كيف اجد زوجة

[مشكلتي]

اعلم ان البعض سيضحك علي وعلى مشكلتي لكني اعاني منها واصبحت تائها

فمشكلتي اني شاب عمري 30 سنة خلوق ووسيم
واردت الزواج وباشرت بالبحث عن زوجة لكني لا استطيع الجري وراء الفتيات في الشوارع او في الجامعات لان هدا اراه عيب وينقص من رجولتي وخوفا من الله وعلى كرامتي وعلى نظرة الناس الي وابتعادا للمشاكل مع اهل البنت

وليس لي اخت او قريبة تبحث لي عن زوجة او تدلني :mad: وحتى امي لاتفهم في هكدا امور ولا اتكل عليها

فدخلت لمواقع الزواج الملتزمة وتعرفت على فتيات وشفت صورهن لكن لم تعجبني ولا وحدة منهن :o وكل ما اتعرف على بنت في الانترنيت يطلع شكلها لايعجبني ,بل حتى مقبولة الشكل لم اجد .:o

فمادا افعل ولله اصبحت موسوس وانسدت الابواب في وجهي رغم كثرة الفتيات في ولايتي وحتى جيراني وفيهن الخلوقات القاريات وجميلات ويعاكسنني بنظراتهن وابتساماتهن لكني اخفض راسي نعمل روحي ماشفتش :D لا اعرف مادا افعل وكيف اسال بنت ومادا اقول لها واين ادهب ؟

عاونوني واش ندير خاصة الفتيات هنا قولوي واش ندير

[/زهرة عصفور الجنة/]

أخي اذهب الى امام المسجد الذي تصلي فيه أكيد يعرف عائلات محافظات وفقك الله في ايجاد الزوجة الصالحة

[DJEHANE]

السلام عليكم اخي الكريم انصحك بكثرة الصلاة والدعاء خاصه وستظهر لك ان شاء الله الزوجه الصالحه
ما اكثر البنات لكن ابحث دائما عن الصالحه التقيه والنقيه

[khadouj_1985]

السلام عليكم اخي انا حبيت نقولك مايتزاوجو في الارض حتى يتزاوجو في السماء و كل شي مكتوب عند ربي سبحانوا و الزواج رزق اصبر و احتسب راه ربي يرزقك بنت لحلال الي تستاهلك و ممكن راها قدامك و ماعلابلكش ربي يسهلك و يفرج عليك

[prettyangel]

و الله يا أخي ماذا عساني أن أقول لقد ذكرت الجيران فان كانوا ذوي أخلاق كما تفضلت فلما التردد في اختيار واحدة بمساعدة الوالدة ام ربما لم يعجبونك :1:، بالاضافة ربما ستجد واحدة في محيط عملك أو من جهة الأقرباء ربي يسهلك أخي و تجد بنت الحلال التي ستقدرك و تسعدك
لكن نصيحتي أن الجمال هو جمال الروح كيما يقولو ناس بكري ( الزين ما بنا ديار)

[zalamite]

هدا مشكل عام وليس خاص بك فقط ...على كل حال اصبر و ادعى الله ان يرزقك بمراة صالحة و لا داعي للعجلة و القلق فما هو لك سياتيك حتما ...

[ايمان نور الجزائر]

:1:
اهاا....رغم كثرة البنات في حيك ومحيطك فانك لا تجد
عروساااا:confused:
انت في نفسك لست مقتنعا بعد بالزواج او انك لم تحظر نفسك جيدااااا
عليك اولاا بوضع صورة البنت التي ترغب الزواج بهاا
مواصفاتها ...اخلاقهااا ...شكلها وعائلتهااا
ولما تجدهااا:19:
تتكل على ربي بنية صافية...وتتوجه اليهااا وتقولهاا
اسمحيلي ممكن نقولك حاجة فيها خير ...وما راحش ندي من وقتك
وتقولها راني ناوي نتقدملك على سنة الله ورسوله
واش رايك؟؟
ساهلة جدااا....وماكانش اسهل من الحلااااااااااااااال
ربي معاك

[مراد12345]

أذهب للعائلة الشريفة ستجد الفتاة الشريفة المناسبة

[الأستاذة حياة]

استعن بالله واكثر من الدعاء وستجدها ان شاء الله وكما يقول كبارنا *الزين زين لفعايل* موفق

[loulou02]

أكثر من قول :"ربي إني لما أنزلت إلي من خير فقير "، و ألح في الدعاء خاصة في السجود ، و إن شاء الله ربي يلاقيك ببنت حلال لي تحترمك و تصون شرفك .

[مريم الصابرة]

السلام عليكم اخي
والله الصراحة ضحكت ما تقلقش مني لأنو راجل يحوس على المرا والنسا سحوسو على رجال للزواج والله حرنا وباين راك تحوس على باربي يا خويا إنت حوس عليها مرا نتاع دار ومتربية وعاقلة وتحشم وطيع والديك راك تتشرط وتخير فالزين تبع الزين تشوف وين يديك
شوف خويا لما تشوف وحدة تبانلك عاقلة سقسي على مكان سكناها وسقسي عليها الناس ومن بعد إتكل على ربي وعادي لما تشوف وحدة وتقولها ديركت ناوي نخطب وريلي داركم وين هذي ولاد الفاميليا برك يديروها اما ما لقيتش الشابات ههههههههههه والله ضحكتني باين تحوس على باربي هههه

[عبد الحميد 64]

نعم الدعاء بالادعية المأثورة واجبة و الاستخارة كذلك و بنت العائلة طبعا..
يجب ان تفكر بشكل ايجابي لا سيما في موضوع الزواج و يجب ان تكون في مستوى ا لتي تتقدم لها فبعض الشباب اصيب بعقدة لمجرد ان رفض..
لهذا انصحك ان تتفق اولا مع البنت ..هذا يكون افضل

[دروب التابعين]

والله اتمنى من خالص القلب ان تجدها وتفرح بيها ونسمعو باخبار سارة تقوم انت بتدوينها هنا
موفق ان شاء الله

[*نآدرة~]

أف أف،ألهذه الدرجة لم تجد امراة صالحة للزواج حتى تذهب الى مواقع الزواج؟؟
غريب أمركم أيها الرجال،لو كنت تبحث امرأة عادية تطيعك وتطيع والديك وتبني لك الدار أكيد ستجد الكثيرات والكثيرات جدا،فقط ابحث جيدا وتوكل على الله،أما ان كنت تضح شرطا خياليا كأن تكون ملكة جمال مثلا فمعك حق هن نادرات جدا
اعزم وتوكل على الله وان أعجبتك احداهن فاستخر الله واسال عنها وستكون باذن الله زوجة لك وستقر عينك بها
موفق اخي

[منهاج]

السلام عليكم

ربي يرزقك ببنت الحلال

[zima2012zima]

أسأل الله أن يرشدك و ينير دربك

[AMINA.Z]

اولا حط عينك على وحدة و تبعها ايامات و سقسي عليها
كي تعرف عليها واش يهمك
اتاكد في الاول اذا كنت راح ديرونجيها و للا اذا نويت تحكي معها (شخصيا نتقلق كي يحكي معايا واحد مانعرفوش )
في الاخير دير الكوراج و روح احكي معاها و ماكالاه تكتر الهدرة بزاف
(خمم على نظرة الناس و كلامهم و على سمعتها اذا شافوك معاها هاد النقطة دير حسابها )
اعرض عليها الفكرة و اذا شفت بلي راهي مهتمة عرفها بنفسك و عايلتك و بشروطك و اسمع منها شروطها و هنا كلش يبان
و ربي يسهل و يجيب اللي فيه الخير

و ماكالاه حكاية الانترنيت و الله الفكرة سخيفة

[بيسان فلسطين]

ربي مازال ما كتبهاش انهار يكتبها حتى تلقاها قدامك و ربي يسهلك بلا ما تخمم حتى تهدر معاها ربي يرزقكككككككككك

[ميمنة الجزائر]

استخرالله قبل كل شيء وادعو ربي يجيبلك الزوجة الصالحة عاجلا غير اجل

وعن جد في بنات عائلات محترمات المهم لازم تكون متحجبة وأول حاجة تشوف لا الطفلة عاقلة

الحواجب لاعادت متنمصة بعد لانو استحلت حاجة حرمها ربي ورسولو

ومن بعد الجيران سقي عليها على بعد قبل لانو الجار هو قبل الدار يعني ما تقدمش لواحد فقط بل ثلاثة على الاقل

ومن بعد قدم لخطبتها ولرؤيةها وماشي عيب انك تشوف وحدة وما عجباتكش المهم تشوفها وربي يسهل

وربي يكملكم يا شباب بالخير

والله حرت في امر انو في بنات كثير صائنات لانفسهن وبنات عايلة

[المحب للجزائر]

اظفر بذات الدين تربت يداك ...سلام

[sali-sali]

هههههههههههههه..لو كان جيت نعرفك نخطب لخويا

مش امر صعيب شوب بنت جاركم..بنت عمك احد قريباتك
ولا اخوات اصدقائك

حوس تلقا و ربي يسهلك

[محب السلف الصالح]

لاتتزوج .....

[كغومة]

و الله يا أخي ماذا عساني أن أقول لقد ذكرت الجيران فان كانوا ذوي أخلاق كما تفضلت فلما التردد في اختيار واحدة بمساعدة الوالدة ام ربما لم يعجبونك :1:، بالاضافة ربما ستجد واحدة في محيط عملك أو من جهة الأقرباء ربي يسهلك أخي و تجد بنت الحلال التي ستقدرك و تسعدك
لكن نصيحتي أن الجمال هو جمال الروح كيما يقولو ناس بكري ( الزين ما بنا ديار)



لن ازيد عن هذا الرد حتى كلمة او حرف لانه كل ماريده ان اقوله لك واعمل بهذ النصيحة وشكرا لصاحب(ة) الرد.

[nana w]

السلام عليكم اخي اسأل الله ان يرزقك الزوجة الصالحة عاجلا غير آجلا

[rach-mika]

أخي اذهب الى امام المسجد الذي تصلي فيه أكيد يعرف عائلات محافظات وفقك الله في ايجاد الزوجة الصالحة

[ايمان فلاور]

عندما تجد الفتاة المناسبة لك والتي تعجبك من جميع النواحي اذهب لها وعرض عليها الامر .....لا يوجد اسهل منها

[abdellah36]

اذا عندك الدار و خدام ...لتطلبها تقبلك .....