انا في حيرة هل اشارك في مسابقة عامل مهني م 1

[هشام 12]

السلام عليكم
انا في حيرة
انا خريج جامعي وعندي ليسانس منذ ثلاث سنوات اريد المشاركة في مسابقة عامل مهني من المستوى الأول
واليوم عرفت ان المرتب فيها متدني جدا أقل من 15000 دج وأصبحت مترددا في المشاركة فيها كما انهم يطلبون فيها اشخاص بلا مستوى جامعي وحتى اقل من ذلك وفي المرة الماضية بعثت الملف فرفضوه والسبب كما كتبوا لي (مستوى اعلى) يعني كان علي ان اضع شهادة مدرسية ثالثة ثانوي فقط وانا لم اكن اعلم
والان انا متردد في المشاركة في هذه المسابقة بعد ان عرفت بشأن الراتب وانا شاب في اول عمري ومقبل على مسؤوليات كثيرة

انتظر منكم ان تنوروني بارائكم في وضعيتي وشكرا لكم

[sabi.k]

يا خويا وين لقيت رزقك اجري عليه ومن بعد شوف منصب يناسب مستواك

[maissa54]

خويا دير استخارة علاه تلجا الى الناس وتنسى الله القوي الدي بيده الامر تدكرو ا دائما انا الامور كلها بيد الله فهو الدي يسيلر الكون صلي صلاة الاستخارة وراح ترتاح كثيرا ربي يوفقك لا تنسى الدعاء

[ايمان نور الجزائر]

لازم تسعى وتدير مجهودك
معليهش نتاا حط الدوسييه وتوكل على ربي
وابقى تشارك في المسابقات حتى يفرج عليك ربي يمنصب يلائم تخصصك ومستواك

[هشام 12]

يا خويا وين لقيت رزقك اجري عليه ومن بعد شوف منصب يناسب مستواك
عندك الحق خويا انا قلت اعمل حرة خير من هاذ الشهرية شكرا لردك بارك الله فيك
خويا دير استخارة علاه تلجا الى الناس وتنسى الله القوي الدي بيده الامر تدكرو ا دائما انا الامور كلها بيد الله فهو الدي يسيلر الكون صلي صلاة الاستخارة وراح ترتاح كثيرا ربي يوفقك لا تنسى الدعاء
والله جبتها خويا بارك الله فيك كنت ناسيها وزيد آخر ديلي راه قرب شكرا لك
لازم تسعى وتدير مجهودك
معليهش نتاا حط الدوسييه وتوكل على ربي
وابقى تشارك في المسابقات حتى يفرج عليك ربي يمنصب يلائم تخصصك ومستواك


شكرا لك الأخت هذا واش راني ندير شاركت قبل في نتاع الأساتذة وملحق إدارة وهاذي الثالثة شكرا على الرد

[سعاذ]

السلام عليكم
شوف اخي واحد كي يكون ماشي خدام يقول المهم ننجح و نخدم لشتى بمستوى اقل من مستوايا و اجر قليل
بصح كي ينجح و يعود يخدم يقول يا ريت ماعقبتش هذا الككور و زدت صبرت و خاصة كي يشوف لي بمستواه شحال راهم يسلكلوا
المهم ربي يفرج عليك و لازم تخمم مليح

[فرناس وهران]

توكل على الله اخي و اللي فيها الخير ربي يجيبها
افضل من عقود الادماج على الاقل سنوات العمل التي ستمضيها ستحسب في التقاعد
و تخدم من 07الى 14 او من 14الى 21

[هشام 12]

توكل على الله اخي و اللي فيها الخير ربي يجيبها
افضل من عقود الادماج على الاقل سنوات العمل التي ستمضيها ستحسب في التقاعد
و تخدم من 07الى 14 او من 14الى 21

نعم سأحاول ان اشارك
انا لما عرفت الراتب تخوفت لانو غير كافي ولا يمكن ان تعمل به شيء ذو قيمة
شكرا لك وبارك الله فيك

[فرناس وهران]

انا ايضا شاركت و لكن الله غالب كنت في قائمة الاحتياط ههههههههههههه

[youcef 28]

التوظيف دوكاا كلو على اساس الشهادة والخبرة عندهاا نقطة كبيرة ادا دخلت انضن يروح ليك الحق في لانام وهي الي يحسبوو عليها الخبرة بصح حط الدوسي قبل لايفوتك الوقت ومن هدا الوقت حتا تطلع النتائج راك تفكر فيهااا

[lalib40]

تشارك اوما تنجحش لخاطر ما عندكش معريفة

[sarl02]

الخدمة بالحلال ماشي عيب وعلى لاقل خير من عقد ادماج وزيد الانسان الواقعي اشد يدو بالمتوفر حاليا ويسعى لتحسين ظروفه مع الوقت بما يتناسب مع طموحاته ...وتاكد انك لو كتب لك بالنجاح فيها وعندك مستوى جامعي سيتفهم المسؤول المباشر لك وضعيتك ويعفيك من مهام العامل المهني ويعطيك مهام تناسب مستواك لاني في المجال واعرف عدة حالات مشابهة ..اما بالنسبة للاجر فزيادة الاسلاك المشتركة اتية لا محالة وستتحسن وضعيتهم نوعا ما...بالتوفيق اخي.