ماذا افعل ؟

[مشكلتي]

السلام عليكم

كان زوجي مرة يعمل على جهاز الكمبيوتر وبالصدفة مررت من امامه فلمحت اسم امراة في قائمة الاسماء في ايميله الخاص بالعمل، لم اقل شيئا ولم اعلق وتجاهلت الامر بحجة انه للعمل ومع انه من المفترض انه لا يصح اضافة نساء حتى ولو كان للعمل وهو يعرف هذا افضل مني، لديه ايميل اخر ولا يفتح ابدااااا امامي واذا فنحه ومررة بجانبه غير الصفحة، ومرة وبالصدفة وجدت ارقام نساء في هاتفه وايضا تجاهلت الامر ولم اقل شيئا، ومرة كنت ابحث في ارشيف المواقع عن موقع كنت استخدمته ونسيته فاذا بي اجد صفحة موقع ==== ، ضغطت عليها ففتحت على حساب شخص حسابه فيه فتايات ، عجز عقلي عن التفكير ولم ادري ماذا افعل غير البكاء ، احسست اني صدمت وصورة زوجي الجميلة تشوهت لحد الساعة لا ادري ما افعل ، هل اواجهه او اصمت ؟

[amira19]

يا اختي وش نقولك ربي يفرج عليك راني حاسة بيك

اهم شيء لا تواجهيه لانك ستكسرين كل شيء جميل بينكما

حاولي كسبه و الاحسان اليه كوني خير من وش مالفة تكوني و اقتليه بالقدر لاكان حر اذا اخطا سوف يندم انه اخطا في حق امراة وثقت به

[mira mira02]

والله موقف صعب
ربي يكون معاك
هدا هو زمن التكنولوجيا و العصرنة التي خربت بيوتنا

[yako02]

لماذا لا يصح اضافة نساء يا اختي هم مجرد نساء يتعامل معهن في العمل هذا من جهة
و لكن بما انك وجدت صورة زوجك في موقع للفتيات فهذا بصراحة ذنبك انت و انت المسؤولة عن هذا الشيء لا تغضبي مني و لكن انا اتعجب من النساء اللاتي تهملن ازواجهن و الرجل يبحث عما ينقصه بالطبع في مكان اخر و امرأة اخرى شوفي يا اختي اذا كان زوجك في بداية حياتكما نت كل حياته و زوجته التي يحبها و الان لاحظت تغيره فيؤسفني ان اقول هذا بسببك لانك اهملته
كيف لرجل متزوج ان يبقى امام الكمبيوتر لساعات و انت غير مبالية يعني لولا كانت صدفة و رأيت اسم امرأة لكنت حتى الان لا تعلمين ماذا يفعل زوجك
راجعي نفسك حبيبتي و شوفي ماذا تغير بينكما و اهتمي به اكثر جددي علاقتك معه كأنكم في فترة الخطوبة التي لا مثيل لها او كبداية السنة الاولى من الزواج اعتقد انك فهمتي يا اختي
لا تقلقي اذا استطعت ارجاع زوجك بذكاء دون اتهامه باي شيء سيعود اليك و بقوة
انا لا مخطوبة و لا متزوجة و لكني تعلمت الكثير ممن حولي
اسفة اذا اغضبتك
تقبلي مروري

[panpouna]

الاخت yoko مع كل احتراماتي راكي تهدري في هدرة ما تعرفيهاش انتي ما راكي متزوجة و لا مخطوبة باش تعرفي عقلية الرجال وتتهمي المرا بالاهمال وو.. خلي المتزوجات و لا لي عندها حل واقعي تجاوب عليها و لمعلومات الراجل ما يحتاجش مرتو تفرط فيه باش يشوف لبرا ادا كان راجل محترم يحافظ على مرتو ودارو مهما كانت الاحوال و يجرب يحل مشاكلو في دارو ماشي يروح يخلط و العياد بالله و الراجل لي ما يسواش حتى لوكان يكون عايش كي الملك في دارو يروح يخلط و يرجع اللوم على مرتو..النظرة نتاعك للزواج ما عندها حتى اساس من الصحة

[برايجية 34]

أنا مع كلام الأخت yako02 يسلم فمك يا أختي شوفي واش راه خاص زوجك معاك من أتفه حاجة للحاجات المهمة و عقلك في رأسك خمي مليح تقدري ترجعي دارك جنة هذا ما نقول

[panpouna]

اختي صاحبة المشكلة ما كانش لازم تسكتي كي شفتي ارقام الهواتف و الايميلات ما عندو حتى مبرر باش يكونو عندو ارقام و اميلات نساء وتاني على الموقع لي دخل ليه لازم يفهمك كلشي ويسقم روحو راهو متزوج ماشي عازب باش يدير رايو لازم عليك تزيريه بطريقتك لاخاطرش كل وحدة تعرف عقلية راجلها و كيفاش لازم تتعامل معاه..نقولك تاني صلي وادعي ربي يهدي راجلك و يهنيكم مع بعض

[mars1981]

rabi yahdina

hawli oukhti , matkhalilouch wakt faragh ,

iaawnek fi louled ,,,,,,,,,,

[azadde]

السلام عليك اختي اظن انه يجب عليك ان تقومي بجذبه لك باستعمال اي من الطرق الذي يحبها فان كان يحبك حقا فانه يفهم ذلك دون ان تقومي باخباره شيئا
كما يمكنك ان تجعليه يغير عليك بتجهيزك له العشاء في الوقت
لا تغضبيه

[فتاة الدعوة]

يااااااااااااااااااااااااااا ختي ربي معاك وانا من رايي الرجل ليعمل هكدا مش متربي وخائن للعشرة

[wafa16]

اختي ما تتسرعيش انا من رايي مسالة الهاتف و الاميل طبيعية ربما هن عاملات معه و النت و الهاتف وسيلة اتصال بهن او ربما لم يرغب في احراجهن
اما مسالة الموقع حاولي تغضي الطرف
الا ادا عندك دلائل اخرى و ماقلتيش لكن الكلام اللي تكلمتيه لا يدل على شيئ
و ما تدخليش في باب الشك و ما تخليش الشيطان يلعبلك بعقلك
و مع هدا لازم تكوني حريصة معاه

[faty05]

ربي يهديه
برايي كلميه غير بالعقل و حاولي تعرفي وش تغير فيه حتى رجع يعمل هكا

[منهاج]

السلام عليكم

الله يجيب الخير

[yako02]

شكرا على رأيك فيا اخت panpouna و لكن كلامي فيه جانب من الصحة و لا تكوني من النوع الذي يصلح خطأ بخطأ
المرأة يجب ان تكون ذكية مع زوجها انا لا ابرر تصرفات زوجها لانه هو ايضا كان عليه ان يطلب من زوجته ماذا ينقصه معها عل كل اختي اذا كانت نظرتي للزواج لا اساس لها من الصحة فأنا عندي عقل يفكر بمنطق و يمكنه ان يسير اموره
و اذا لاحطتي هناك من يؤيدني فيما قلت

[loulou02]

ربي يصلح حاله و يهديه

[panpouna]

الاخت يوكو انا عكسك انا امراة متزوجة و راني عارفة مليح واش راني نهدر انا تاني قبل الزواج كنت نفكر كيما نتي بامنطق بصح كي تزوجت اكتشفت انو الزواج احيان ما فيهش منطق ..دركا ما تقديريش تفهميني ولا تفهمي صاحبة المشكلة لي راكي تتهمي فيها باتقصير في حق زوجها بصح كي تتزوجي ان شاء الله تفهمي مليح بلي نظرتك للزواج راهي سطحية و كيما يقولو ناس زمان "سال المجرب وما تسالش الطبيب" و الزواج تجربة لي ما دخلهاش يبقى ما يعرف عليها والو مهما كان عقلو كبير و يفهم كلش

[أم أسماء 2]

ياااااختي واش نقول لك بي يكون معاك وادعي الله باه يرجعلك زوجك وما يحس بالجمة غير اللي كواته

[meriem02]

من الاحسن عدم مصارحته ومحاولة احتوائه بدل سؤاله عن مجرد شكوك لان الشك اذا دخل العلاقة الزوجية خرجت السكينة والطمئنينة من الابواب والنوافذ
لا تصارحيه ابدا لانك سوف تخربي بيتك ويجب ان تكون اذكى فمثلا حاولي معرفة رايه حول هذه المواضيع ومن ثم تعطيه نصائح ولكن من دون ان تحسسيه بانك تقصدينه هو بالضبط واضمن لك انه سيعاود التفكير في سلوكاته ويشعر بتانيب الضمير خصوصا اذا كنت توفرين له كل ما يحتاجه الزوج في بيته.
والله يحفظكما ويجعلكما قرة اعين لبعضكما .........................امين

[لقرع بوكريشة]

[QUOTE=panpouna;12969736]الاخت yoko مع كل احتراماتي راكي تهدري في هدرة ما تعرفيهاش انتي ما راكي متزوجة و لا مخطوبة باش تعرفي عقلية الرجال وتتهمي المرا بالاهمال وو.. خلي المتزوجات و لا لي عندها حل واقعي تجاوب عليها و لمعلومات الراجل ما يحتاجش مرتو تفرط فيه باش يشوف لبرا ادا كان راجل محترم يحافظ على مرتو ودارو مهما كانت الاحوال و يجرب يحل مشاكلو في دارو ماشي يروح يخلط و العياد بالله و الراجل لي ما يسواش حتى لوكان يكون عايش كي الملك في دارو يروح يخلط و يرجع اللوم على مرتو..النظرة نتاعك للزواج ما عندها حتى اساس من الصحة

للاسف ما كها تكون النصيحة...لو ينصت اليك احد او واحدة يا خذ بنصيحتك التي تفجر الصمت والسكوت....وتخرب اسرا وبيوت...الاخت الغير متزوجة نصحت صاحبة المشكلة...بهوء ولين وبالتي هي احسن...فقالت لها يجب عليك النظر في اسباب المشكل ربما يكون هو سبب اهمالك لزوجك وهذا يحدث للكثير والكثير جدا...فممكن بالتحاور والانتباه والتقرب اكثر يزول المشكل.....................لكن ايتها الاخت انت تحاولي براييك دفعها..الى ماذا....الى الشجار؟؟؟؟ الى رفع العصا في وجه زوجها...؟؟؟ الى طلب الخلع..؟؟؟؟ الى خراب بيتها...؟؟؟...هل تستطيعين انت ان تجربيها في بيتك؟؟؟؟؟.....لا ما كها تكون النصيحة....


انصح الاخت صاحبة المشكل ان تنظر نفسها وحولها وحواليها وان تعالج الامور بالتي هي احسن حفاظا على بيتها وزوجها وابناءها ....فان كانت مهملة تستدرك اهمالها وان كانت مقصرة تصحح تقصيرها ...والحوار هو اساس الحلول فالتتقرب الى زوجها اكثر...وزد على ذالك ايتها الاخت...لو نترك لهاته التفاهات من المشاكل ونعطيها اهمية فوق اللزوم لخربت البيوت من اول يوم.....هذا وجد رقم هاتف في جهاز زوجته....والاخرى وجدت اسم امراة في مفكرة زوجها .......اين المشكل؟؟؟ الا يكون هذا الاسم او الرقم لمديرته او زميلته في العمل لاسباب منفعية بحتة؟؟؟؟؟ او يكون الرقم خاطئا...او لضرورة الشغل...او او او ......هل وجت يا اختاه زوجك في علاقة مشبوهة مع هؤلاء....؟؟؟؟ ماهي الا مجرد ارقام واسماء......لو نترك هاته الشكوك والافتراضيات ونعطيها اهمية اكثر من اللزوم....سوف نعمل على خراب اسس ودمار علاقات وتهديم بيوت........فكم بيوت دمرتها اشاعات وافتراضات وتكهنات لا اساس لها من الصحة............................... مع العلم انني لن اوافق الرجل المهمل لبيته وزوجته مادام هو في غنى عن ذالك....انه رباط مقدس لا تحله تفاهات وتصرفات بسيطة...او ان نعبث به ايما عبث........................ما اصعب البناء.....وما اسهل الهدم

[ABDOU ELE]

ربي ييسر الامور لكل المؤمنين
ربي ييسر الامور لكل المؤمنين

ربي ييسر الامور لكل المؤمنين
ربي ييسر الامور لكل المؤمنين
ربي ييسر الامور لكل المؤمنين
ربي ييسر الامور لكل المؤمنين
ربي ييسر الامور لكل المؤمنين

[khadidja master]

السلام عليكم راي من راي amira حاولي ما تواجهيهش يمكن يلقاها فرصة للانفصال كل ما عليك هو زيادة الاهتمام به حتى انك حاولي ما تتركيه يجلس للكمبيوتر ساعات طويلة وربي يزيد محبتكم للبعض ان شاء الله

[حلمي الجنان]

حاولي انك تمعنيلو يعني بطريقة غير مباشرة قوليلو بلي الدنيا فانية واخرتها موت يعني لكان تموت ونتا تكلم بنات و حطي فتلفاز قنوات دينية ديري القران فدار حاولي تبعتيلو محاضرات و صور دينية للايميل تاعو والله يفرج عليك وعلينا