lموضوع مهم ادخلو

[مشكلتي]

السلام عليكم

قصتي حساسة جدا لذا ترددت في بادئ الامر في طرحها حاولت مرارا وتكرارا ان اتركها في قلبي لكن لم اعد احتمل بعد ان اصبحت هذه المشكلة اكبر من ما كنت اعتقد .

المهم لن اطيل سادخل في الموضوع انا فتاة في عمري 26 سنة عشت كاي بنت في كنف عائلة كريمة ليس لدي اخوة يعني وحيدة الابويين لكن عندما اتيت الى الدنيا وجدت اخ وهو ليس اخي وانما ابن خالي ربته امي ليناديها امي هو الان متزوج واب لطفيلين المهم لما كان عمري 6سنوات اكتشفت الحقيقة المرة هو اني لست ابنتهم وانما ابنتهم بالتبني قفد يعني احضروني من المستشفى في الاول تعايشت مع الوضع لاني صغيرة ومنفهمش وكملت حياتي عادي وكانو مكان والو نجحت في الباكالوريا ورحت لجامعة ومن بعد توفى والدي بالتبني تصدمت وحسيت بروحي انتزعت مني من هنا بدات حياة اخرى وكاين بعض الانتهازيين استغلو الوضع احنا كنا نسكنو في العاصمة وانتقلنا الي سوق اهراس كي كان في عمري 15 يعني في المنطقة الى نسكن فيها ميعرفوش لحكاية لكن بعد وفاة والدي اخدت مرت خالي تحكي في لحكاية في الجنازة لي تجي تعزي تسمع انو معندوش ولاد متبني بنت جابها من سبيطار تالمت وعديتها وخليتها في قلبي كملت دراستي وتخرجت من قسم ترجمة ونجحت في مسابقة توظيف الاساتذة وانا الان استاذة فرنسية تخطبت مرتين لكن كل مرة اهل العريس لما يسمعو من عند الجيران او اهل امي اني متبنية يرفضوني بطريقة بشعة وعلى هدا انا اشعر بالمرارة والان انا مخطوبة لشخص واهلو عرفو لحكاية وبما انو اهلو مثقفين لم يمانعو ارتباطنا رغم ذلك انا اعاني من نظرة المجتمع انا احس بالمرارة والحزن والالم كبرت وكبر المي ماذا ندير مع مجتمع ظالم ظلمني انا لم استطع الكلام في هذا الموضوع لهدا اتيت عند اخوتي في المنتدى ابوح بما اخفيته في قلبي لسنوات مادا افعل مع نظرات التي تقتلني كل يوم ولا اخفي عنكم شئ انا الف سوال بداخلى من اهلي ولمل تركوني وهل لدي اخوة وهل انا مذنة ثقتي فيكم كبيرة اول مرة نتكلم على ما بداخلي بصراحة ساعدوني

[لجين93]

السلام عليكم اختي
يؤسفني حالك
صحيح ان المجتمع لا يرحم لكن اختي ماذنبك ,انت لم تفعلي شيئ
فيجب ان تكوني قوية الشخصية
و اتمنى الاخوة الاعضاء يفيدوك اكثر

[khawla MI]

السلام عليكم

أختي علابالك باللي انتي اللي لازم تقنعي روحك باللي هدا الأمر عادي باش الناس يقتنعو مادامك اتني تعطيلهم افرصة أكيد راح يآذوك أولا نحي من بالك الفكرة تاع أنك مش كيما البقية انتي تربيتي في وسط عايلة بغاوك و بغيتيهم تقولي أمي و أبي الله يرحمو باباك على كل حال ادا راكي كي انتي كيما كااااامل الناس هدا هو الشي اللي لازم تقتنعي بيه

[ما فهمت والو]

السلام عليكم
اختي الناس هدي هي خدمتهم غير الهدرة و تعقب اخبار الناس
ديري في بالك اللي راهم يهدرو على الناس كامل خلي ثقتك في نفسك عالية مادام ماراكيش ديري في حاجة عيب و متبعة شرع ربي ما يهمك حتى واحد

[faty05]

اختي لست مذنبة
الان مهمتك ان تكوني قوية لانو عليكي مجابهة بعض الناس الذين لا ضمير لهم و لا هم لهم الا ايذاء الاخرين
اختي ربي فرج عليك بعايلة تحبك و خطيب اختارك انتي
اما الباقي و الذين يتكلمون فقط من اجل فعل الشر فوكلي عليهم ربي و خليها تدخل من اذن و تخرج كم اذن
كوني قوية و دايما واثقة من نفسك فلن يزعزعك هؤلاء

[منهاج]

السلام عليكم

الله يكون في عونك لازم تكوني عند روحك ولي شوف فيك بنصف عين على قصتك شوفي فيه بعشرة لانو انت ما عندك حتى ذنب

وحتى والديك لي رباوك بارك الله فيهم والله يرحم بوك وبقاتلك ميمتك نصيحة كوني بارة بيها وبلاكي تحسيها بالدنب هي

دارت خير

[لجين93]

ارضاء الناس غاية لا تدرك

[مراد الأمل]

ربي معااك ة انت لا لاذنب لك...

[نصر الدين 07]

السلام عليكم ورجمة الله وبركاته
حولي يا اختي تكوني قوية في شخصيتك ومتماسكة في قواك مهما حصل لانه ما عندك حتى ذنب وديري ربي سبحانو في بالك وتوكلي عليه هو لي ينورلك دربك ان شاء الله

[برايجية 34]

يا أستاذة نقول كيما قالو اللي قبلي أنت ما عندك حتى ذنب الناس يحبوا يحكوا ما يخليو حتى واحد المليح ما يعجبهم و الماشي مليح ما يعجبهم في بالك حنا بوالدينا وماراناش متهنيين اذا حابة تحوسي على أهلك الحقيقيين فشوفي أمك بالتبني اذا نهار جابتك من المستشفى قالولها كاشما حاجة أو عندها ورقة يمكن تثبت النسب نتاعك أي شيء و شوفي في المستشفى اللي ولدت فيه وجابوك منه كاين سجلات يكتبو فيها يمكن تكون والدتك البيولوجية خلات بيان من بياناتها أو شي يوصلك ليها و متهمكش نظرات الناس المهم لقيتي واحد ولد عائلة قبلك بمحاسنك و سيئاتك ماشي واحد غبي يطعن في أعراض الناس

[rosa allia]

يا أختي أنت ليس لك ذنب أبدا المهم أنك تربيتي في وسط عائلة وأبوين وراكي بقيمتك ماتسمعيش لهدرة الناس لأن الناس راهم مايخليو حتى واحد في حالو حتى إذا كان ملاك، واليوم راكي أستاذة ومخطوبة ماشاء الله يعني أحمدي ربي على هذه النعم لأنو كاين أخرين اللي ما لقاوش كيفك عيشي حياتك وما تسمعي لحتى واحد خاصة وراكي رايحة تأسسي أسرة خممي في مستقبلك وفقط أخطيك من الناس ياو تبعهيهم يمرضوك وتجيبيها في صحتك وربي يكملك بالخير إن شاء الله وتتهناي في حياتك.

[nibrasse76]

الله هو من قدر عليك هاته الوضعية ....وهو احسن من يسمع الشكوى تاعك ...انصحك بالتوجه له بالدعاء ..اكيد لن يتخلى عنك .وسيمنحك

القوة والشجاعة لتواصلي طريقك في الحياة ....

[عريبية وافتخر]

السلام عليكم
اختي الغالية انا من رايي الشخصي انك تقتنعين بما رزقه الله لك وتكملي حياتك عادي مع امك الله يجازيها بالف خير لي رباتك وسهرت عليك انظري اليها من باب العطف والحنان لانها جعلتك ابنت لها وخلصتك من اهمال اكيد لو بقيت في المستشفى
هذا ليس عيبا عليك او عار لا والله انت ماشاء الله عليك قريتي ونجحتي وراكي تعملي اذن من تدخل الان في حياتك هو الشيطان اجل لا يريدك ان ترتاحي ويريد ان يدخلك في متاهة النقمة لا النعمة
اختي الحبيبة ابني مستقبلك مع الشخص الذي تقدم لك واغلقي كل باب حديث عن ماضيك مع اني اراه عادي مادمت تربيت احسن التربية
اختي الفاضلة الزمي الاستغفار والذكر والصلاة وقراءة القران الكريم وتحسين بالراحة واقول لك كلمة فقط مانفع بنت من اب وام حقيقيين وهي تتمايع وتتغنج في الطرقات لا شخصية ولا تربية مقارنة بك ماشاء الله
ربي يخليك انتبهي لخطيبك وقوي علاقتك به وباهلك ولاداعي لقلقك ونضرات الناس
شوفي الناس تهدر تهدر بغيتي بوالديك ولا لا
تمنياتي لك بالصحة والهناء والسعادة في دنياك واخرتك

[mira mira02]

انت ماعندك حتى دنب
الناس هي لي تحب تحكي خاصة كي لقاوك احسن منهم متربية و قارية و خدامة
اشغلي نفسك بالصلاة و الدعاء لربي سبحانو باش يسرلك امرك

[nourab]

ايتها الاخت عليك بالصبر ومواجهة نظرات الناس وانت واثقة من نفسك لان السماع للناس وما يقولونه هو بالدات مرض هده هي الثقافة التي تربى عليها هدا المجتمع
فلو انتبه كل واحد منا لعيوبه ما كان هدا المرض اصبري ....اصبري ...اصبري انشاء الله ستهزمهم بادن الله وفقك الله .

[yako02]

احس بمعاناتك و لكن اختي الحبيبة كوني قوية و لا تبالي للمجتمع صحيح ان كلامهم يجرحك و يألمك كثيرا لكن كوني قوية و الذي يقول انك متبنية الى غير ذلك افتخري بعائلتك التي تبنتك و قولي ان الله يحبني لانه ليس لك ذنب انك تأتي الى الدنيا و اهلك ليسو جنبك و لكن الله سخر لك عائلة احبتك و ربتك احسن تربية و درستك ووفرت لك كل شروط الحياة و الان ماشاء الله انت استاذة يعني انت في نعمة انو جابوك و ربوك يمكن لو كنتي مع اهلك الحقيقيين الذين تخلاو عليك و انت رضيعة متعيشيش معاهم هكدا صحيح ليس احسن من العائلة الحقيقية و لكن هذا قدرك حبيبتي فلا يهمك شيء عيشي حياتك مع خطيبك لي راهو حابك كيما راكي و مايهمكش كلام الناس لي يهبلو الواحد كون تبعي هدلاتهم
واش نقولك اختي ربي يكون معاك

[الجزائره الحره]

وعليكم السلام اختي
هادي مافيها حتى عيب ولا حتى غلطة حاجة عاااادية جدا والناس هاديك هي شغلتهم
كيما قالولك الاخوة الكرام تحلي بالصبر وخللي ثقتك بنفسك كبير وطنشي الكل
وربي يوفقك انشاء الله

[amina nourhanne]

اختي لست مذنبة ماشاء الله عليك قريتي ونجحتي و هادا هو المهم ؛ المهم فعلك أنتي ماشي فعل غيرك اتهلاي في الوالدة العزيزة لي سهرت عليك و كبراتك و الحمد الله

[محفوظ البسكري]

ليس ذنبك اختي كان الله في عونك

[minamer]

السلام عليكم

نحيك على الشجاعة و هادي خطوة مليحة ليك باش تريسبيري شوية

ثانيا نتي شكون اللي خلقك , ياك ربي و لوكان حب ما تجيش لدنيا كان ما يخلقكش كامل

يعني احمديه و اشكريه و ايلا راكي تلومي يعني استغفر الله راكي تلومي فيه سبحانه

احمديه اعلى كل واش مدلك بالاك لوكان يماك و باباك تع الصح كانوا ما يوصلوكش للي و صلتيلول

و هدا كلوا بفضل ربي سبحانه

و هو اللي يجازيك اكيد على الوالدين تع الصح اللي تحرمتي منهم و هو اللي يحنن القلوب

وهو اللي يقسم الارزاق و كل شيء بالمكتوب

قولي مزية كاين ربي هو اللي يمد و هو اللي ينحي لحكمة يعلمها وحده

و الناس غير يكثروا في الدنوب و لوكان يكونوا كامل مومنين شكون اللي يدخل للنار

انا نقولك راني حاسة بيك و ان شاء الله تتزوجي و ترزقي بقفة دراري هههههههههههه
بصح اتهلاي فيهم بزاف بزاف :):):):):)

[oum mounib]

okhty ehmadi allah w ochkorih wa la yahmoki abadan kalam elhakidine ida atatka madamati min jahiline fa hya echahadato ani kamilon salaaaaaaaaaaaaaam