الى أخت سمراء الدنيا عاجل

[hindoucha02]

سلام أختي سمراء الدنيا لقد جربت الخبز العربي لكن لم أنجح فيه. طبقت الوصفة بالتدقيق لما وضعت الخبزة في المقلاة بدأت فقاقيع تضهر لكن لم تنتفخ . أرجوكي ساعديني . :sdf:

[إلهام07]

أسمحيلي أتدخل ، حاولي تعاودي الوصفة ولكن هذي المرة لما تطرحي القرصات ما تحطيهمش فوق بعضاهم حطيهم بجنب بعضاهم و غطيهم وما تخليهمش يطولو بزاف 15د وطيبيهم

[oum radja]

عذرا على التدخل راني عرفت وين راه المشكل
كي تحطي الخبزة تاعك في المقلة ما تخليهاش اطول اقلبيها ثم ثم و دوريها حتى تتنفخ انا جربته اكثر من 5 مرات

[سمراء الدنيا]

سلام اختي
نحييك لانك تشجعتي باش تعمليه .... الفشل في المرة الاولى لا يعني النهاية لازم تتحداي نفسك عن نفسي جربت 10 وصفات باش نجحتلي هادي و راني نعملها كل يوم سبت ..يبغوها الاولاد المهم نشكر الاخوات للي ردو عليك و راهم عطاوك النصيحة الجيدة و هي انك ترمي القرصة و ثواني و تقلبيها رايحة تتنفخ .... ان شاء الله رايحة تنجحي المرة الجاية و نصحك دايما تجربي نصف الكمية
راني نستنى في تطبيقك الناجح
سلام