شكون تعرف كيقية تحضير خبز الشعير

[le chameau]

السلام عليكم من فضلكم شكون تعرف كيف نحضر خبز الشعير لقيت كيفيات فى النت و لكن نحب نعرف اذا كان عندها وحدة طريقة مجربة و جزاكم الله خيرا

[رحيق الايمان]

اختي حنا نسموها الرغدة
وكانت ماما كي تحب تخبزها تبلها في الليل باه طاوعك كي تخبزيها شوي ماء دافي و ملح و في الصباح ديرلها شوي زيت و تعجن و تضربها عادي كيف الكسرة رخساس و بحكم انها هي متعودة عليها تقدر ترفدها و تقلبها و بما انك انت جديدة ننصح طيبيها في الفغور احسن باه ما تتعذبيش

[rafik-12]

حتى نحنا ماما ترنخها في الليل ومن غدوة باه تطيبها وراهي تحب واحد مالف يطيبها

[zineb hanifa]

اذا كان استعملت سميد شعير خشين الكسرة نسموها حرشاية ولتحضيرها يجب ان تبلي العجينة ليلة من قبل او لساعتين على الاقل حتى
تلين حبيبات الشعير.اجعلي الخبزة صغيرة حتى يسهل عليك حملها ووضعها في الطاجين لطهيها.كما انصحك باضافة كمية من الفرينة مثلا كوبين من الشعير ونصف كوب من الفرينة حتى يسهل حمل وتقليب العجينة.
اما اذا استعملت سميد شعير رقيق فلا يحتاج ان نترك الغجينة لترتاح كثيرا .كما ان هذه العجينة لا تتقطع بسهولة كالاولى .و الكسرة في هذه الحالة تسمى كسرة الرغدة.

[نور المستقبل]

الطريقة الي نعرفها وناجحة تبلي دقيق الشعير بالماء يغلى وشوية ملح قلبي العجين بملعقة خشب حتي تصبح عجينة غطيها ليلة كاملة وفي الضباح عاوديها بالزبذة او سمن او زيت كل واحد ومقدوره لازم العجين ميكونش يبس شوية طري ادهني بلاطو انتاع الفور وخبزيها فيه متكونش رقيقة ومتكونش خشينة مباشرة الى الفرن صدقيني تجي طرية يكلوها كبار وصغر ناقصة تعب الطاجين بالتوفيق عزيزتى

[zhor1970]

تقريباكيما قالو الاخوات وباش تنجحلك لازم وضروري اتشمخيها في ماءيغلي +ملح برك ماذا بيك فالليل والصباح طيبيها ديريلها غييير شوي زيت وكيتشمخيها ديريها في نيلون باش ما تقساحش وتقدري تعجنيها وطيبيها في طاجين الطين انا تعلمتها علي الوالدة هيديرها روووووعة بابا الله يرحمو كان ايحبها بزاف وكنت مرة علي مرة انديرها انا وذرك راجلي ياكلها غير هي كل يومين انديرها انشاء الله في اقرب وقت انحطهالك بالخطوات

[le chameau]

نشكركم على مساعدتى و ان شاء الله نجربو و نردلكم الخبر