مديرية الصناعة و المؤسسات الصغيرة و المتوسطة باتنة

[mouraa77]

السلام عليكم
لقد اتصلت بالمديرية و قالوا لي ان المسابقة ستجري ايام 10/11/12 فيفري 2013 و تم ارسال الاستدعاءات و من لم يصل له الاستدعاء يمكن ان ياخذه من مقر المديرية بباتنة

رقم هاتف المديرية033818051

[an_isma43]

شكرا لك أخي ربي يحفظك
احنا فقدنا الامل فيها
خويا لمن خارج الولاية
كيفاش يعطولهم
ربي ينورك

[mouraa77]

اللي جطو الملفات كامل معنيين بالاستدعاء سواء داخل او خارج الولاية .. معناها توكل على ربي و سافر باتنة باش تلحق بكري شوية و ممكن تلقى روحك في نفس اليوم تجري المقابلة و ترجع في نهارك

[an_isma43]

شكرا بارك الله فيك

[فرناس وهران]

اذا لم يكن هناك تثاقل ارجو من الاخوة تزويدنا بالاسئلة المطروحة لانني معني بها في وهران

[sabi.k]

الأسئلة تمحورت حول تعريف المؤسسات الصغيرة والمتوسطة وكيفية تأهيلها وتعريف المنافسة..........إلخ
كان معنا المدير قاسي وفظ في التعامل و طرح الأسئلة
كلش في يد ربي سبحانو

[mouraa77]

بارك الله فيك الاخت سابي ألم تكن الاسئلة تتمحور حول التخصص ام كانت موحدة لكل الاختصاصات و هل حضر العديد من المتسابقين

[sabi.k]

الأسئلة لم تكن تتمحور حول التخصص أصلا هاذ المدير اللي يقولولو ساسي بوعزيز إنسان مريض بالسلطة والمسؤولية
هو يسألك واش يبغي هو والجواب لازم يكون على حسب واش بغا هو أي على حسب معرفته وما كان لاه تتفلسف عليه
أما بالنسبة للمتسابقين حضروا يا أخي بزاف

[mouraa77]

بارك الله فيك اختي و و الله انا محتار اذا نروح غدا ام لا .. راني فاشل و متشائم ما لقينا حتى حل مع الناس اللي ما ايخافوش ربي

[sabi.k]

توكل على ربي سبحانو وروح على خاطر لوكان ما تروحش يبقى ضميرك يأنبك
امالا روح ودير اللي عليك والباقي على ربي
بالتوفيق

[mouraa77]

بارك الله فيك و جزاك الله كل خير و ربي يوفقك ان شاء الله

[tinza]

أنا إجتزت الإمتحان و كان كتابي بجامعة بومرداس

[mouraa77]

يا اخي تنزا كل ادارة لها الحرية في اختيار نمط المسابقة و اظن انو الكتابي او الشفهي لا يوجد فرق الامر محسوم للحاشية و اصحاب المعارف الله ايذلهم دنيا و اخرة ان شاء الله

[حزن بحر]

شفت ماعيطوليش لوكان مقولتش كان راح علي
وديما نتصل بهم يقولولي رانا نعيطو في الهاتف
بلاد التمسخير
نقدر نروح غدوا نفوت؟؟

[mouraa77]

السلام عليكم العذر اختي حزن بحر لم استطع الاجابة عن سؤالك باكرا لانني لم اكن في المنزل و قد ذهبت للمقابلة اليوم و اجريتها و الحمدلله. فيما يخص سؤالك اظن ان المقابلة الخاصة بمديرية الصناعة و المؤسسات الصغيرة و المتوسطة تدوم اكثر من اربعة ايام بمعنى انك تستطيعين الذهاب غدا لان يوم غد مخصص للمترفين الباقين و ايضا للمتصرف الرئيسي و يوم الخميس سيكون مخصص لمنصب مهندس . و يمكن لك ان تذهبي اليهم مباشرة ان كنت تقطنين بباتنة اظن انوا احسن من الاتصال بالهاتف لان غدا هو اخر يوم للمتصرفين ، و تسالي عون الامن هنالك الذي يحمل قائمة المترشحين و تعلميه ان الاستدعاء لم يصلك و سوف يرشدك الى السيد جمال و هو الذي يجري المقابلة بعد ان يتاكد من وجود اسمك في الكمبيوتر و سيعطيك الاستدعاء لكي تستطيعي الامضاء على ورقة الحضور ،

[حزن بحر]

تعرف رانا اجرينا المقابلة في نفس اليوم اجريتها يوم 12/02/2013
بصح مافهمتش علاواه دخلونا في خمسة كيفاه راح يكون التقييم؟؟؟

[mouraa77]

صح اجريناها في نفس اليوم 12/02/2013

[mouraa77]

السلام عليكم اليوم اتصلت بالمديرية للاستفسار عن النتائج و قالوا لي زيد اصبر و عندهم الحق بطبيعة الحال .للعلم انا اتصلت بعد ان اخبرني احد الاشخاص ان النتائج ظهرت و بداو في الطعون و لكن المعلومة كانت غير صحيحة