قانون المسابقات على أساس السهادة

[hamsa1987]

راني كتبت الموضوع في قسم خلاف و نظن كتبتو في القسم الخطأ مالا نعاود نحطو هنا ربما نلقى مجيب

السلام عليكم

هناك صديقة لي عندها 12 سنة ملي تخرجت من الجامعة و عندها حوالي 7 سنوات خبرة . خدمت في عدة مؤسسات خاصة و عمومية منها شركة عمومية عملت فيها بالعقود ختى خلاصت مدة العمل.

شاركت في مسابقة التوظيف على أساس الشهادة و ركم تعرفو البيقراطية في التوظيف تلاعبولها بالنقاط ولات في القائمة الاحتياطية . رضات بالمكتوب و سكتت
لكن نفس المؤسسة زادت دارت مسابقة أخرى في نفس السنة و زادت شاركت فيها و زادو تلاعبولها في النقاط . بما انها خدمت من قبل في هذه الشركة عندها ناس تعرفهم لتما و قالوولها بلي عطاوها 0 في l'entretien باش طاحت لنقطة تاعها وداتها واحدة خلاف أقل خبرة منها و تخرجت منذ عامين فقط .
هذه المرة صديقتي ماراهيش ناوية تسكت و ناوية دير طعن و راحت جبدت النقاط تاعها من الوظيف العمومي و تأكدت بلي صح و على هاذيك راهي تسأل هل هناك قانون يقول بلي اذا المؤسسة دارت مسابقة ثانية في نفس العام هل صح يهزو من القائمة الاحتياطية تاع المسابقة الاولى ام لا ؟

على العموم هي راهي ديجا بعثتت رسالة طعن شكات من هاذ التلاعب لذلك اذا ممكن تساعدونا و تقوللها واش تقدر تدير أيضا لان زاد الشيء عن حده على خاطر بعد 12 سنة بطالة الانسان لازم ينطق و يدافع على حقو

شكرا مسبقا

[islammedia]

قالها تهدر وتطالب بحقها ولا تسكت والله وكيلهم إن شاء الاخوة يفيدوك أكثر

[nab007]

!!!!!!!!!!!!!!!!!!!!!!!!!!!!!

[جندع]

لالا ليس شرط

الاحتياط كي يوضعوه مش للعام الجاي ولا مسابقة اخرى مي عند رفض احد الناجحين العمل او عندو كاش مشكل ماسمحلوش الالتحاق بالمنصب يديرو الاحتياط باه يعوضوه هذا ماكان لا اظن ان هناك قانون ينص على ان الاحتياط تاع العام هادا يعطيوهم المناصب تاع المسابقة في العام المقبل

المنطق يقول هكا بصح في بلاد الفقر هادي توقع كلش ربي يسهلها ان شاء الله الظلم يوم القيامة ظلمات وكلي ربي ومتياسيش برك وماتسكتيش على حقك
ربي يوفقك ان شاء الله

[futur officier]

شوف يا اخي هاد القوم الا ربي سبحانو الي يقدرلهم
كل القوانين فيها ثغرات وبالتالي الناس تتلاعب بيه عادي
تخيل واحد صاحبي تخرج مند 1999 لسانس في المقابلة اعطوه 0.25 من اجل صحاب المعرف تخجو حديثا اعطاوهم في المقابلة 3
وبالتالي لابد من اعادة النظر في كل هدا
والخلاصة رغم الطعن يقولك اللجنة نتاع المقابلة قيمتك واعطوك 0 او 0.25 ويقولولك ان هده طرق قانونية
الحل الوحيد وهو تباصي في هدا البلاد
ونزيدك
البارح كنت مريح مع واحد يخدم في المستشفى قالي اجريت مسابقة توظيف 3 متصرفين على اساس الشهادة المهم 300 واحد دفعو الملفات قالي الي حاكم الموارد البشرية قالو كاين 16 ملف ثقال بمعنى الخبرة و كشف النقاط و اقدمية الشهادة لكن ماعندهمش المعرفة
وكاين وحدة تخدم عقود ادماج جديدة قاتلو راح نشوفو كيفاه نفوتوها
و في الحقيقة فوتوها هي الاولى في القائمة الاخيرن في المقابلة من 0 الى 0.25 و هي 3/3 وقالي المعدل نتاع السنة الرابعة عندها 15 ما فهمتش 15 في السنة الرابعة تعجبت الله يجيب الخير

[hamsa1987]

لالا ليس شرط

الاحتياط كي يوضعوه مش للعام الجاي ولا مسابقة اخرى مي عند رفض احد الناجحين العمل او عندو كاش مشكل ماسمحلوش الالتحاق بالمنصب يديرو الاحتياط باه يعوضوه هذا ماكان لا اظن ان هناك قانون ينص على ان الاحتياط تاع العام هادا يعطيوهم المناصب تاع المسابقة في العام المقبل

شكرا على الاجابة لكن المسابقتين تمو في نفس السنة و ليس السنة اللي موراها

سقسينا بعض الناس نعرفوهم يخدمو في الموارد البشرية قالولنا استعملو هاذي الطريقة تاع الاحتياط في سنة 2010 فقط

المهم صديقتي مهما يكون راهي مقرة تديرلهم طعن مام لا نتيجة المهم تبينلهم بلي الناس ماهيش لعبة و يلعبولها في حقها كيما يحبو