و عليكم السلام و رحمة الله و بركاته ..

أوّلااا أبارك لكِ السكن أختي الكريمة أم عبودة ..
ربي يجعلها عتبة مباركة عليكم و ان شاء الله تربحوا عليه و تتهناو فيه يااا رب ..

لازم تتقبلي الحقيقة يا أختي ..
و لازم تحمدي ربي على كلّ شيء ..
لا تفكّري في الماضي ..
المهم و الأهم أنك تركتي مكانك نظيف ..
و تركتي أهل حماك يدعون لك بالخير ..

فكري الان في المستقبل ..
لا تحسّسي نفسكِ بالفتور و قلّة الجهد كما تقولين ..

الآن أنتِ رايحة تسكني في منزل جديد ..
و أكيد المسؤولية راح تزيد شوية ..

حاولي تقسمي وقتك ..
و كما يقولوا واحد ما يدير الدار في نهار واحد ..
شوية شوية حتى تتمكني من تعديله و تنظيمه ..

فيما يخصّ المشتريات ..
حاولي تدقّقي النظر في جميع أركان المنزل ..
و خوذي عينك هي ميزانك ..
بحيث كي تروحي تشتري أثاث ..
تعرفي ان كان يلائم ذلك الركن و تلك الغرفة أم لا ..

و أفضّل أن تقنعي زوجك بمصاحبتك في التسوّق ..
لأنّ البنّنة في الاختيار تكون حين يتشارك الطرفان في ذلك ..

اجعلي يوما تخرجون فيه للملاحظة فقط ..
و معرفة الاسعار ..
فما شاء الله بلادنا أصبحت تبيع مختلف الموديلات ..
و المودال لي تشوفيه ينسيك في خوه ..
لذلك لا تتسرّعي في الشراء ..

حاولي تجمعي أكبر قدر من الموديلات و أسعارهم في راسك ..
ثمّ لا تنسي فكرة تنسيق الألوان ..
فهذا مهم جدااا ..
يعني من الزربية للستائر للأثاث لصبغة الجدران ..
حاولي تكوني معتدلة في التنسيق ..

أما عن الأولويات ..
واش نقولك يا أختي ..
في رأيي أنّ الأثاث الأولي لي لازم يكون في الدار ..
هو أثاث المطبخ ..
من ثلاجة و فرن و بعض الأواني ..

ثمّ نظن كأمر آخر أولي ..
مممم الصالون و لما لا ..
لأنو فيه سيتم استقبال الضيوف ..

من بعد راح تكملوا الغرف في غرضكم ..

نتمنى اني قدرت نشاركك برأيي المتواضع ..
و نتمنى أنو الاخوة و الاخوات يقدروا يفيدوك أكثر ..

نباركلك مرّة أخرة أخيتي ..
بالهناء و الصحة و العافية ان شاااء الله ..

ربي يوفقك و يعينك ..

سلااامي ..

[ام عبودة]

وعليكم السلام ورحمة الله و بركاته .الله يبارك فيك أختي الكريمة. ان شاء الله رايحة ندير واش قلتي . الإشكالية في زوجي في بالو كل شيء ساهل بالفلوس. ناسي بلي لازم تنسيق و ترتيب ودراسة كل كبيرة و صغيرة.لان البيت شوي صغير : الطابق السفلي مطبخ و صالون و حمام والفوق غرفتين. وبصراحة أنا والفت مع العائلة الكبيرة بيت كبير والحديقة كبيرة بزاف. راني نخمم في ولادي وين رايحين يلعبو. بصراحة هم ماشي تاع العب في بيتك، يحبو يجروا بزاف...

[معاً إلى الله]

وعليكم السلام ورحمة الله و بركاته .الله يبارك فيك أختي الكريمة. ان شاء الله رايحة ندير واش قلتي . الإشكالية في زوجي في بالو كل شيء ساهل بالفلوس. ناسي بلي لازم تنسيق و ترتيب ودراسة كل كبيرة و صغيرة.لان البيت شوي صغير : الطابق السفلي مطبخ و صالون و حمام والفوق غرفتين. وبصراحة أنا والفت مع العائلة الكبيرة بيت كبير والحديقة كبيرة بزاف. راني نخمم في ولادي وين رايحين يلعبو. بصراحة هم ماشي تاع العب في بيتك، يحبو يجروا بزاف...



مرحبااا أم عبودة ..
كيفك و كيف عبودة .. :rolleyes:

شوفي يا أختي صحيح كاين لي عندهم عقلية يقولك كلش بالدراهم ..
و يزيد يقولك الدراهم يديروا طريق في البحر ..
لكن و الله هاذ الأمر خطأ ..
لأنو كاين لي عندو دراهم لكن بلا ذوق ما يقدر يدير وااالو ..

لازم يكون هناك ذوق في التنسيق و الترتيب و تمازج الألوان ..
تعرفي .. في الخارج يجيبوا مهندس ديكور سبيسيال باش يديروا ديكور للبيت ..
و كاين لي يديروها هنا في بلادنا ..

و لي ما يقدرش و ما يعرفش للديكور ..
على الأقل لازم يشوف المجلات الخاصة بذلك ..
أو يسأل الناس لي يعرفوا ذلك ..

يعني اذا عولتي تديري صالون مودارن ..
لازم تنسقي كل شيء مودارن ..
و ان بغيتي تديريه تقليدي ..
تكملي كلش تقليدي ..
و هكذااا ..

اما عن الأولاد .. راح يوالفو ان شاء الله مع الوقت ..
قولي بسم الله برك و توكلي على الله ..
ما تعرفي وينو الخير ..

:)

[ام عبودة]

بسم الله وعلى الله توكلت.يا رب انت المعين اعني على طاعتك، اللهم صلي على الحبيب المصطفى سيدنا محمد(صلى الله عليه و سلم).

[ام عبودة]

بسم الله وعلى الله توكلت.يا رب انت المعين اعني على طاعتك، اللهم صلي على الحبيب المصطفى سيدنا محمد(صلى الله عليه و سلم).

[ام ظافر]

غير بالشوي اختي ممكن عوام وانتي تنسقي في بيتك وما يمكلش
روحي لقسم الديكور ممكن يفيدك وتكوني افكار مليحة

[salima14]

أولا أختي مبروك عليك لعتبة لجديدة ربي يهنيك فيها
و نصيحتي ليك تبداي بالصالون والمطبخ الصالون
أكيد رح يجوك ضياف يباركوا على الأقل قعدات أو فوتاي
وتلفزة ودي ريدو والمطبخ أشري لحوايج نيسيسار قازينيار وتلاجة
وكوكوت وولا زوج وسارفيس تع أكل وواحد تع قهوة ومن بعد
بالشوي بالشوي ولازم تحطي ديكور فراسك وبداي تشري ماتشريش
ومن بعد تولي تبدلي باش ماتخسريش دراهم
وكيتبغي تشري حطي فراسك اش رايحة تشري وسقسي قبل على لحاجة
لمليحة باش كي تخرجي تشري بالخف وترجي مسالة تنظيم وقت وربي يعينك
إن شاء الله

[ام عبودة]

اسعد الله صباحكم . شكرا على المساعدة اخياتي.راني بديت ندير في الcourage يا رب العقوبة لكل واحد حلمو يكسب بيت في الجنة..... ليكم جميعا يا اعضاء ومشرفي المنتدى ومراقبين.....

[youcef26300]

بالبركة عليكم السكنة حسب تجربتي الخاصة أقترح عليك ما:
كل شيئ بالتدرج
هناك مقتنيات تقل عن المليون سنتيم يمكنك إقتناءها مع كل شهر
و هناك مقتنيات تفوق المليون سنتيم يمكنك إقتناؤها بالإدخار على مدار السنة
ثانيا قسمي بالأشهر و بالسنوات على أركان المنزل
مثلا جانفي للتواليت و الدوش
فيفري للكلوار أو الأول و هكذا المطبخ/ الغرفة / غرفة الأولاد / غرفة الآكل / الصالون / البالكون
و بالسنوات أي 2013 لكذا و 2014 لكذا
و هكذا تكونين عمرت بيتك شيئا فشيئا
بالتوفيق

[ام عبودة]

بارك الله فيك اخي الكريم رايحة نأخذ اقتراحك بعين الاعتبار.

[gnaoual]

بالهناء و الصحة
ربي يوفقك

[ام عبودة]

الله يسلمك أختي ربي أعيشك و يهنيك.

[ناصرة]

عزيزتي المرأة الفحلة هي لدير الدار و ن أنا أبشرك بالخير بما أنك تعاملت مع أهل الزوج بحب و مودة فإن شاء الله سيكون بيتك جميلاو مملوءا بالسعادة
ربي يكملك و يحققلك كل أمانك

[ام عبودة]

يا رب يحفظك. شكرًا لك أختي الكريمة.

[amiramira2012]

السلام عليكم

الف الف مبروك السكن الجديد و تدخلي لبيت بالصحة و يكون بالربح عليك إن شاء الله

والحمد لله غادي تخرجي من عند أهل زوجك بالطيب وهذا الاهم

لأن دعوة الخير من الوالدين قبل كل شيء

أما الاثاث كل شيء راه متوفر الآن وربي يفرحك

[amouna oum]

مبروك على السكن و ان شاء يقدرك ربي و تاثثي منزلك

[ام عبودة]

السلام عليكم .بارك الله فيكم اختاي: amiramira وamouna oum
الله يسهلكم كل صعيب يا رب .

[ام عبودة]

السلام عليكم .
راني غير يا الله يا الله.
مع الصبيغة و التركيب .
2 مرات وانا نكتب كل مانبعث ما يروحوش الرسائل.
باش تعطوني رأيكم في الشيء الي درتوا.
:mad::mad::mad::mad::mad:

[ام عبودة]

:mad: هذا المكشر غير ك مليت من قبيل وانا نكتب في مجلد في التالي ما تبعثش واش ندير؟؟؟؟؟؟؟؟؟؟؟
نجمع أفكار وعاود الكتيبة

[24oussama]

شكرا جزيلا لك

[hadjira195]

أبارك لكِ السكن أختي

[ام عبودة]

الله يبارك فيك خيتي
العقوبة ليك في اي حاجة متمنيتها
مشكووووووووووووووورة

[ام امين 39]

مبروك عليك اختي وربي يهنيك ويسعدك فيها يارب
الحل الوحيد هو انك تكتبي في ورقة هذا احسن حل وانا اقترح انك تبداي بالكوزينة وتشريلها كل شيء من الماعن للاكسسوار المطبخ لالغسالة والفرن والثلاجة.........ثم تبداي بالصالات ومبعد غرف النومي والحمامات وهكذا لازمك كي تعودي رايحة للسوق تكوني كاتبة وش راح تشري بالترتيب كل يوم قسم مثلا حوايج المطبخ هوما لولين حتان يكملو الكل ومبعد الصالة ......................لازمك تنضفي دارك التنضيفة الاولى باش كي تشري الاثاث تديهم لدارك الجديدة ويدخلو على النظافة وكي تكلمي كل الاثاث تعاودي تنظفي دارك مرة اخرى تسيقي وتمسحي المابل ثم تفرشي والفراشات تكوني مسجيتهم من قبل وتزيني المهم يكون كل يوم منظمة وقته في الورقة كيفاش راح يجوز حتان تكملي كلشي بالنظام وماتنسايش تصوريلنا دارك كي تكملي وتحطيهالنا في قسم الديكور باش نعطو اراءنا وربي يعاونك
اااه ماتنسايش الزردة ههههههههههههه شكرا

[ام عبودة]

مبروك عليك اختي وربي يهنيك ويسعدك فيها يارب
الحل الوحيد هو انك تكتبي في ورقة هذا احسن حل وانا اقترح انك تبداي بالكوزينة وتشريلها كل شيء من الماعن للاكسسوار المطبخ لالغسالة والفرن والثلاجة.........ثم تبداي بالصالات ومبعد غرف النومي والحمامات وهكذا لازمك كي تعودي رايحة للسوق تكوني كاتبة وش راح تشري بالترتيب كل يوم قسم مثلا حوايج المطبخ هوما لولين حتان يكملو الكل ومبعد الصالة ......................لازمك تنضفي دارك التنضيفة الاولى باش كي تشري الاثاث تديهم لدارك الجديدة ويدخلو على النظافة وكي تكلمي كل الاثاث تعاودي تنظفي دارك مرة اخرى تسيقي وتمسحي المابل ثم تفرشي والفراشات تكوني مسجيتهم من قبل وتزيني المهم يكون كل يوم منظمة وقته في الورقة كيفاش راح يجوز حتان تكملي كلشي بالنظام وماتنسايش تصوريلنا دارك كي تكملي وتحطيهالنا في قسم الديكور باش نعطو اراءنا وربي يعاونك
اااه ماتنسايش الزردة ههههههههههههه شكرا

مشكوووووووووووورة خيتي راك دخلت لراسي
انا ثاني غادية نبدا بالتنضيف الاساسي من الصبيغة والغبرة
من بعد رايحين نركبو البرابول والثريات وكل شئ يتعلق ومن ثم نبدا في الاثاث ونلمعو وهكذا راني كملت
راني نستنا في الصبيغة تاع الفرندا والخارج باسكو قعدتلي الصبغة قلت ما نرميهاش
وان شاء الله تكونو اول المعزومين والصور اكيد خليني برك نحل مشكل هذا اليباد
والزردة واش حبيتيها شرقية ولا تاع الوسط ؟؟؟؟؟؟؟؟؟؟؟؟؟؟؟؟؟

[ام امين 39]

ايه صح تخم
يمة كبيرة قولي ربي يسهلي انا تاني مازال السكن تاعي بعيد وانا كل يوم نشوف في المنتدى على الديكور والاثاث وغير هالاشياء
المهم انا الزردة تاعي تكون على حسب عاداتكم المهم زردة لاني مكراشة ههههههههههه وربي يكون في عونك9++

[ام عبودة]

ربي يهنيك ويعطيك كل ما في بالك وربي حنين كريم
يرزق عباده من غير حساب
شيء جميل انك تهتمي بالديكور ولو ما عندكش سكن خاص ، راه متنفس من التعب والضغوطات اليومية كل يوم تشوفي جديد ينسي في خوه
واظن قلتي يماك اي عجوزتك راه والله ما يدوم غير الصح ومن عندي انا بالذات رضاء زوجك من رظاء والديه
راه ك يشوفك عازاتيهم يديرك في عينيه وحماتك اولى راك لاحقة على الدار والا ما درتيهاش اليوم دريها غدوى الصبر مليح
المهم اربحي دعوة الخير ، كثير من الناس ما يعرفوش بلي دعوة الخير تحل ابواب الخير
والله هذا عن تجربة
والحمد لله على الصحة والعافية
نجي للزردة
حبيتي شخشوخة بسكرية،او بندراق او بطراف او تليتلي.....
او حبيتي المصور والكسكس النايلي
او حبيتي الطواجن والشربات .....
وزيدي حبيبتك راه شاطرة في الطياب وبصحتك

[pomaria_aindefla]

السلام عليكم وأسعد الله صباح كم، راني انشاء الله رايحة نسكن في بيت جديد بعد قرار شوي صعب، الانفصال عن العائلة وانا الكنة الاولى و أولادي متعلقين بيهم بزاف.لكن كان هذا قرار زوجي لازم نوافق . من وين نبدأ؟ من المطبخ ولا الصالون ولا غرفتي او غرفة الأولاد.....؟لازم كل شيء جديد هذا واش يحب زوجي . ومن المفروض أنا الي لازم تشري كل شيء. المشكل هو أني ما نحبش التسوق ، كل مانخرج نرجع الى البيت راسي واجعني. مانعرف السبب هو أني نجمع كل متطلبا تي مرة واحدة او أني مانحبش الزحمة . او لسبب اخر ما علاباليش.
ساعدوني أخواتي :كيف أثاث منزلي من دون تعب ،كيف استغل الوقت.كل من عندها خبرة او رأي مرحباً بها وجازاكن الله كل الخير.لا تتأخرن علي ، حاسة بالفتور و قلة الجهد،لأنو هذا المنزل جاء في غير وقتو. مازال ماتقبلتش فكرة السكنة وحدي.
الخاتمة1


هم يضحك و هم يبكي كاين لي تمنى يسكن لوحده على كل بصحتك

[ام عبودة]

السلام عليكم
خيتي بوماريا الدنيا مليئة بالمتناقظات كيما قلت هم يضحك وهم يبكي
بالنسبة لي العشرة لا تشترى بالمال
وحب زوجي وتقديره لي كان من حبي واحترامي لوالديه
ثم اخوته غير متقبيل الى حد الساعة اننا سنرحل
يقولو كيفاش نوضو الصباح ونروحو للخدمة بلا ما نشوفو الاولاد نلعبوهم ونضحكو معاهم
انا اولاد ملح وسكر تلك الدار
لكن قدر الله
وعلى فكرة انا قبل الزواج كانت عندي قاعدة انو ليتزوج لازملو دار وحدو
لكن مع العشرة والمحبة والايام الحلوة والمرة ممكن تتبدل الفكرة

[ام عبودة]

شكرااااا لكل من ساعدني ووقف جنبي ولو بكلمة مبروك

[ام عبودة]

السلام عليكم
كان هذا اول مشاركة ليا في المنتدى وشكرا لاختي معا الى الله والله ما قصرتي معي كنت احس في تلك الساعة نفسي مرتبكة والان راني نحس في روحي مولات الدار ( المنتدى)