كيف أبني حياتي مجددا

[محبة عبد الرحمان]

بعد طلاقي وليت خايفة أني نخرج للشارع حاسة كانني درت حاجة عيب مع ان الناس كامل تشهد بأخلاقي و الحمد لله و الله أن نفسيتي مدمرة عمري 20 سنة و عدت حاسة ان عمري 40 كيفاش نعاود نبني حياتي من جديد ؟

[nouna l maghbouna]

اختي لعزيزة انتي برك راكي توسوسي في روحك اخرجي عادي و انساي الماضي
ارمي كل حاجة تفكرك في الماضي
اعملي او اكملي دراستك عاادي
لست الفتاة الاولى او الاخيرة اللي تطلقت
و هدرت الناس ميش رايحة تدخلك للجنة ولا النار
تحيااتي

[omtaha]

انا نعرف وحدة نفس القصة وكان عندها بيبي كملت دراستها وراها استاذة وعاودة تزوجت وكانه شي ماصار
الحمد لله انك خرجتي من هذه التجربة بلا بيبي تحيري فيه
وحنا نقولو *** اللي طلقني و انا صغيرة فضل عليا *** صافي دار مزية
ارمي كل شي وراك الحياة مازال تستنى فيك

[هدى الجيجلية]

السلام عليكم
أختي
حطي إيمانك
بربي هو القادر
على كل شيء
كوني قوية
ولا تضعفي
الحياة تستمر
لا تتوقف الحياة
بهذا الطلاق
ولكن عزيزتي
أعرفي كيف تمشي
وخصوصا انت في سن صغير
وانت تعرف المجتمع كيف ينظرون
للمراة المطلقة
إن شاء الله ربي
أيكون معاك يارب
وإن شاء الله ربي يرزقك
بواحد أيصونك
ويحفض كرامتك
من كل سوء يارب

[norhane taha]

السلام عليكم أختي
ما شاء الله عليك صغيرة وجاية للدنيا متقوليش هكذا يمكن تجربة كانت صعبة عليك حسيتي روحك أكبر من سنك وتان متشوفيش للناس صدقني مراحش يجو معاك ولو كنت أحسن واحدة راح يلقاو شيء يزعفوك ويقلقوك به

باش تبني حياتك لازم تشغلي وقتك وأصنعي هدف لنفسك
متلا تعلمي حاجة حرفة في يديك ونميها وحبيها شوفي أي شيء تمنيتي ديريه ومساعدكش وقت ديريه دوك راح تخرجي من حالة لي راكي فيه وتنساي وتقربي من ربي سبحانو وطلبي من ويعاونك والله رايحة تنجحي وراح يبعتلك نصيب أحسن من لي راح مي طنشي لهدرة الناس ردي بالك تأخذيها بعين إعتبار لأنو مراحش تقدري تعيش وتكملي

ياك طفلة إذا متزوجتش يقولو مزال وإذا ربي مرزقهاش بحمل يقولو مزال يعني يدخلو في كل شيء

ربي يفتح عليك يارب ويفرج عليك ويعوضك إن شاء الله

[**مياس تسنيم**]

السلام عليكم
الطلاق حلال من عند ربي مدرتيش الشيء لي يغضب ربي الحمد لله صدقيني المهم تكوني راضية عن نفسك و ايمانك قوي هذا اهم شيء اما الناس عمرها ما تبني بيوت الهاي في روحك خلي عندك ارادة اذا واصلة لمستوى كملي دراستك و ديري الثقة في ربي والله غير يجيبلك الحاجة لي انتي تحيري فيها
وفقك الله اختي

[محبة عبد الرحمان]

انا نعرف وحدة نفس القصة وكان عندها بيبي كملت دراستها وراها استاذة وعاودة تزوجت وكانه شي ماصار
الحمد لله انك خرجتي من هذه التجربة بلا بيبي تحيري فيه
وحنا نقولو *** اللي طلقني و انا صغيرة فضل عليا *** صافي دار مزية
ارمي كل شي وراك الحياة مازال تستنى فيك
حبيت نقولك بلي حتا أنا عندي طفل و هو الي راني نخمم فيه أكثر مشكورة على الرد ربي يجازيك الجنة

[محبة عبد الرحمان]

شكرا لكن أخواتي على الرد ربي يجازيكم خير ان شاء الله ندي بنصائحكم و نكمل قرايتي ادعولي

[ام نسمة]

والله اختي بالرغم من الامك الا انو عندك الزهر قولي لي علاش اولا راكي براسك ماعندكش بيبي تخمي عليه ويوقفلك كامل حياتك وثانيا رتطلقتي وانتي صغيرة احسن من ان تطلقي وانتي كبيرة يعني فرصة اعادة بناء حياتك راها متاحة لك 90بالمئة وحظ موفق اختي لكن اهم نصيحة نمدها لك اياك والتسرع مازلتي صغيرة اعطي لروحك فرصة ادخلي فترة نقاهة ونسيان اولا وراح تنسي اكيد ومن بعد انطلقي للحياة بوجه جديد وروح جديدة واياك ثم اياك ان تداوي خيبة الامل بعلاقة حب تاكدي انها راح تفشل وتسبب لك خيبة امل اخرى اكبر منها

[mira mira02]

ربي يسرلك امرك

[minamer]

السلام عليكم

انا نقولك حاجة نتي تعرفي روحك واش تسواي و ربي صبحانوا ما يظلمش


لازم تعرفي باللي اكيد ربي يعرف خير منك ومني وهوشافلك فيها خير


احمديه واشكريه وما تقوليش علاش وعلاش صرالي هكدا على خاطر كاين اللي صرالهم


اكثر منك وديري مليح في بالك باللي مزيةكاين ربي صبحانه


هواللي يحاسب و يجازي لعباد

و ديري الثقة في نفسك وشوفي الحياة بنظرةاخري غلى خاطر الحياةدايرا هكدا لازم تجربي باش تتعلمي



كملي قرايتك وديري كل حاجة حابةديريها اي حاجة ما تقعديش فارغة شغل فهمتي


وايلا تلزم الامر شوفي طبيب نفساني ما فيها حتى شيء بالعكس يزيدلك الارادةالقوية باش تعاودي حياتك

من جديد ,

وبالنسبةللناس اللي راكي تقولي يهدروا عليك انا نقولك ديري في بالك باللي كل واحد عيبوا اكثر من

غيروا كاين اللي يبان وكاين اللي ما يبانش نتي على الاقل ما درتي حتى جاجة فيها عيب بالعكس

وزيدي قدما يهدروا ينقصولك في الدنوب ههههههههههههههههههه ماشي خير املا اشكريهم ماشي تزعفي منهم


ونزيدلك كلمةاخيرة شدي في ربي وتقربي ليه اكثر راح تشوفي كيفاش تولي تشوفي في الدنيا هادي

نتمنالك الارادة القوية والثقة في النفس و ما تنسايش قرايتك هي الصح:19::19::19::19::19:

[محبة عبد الرحمان]

ربي يخليك أختي و الله كلامك من ذهب رجعتيلي الثقة في نفسي ربي يجازيك خير

[khadouj_1985]

سلام حبيبتي هذا مكتوب ربي و لازم تكزني اقوى من هكذا و هذه تجربة صحيح فاشلة مي لازم تكملي حياتك بقوة اكثر و متنسايش المومن مصاب و اللي تفكروا ربي يا سعداتوا

[اريج06]

أختي العزيزة ربي يعوضك بانسان أحسن منو ويعرف قيمتك ويحافظ عليك مكيش أول واحدة تطلق ولا اخر واحدة .الحاجة اللي تكتب راهي تلحق صح مع الاول صعيبة مي توالفي خلي ايمانك بربي قوي كي تتفكري صلي وأدعي ربي متضعفيش ومتسمعيش لكلام الناس والله ماعندهم مايديرو
نعرف واحدة طلقت وتظلمت لدرجة واحد ميصورها والله حكمت في ربي تصلي وتصدق كي تحس بالضيق والقلقة تلجأ لربي سبحانو والله اللي ظلموها راهم يخلصو فالدنيا هي الان تكمل في قرايتها وتخطبت وحابة تعاود حياتها من جديد صدقيني أحكمي في ربي سبحانو وصلاتك والله ماتضيعي وربي يعيشلك ولدك

[Nihad lamis]

بارك الله فيك و أعانك و يسر لك أمورك

[غربة أهل السنّة]

السلام عليكم و رحمة الله و بركاته

اختي في الله قوّ إيمانك بالله و إعلمي أن هذا بلاء و أن الطلاق ليس جريمة
حاولي مواجهة الناس و كوني واثقة من نفسك
و إن شاء الله يعوضك الله فرحة تنسيك هذا الهم

آمين

[mohamed160]

الاخت اصبرى هدا مكتوب الله والله اعلم هو لى يعلم بكل شى

[دروب التابعين]

ديري حفلة اختي واعرضي صحاباتك وافرحي
وقولي بلي حفرة وخرجتي منها وان شاء الله ربي يجيبلك احسن منو
خليك من العذاب لانه سويجعلكي تكبرين قبل الوقت وانسي الماضي لانكي بعد ثلاث سنوات او خمسة ستقولين مشكلة كباقي مشاكل الناس وستشعرين بالفخر لانكي تخطيتها بكل قوة وحزم
يا اختي ماكاش فينا واحد مابكاتوش الدنيا كاين لي نحاتلو كثر منك كاين ناس خسرو كلش فالدنيا بالصح تبقى اسوء خسارة عندما نذهب لقبورنا مفاليس لا حسنة واحدة معنا اما الخسائر الاخرى فكلها تهون
اياكي والانطواء على نفسكي
اعملي اي شيء لتنسي
وخالطي الناس واسمعي للمشاكلهم باش نتقوليش بلي نتيا الوحيدة لي نظريتي
ونشاءالله ربي يفرجها عليك وعلينا اجمعين

[منهاج]

السلام عليكم

شدي في ربي سبحانو وخطيك من هدرت العرب يعياو يهدرو يجي النهار لي يسكتو وما يدوم غير الصح

[محبة عبد الرحمان]

الشكر لكل من رد علي و ربي يجازيكم خير و يرزقكم الجنة

[AMINA.Z]

كملي يا اختي قرايتك و اسعاي باه تكسبي رزقك و رزق وليدك
و الاهم انك تنساي و تخططي كيفاه تربي وليدك احسن تربية
الزواج صحيح يخليك تحسي بالامان بالصح اذا ماكتبلكش ربي هاد الراحة في التجربية الاولى
انا ننصحك ما تتسرعيش منا و الفوق سقسي مليح على الراجل و عايلتو و ان شاء الله يعوضك خير

[شاملة لينة]

نعرف امرأة طلقت في سن العشرين وكان لها ولد.... تزوجت ثانية وعاشت حياة سعيدة لكن قدرالله أن تترمل وأنجبت طفلا ثانيا..... لكنها لم تيأس خرجت للعمل للتكفل بالطفلين..... ثم أنعم الله عليها بزوج ثالث لم يتزوج من قبل.... ل ينقصه شيء... وهي الأن معة مرتاحة ماديا ومعنويا...... يا أختي إن الله عادل في تقسيم الأرزاق ...
ولا تخافي من كلام الناس فقط صوني نفسك ولن يتجرأ لا الطيب ولا الخبيث في الحديث عنك لان الله سوف يحميك.
تحياتي

[شاملة لينة]

نعرف امرأة طلقت في سن العشرين وكان لها ولد.... تزوجت ثانية وعاشت حياة سعيدة لكن قدرالله أن تترمل وأنجبت طفلا ثانيا..... لكنها لم تيأس خرجت للعمل للتكفل بالطفلين..... ثم أنعم الله عليها بزوج ثالث لم يتزوج من قبل.... ل ينقصه شيء... وهي الأن معة مرتاحة ماديا ومعنويا...... يا أختي إن الله عادل في تقسيم الأرزاق ...
ولا تخافي من كلام الناس فقط صوني نفسك ولن يتجرأ لا الطيب ولا الخبيث في الحديث عنك لان الله سوف يحميك.
تحياتي