انا قصيرة

[مشكلتي]

يا جماعة راني كرهت
انا قصيرة و الحمد لله على كل حال لكني تعقدت كي نشوف بنات اطول مني و هما اصغر مني في العمر نهبل
قولولي واش ندير ؟
و ما تقولوليش اصبري علا خاطر راح نطرطق
اعطيوني الحل مع العلم اني 18 سنة و طولي 155

[ا.سارة]

انا عمري 17 و طولي 1,73 م واحس انا طولي لا يناسب عمري لكن الحمد لله على كل حال انا افهم شعورك و ما عليك الى الدعاء لله , مع العلم ان سبب زيادة طولي هو ممارستي للرياضة بشكل يومي مند 11 سنة فهذا يساعد على نمو الجسم ان شاء الله

[ليندة ياسمين]

كون تقدري مارسي كرة السلة لكن راح يزيد طولك سنتمترات قليلة فقط وكولي مليح الحليب والياغورت والجبن
وعلاش تتعقدي ؟؟ كاين رجالة يحبو بنات قصار
كي يجيك مكتوبك يجي
وعلاش جميع لبنات الطوال تزوجو ؟؟

[leila ben]

يا أختي كلما كنت قانعة وراضية بواش عطاك ربي كلما تقدري تتخطاي مشكلتك تدكري أن حالك أفضل من الكثيرين
متكونيش جاحدة لنعم الله ربي ميعطيلكش كل شيء ان شاء الله يزينلك سعدك
أما القصر ألبسي الطالو المهم سلامة أعضائك

[إيناس2005]

عوض ان تترطقي قولي ما شاء الله ويارب اجعلني كيفها انه على كل شيئ قدير سلالالالالالالالالالالالالالام

[alvaro198648]

انا عمري 17 و طولي 1,73 م واحس انا طولي لا يناسب عمري لكن الحمد لله على كل حال انا افهم شعورك و ما عليك الى الدعاء لله , مع العلم ان سبب زيادة طولي هو ممارستي للرياضة بشكل يومي مند 11 سنة فهذا يساعد على نمو الجسم انشاء الله

ما شاء الله عليك فقط اكتبي ان شاء الله هكذا

[مناد بوفلجة]

------

ربي يرزقك من خيراته

هو خالقك و هو أعلم بخلقه

و ما علينا إلا الرضاء و الدعاء و الشكر

[imi02i]

يا جماعة راني كرهت
انا قصيرة و الحمد لله على كل حال لكني تعقدت كي نشوف بنات اطول مني و هما اصغر مني في العمر نهبل
قولولي واش ندير ؟
و ما تقولوليش اصبري علا خاطر راح نطرطق
اعطيوني الحل مع العلم اني 18 سنة و طولي 155


ربي يهديك يااختي
راني كيفك لكن متقبلة عادي جدا
مش الطول هو كل شيء
وزيد بالاك فيك حوايج ماهيش عند الناس لخرى
متخليش السلبيات فقط اللي تأثر عليك وتنساي الايجابيات اللي راها فيك

[بيسان فلسطين]

اختي احمدي ربي كاين اللي قصار كتر منك

[ا.سارة]

شكرا لك ايها الاخ alvaro198648 خطا مطبعي من يدي انا اسفة

[mohamed ram]

واللله انا لا اعتبرها مشكلة فأنت ماشاء الله عليك
هل تعلمين ان هناك من يحسدك انا مثلا في عمري 18 مثلك و طولي 1.83سم لكن لست سعيدا بذلك
و أعلمي اختاه ان الله اذا اغلقبابا على العبد عوضه بأحسن منه
و رغم ذلك سأقدم لك احد التمارين المعتمدة في امريكا لزيادة الطول في شهر
لدينا 5 تمارين نقوم بها في هذا الاسبوع يوميا قبل النوم ب15 دقيقة و بعد الاستيقاظ ب5 دقائق.
1-قبلان تنام أو بعد تنهض من النوم و انت على السرير في وضع النوم تقوم بتمديد رجليك و يديك في آن واحد إلى اقصى حد يمكن ان يصلوا إليه ، و بعد 20 ثانيةتقريبا و انت على نفسك الحالة تحرك إلى اليمين و اليسار.
2-و انت على وضعية النائم ضع يديك على منطقة الحوض و ارفع رجليك و حركهم و كأنك تسوق دراجة
3-وانت في السرير و لكن بوضع الجلوس دع رأسك يميل للأمام ملامسا ذقنك لصدركقدر الاستطاعة ثم قم بتدويرها يمينا و شمالا أعد الحركة عدة مرات 7 مراتتقريبا و لكن حذاري أن ينقطع رأسك هههه
4-و انت في وضعية الوقوف مدد الذراعين أفقيا و باستقامية ثم قم بحركة دائرية
5-و انت في وضعية الوقوف ملامسا للجدار مدد ذراعيك كل واحدة على حدى و كأنك تريد ان تنزع شيء من الجدار ثم باليدين معا لمدة 3 مرات.

هذا و اتمنى لك التوفيق و ان شاء الله تحل مشكلتك

[mohamed ram]

وهذا رابط التمرين كاملا

اتمنى ان اكون قد ساعدتك ولو بقليل


لا تنسي عسى ان تكرهوا شيئ و هو خيرا لكم

[احاسيس مراهقة]

هو خالقك و هو أعلم بخلقه

[jomana jiham]

عادي اختي,انا ثاني نفس طولك و عمري 22 سنة انت مازال تزيدي الطول يتوقف على 21 سنة,صحيح فاتت علي مرحلة كنت نخمم بزاف و ماشي راضية بصح والفت و زيد نلبس الكعب العالي,صحاباتي قاع طويلات و يقولولي انت قصيرة بصح الخطابة دائما يجوني و شعال من واحد قالهم تعيش كي تبغي غير تقول واه.الحمد الله ربي يدي حاجة و يعطيك حاجة...كيما قالت الاخت شوفي للايجابيات لي فيك و احمدي ربي,كاين لي ما تشوفش و كاين لي ما تهدرش كاين لي فيها تشوه و وحدة عندها سرطان و ولا معوقة شا تقول,المهم راكي بصحتك و بعقلك.

[محب السلف الصالح]

الاساس هو الخلق والدين


لا بأس بالناس من طول وقصر لكن أجساد البغال وأحلام العصافير


وفقنا الله وإياكم

[wafa16]

و كي راكي تشكي الناس واش يديرولك يبعثولك 5 سم عن طريق النت ????????????????
فكرتيني في صحاباتي انا طولي 175 سم يبداو يقولولي لوكان غير جينا كيفك و كيفاش خرجتي هكاو الطولة تاعك شابة و يقولوها بقلق و بعصبية سبحان الله عادو يديرونجيوني
استقنعي بواش عطاك ربي ربي خلقك و صورك في احسن صورة و الجسم تاعك بكل و اش فيه اية من ايات الله
و كي تشوفي لي طوال عليك قولي ماشاء الله الله يبارك ماشي تحسديهم و لاتعينيهم حتى كاش ما يصرا
الصح في العقل و الاخلاق ماشي في الطول و القصر ربي خلق و فرق
و هدا ماشي مشكل بالنسبة للناس لي عندها مشاكل
احمدي ربي كي راكي بصحتك كاين ناس عايشين في السبيطار و الضو ما يقيسهمش

[عبد الرؤوف24]

اختى العزيزة لاوجود لمشكل كما قلتى قصيرة المشكل عندما تكونينا قزمة القصر شىء عادى ....امى طولها 1.54
وانجبت 7اولاد
كلنا طوال ابى طوله 1.80 وعايشين مع بعضهم بالعقلية لا بالطاي ختى العيب فى قصر العقلية لا الجسم
وعن نفسى احب المراة المعتدلة القامة والقصيرة لا الطويلة وزيد بزايد حنا الجزائرىىن
معندانش عقدة القصر عنا الرايس قدك فى الطول وحاكم لبلاد
وزيد احدى زوجات اشرف الخلق نبينا كانت قصيرة جدا

[zima2012zima]

ما علينا إلا الرضاء و الدعاء و الشكر

[sabounimanal0]

علاه نورمال ماشي العيب كي تكوني قصيرة العيب كي ما تحمديش ربي على الشي اللي مدهولك

[fati 17]

نابليون بونبارت كان قصير جدا وقاد جيوش

[كغومة]

السلام عليكم

انا ايضا قصيرة لكنني لا اتعقد من هذا عادي

والرجال كاينين قصار تاني غير ماتخافيش

وكوني واثقة من نفسك هذي من عدم الثقة في نفسك

[sabah93]

ياأختي أنا أقصر منك والحمد لله معنديش مشكله
لما نتذكر وش عطاني ربي نقول الحمد لله ممكن نحالي الطول باه يعوضني بحوايج أحسن منو
لو كنتي مريضه أو ناقصك عضو من الأعضاء تما تحسي أنو قضية طويله وقصيرة لاتعتبر شيء
العبرة فالدين والصحه ولعقل ولهنا
ربي يوفقك

[fatimabo]

[quote=بــ قلم رصاص;13025581]


------

ربي يرزقك من خيراته

هو خالقك و هو أعلم بخلقه

و ما علينا إلا الرضاء و الدعاء و الشكر
ربي يرزقنا الازواج الصالحين سواء قصار او طوال وشكرا

[rach-mika]

مش المشكل انك قصيرة هادا هو الطول للبنت المشكل البنات تاع دركا هوما الي طوال لازم ينقصوا و الله مقلق كي قريت تشوكيت ربي يهديك

[hamoni]

:dأولا طولكي مناسب و كملي الباقي بالحذاء عالي
:dثانيا و الأهم يكفي أن يكون الرئيس بوتفليقة مثلكي