حبيت نطرح عليكم مشكلة جارتي مع زوجها ياريت تعاونوني في نصحها

[ام محمّد]

حبيت نطرح عليكم مشكلة جارتي مع زوجها ياريت تعاونوني في نصحها لاني ماعرفت واش نقولها
جاتني عندها 3 ايام منهارة وتبكي قالتلي راجلي طردني مالدار وانا مازلني قاعدة درت السبة باولادي بصح الحق اني ماعندي وين نروح مرت بويا صعيبة وماراحش تقبلني ديما تقوللي اللي تطلق من راجلها تروح تكري على راسها ماتقعدش عندي
وحتى مشكلتي مع راجلي ماهيش كبيرة تداوسنا على حاجة تاع والو بصح مشكلتي الكبيرة هي انه على حاجة تاع والو يقوللي ماعجبكش الحال الباب يفوت جمل، هذا هو القماش ماعندي مانديرلك، ودايما كيماهاك حتى شكيت في روحي راني عايشة معاه في الحرام ،
بصراحة حيرتني ماعرفت واشنقولها هي نعرفها مليح انسانة طيبة ونية على روحها وحتى راجلها سمعتو مليحة في الحومة بصح يتعصب بالخف
انا اللي قدرت نقوله صبري صبري بلاك راه عنده مشاكل في الخدمة وزيد راكي حامل وين غادي تروحي
انا قلتلها هاك غير باش نصبرها بصح حز في خاطري انه اول ما يداوسي يقولها ماعجبكش الحال الباب هي ما تخرجش مالدار يرجع بعد 3 ايام ولا 4 يصالحها ويقولها انتي قلقتيني ما عرفتش واش نقول
كون جيتو بلاصتي باش تنصحوها

[فانيسا]

اختي انصحيها متخرجش من دارها مهما يصرا وتحاول تساعف راجلها كي يكون غضبان ومع الوقت رايحة تتعود عليه وتعود تتجنب المشاكل معاه وحتى هو رايح يتبدل ان شاء الله وربي معها

[nourab]

ايتها الاخت الكريمة انت فاعلة خير عليك ان تكملي عملك وشجعيها بان تصبر على زوجها وتحاول دائما تجنب كل ما يسئ اليه حتى ولو كان ظالما بالصبر والطاعة والله سيتوقف عن هده المعاملة.وياتي اليوم الدي يندم فيه.

[panpouna]

قوليلها بلي راجلها ماشي الوحيد لي يدير هاكدا كاين ناس بزاف ما يتحكموش في لسانهم كي يزعفو..ما دامو يتراجع و يندم معناها ما هوش يقصد واش قال لازم تساعفو و كي يزعف تجرب تكالميه و ما تقابلوش وتردلو الهدرة راهو يزيد كتر و توصل للطلاق لا سمح الله

[firas79]

السلام عليكم
و الله نصيحتي إليها
إلتزام الصمت عند غضب زوجها
فهذه أحسن وسيلة للهروب من غضب الزوج
فالنقاش معه في هذه الحالة يعتبر بالنسبة إليه عناد
نرجوا لها صلاح علاقتها الزوجية و رجوع الامور
إلى طبيعتها
جزاك الله خيرا على وقفتكي معها
السلام عليكم

[حياة نور الدين]

اختي انصحيها متخرجش من دارها وتحاول تكسب زوجها واستفسري منها سبب المشاكل اللي تقول هي عليها تافهة ربما تنصخيها وتفهميها واش دير وربي يستر

[zima2012zima]

بارك الله فيكم

[سدرةالمنتهى]

انصحيها قوليلها كي عاد مرت بوك صعيبة نار راجلك و لا جنة داركم قلها دير جمرة على قلبها و تقعد في دارها و كي يولي يعيط عليها دير روحها قع ماشي تسمع فيه و لا قوليلها كي يولي يعيط ماتحطيش معاه و ديري روحك مرت باباك هي اللي تعيط عليك و قوليلها شكون اللي تحملو زوجها ولا مرت الاب اكيد راح تقلك زوجي قوليلها رضيه ب 2 كلمات و كثري من الغزل و ربي يصبرها ان شاء الله و الله يهدي زوجها

[ام ايمان16]

ربي يصلح احوالها ويوفق بيناتهم

[ام نسمة]

مرحبا ام محمد جارتك راني حاسة بيها بزاااااااااااااااف ربي يكون في عونها قوليلها حاجة وحدة حاربي على جال راحة اولادك فقط انسي راحتك وكرامتك وانسي عنادو وتقلاقو وفكري فيهم واياك ان تخرجي ن البيت مهما كان السبب حتى ولو رمى عليك الطلاق ماتخرجيش وقو لي لو اذا حبيت تخرجني بالقوة روح جيب الشرطة وخلي الجوارين يتفرجو فيك وانت تطرد في اولادك للشارع بالشرطة اكيد راح يعمل الف حساب ويحشم على روحو شوية وربي يهدي سركم في زوج ويقومها بالسلامة انشاء الله وحرام عليهم البيبي اللي في بطنها راه حاس بكلشي ويتالم كما امه

[fati 17]

حبيت نطرح عليكم مشكلة جارتي مع زوجها ياريت تعاونوني في نصحها لاني ماعرفت واش نقولها
جاتني عندها 3 ايام منهارة وتبكي قالتلي راجلي طردني مالدار وانا مازلني قاعدة درت السبة باولادي بصح الحق اني ماعندي وين نروح مرت بويا صعيبة وماراحش تقبلني ديما تقوللي اللي تطلق من راجلها تروح تكري على راسها ماتقعدش عندي
وحتى مشكلتي مع راجلي ماهيش كبيرة تداوسنا على حاجة تاع والو بصح مشكلتي الكبيرة هي انه على حاجة تاع والو يقوللي ماعجبكش الحال الباب يفوت جمل، هذا هو القماش ماعندي مانديرلك، ودايما كيماهاك حتى شكيت في روحي راني عايشة معاه في الحرام ،
بصراحة حيرتني ماعرفت واشنقولها هي نعرفها مليح انسانة طيبة ونية على روحها وحتى راجلها سمعتو مليحة في الحومة بصح يتعصب بالخف
انا اللي قدرت نقوله صبري صبري بلاك راه عنده مشاكل في الخدمة وزيد راكي حامل وين غادي تروحي
انا قلتلها هاك غير باش نصبرها بصح حز في خاطري انه اول ما يداوسي يقولها ماعجبكش الحال الباب هي ما تخرجش مالدار يرجع بعد 3 ايام ولا 4 يصالحها ويقولها انتي قلقتيني ما عرفتش واش نقول
كون جيتو بلاصتي باش تنصحوها
مدام عندها اولاد معاه البيت من حق الزوجة هو اللي يخرج

[هدى ام ريماس]

ربي يساجف احوالها وانا ننصحها متحكمش الهدرة هادي في قلبها يمكن هو راه يقولها هكا خطرش اعلابالو بلي ماتروحش يمكن يقولها هكا باه يكيدها وتشوف الحاجة الايجابية راه يولي يصالحها لوكان ميسحقهاش مايصالحهاش ربي يكون معاها انشاء الله

[منهاج]

السلام عليكم

الله يكون معاها قوليلها تقعد في دارها وما تخرجش حتى عندك وما جيش بنات الحرام راهم بزاف قادرة راجلها في لحظ غضب

يدخل عليها وحدة منهم

[محمد...عبد النور]

قوليلها تصبر و بالشوية درك توالفه
و علاش تضيع راجل سمعته طيبة و مشكلته انو يتقلق بزاف
تدير روحها ما سمعاتوش وقت الغضب و تحاول تتجنب الامور التي تغضبه و نورمالمو راهي تعرف عقليتو تصبر و ربي يجازيها بالخير
و الله صعب جدا في وقتنا الحالي امراة تتطلق و معها اولادها ......مجتمع لا يرحم و لا يوجد فيه تكافل
قوليلها اصبري فالكثيرات صابرات و يتألمن في صمت و الله المستعان عسى ان يجزين بالحسن فالله هو المجازي بالخير
شكرا على اهتمامك بجارتك و قوليلها يقول لك لذريق اصبري و تجنبي ما يغضب زوجكي و حاولي التقرب اليه و لفت اعجابه كل وقت و تحببي اليه فانه سيرجع و يبدل معاملته معها لكن ذلك منوط بمدى مواصلة الصبر معه
ربي يفرج على كل مؤمن مغبون و يحسن عاقبتنا في كل الامور
بارك اله فيك و جزيت كل خير
ســـــــــــــــــــــــــــــــــــلام

[ريماس]

اختي قوليلها الرجال الكل كي يتغششو يقولو اخرو مي راهم ما يقدروش يديروها صح لوكان ناوي يسحتها راه سحتها هداك العام وننصححها تبقى مع وزلادها وتسكت الوقت الي يكون متغشش راه الكل يتغششو من ابسط الامور ويرجعو كي البارح كي اليوم تخسر غير المراة ..........