اريد فسخ الخطبة 2

[مشكلتي]

حبيت نقلكم بلي فسخت الخطبة بصح راه قلبي واجعني بزاف على خاطر انا خطيبي علقت معاه احلام كبيرة

لكن الوالدة قاتلي ادا تتزوجي بيه ما نرضاش عليك و انا ما نقدرش نزعفها
المهم انا عيطتلو و قتلو ما بقاش مكتوب بيناتنا بصح ما قتلوش بلي ماما هي اللي قاتلي بطلي . و هو قالي كلمة و جعتني قالي تندمي عليا طول حياتك .
راني رايحة نهبل من الصباح و انا ندعي ربي يعطيني القوة و الجهد باه نعقب هده المحنة
انا خيرت رضاية والدي و انتم واش رايكم
ادعولي ربي يفرج عليا عن قريب

[الدكتور سام]

انت ما درتيش حاجة خاطئة.فقط انت اطعت والديك و هدا هو الصح.اما الكلام الدي قاله لك دالك الشخص فلا تفكري فيه فهو مجرد كلام في لحظة غضب.ادعي رب ليك و ليه باه كل واحد فيكم يعطيه رب من جهة اخرى

[peaceful spirit]

ربي يفرج عليك و على كل المكروبين

[cherairabdelhafid]

الأحرى كان طلب التفسير من الوالدة لماذا رفضته بهذا الشكل بعد ان قبلت به من قبل ؟؟؟

[leila ben]

الله لا يجعلها ندامة ربي يعوضك ماخير
ادا كانت يماك المخطئة في حق خطيبك حاولي معاها باللين تقنعيها وادا كان هو المخطئ أعلمي أن قرارك هو الصائب ويماك ترضالك غير الخير

[mitrochka]

هل لي بسؤال اختي
لم أرادت والدتك فسخ الخطبة بعد أن رضيت به أولا

[الجليس الصلح]

السلام عليكم
اخترتي الوالدين نعم الإختيار فالأم تدعو لك ونحن من هذا المنتدى ندعو لك
ويعوضك خير منه
موفقة ان شاء الله

[* الحلم سكر *]

أنا أخـتي راح نـكون صـريـحـة مــعاك انا ضــد فــسـخ الـخـطبـة بسـبـب الـمقارنـة بيـنـك و بيـن اخــوته الـبنات يا اخــتي كل قــديــر و قــدرو كيـما يـقولو
و بنــفس الـوقـت مـع فـسـخ الـخـطـبة لأنــي حـاساتك ماراكــيـش مــرتاحــة و الـسـبب راح نــرجــع لــعـباراتــك فـي جــزئـك الاول من الـمـشـكـلة:

اريد فسخ الخطبة (http://www.djelfa.info/vb/showthread.php?p=12741018&highlight=%C7%D1%ED%CF+%C7%E1%CE%D8%C8%C9#post1274 1018)

السلام عليكم
ترددت كثيرا قبل ان اطرح عليكم مشكلتي
انا فتاة عمري 25 سنة نشات وسط اسرة بسيطة جدا عانينا الامرين انا و اخواتي لكن هدا لم يزدنا الا عزيمة و اصرارا على تغيير حياتنا الى الافضل و للوالدة الفضل الكبير .
الى هنا لم تبدا المشكلة.نظرا للظروف الصعبة التي مررت بي لطالما تمنيت ان ياتي فارس الاحلام حتى انسى معه كل معاناتي ,فعلا تقدم لخطبتي ابن خالتي وافقت عليه رغم انه اقل مني بكثير من حيث المستوى العلمي لكني تغاضيت عن الامر لانه خلوق و لديه عمل و يحبني و عائلتي
لكن انا الان نادمة على قبولي به و السبب انه مثلا انا و اخته كانت خطبتنا في نفس الفترة لكن شروط اخته اكثر بكثير من شروطي و و رغم دلك عارضت امي و قلتلها الفايدة فيه هو كي يهنيني .لكن للاسف هو بخيل معي لابعد الحدود عمرو ما يجيني في المواسم و حتى كي نتلاقاو مايخسر عليا والو و دائما يشتكي رغم انه لاباس عليه مع العلم اني دائما نغطي عليه نشري حوايج بدراهمي و نقول لماما هو لي شراهملي تفاديا للمشاكل .و كدلك امه ما تحبش تعملي كيما تعمل لبناتها مثلا بناتها كي يخطبوهم تشرط عليهم المقياس اما انا في خطبتي قالت لماما راهو ما عندوش شرطها مسايس و قبلت .مع انو انا قارية كيما بناتها دائما تحطني اقل منهم .
و تقولوليش راكي مادية لاني عمري ما طلبت منو اي شيء لانو كرامتي و عزة نفسي ما تسمحليش باه نطلب منو
الحقيقة امي تضغط عليا و تقولي شوفي هيا بناتها كيفاه و انت كيفاه ,شورو عليا راني حابة نبطل الخطبة و نتهنا لكن خايفة نندم .حبيت ننصحكم نصيحة لوجه الله اياكم و زواج الاقارب لانو كلو مشاكل ,من يوم خطبتي ما رقدتش نهار بلا ما نبكي .
ما تبخلوش عليا بنصائحكم و جزاكم الله كل خير


هـــذا كـــلامـك و انا نـقلـك : - هــل هــذا كــلام عــروســة متــفائـلـة تبــنـي حــياة جــديــدة و تـتـحـدى اي عــراقـيل بـالـحياة ؟؟؟؟؟؟؟؟؟؟؟؟؟؟
يا اخــتي صــح ممـكـن حتى والـدتك زادت اثــرت علـيـك مــي حــتى كـلامـك ماراهــوش تـاع واحــدة مـقـتـنـة بالـطـريـق اللي راهي ماشــية فيــها
يا اخــتي الــزواج اكـبـر من احــلام بنـيـتيـها ...لـوكان طـرحـت مـشكـلتـك بـلاغـير العـبارات اللي لونـتهـم كنـت نقـلك اتحــدي و تمـسـكي بيـه مي مارانـيش نـحـسك مـرتاحة و مقـتنـعة بيـه ... ؟؟؟؟؟
الــزواج اذا كــان هــروب من وضــع فـحـسـب قــادر يــكون تغـييـر للأســوء تــريـثي اخــتي و عــاودي حـــساباتـك
و ربــــي مــعاك ... مـــوفقـة

[mohamed160]

امروكم عجيب يا بنات الجزائر

[dj79]

أختي الموضوع صعب جدا ...أعاني الأمرين بسبب مشكلة رضى الوالدين لكن والدي الطرف الآخر و الموضوع تعقد كثيرا و لم أجد ما أفعله .......الوضع أصعب من تصور أي كان

[ABDOU ELE]

رضى الوالدين اهم اما كلام خطيبك فمجرد تبلعيط

[لقمان12]

اختي جربي صلاة الاستخارة و ربي يقدم اللي فيه الخير و ادعي لي معاك تخسي براحة ف اختيارك

[nina_65]

رضا الوالدين فوق كل اعتبار لا احد يحب لك الخير كما والديك الزوج يعوض لكن الوالدين............. اذن لا داعي للقلق الله يعوضك ما خير

[naima20]

ربي يفرج عليك بالخير * إن شاء الله*

[AMINA.Z]

الزواج صعييييييييييييييييييييييييييييييييب
ربي يستر

[جمال الدين الأفغاني]

السلام عليكم

من مبدأ أن من رفض شابا ملتزما متدينا خلوقا اذا ما تقدم لابنته فهو قد خالف امر النبي عليه الصلاة والسلام

ولذلك لابد لهذه الام ان يكون لها سببا وجيها لرفض هذا الشاب والا دخلت في حكم مخالفة صريحة لحديث صريح واضح

فلو كانت الاسباب تافهة او مادية كما يحدث كثيرا للشباب اليوم فلا نقول الا حسبنا الله ونعم الوكيل فيما يجري في مجتمعنا

وان كانت الاسباب لها اعتبارها ووجيهة فلا حرج عليك اختي ان تقبلي رأي أمك وتفليها على الشاب

مادامت اسباب الرفض شرعية ومقنعة وربي يعوضك خيرا منه ساعتها

الله المستعان

[zaki4]

و الله أخطئت خطئا كببببببببببببببيرا.
1/هل العقد لعبة يعقد ويفسخ متى شئت.
2/صحيح أن رضا الوالدين قبل كل شئ.لكن هل أمك التي ستتزوج.
3/لم تتصلي بشيخ أو ... ليفيدك.
4/لم تفهمي من أمك ما سبب الذي دعاها ترفضه.
5/لم تصلي صلاة الاستخارة.
6/أما اذا فعلت كل الأشياء 5 ومقتنعة فلا تحزني.

زكي.م

[Rima mimi25]

ربي يفرجها عليك إن شاء الله

[zaki constantinois]

اختي الان فات الوقت انت اتخذت قرارك وهو قال واش حاب يقول المهم ماكتبش المكتوب بيناتكم والام لم تكن الا سبب فقط ادعي الله ان ياتيك بما هو خير من ذلك

[مريم الصابرة]

السلام عليكم اختي
شوفي انا صريحة ونقولهالك في وجهك إنت رديتيلو ماشي يماك
اولا إنت درت مقارنة بينك وبين خوتاتو واش دخلو هو راكي تقولي عاقل ومتربي ويحبك ويحبك اهلك هذو نسيتيهم كامل على جال هو ما جابلكش وخوتاتو جابولهم بطبيعة الحال امو في بناتها تتشرط لأانو هذاك راجل بنتها وهذا وليدها وعارفاتو ما عندوش عليها طلبت في بناتها أما إنت من المفروض راكي مقتنعة بيه ويماك علاه رفضاتو على جال ما عندوش او حست طيحو بقيمتك وعلاه دخلو امور مادية يعني راكم تحوسو إنت ويماك على مول الدراهم إسمحيلي هكذا فهمت من طرحك للمشكلة الاولى وعندو الحق كي قالك تندمي عليا راكي عارفة علاه على خاطر ظلمتيه لو كان نتاع نسا نقولو لو كان يشرب الخمر او سراق ممكن لكن فقط لانو ما لباش إحتياجاتك سبحان الله معليش ربي يعوضو هو الاول ويعوضك إنت اللي يعمر جيبوكم إسمحيلي على كلامي هذي صراحة

[imi02i]

ربي يفرج عليك ياأختي ويعوضك أحسن منو

[جنات الفردوس]

أولا يارب ماتكونش هاذ المشكلة تقطع الارحام بين العائلتين
أنا فهمتك مليح يا أختي وراني حاسة بيك من جيهة حابة ترضي امك ومن جيهة خايفة تخرج فيك دعوتو على هذيك أنا كنت نفضل قبل ما تقطعي العلاقة معاه كنت حاورتي معاه بكل صراحة بحيث تبينلوا مخاوفك منو يعني أنو بخيل ومش مهتم بيك من حيث الهدايا و.....و......وثاني تبينيلوا أنك ماشي عينك في المال والهدايا ولكن من الناحية المعنوية والكرامة كيما قلتي . وقصدي من هاذ الحوار تخرجيه بلي هو إلي خلاك تتخلاي عليه باش أكون هو إلي يندم عليك ماشي انت .
انشاء الله تكوني فهمتي قصدي وياربي إهدي سرك وعوضك بلي خير منوا