مشاهدة النسخة كاملة : تجربتي المرعبة مع البطاطا المقلية في الماء
om anous
2013-02-10, 03:45
السلام عليكم ورحمة الله وبركاته
حبيت نكتب هدا الموضوع وكنت جد مترددة لكن اردت فقط ان يستفيد البعض من تجربتي ووالله ما قصدي انقص من قيمة موضوع الاخت حتى اني مش عارفة شكون هي صاحبة الموضوع لاني لقيت الكثيرات مجربينها المهم
البارح خرجت انا وزوجي واولادي للتسوق في الليل بحكم عمل زوجي ولما رجعنا كان راح الحال على العشاء قلت نقلي بطاطا وخلاص ساهلة وماتديش الوقت المهم درت الزيت في المقلة مقدار كاسين بانتلي قليلة تفكرت العفسة تاع الماء لأنو الكثير من الاخوات جربوها ونجحت معاهم
اضفتلها فنجان ماء فقط وكانت الزيت بااااااردة وحطيتها فوق النار وبديت نقشر في البطاطا ولما سخنت الزيت بدات اطشطش يعني تعمل فقاقيع انا قلت عادي وخليتها فوق النار وممبعد رجعت تترتق انا خفت ما قدرتش نتقدم ليها باش نطفيها خرجت من الكوزينة وانا مطبخي مفتوح على غرفة المعيشة حتى نسمع ترتيقة كبيرة زوجي كان يتوضا عيطتلو جا يجري نحاها من على البوتاغاز هو عمبالو كاش واحد دخل تيرا علينا بالمسدس كل يوم نسمعو بالقتايل من هدا النوع :mad: والله لما دخلت للمطبخ لقيت كلش مزيت الثلاجة الخزائن حتى الفاكهة كانت فوق البوتاجي والسقف يقطر والارض تقولي سيقتها ولقيت هاديك المقلة ناشفة وعندي شمعة حاطتها فوق الكنتوار والله لقيتها دابت شوية من الفوق اتخيلو جات الزيت في وجهي يا لطيف لدرك مانيش عارفة الغلطة وين ربما لأني درت الزيت اكثر من الما ؟ المهم الحمد لله اللي خرجت سالامات وماكان حتى واحد في المطبخ بنتي كل يوم تحبو فيه الحمد لله قدر الله وماشاء فعل
المهم اللي جربو هدي العفسة يقلولنا الطريقة الصحيحة و وين راه الخطـأ باش الكل يتفاداه
والسلام عليكم ورحمة الله وبركاته
kadikirou
2013-02-10, 06:49
slm okhti om anous (http://www.djelfa.info/vb/member.php?u=458631) al hamdoulileh masralak walou mais la faute rahi ta2ak normalement tabki ki gatlak hiya galet ndirou gad zit gad al ma w zit ykoun bared anti raki darti zit aktar men al ma choufi al mawdo3 ta3 ana omouhom w dork tzidi tafahmi
feuilleblanche17
2013-02-10, 07:18
ربي سترك متعاوديهاش
om anous
2013-02-10, 07:23
alhamdo lillaaaaaaaah
اللهم لك الحمد
om anous
2013-02-10, 07:26
slm okhti om anous (http://www.djelfa.info/vb/member.php?u=458631) al hamdoulileh masralak walou mais la faute rahi ta2ak normalement tabki ki gatlak hiya galet ndirou gad zit gad al ma w zit ykoun bared anti raki darti zit aktar men al ma choufi al mawdo3 ta3 ana omouhom w dork tzidi tafahmi
ايه اختي عندك الحق الغلطة تاعي .:(:(.....ان شاء الله حتى وحدة ما تغلط كيفي
om anous
2013-02-10, 07:30
ربي سترك متعاوديهاش
الحمد لله ....انا رحت نجرب بلا ما نتأكد ياويلي قعدتلي في التاريخ جامي نعاود
ساندي 28
2013-02-10, 08:52
الحمد لله الي بنتك ماكانتش معاك ادا توافقيني خرجي معروف من دارك كي ستر ربي وماصرالكم والو
om anous
2013-02-10, 09:03
الحمد لله الي بنتك ماكانتش معاك ادا توافقيني خرجي معروف من دارك كي ستر ربي وماصرالكم والو
يحمد رايك اختي ...والله اليوم زوجي خرج معروف
ساندي 28
2013-02-10, 09:07
الله بارك وتهلاي في روحك وفي اولادك اختي
الحمد لله على سلامتك و سلامت ولادك و دارك
اختي انا جربت هذ البطاطا
يلزم ديري نفس مقدار الماء وزيت و تقطعي البطاطا خشينة شوية بش متتعجنش في المقلات
اذا كان الماء زيادة على الزيت ما يصرى والو و اذا كان اقل الزيت تبدى تترطق كما صرالك
تحياتي
zhor1970
2013-02-10, 09:55
الحمد لله علي سلامتك انا جربتها مي جات رووووووووووووووووووووعة وحطيتها في التطبيق
ممكن كيعاد كمية الزيت اكثر
ام سارة ورقية
2013-02-10, 09:59
السلام عليكم ورحمة الله وبركاته
حبيت نكتب هدا الموضوع وكنت جد مترددة لكن اردت فقط ان يستفيد البعض من تجربتي ووالله ما قصدي انقص من قيمة موضوع الاخت حتى اني مش عارفة شكون هي صاحبة الموضوع لاني لقيت الكثيرات مجربينها المهم
البارح خرجت انا وزوجي واولادي للتسوق في الليل بحكم عمل زوجي ولما رجعنا كان راح الحال على العشاء قلت نقلي بطاطا وخلاص ساهلة وماتديش الوقت المهم درت الزيت في المقلة مقدار كاسين بانتلي قليلة تفكرت العفسة تاع الماء لأنو الكثير من الاخوات جربوها ونجحت معاهم
اضفتلها فنجان ماء فقط وكانت الزيت بااااااردة وحطيتها فوق النار وبديت نقشر في البطاطا ولما سخنت الزيت بدات اطشطش يعني تعمل فقاقيع انا قلت عادي وخليتها فوق النار وممبعد رجعت تترتق انا خفت ما قدرتش نتقدم ليها باش نطفيها خرجت من الكوزينة وانا مطبخي مفتوح على غرفة المعيشة حتى نسمع ترتيقة كبيرة زوجي كان يتوضا عيطتلو جا يجري نحاها من على البوتاغاز هو عمبالو كاش واحد دخل تيرا علينا بالمسدس كل يوم نسمعو بالقتايل من هدا النوع :mad: والله لما دخلت للمطبخ لقيت كلش مزيت الثلاجة الخزائن حتى الفاكهة كانت فوق البوتاجي والسقف يقطر والارض تقولي سيقتها ولقيت هاديك المقلة ناشفة وعندي شمعة حاطتها فوق الكنتوار والله لقيتها دابت شوية من الفوق اتخيلو جات الزيت في وجهي يا لطيف لدرك مانيش عارفة الغلطة وين ربما لأني درت الزيت اكثر من الما ؟ المهم الحمد لله اللي خرجت سالامات وماكان حتى واحد في المطبخ بنتي كل يوم تحبو فيه الحمد لله قدر الله وماشاء فعل
المهم اللي جربو هدي العفسة يقلولنا الطريقة الصحيحة و وين راه الخطـأ باش الكل يتفاداه
والسلام عليكم ورحمة الله وبركاته
اولا الحمد لله على سلاماتكم
والله يا اختي انا منين قريتها وانا ندير فيها تخرج البطاطا هايلة
المهم انا ندير قد الما قد الزيت مثلا كاس كاس
نحطها فوق النار مانقويش بزاف زنغطي عليها
كي نشوف الما بدا يغلي نلوح البطاطا àوطبعا للاحتياط نبعد وجهي هههà
ونعود نغطي عليها حت طيب
والله درتها شحال من مرة
الحمد لله على سلامتك و سلامت ولادك و دارك
المغتربة2
2013-02-10, 12:25
ههههههههههههههه اسمحيلي مقدرتش منضحكش ههههههه دموعي ولاو يطيحو من الضحك
المهم سلامت راسك
ههههههههههههههه اسمحيلي مقدرتش منضحكش ههههههه دموعي ولاو يطيحو من الضحك
المهم سلامت راسك
مع احترامي لكن ماهوش موضوع يدعو للضحك
المهم الاخت سلامات وربي ستر
لمسة حنية
2013-02-10, 14:40
ربي سترك اختى انا لحد الان مجرتهااش وكل مره نقول نجربها بصح درك نجرب غير كمية قليلة ونشوفو
ام ملاك.
2013-02-10, 14:44
ربي حفظك انا من نهار اللي قريت موضوع الاخت ام احمد واش صرالها تحرقت هي وولادها من هاد التجربة قلت جامي نجربها
وعندي يومين واش درت غسلت المقلا باش نقلي البطاطا تفكرتها قلت بلا مانشفها ندير الزيت ديراكت ونخليها تسخن ونشوف واش يصرى كيما قلتي هربت من الكوزينة والدنيا قع ولات دخان راجلي تخلع قالي واش كاين حكيتلو قالي مالقيتي واش تديري تنيرفا علي قالي اللي يجي تصدقيه في الانترنت
ربي سترك وستر بنتك
*بيتي مملكتي*
2013-02-10, 14:49
الحمد لله على سلامتك
و اسمحيلي نعاتبك لأنك طبقتي الوصفة دونما الإقتياد بالمقادير اللازمة لنجاحها
الحق عليكي
أعتذر إن أزعجك كلامي لكن ربي سترك و ستر الملايكة اللي تحبي
أمانة يجب التأكد أولا من مقادير أي وصفة قبل الإستعانة بها باه واحدة ما تندم من بعد
و الحمد لله على السلامة مرة أخرى
نورسين سوف
2013-02-10, 14:50
يا اختي معاااااااااااااش تعاااوديهااااااااااااااااااااااااااااا
وكااااااااااان عاودتيهاااااااااااااااااااا ديرهااااااااااااااا في الهواء الطلق هههههه
الحمدالله على سلاك راسك
jassmahd
2013-02-10, 14:54
قبل كل شئ الحمدلله على سلامتك،الطريقة لي درتها هي:
تحطي فيla cocot شوية زيت و شوية ملح و تخليها تغلي من بعد تحطي البطاطا تاعك و بعدها بسرعة حركيها باش ماتتحرقش لبضعة لحظات ثم تضيفي القليل من الماء و تغلقي la cocot.
مرحبا الحمد للله على سلامتك اختي انت ووليداتك ...يا خواتاتي راجاء التجارب المنزلية اللي فيها خطورة ادا ما تطبقتش صح ما تزيدوش تحطوها في المنتدى هايليك الحالة الثانية المتادية من هاته الطريقة تخيلو لو لا ستر ربي واش كان راح يصرا ما نكدبش عليكم انا تاني خممت نديرها لكن الحمد لله قلت لزوجي قبل ومنعني لانو دايما ولادي مورايا في المطبخ وفي كامل ارجاء البيت كان من الممكن لا قدر الله تصرا حاجة وعندي نداء لصاحبة الموضوع الاصلية وانا هنا والله لا اقصد اي اهانة او تجريح ياختي في ميزك اللي جربتها وعرضتها للخطر ممكن تدعي عليك كل ما تتفكر الحادثة خلي تواجدك هنا لكسب الحسنات انا متاكدة انك لما حطيتي الموضوع مادرتيش في راسك راح يصرا هكا لكن تستطعين وضع حد ارجوك اطلبي من المشرفات رفع الموضوع وكل المشاراكات الخاصة بيه حتى لا تقرءه كاش امرءة زائرو وليست عضوة وتروح اتطبقه وكما يقولو مش كل مرة تسلم الجرة واعتدر بشدة ان كان كلامي قاسي عليك
حقيقة نفس الكارتة وبنفس المقادير فالوصفة الاصلية ستر ربي برك ........
om anous
2013-02-10, 18:28
الله بارك وتهلاي في روحك وفي اولادك اختي
يبارك فيك اختي
om anous
2013-02-10, 18:31
الحمد لله على سلامتك و سلامت ولادك و دارك
اختي انا جربت هذ البطاطا
يلزم ديري نفس مقدار الماء وزيت و تقطعي البطاطا خشينة شوية بش متتعجنش في المقلات
اذا كان الماء زيادة على الزيت ما يصرى والو و اذا كان اقل الزيت تبدى تترطق كما صرالك
تحياتي
الله يسلمك اختي لينا
amina260
2013-02-10, 18:34
الحمد لله لي راكي بخير اختي العزيزة
om anous
2013-02-10, 18:35
الحمد لله علي سلامتك انا جربتها مي جات رووووووووووووووووووووعة وحطيتها في التطبيق
ممكن كيعاد كمية الزيت اكثر
الله يسلمك ....ردي بالك المرة الجاية
faizarbh
2013-02-10, 18:37
ربي يستر اختي غير بشوية حنونة و حاذري
om anous
2013-02-10, 18:40
اولا الحمد لله على سلاماتكم
والله يا اختي انا منين قريتها وانا ندير فيها تخرج البطاطا هايلة
المهم انا ندير قد الما قد الزيت مثلا كاس كاس
نحطها فوق النار مانقويش بزاف زنغطي عليها
كي نشوف الما بدا يغلي نلوح البطاطا àوطبعا للاحتياط نبعد وجهي هههà
ونعود نغطي عليها حت طيب
والله درتها شحال من مرة
يحمد رايك اختي ...انتي طبقتيها بحدافيرها ماشي كيفي :confused:
om anous
2013-02-10, 18:43
الحمد لله على سلامتك و سلامت ولادك و دارك
الله يسلمك نفولة
om anous
2013-02-10, 18:45
ههههههههههههههه اسمحيلي مقدرتش منضحكش ههههههه دموعي ولاو يطيحو من الضحك
المهم سلامت راسك
ياعمري وبالدموع ؟؟؟؟
om anous
2013-02-10, 18:47
مع احترامي لكن ماهوش موضوع يدعو للضحك
المهم الاخت سلامات وربي ستر
راهي حابة تضحك خليها تضحك
om anous
2013-02-10, 19:00
ربي سترك اختى انا لحد الان مجرتهااش وكل مره نقول نجربها بصح درك نجرب غير كمية قليلة ونشوفو
مشكورة اختي غير ما تجربيهاش مع الحنية تاعك :rolleyes:
الحمد لله على سلامتك جربت الكيفية استعملت كمية من الماء واخرى من الزيت دون تقدير وضعتهم على النار ولما سخنت ارميت البطاطا لاحظت انها تفتفت فشلت وقلت العملية ما كانش منها ثم فكرت زدت سخنت شوي زيت لوحده واضفته للمقلى وارميت البطاطا مرة اخرى ما وهنا كانت المفاجئة تقلت البطاطا كما ينبغي ان تكون الحمد لله على سلامتك مرة اخرى
om anous
2013-02-10, 19:05
ربي حفظك انا من نهار اللي قريت موضوع الاخت ام احمد واش صرالها تحرقت هي وولادها من هاد التجربة قلت جامي نجربها
وعندي يومين واش درت غسلت المقلا باش نقلي البطاطا تفكرتها قلت بلا مانشفها ندير الزيت ديراكت ونخليها تسخن ونشوف واش يصرى كيما قلتي هربت من الكوزينة والدنيا قع ولات دخان راجلي تخلع قالي واش كاين حكيتلو قالي مالقيتي واش تديري تنيرفا علي قالي اللي يجي تصدقيه في الانترنت
ربي سترك وستر بنتك
الحمد لله ايه انا حتى البارح باش شفت موضوعها انتي راكي حكيتي لراجلك انا قتلو المقلة كانت مشمخة لوكان قتلو خلطت الماء مع الزيت يقعد يعايرني بيها طول حياتي :o
om anous
2013-02-10, 19:09
الحمد لله على سلامتك
و اسمحيلي نعاتبك لأنك طبقتي الوصفة دونما الإقتياد بالمقادير اللازمة لنجاحها
الحق عليكي
أعتذر إن أزعجك كلامي لكن ربي سترك و ستر الملايكة اللي تحبي
أمانة يجب التأكد أولا من مقادير أي وصفة قبل الإستعانة بها باه واحدة ما تندم من بعد
و الحمد لله على السلامة مرة أخرى
عاتبي يا أختي على روحك علابالي الغلطة تاعي وهادي توصي على الجاية
الله يسلمك
om anous
2013-02-10, 19:15
يا اختي معاااااااااااااش تعاااوديهااااااااااااااااااااااااااااا
وكااااااااااان عاودتيهاااااااااااااااااااا ديرهااااااااااااااا في الهواء الطلق هههههه
الحمدالله على سلاك راسك
الله يسلمك نورسين مانيش راح نعاودها انا في البيت وبدات لالاغم تصوني فمابالك في الهواء الطلق يقولو ارهابية :d
بسمة فرح07
2013-02-10, 20:41
الحمد الله على سلامتكم اختي ربي لطف
rofia.sarah
2013-02-10, 22:22
وااله يا أختي نفس الشى صرا معايا و كاني أنا 100/100 و راني درت رد لصاحبة الوصفة الأصلية لكنها عاتبتني و لست أدري أين الخلل فينا و إلا في الوصفة لذلك نرجو من صاحبة الوصفة الأصلية توضح لنا الخطأ و شكرا فنحن لا نقصد التشكيك في وصفتها و لكن نريد معرفة الخطأ الذي ارتكبناه في الوصفة لأنه لولا ستر الله لكنا رحنا فيها أنا و انتي و الحمد لله عل سلامتنا
meriama13
2013-02-10, 22:34
الحمد لله على سلامتك
حتى درت نفس الغلطة كترت الزيت على الماء و بدات الالعاب النارية ماعيطت حتى على واحد ماقدرتش نقرب باش نطفي على المقلاة امالا طفيت الغاز من الروبوني
الحمد لله ايه انا حتى البارح باش شفت موضوعها انتي راكي حكيتي لراجلك انا قتلو المقلة كانت مشمخة لوكان قتلو خلطت الماء مع الزيت يقعد يعايرني بيها طول حياتي :o
الحمد لله عزيزتي على السلامة انا اعترف بغبائي لا يجب ان اجرب وصفة بهذه الخطورة حتى لو ادرت علينا بالملايين
انا ولادي كشفوني مع زوجي جا و صور الكارثة الحيوط و انا سكنا جديدة و داري ماشي كاملة اي الكوزينا برك سيمان
و جبس رجعت تخلع الي يدخل يتفاجا المهم سادرج لكم الصور ان شاء الله
nina love
2013-02-10, 22:50
يا الحبيبة سلامة رأسك وولادك ....الحمد لله حنونة ،،
لاحول ولا قوة الا بالله
ياختي الحمد لله جاتكم سلامات
اقراي الدعاء اللي راهو في توقيعي يوميا بزاف مليح
الله يحفظ الجميع
امونة الشاوية
2013-02-10, 23:20
وااله يا أختي نفس الشى صرا معايا و كاني أنا 100/100 و راني درت رد لصاحبة الوصفة الأصلية لكنها عاتبتني و لست أدري أين الخلل فينا و إلا في الوصفة لذلك نرجو من صاحبة الوصفة الأصلية توضح لنا الخطأ و شكرا فنحن لا نقصد التشكيك في وصفتها و لكن نريد معرفة الخطأ الذي ارتكبناه في الوصفة لأنه لولا ستر الله لكنا رحنا فيها أنا و انتي و الحمد لله عل سلامتنا
اختي انتي لماكتبتي في الرد تاعك في الموضوع لم تكتبي لتستفسري بل كتبتي لتقولي لي اتقي الله عليها انا رديت عليك انا لم اجد الموضوع لادرج ردك على كل الحمد لله على سلامتك
امونة الشاوية
2013-02-10, 23:27
الله يسلمك نورسين مانيش راح نعاودها انا في البيت وبدات لالاغم تصوني فمابالك في الهواء الطلق يقولو ارهابية :d
اختي ام انوس الحمد للله على سلامتك هذا واين شفت الموضوع انت درتي كمية الزيت اكثر من الماء او الزيت تاعك ماش ثقيلة تاع اوليو لانو لما تكون الزيت خفيفة تكون زي الماء و خاصة تاع 1 او 2 لتر خفيفة زي الماء
ماشي زي تاع 5 لتر خاثرة تقول معجون على كل انا كنت نعرف الموضوع عندي عام و نقلي البطاطا و اللحوم هكا و الحمد لله جامي طارت شرارة وحدة و ترددت كثيرا قبل ما نحط الموضوع اردت به الاستفادة لاكني ساطلب من المشرفة ان تحذفه حتى ما تصراش كوارث كيما هاذي و اتحمل الذنب و مجددا الحمد لله على سلامتك
om anous
2013-02-11, 00:04
اختي ام انوس الحمد للله على سلامتك هذا واين شفت الموضوع انت درتي كمية الزيت اكثر من الماء او الزيت تاعك ماش ثقيلة تاع اوليو لانو لما تكون الزيت خفيفة تكون زي الماء و خاصة تاع 1 او 2 لتر خفيفة زي الماء
ماشي زي تاع 5 لتر خاثرة تقول معجون على كل انا كنت نعرف الموضوع عندي عام و نقلي البطاطا و اللحوم هكا و الحمد لله جامي طارت شرارة وحدة و ترددت كثيرا قبل ما نحط الموضوع اردت به الاستفادة لاكني ساطلب من المشرفة ان تحذفه حتى ما تصراش كوارث كيما هاذي و اتحمل الذنب و مجددا الحمد لله على سلامتك
الله يسلمك اختاه ...انا لما كتبت الموضوع والله ما قصدي نكدبك لا سمح الله حبيت برك حتى وحدة ما تغلط كيفي لاني لم التزم بالمقادير وعلابالي بللي نتي نيتك صافية لوكان ما جربتيهاش ما تحطيهاش برك الطريقة لازملها الاحتياط والالتزام لانو بخطأ بسيط رايحة تكون كارثة وان شاء الله مايكون عليك حتى دنب لانو ماش قصدك اما بالنسبة الي ربي قدرلي هداك الشي والحمد لله على كل حال
والزيت يا أختي هنا ما عندناش اوليو الزيت اللي استعملتها هي مازولا
http://up.arab-x.com/Oct11/B0C36263.gif (http://up.arab-x.com/)
امونة الشاوية
2013-02-11, 00:20
اختي ام انوس الحمد للله على سلامتك هذا واين شفت الموضوع انت درتي كمية الزيت اكثر من الماء او الزيت تاعك ماش ثقيلة تاع اوليو لانو لما تكون الزيت خفيفة تكون زي الماء و خاصة تاع 1 او 2 لتر خفيفة زي الماء
ماشي زي تاع 5 لتر خاثرة تقول معجون على كل انا كنت نعرف الموضوع عندي عام و نقلي البطاطا و اللحوم هكا و الحمد لله جامي طارت شرارة وحدة و ترددت كثيرا قبل ما نحط الموضوع اردت به الاستفادة لاكني ساطلب من المشرفة ان تحذفه حتى ما تصراش كوارث كيما هاذي و اتحمل الذنب و مجددا الحمد لله على سلامتك
الله يسلمك اختاه ...انا لما كتبت الموضوع والله ما قصدي نكدبك لا سمح الله حبيت برك حتى وحدة ما تغلط كيفي لاني لم التزم بالمقادير وعلابالي بللي نتي نيتك صافية لوكان ما جربتيهاش ما تحطيهاش برك الطريقة لازملها الاحتياط والالتزام لانو بخطأ بسيط رايحة تكون كارثة وان شاء الله مايكون عليك حتى دنب لانو ماش قصدك اما بالنسبة الي ربي قدرلي هداك الشي والحمد لله على كل حال
والزيت يا أختي هنا ما عندناش اوليو الزيت اللي استعملتها هي مازولا
لا اختي انا لم اعاتبك عادي انا اردت التوضيح فقط انا كنت جد مترددة من وضع الموضوع حتى ما يصراوش حوادث مثل هاذي المهم الحمد لله على سلامتك اما الزيت مازولا لا اعرفها لا اعر ف ان كانت خفيفة او ثقيلة و هو يتحط الماء اولا ثم الزيت لان الماء ثقيل لا يبقى اي جزء منو اما اذا حطيتي الزيت ثم الماء تبقى قطرات من الماء وسط الزيت و لما يبدا الغليان يطرشق انا طلبت من المشرفة انها تحذف الموضوع لاني كلما نقرا البطاطا مقلية في الماء ركايبي يرجفو *
sarah1424
2013-02-11, 04:28
SALAM
hamdulah ala slamtek
wallah nochkrek bzfff psk 9olt aliha lmama w9atli jarbbi wana manich men genre l nrakaz f lkamia hmdulah k 9rit wech sralk manjarabch malgré kayn l jarbouha wjathom mais manich na9ssa blawi la9adar allah
sahbet lwassfahna manloumoukch psk nti mjarbetha wkayn l solhetelhom wnti habbiti talmina haja jdida
nzid nochkrek psk nabahtini kater khirek whmdulaha ala slamtek
om anous
2013-02-11, 05:22
الحمد لله على سلامتك جربت الكيفية استعملت كمية من الماء واخرى من الزيت دون تقدير وضعتهم على النار ولما سخنت ارميت البطاطا لاحظت انها تفتفت فشلت وقلت العملية ما كانش منها ثم فكرت زدت سخنت شوي زيت لوحده واضفته للمقلى وارميت البطاطا مرة اخرى ما وهنا كانت المفاجئة تقلت البطاطا كما ينبغي ان تكون الحمد لله على سلامتك مرة اخرى
الله يسلمك اختي .....الحمد لله
om anous
2013-02-11, 05:25
وااله يا أختي نفس الشى صرا معايا و كاني أنا 100/100 و راني درت رد لصاحبة الوصفة الأصلية لكنها عاتبتني و لست أدري أين الخلل فينا و إلا في الوصفة لذلك نرجو من صاحبة الوصفة الأصلية توضح لنا الخطأ و شكرا فنحن لا نقصد التشكيك في وصفتها و لكن نريد معرفة الخطأ الذي ارتكبناه في الوصفة لأنه لولا ستر الله لكنا رحنا فيها أنا و انتي و الحمد لله عل سلامتنا
الحمد لله على سلامتك انتي تاني انا على هادي كتبت الموضوع ربي يسترنا كاملين
om anous
2013-02-11, 05:28
الحمد لله على سلامتك
حتى درت نفس الغلطة كترت الزيت على الماء و بدات الالعاب النارية ماعيطت حتى على واحد ماقدرتش نقرب باش نطفي على المقلاة امالا طفيت الغاز من الروبوني
الحمد لله انتي لقيت منين اطفي الغاز انا الفرن تاع الكهرباء لوكان كانت النار شاعلة تحتو منعرف واش صرا
om anous
2013-02-11, 05:33
لاحول ولا قوة الا بالله
ياختي الحمد لله جاتكم سلامات
اقراي الدعاء اللي راهو في توقيعي يوميا بزاف مليح
الله يحفظ الجميع
اللهم امين
salam
hamdulah ala slamtek
wallah nochkrek bzfff psk 9olt aliha lmama w9atli jarbbi wana manich men genre l nrakaz f lkamia hmdulah k 9rit wech sralk manjarabch malgré kayn l jarbouha wjathom mais manich na9ssa blawi la9adar allah
sahbet lwassfahna manloumoukch psk nti mjarbetha wkayn l solhetelhom wnti habbiti talmina haja jdida
nzid nochkrek psk nabahtini kater khirek whmdulaha ala slamtek
الله يسلمك اختي ...والله حتى انا قلت لماما عليها وكانت حجربها وانا غير صراتلي عيطتلها في الانترنت وقلتلها
om anous
2013-02-11, 23:09
مرحبا الحمد للله على سلامتك اختي انت ووليداتك ...يا خواتاتي راجاء التجارب المنزلية اللي فيها خطورة ادا ما تطبقتش صح ما تزيدوش تحطوها في المنتدى هايليك الحالة الثانية المتادية من هاته الطريقة تخيلو لو لا ستر ربي واش كان راح يصرا ما نكدبش عليكم انا تاني خممت نديرها لكن الحمد لله قلت لزوجي قبل ومنعني لانو دايما ولادي مورايا في المطبخ وفي كامل ارجاء البيت كان من الممكن لا قدر الله تصرا حاجة وعندي نداء لصاحبة الموضوع الاصلية وانا هنا والله لا اقصد اي اهانة او تجريح ياختي في ميزك اللي جربتها وعرضتها للخطر ممكن تدعي عليك كل ما تتفكر الحادثة خلي تواجدك هنا لكسب الحسنات انا متاكدة انك لما حطيتي الموضوع مادرتيش في راسك راح يصرا هكا لكن تستطعين وضع حد ارجوك اطلبي من المشرفات رفع الموضوع وكل المشاراكات الخاصة بيه حتى لا تقرءه كاش امرءة زائرو وليست عضوة وتروح اتطبقه وكما يقولو مش كل مرة تسلم الجرة واعتدر بشدة ان كان كلامي قاسي عليك
بارك الله فيك اختي عندك الحق في كل كلمة قلتيها
النايلية
2013-02-12, 10:04
الحمد لله على سلامتك
ام رويدة
2013-02-12, 12:04
انا نعطيك الطريقة يااختي..اللي عندها الزيت في الدار تقلي البطاطا واللي معندهاش تغليها وخلاص.....حفاظا على انفسنا واولادنا..
فضيلة 22
2013-02-13, 08:06
حتى انا جربتها ماصرا والو ليا خرجت هايله
درة بيتي
2013-02-13, 15:22
أنا جربتا وتعجنت شويا مي ماشي حاجة على خاطر الغلطة تاعي كي درت البطاطا مربعات صغيرة وهي لازم تكون خشينة المهم الحمد لله على سلامتك متزيديش تتفلسفي من راسك مرة أخرى هههإهههه ياخي قالولك ديري كيلة بكيلة المهم رانا دايما نتعلمو كاشما ضربك واحد بعين كي خرجتي المهم جاتك خفيفة الحمد لله تقبلي مروري وخاص تحياتي سلام ...
لكحل بلال
2013-02-13, 15:28
الطبخ الجزائري كفاش نقلوا البطاطا بالماء والزيت ؟؟؟
الحمد لله على سلامتك تالمت عليك وحست واش حسيت ومنبعد حكمني ضحك هستيري اسمحيلي الحمد كي خرجت سلمات كنت ناوية نجربها بطلت
fouzia alger
2013-02-13, 17:01
الحمد لله على سلامتك
اختاه اعتذر عندما قرات الموضوع وعرفت انك سلمات ضحكت على التجربة لكن عندما قرات موضوع ام احمد احسست بالخطر الذي نجوت منه اكرر اعتذاري واكرر الحمد لله على السلامة
om anous
2013-02-13, 21:42
الحمد لله على سلامتك تالمت عليك وحست واش حسيت ومنبعد حكمني ضحك هستيري اسمحيلي الحمد كي خرجت سلمات كنت ناوية نجربها بطلت
الله يسلمك فاتي مي معليش تقوليلي علاش جاك الضحك ما نيش نلوم فيك اضحكي على روحك لكن انا كي كنت نكتب في الموضوع كنت مشوكيا
بليز قوليلي ادا كاين حاجة تضحك في الموضوع لانو كاينة اخت مرت بالموضوع ضحكت و بالدموع .
طيب القلب
2013-02-13, 21:58
الحمد لله على سلامتكم ربي سترك المعروف الي خرجتيه زيدي خرجيه :1::1::1::1:
الله يسلمك فاتي مي معليش تقوليلي علاش جاك الضحك ما نيش نلوم فيك اضحكي على روحك لكن انا كي كنت نكتب في الموضوع كنت مشوكيا
بليز قوليلي ادا كاين حاجة تضحك في الموضوع لانو كاينة اخت مرت بالموضوع ضحكت و بالدموع .
والله اختي طريقة في الكتابة ممتعة رغم انك كنت في خطر وثاني التجربة وفرقعة يعني اخر حاجة كنا نتوقعوها يصرا هاك لكن صدقيني اشعر بالخجل منك اختي في خطر ونجت من كارثة وانا ضحكت ربما لا نك لباس عليك اخذت الموضوع ببساطة صدقيني كان ضحك جياح وليس من اخلاقي ان افعل ذلك حاجة برك اقولها لك ازمتك خرجتني من ازمة كنت فيها وكي قريت موضوع ام احمد وشفت واش صرالها لم اضحك لانها كانت تتالم ارجوك للمرة المليون اسمحيلي لن اسامح نفسي
om anous
2013-02-13, 23:18
والله اختي طريقة في الكتابة ممتعة رغم انك كنت في خطر وثاني التجربة وفرقعة يعني اخر حاجة كنا نتوقعوها يصرا هاك لكن صدقيني اشعر بالخجل منك اختي في خطر ونجت من كارثة وانا ضحكت ربما لا نك لباس عليك اخذت الموضوع ببساطة صدقيني كان ضحك جياح وليس من اخلاقي ان افعل ذلك حاجة برك اقولها لك ازمتك خرجتني من ازمة كنت فيها وكي قريت موضوع ام احمد وشفت واش صرالها لم اضحك لانها كانت تتالم ارجوك للمرة المليون اسمحيلي لن اسامح نفسي
معليش اختي ما فيها والو بالاك عللي قلت كاش واحد تيرا علينا نتوما تبانلكم حاجة بعيدة ولكن في امريكا بلد الافلام كل شي ممكن
والله فرحت كي قلتيلي خرجتيني من ازمة ربي سترك راكي مسامحة اختاه الله يخلي ايامك كلها ضحك :1:
معليش اختي ما فيها والو بالاك عللي قلت كاش واحد تيرا علينا نتوما تبانلكم حاجة بعيدة ولكن في امريكا بلد الافلام كل شي ممكن
والله فرحت كي قلتيلي خرجتيني من ازمة ربي سترك راكي مسامحة اختاه الله يخلي ايامك كلها ضحك :1:
ربي يعيشك حنونة ونشاالله تكون معريفة خير تعرفينا احنا الجزائريين في ضربة الصح نموتو على بعضانا :19:
samira43
2013-02-15, 15:21
على سلامتك ختي
خوفتيني صح
كنت ناوية نجربها صراحة و منعتني الوالدة قالتلي بركاي بلا بخل هدو يقتصدو فالزيت هههه
ايا مليح نطق ملك على فمها و نجونا من الكارثة
شكرا لتنبيهك و تحديرك اختي و الا كنت نطبقها ادا اتيحت لي الفرصة لكن بعد الان مسحتها من مخي
ممشكورة و ربي يستر الجميع
خربشة ناعمة
2013-02-15, 15:51
الحمد لله على سلامتك
انا هاد الفكرة نقولكم غير منطقية بتاتا
يا ناس يا عباد ربي
الزيت مازالوا كاين في الحوانت
ما زال ما انقرضش
علاه تحطوا رواحكم فاران للتجارب
نطبقوها لو كانت وصفة من وصفات الاكل
غير ذلك حرام عليكم تغامروا بانفسكم
علاش هادا تزيار او اقتصاد
الاقتصاد والتوفير عمروا ماكان هكدا
الف الحمد لله على سلامتك
om anous
2013-02-15, 17:51
الحمد لله على سلامتك
انا هاد الفكرة نقولكم غير منطقية بتاتا
يا ناس يا عباد ربي
الزيت مازالوا كاين في الحوانت
ما زال ما انقرضش
علاه تحطوا رواحكم فاران للتجارب
نطبقوها لو كانت وصفة من وصفات الاكل
غير ذلك حرام عليكم تغامروا بانفسكم
علاش هادا تزيار او اقتصاد
الاقتصاد والتوفير عمروا ماكان هكدا
الف الحمد لله على سلامتك
الله يسلمك اختي فقط حبيت انبه لحاجة برك الزيت هنا عندنا سومتو كيما الماء يعني تشري قرعة ماء نفس ثمن قرعة زيت يعني انا لما جربت مابياش الاقتصاد او البخل لكن حب التجربة والثقة في وصفات المنتدى هو اللي خلاني فأر تجارب على قولتك
سمراء الدنيا
2013-03-01, 21:19
الحمد لله على سلامتك ام انوس (قدر و لطف)
بغيت نقولك بللي خليتيها سخنت بزاف لاني انا درتها و عادي ما صرا والو لكن ما نعاودهاش هههههههههه
om anous
2013-03-02, 21:25
الحمد لله على سلامتك ام انوس (قدر و لطف)
بغيت نقولك بللي خليتيها سخنت بزاف لاني انا درتها و عادي ما صرا والو لكن ما نعاودهاش هههههههههه
الله يسلمك سمورة ......ايه علابالي الغلطة تاعي لكن الحمد لله
ام سامي15
2013-04-27, 12:41
الحمد لله على سلامتك
انا ما تشجعتش نجربها
kawthar1983
2013-04-27, 13:54
slamet rassek okhti makache ali mayaghlatche almohim ki ma sralek walo adenya w mafiha
om anous
2013-04-30, 03:02
الحمد لله على سلامتك
انا ما تشجعتش نجربها
الله يسلمك ام سامي
slamet rassek okhti makache ali mayaghlatche almohim ki ma sralek walo adenya w mafiha
شكرا بارك الله فيك كوثر
maramelmess
2013-04-30, 11:27
رببي سترك حبيتي ديري حاجة ديال الزربة عشيتي في الشغل
الحمد لله كي جات سلامات
نعرف العفسة ديال البطاطا لي تغليها 8 دقائق و مبعد تقليها قالولي ما تديش الزيت مي هاذي ماسمعتش بيها
om anous
2013-05-22, 02:18
رببي سترك حبيتي ديري حاجة ديال الزربة عشيتي في الشغل
الحمد لله كي جات سلامات
نعرف العفسة ديال البطاطا لي تغليها 8 دقائق و مبعد تقليها قالولي ما تديش الزيت مي هاذي ماسمعتش بيها
الله يسلمك اختي ايه عندك الحق ربي سترني الحمد لله
على سلامتك اختي
اختي انا كنت قريت تجربتك هاذي شحال
بصح رغم ذلك حبيت نجربها
كنت برا مع راجلي واولادي وكي رجعنا قلتلهم واش تتغداو قالولي لي فريت
قلت لراجلبي قريت بلي دير نص زيت ونص ماء البطاطا تجي مليحة كيما نتاع برا
قالي واش راكي تستناي بصح قتلو كاينة وحدة جربتها بصح دارت كارثة قالي ماعليهش
المهم انا درتها في الفريتوز وغطيت عليها تجنبا للحوادث والفياضانات
غير بدات تسخن بديت نسمع اصوات الفقاعات هههههههههه ومنبعد ولات تزيد بقوة خفت راح راجلي طفاها
غير خرج من الكوزينة وهي طرطقت والله الغطا نتاعها راح والزيت خرج وعمرلي الكوزينة
ومنحكيلكش عاد راجعة من برا ومن العيا رحت شمرت على يديا
اولادي كانوا تعبانين مساكن عياو يستناو ولاوا راحوا رقدوا ..... وما خليت حتى واحد يدخل للكوزينة
بصح راجلي عاود درتهالو في المقلا عادي بلا كوارث ههههههههه
قالي اول مرة تجربي حاجة متصلحش .
والحمد لله على سلامتك وسلامتنا اختي
ابوجهاد1
2013-05-22, 19:11
سلامات ما تشوفي شر
om anous
2013-05-23, 15:46
على سلامتك اختي
اختي انا كنت قريت تجربتك هاذي شحال
بصح رغم ذلك حبيت نجربها
كنت برا مع راجلي واولادي وكي رجعنا قلتلهم واش تتغداو قالولي لي فريت
قلت لراجلبي قريت بلي دير نص زيت ونص ماء البطاطا تجي مليحة كيما نتاع برا
قالي واش راكي تستناي بصح قتلو كاينة وحدة جربتها بصح دارت كارثة قالي ماعليهش
المهم انا درتها في الفريتوز وغطيت عليها تجنبا للحوادث والفياضانات
غير بدات تسخن بديت نسمع اصوات الفقاعات هههههههههه ومنبعد ولات تزيد بقوة خفت راح راجلي طفاها
غير خرج من الكوزينة وهي طرطقت والله الغطا نتاعها راح والزيت خرج وعمرلي الكوزينة
ومنحكيلكش عاد راجعة من برا ومن العيا رحت شمرت على يديا
اولادي كانوا تعبانين مساكن عياو يستناو ولاوا راحوا رقدوا ..... وما خليت حتى واحد يدخل للكوزينة
بصح راجلي عاود درتهالو في المقلا عادي بلا كوارث ههههههههه
قالي اول مرة تجربي حاجة متصلحش .
والحمد لله على سلامتك وسلامتنا اختي
الحمد لله على سلامتك وسلامة اسرتك يا اختي انا لما كتبت تجربتي غير باش ما يصرالكمش نفس الشئ وانتي غامرتي ؟
المهم سترك ربي ما تعاوديهاش
أم أسامة 07
2013-05-23, 19:20
الحمد لله على سلامتك
om anous
2013-06-08, 04:47
الحمد لله على سلامتك
الله يسلمك ....مشكورة
vBulletin® v3.8.10 Release Candidate 2, Copyright ©2000-2025, TranZ by Almuhajir