~بعض الأسئلة~تم استدعائي من طرف الجمارك~ [الأرشيف] - منتديات الجلفة لكل الجزائريين و العرب

مشاهدة النسخة كاملة : ~بعض الأسئلة~تم استدعائي من طرف الجمارك~

SaberDz

2013-02-15, 19:30

السلام عليكم و رحمة الله
لقد اشتريت آلة تصوير samsung جديد من إيباي
بثمن 76 $
و تم شحنها عن طريق dhl بواسطة شركة myus
و وصلت إلى الجزائر العاصمة في خلال يوم و نصف فقط
لكن المشكلة توقفت هناك و تتحرك إلى عنابة
و بعد أيام جائتني ورقة من dhl بعنابة بأن آلة التصوير تم ايقافها عن طريق الجمارك و أنا مطلوب للذهاب و احضارها من هناك

هل سوف أدفع عليها؟؟ و كم سوف أدفع علما أن سعرها 76 $ فقط

المرجو منكم معلومات تفيدني
راني شريت و حصلت مع هذي مشكلة

FATAL_MAN

2013-02-16, 02:39

لن يكون السعر مرتفع بالنسبة للجمركة لان السلعة ليست غالية

AkramDante

2013-02-16, 08:21

اطن ان السعر لن يكون مرتفع

houssemmystery

2013-02-16, 09:03

ان شاء الله لن يكون مرتفع

SaberDz

2013-02-16, 11:05

بارك الله فيكم
سوف أخبركم بماذا سوف يحدث عند عودتي

Ali04

2013-02-16, 12:09

ربي يسهل......

zico-gti

2013-02-18, 23:35

لن نكون هناك اي غرامة ممكن اسئلة لانهم يعتقدون انها ممنوعة ههههههههههههه

walid-sba

2013-02-19, 00:01

السلام عليكم

لن تكون هناك أي جمركة لأنك شحنت عبر MYus وأظنك دفعت ثمن تأمين على سلعتك
لذلك يتوجد عليك حضور و أخدها للتاكد من انها وصلتك سليمة

وقعتك للعضو سابقا , والله أعلم

zima2012zima

2013-02-19, 12:58

ما الذي حدث أخي الكريم ؟!

rach-mika

2013-02-19, 14:21

اجراءات عادية و بليدة لاننا في الجزائر
لا اضن انه سيكون عليك دفع اي رسوم جمركية
لانها ليست ب الجملة
لكن هاته بلادنا

SaberDz

2013-02-20, 09:17

السلام عليكم و رحمة الله
وصلت مبكرا إلى zone fret و بعدها أحضروا لي آلة التصوير لكي أراها تم إرسالي جمارك لكي أحضر موافقة إما بإخراجها أو دفع عليها...
لكن للآسف بكل برودة أعصاب قالولي لن تأخذ آلة تصوير قلتلهم وش سبب قاتلي وحدة هكذا متديهاش
قلتلها نخلص علها قاتلي لا قلتلها سيزي أعطيني ورقة بلي سيزيتاها قاتلي لا قلتلها روتور للماركين قاتلي لا

و للآسف كاين ناس جايبة معاها معارف تشوفوا وش يخرجوا من لتما تحيروا و أنا و لي كيفي يسرقوهم في حقهم كاين واحد جاب معاه معريفة خرج ايفون 5 نورمال بلا ما خلص لا والوا

كاين ضابط في الجمارك قالي يا ولدي كان معندكش معريفة غير روح تروح لعنابة و متعبش روحك
هذي هيا بلادنا الله غالب

SaberDz

2013-02-20, 09:30

إن كان هناك من حل آخر المرجو إفادتنا؟؟

zima2012zima

2013-02-20, 15:08

لا حول و لا قوة الا بالله
حسبناالله و نعم الوكيل فيهم

SaberDz

2013-02-20, 19:38

لا حول و لا قوة الا بالله
حسبناالله و نعم الوكيل فيهم

للآسف هذا هو حال بلادنا و الله شي يبكي كيماكا كيما تحس بالحقرة تحس روحك تقول مشك جازايري خلاه
و تكره كلشي
ربي يخلف علينا برك و يسرتنا

AYYOUB100

2013-02-20, 22:26

يا أخي الحل العدالة لأنهم قامواا بسرقتك
توجه إلى المحكمة وأحكي لوكيل الجمهورية...

zima2012zima

2013-02-20, 22:58

أخي هذي حقرة و ظلم و سرقة في وضح النهار
أنا أرجوك و أدعوك الا تسكت عن حقك , و اذهب للمحكمة ان لزم الامر , و هددهم بأنك ستشتكيهم للمحكمة

حسبنا الله و نعم الوكيل فيهم و و الله قصتك قاستني في العمق اخي
المهم رانا معاك , توكل على ربي و ماتسكتش هذي نصيحتي ليك

rach-mika

2013-02-21, 02:35

الساكت عن حقه شيطان اخرص
صح ربي يخلف و يعوضك خير منها
مي الصق فيهم و الحمد لله من طريقة كلامك ممتازة
لازم يعطوك ورقة بلي حكموها هادي راها سرقة باينة

fare190s

2013-02-21, 03:03

لا حول و لا قوة الا بالله

لا تسكت عن حقك
ما ضاع حق وراءه طالب

amar-iphone

2013-02-21, 14:18

السلام عليك اخي لقد حدت معي نفس المشكل حيت وصلني استدعاء كدلك لاحضار ايبود الجيل الخامس اشتريته من امازون و ارسلته الي عنواني في my us تم اعدت ارساله الي الجزائر عن طريق dhl و هدا خطائ الاول و خطائي التاني اني لم اغير من قيمة الفاتورة وهي حوالي 300 دولار المهم دهبت الي zone fret وو صلت الي هناك حوالي 2 مساء من يوم السبت و قابلت مفتش الجمارك و اخبرني اني لا استطيع اخده فقلت له اني اتيت من عنابة ولن ارجع بدونه و هنا اخبرني عنك وانك لديك عندهم كاميرا samsung المهم اخبرني اني جئت متاخر وعلي ان اعود غدا و هدا ما فعلته و بالاحد قام بفحص سلعتي و هو من شدة جهله معتقدا جهاز iايبود ايفون المهم بعد الفحص قام عون dhl باعادته الي كارتنته تم اخبرني انه علي دفع نصف مبلغ الفاتورة اي 15000 da فرفضت وبعد اخد ورد دفعت 3000 da لهدا احدر الاخوة من ارسال سلعهم الالكترونية عن طريق dhl لانها سوف تحجز او تجمرك لان قوانينهم تخضع لمزاج مفتش الجمارك لهدا انصحك اخي بالعودة لعلك تجد مفتش جمركي يقبل اخد سلعتك مقابل دفع جمركة عليها قد تصل الي النصف ومعدرة علي الاطالة و انظروا كيف تجربة شراء حاولها حثالة و زبالة الجمارك الفاسدون المرتشون الي كابوس وهدا بلا احتساب خسائر مصاريف النقل و الاكل و الفندق و 700 da لشركة dhl هده الشركة التي وضعنا التقة فيها و تركتنا وحدنا في مجابهة جهاز الجمارك الفاسد بدون اي ارشاد و نصائح وهدا اضعف الايمان و شكرا

أم معاذ أم معاذ

2013-02-21, 15:26

لا حول و لا قوة إلا بالله

قل حسبي الله و نعم الوكيل فيهم

و أعد الكرة لعل و عسى يمدوهالك

-رودينا-

2013-02-21, 16:24

يااخي فشلتلي قوايمي من ضرك حكمتني الخلعة
شريت كاميرا سامسونج من عند الاخ وليد خلصتها 12000دج
صافي نوجد روحي من ضرك
:sdf::sdf::sdf::sdf::sdf::sdf::sdf::sdf::sdf::sdf: :sdf::sdf:

-رودينا-

2013-02-21, 16:41

إن كان هناك من حل آخر المرجو إفادتنا؟؟

شوف خويا
انا شريت كاميرا سامسونج وزيد ماشي ليا هههههههههههههههههههه
امانة
امالا يا قاتل يا مقتول
الي حدا الان لم يتصل بي احد
بصح الا صراي كيما انت
نطلب منهم كيما قلت والا ماعطونيش اثبات بلي سيزي
نهددهم برفع قضية في المحكمة والا مانفع والوا
والله غير نشكي بيهم تع الصح ونشكي ب dhl مادام ماشي قادرين على حماية زبائنهم وعلاش راهم يخدمو
وكيما قال واحد الاخ موالفة تصرا مع dhl نورمالمو يوقفو هادي المهزلة هم تاني معنين بالامر
امالا الا تقدر عاود ارجعلهم والا ماعطوهالكش ارفع عليهم قضية

rach-mika

2013-02-21, 17:18

يا اخي تقول قالولك 15000يض و بعدا حبطةها ل 3000يض هادي اسمها رشوة مش ضريبة انا تبالي

amar-iphone

2013-02-21, 21:35

يا اخي تقول قالولك 15000يض و بعدا حبطةها ل 3000يض هادي اسمها رشوة مش ضريبة انا تبالي ليست رشوة اخي لاني دفعت في الصندوق المخصص للجمارك و استلمت وصل و لكني واجهت مشكلة و هي ان عون الصندوق رفض اوراق 1000 da لانها لاتمشي عند الجمارك و طالبني باستبدالها ولحسن الحظ وجهني احد الاخوة الي صندوق air algerie و علي فكرة وجدت اخ اخر تم جمركت tablate له الشئ الدي حز في نفسي هم عمال dhl لا مبالاة و لا نصائح و اخدوا مني 700 da مصاريف التخزين و شعرت كاني وحدي في مواجهة الة الفساد الجمركية و لولا الله و قليل من الحظ لتم حجز سلعتي

nino2610

2013-02-22, 12:09

تحياتي للبريد الجزائري العزيز . على الرغم من السرقات العديدة . لكن يبقى الاحسن في الجمركة

كل مرة كيفاه مرة تدفع نسبة 75 بالمئة و مرة 50 بالمئة . و احيانا لا تسمع عن السلعة اي خير يدكر

fifi-kawaii

2013-02-22, 19:18

ربي وكيلهم هادو الفاسدين الله لا تربحهم مايحشموش يسرقو الشعب
نحير كيفاش مايخافوش ربي
ربي معاك اخي ادعي على الي ماقبلش يمدللك سلعتك وان شاء الله تبان فيه ياربي

fifi-kawaii

2013-02-22, 19:20

SaberDz

2013-02-23, 10:20

السلام عليكم و رحمة الله
إن شاء الله سوف أعود هذا الإثنين لهم و سوف أرى ماذا يحدث هناك

+
لديا سؤال كم هو ثمن تخزين عن مرور 5 أيام عندهم من التخزين؟؟

zico-gti

2013-02-23, 11:38

اخي انا اشتريت تابلت عن طريق usps وان تم جمركتها اتوجه مباشرا الى المحكمة

AkramDante

2013-02-24, 09:55

الله لا تربحهم

خويا ربي يكون في العون

FATAL_MAN

2013-02-26, 23:56

لاتسمح في حقك هاذوا كلاب متعطشة لازمهم المحكمة إذا إنت حاكمتهم والأخر حاكمهم سوف يخافون من المحاكمات العديدة. معا للمحاكمات

teacher47000

2013-02-27, 00:05

السلام عليكم
واش رايكم يا لخوة نفتحوا صغحة في الفايسبوك نسموها مثلا " كفى ظلما يا جمارك الجزائر "
ونعملوا فيها قاع جام وكل واحد يحط فيها واش قاسى مع هاذ الجهاز

houssineche

2013-02-27, 00:07

احيانا تقول لوكان غير تنوض الفوضى في البلاد وما يقعدوش هادو الناس يخنو فينا

oussamab16

2013-02-27, 11:08

احيانا تقول لوكان غير تنوض الفوضى في البلاد وما يقعدوش هادو الناس يخنو فينا

اتمنى منك اخي الكريم عدم التفكير فيها تماما

لانه موضوع خطير و الله و رسوله حرم متل هذه الامور

هل ترى ان الحاكم منعك من الصلاة ؟

عندما يمنعك و لاتجد المساجد هناك لك الحق في تغيير النظام اما الباقي كله فاني
الصح في الاخرة

انضر لاشقائنا التونسيين و المصريين و الليبين و السوريين و الطريق مستمر

الفتنة اشد من الموت

marwa amira

2013-02-27, 15:20

أخي بلاد المعرفة هاذي الله غالب هذا الواقع و الدنيا تجارب
نصيحة ما تحبسش عليهم كل أسبوع روح ليهم ما تقطعش لياس