كيف استعمل الة الخياطة؟

[rim-25]

السلام عليكم
راني بديت نتعلم الخياطة
و الحمد لله
الفصالة ما عنديش فيها مشكل
المشكل تاعي كامل في الة الخياطة
ما زلت ما نعرفش نستعملها بشكل جيد
يعني كي نحب ندير كفة تاع اي حاجة
ما نعرفش قدماه مثلا لازمني ندير العرض تاعها
و كي نجي نخيط
دايما نعوج يدي ما نرسمش خط مستقيم
لوكان تقدرو ديرولنا دورة
تشرحولنا فيها الاساسيات
كفاه نديرو الكفة
كفاه نلصق كم في البدن
كفاه نتلعم نمشي الماشينة بلا ما نعوج يدي
لخاطر حتى لو كنت نعرف نفصل
مادام ما نعرفش نخيط
النتيجة ماش رايحة تخرج مليحة
السجاف كفاه لازم يكون
الاشياء الصغيرة لي ما نهتموش بيها بزاف
بصح عندها تاثير على النتيجة النهائية للعمل تاعنا
و بارك الله فيكم

[نسرين اياد]

ساهلة ماهلة ....ادا حبيتي تتعلمي الخياطة و نتي في الدار ديري كيما درت انا ......جبت شحال من فيديو خاص بالخياطة و كل مرة نتعلم و نجرب نخيط ليتعلمتو حتى تشدي يديك مليح......دوك نحاول نحط بعض الفيديهات ..... وليستفيد الجميع ....

[mariaa]

http://www.youtube.com/watch?feature=player_detailpage&v=iADeJ_8pFaw (http://www.youtube.com/watch?v=iADeJ_8pFaw)
أختي شوفي هاذ الروابط ممكن يفيدوك خاصة هذا


http://ww2.ac-poitiers.fr/mdlmode/spip.php?rubrique26
فيه أساسيات الخياطة بالفيديو و pdf
ان شاء الله يفيدوك تحياتي
http://ww2.ac-poitiers.fr/mdlmode/spip.php?article122

[rim-25]

شكرا على الافادة
لكن انا مشكلتي ما زلت ما نعرفش نستعمل الة الخياطة
التفصيل ما عنديش فيه مشكل

[ام محمد تقي الدين]

اذا عندك صورة للماشينة حطيها وان شاء الله يساعدوك الاخوات بالشرح

[la perle noir]

ياريت كاش وحدة تعلمنا كيفاش نخدمو بالة الخياطة:sdf:

[نور المستقبل]

اذا كنت تعرفي تميها برك وتعوجي في الخياطة خذي ورق جرائد ورسمي مربع وانزعي الخيط من البرة وكذالك من الاسفل وبداي تبعي على الخطوط هكذا حتى تجدي نفسك تمرنتي حاولي رسم مثلثات ودوائر وانحناءتوبعدها احاولي بنفس الطريقة ولكن هذه المرم بالتان والابرة والخيط اتمنى لكي التوفيق

[stayfiya]

ريمو حبيبتي لازم دبري كاش طرف كتان و فصليه طراف صغار و ابدا خيطي رايحة جاية و منبعد ديري كفة و اتعلمي فيها حتى يجي خط متوازي مع الحافة خلي غييير واحد ملمتر و بين النفدة و حاشيةالكفة و من بعد اجملي زوج صراف مع بعضاهم و ديريلهم الكفة و هكذا حتى تتعلمي ياختي هذي مافيهاش درس نظري هنا التطبيق هو الصح و من غدوة اتلاقاي مع مشينتك و اتفاهمو اووكيي كي تتعودي عليها حتى هي تعود تشتيك و ماتقلقكش ههههه *

[rim-25]

الحمد لله بديت نتعلم نتعامل معاها
ما خليت حتى حاجة ما خيطتهاش
و لقيت عندي ايزارات في الدار شريتهم جدد عاودت كفيتهم كامل

راني خير من واش كنت
يعطيكم الصحة

[wiza19]

اسمحولي نطفل عليكم و نسقسيكم انا عندي الة خياطة بالكهرباء و ما حبتش ديرلي السيرفيلاج و خياطتها دايما تكون مرخوووووفة يا ريت تفهموني و غدوة الصبح اني نصورها و نحطلكم صورتها يا ريت اللي تعرف اتجاوبني.....اسمحولي و شكراااا

[wafaachal]

مساء الخير الخياطة صعيب ولازم تخيطي بزاف وتبداي بحوايج ساهلين ا>ا انتي ضعيفة في الكفات لازم تتعلمي في الورق ارسمي خطوط ولا تستعملي الخيط حتى تتحكمي

[wafaachal]

تعلمي في قماش الفينة او البوبلين لازم الكفة تكوني متحكمة في مسافة 10سم وكل ما تكفي 10 سم تحظري 10سم جديد حتى تكملي التركيز في هذيك المسافة