لاداس هل هي الحل ؟ عيينا من انتظار لانام [الأرشيف] - منتديات الجلفة لكل الجزائريين و العرب

ayyoub adam

2013-02-09, 14:23

السلام1
كرهت خاوتي من القعدة :(

المسابقات كرهت وانا ندفع ملي ولات على اساسا الشهادة
:mad: قالك مكانش لازم الخبرة والمعريفة :confused: لبارح غير زياد 70 الى نجحوهم ونتاوعهم:mad:

الحماية واللابوليس قالك مش معريف برك لازم معريفة وثقيلة بزاف :mad:

و لانام كرهنا من الهدرة الشهر الجاي الشهر الجاي حتى سمعت انو هذا العام مش رايحة تفتح :eek: راهي مخلطة وحصلو فيها

----------------------
يعني قعدلي حل وماعرف هل نديرو ولا نزيد نصبر ؟
حاب ندير ف la das في القطاع العام يعني بلدية ولا كاش مديريات...
مي ماعنديش فكرة عليها وين نروح ؟ و كيفاه ندير ؟ و هل راهي كاينة العقود هادي ولا غير تاني هدرة برك ...

وهل هناك عقود اخرى او مجالات توظيف اخرى مثل تاع الاتصالات ووو...؟

عاونو خوكم وانصحوني ولا اعطونا حلول نشُدو بيها يدينا حتى يفرج ربي

علما اني خريج اعلام واتصال - تخصص اتصال و علاقات عامة
"تبا في النهار الى قريت في هذي البلاد"

في انتظار ردودكم و جزاكم الله خيرا ويفرج ربي علينا ياااااااااااااااارب
الخاتمة1

loulou02

2013-02-09, 15:13

ربي يفرج عليك أخي ، شوف لازم تروح LADASو تسقسي على الملف لي يدفعوه ( نسخة من الديبلوم ، نسخة من بطاقةالتعريف ، شهادة ميلاد 12 ، شهادة إقامة ، تصريح شرفي بعدم ممارسة أي نشاط مهني في القطاع العام ، صور شمسية ، صك بريدي مشطوب ، نسخة من سجلات السوابق العدلية ، الإعفاء من الخدمة الوطنية ، ....) ، كي تجمع الأوراق المطلوبة في الملف روح حطه عندهم و غادي يعطوك وصل و يقولولك مرة على مرة أرواح سقسي ، لأن غالبا budjetيجي في شهر مارس ، و أنت مين داك روح سقسي و دي معاك الوصل ، و الخلصة :9000 دج في الشهر إذاعندك ليسانس ، و بالتوفيق أخي الكريم .

ASKme

2013-02-09, 16:34

الحل الوحيد للدولة تفتح العسكر لكل الراغبين وتحديد السن ب 27 بدل 23 سنة
اصبح العسكر يروحلو الا الطبقة المتوسطة والضعيفة والفاشلين في الدراسة ليطبق الاوامر بدون ان يفكر وهذه سياسة منتهجة

ayyoub adam

2013-02-09, 16:56

ربي يفرج عليك أخي ، شوف لازم تروح ladasو تسقسي على الملف لي يدفعوه ( نسخة من الديبلوم ، نسخة من بطاقةالتعريف ، شهادة ميلاد 12 ، شهادة إقامة ، تصريح شرفي بعدم ممارسة أي نشاط مهني في القطاع العام ، صور شمسية ، صك بريدي مشطوب ، نسخة من سجلات السوابق العدلية ، الإعفاء من الخدمة الوطنية ، ....) ، كي تجمع الأوراق المطلوبة في الملف روح حطه عندهم و غادي يعطوك وصل و يقولولك مرة على مرة أرواح سقسي ، لأن غالبا budjetيجي في شهر مارس ، و أنت مين داك روح سقسي و دي معاك الوصل ، و الخلصة :9000 دج في الشهر إذاعندك ليسانس ، و بالتوفيق أخي الكريم .

اختي الكريمة شكرا على ردك وعندي بعض الاستفسارات

لو مثلا عندي الموافقة من البلدية + الملف ونروح عندهم نبدأ العمل ؟ يعني مفتوحة

وهل عند فتح لانام نقدر نحبس لاداس وندير في لانام او حتى تنتهي مدة العقد ؟

لو سمحتم شرح اكثر وبمعلومات دقيقة وشكرا لكم

loulou02

2013-02-09, 19:29

شوف أخي متنجمش تبدأ في العمل قبل ما يجي budjet، لأن ladasهي لي تخلصك ماشي البلدية ، كي يجي budjetيعطوك التعيين فيه المكان لي غادي تخدم فيه ،و يعطوك العقد تدي تسنييه في البلاصة لي غادي تخدم فيها ويديرولك محضر تنصيب تروح تحطه في ladas، في محضر التنصيب يديرولك التاريخ لي منه تبدالك contrat، مثلا :09-02-2013 هو تاريخ أول تنصيب ليك .
كي تفتحlanem دير فيها و من الأحسن تروح تخدم في الإختصاص نتاعك مثلا :إتصالات الجزائر .

souad sarah

2013-02-09, 19:47

شحال اخلصو تقنى سامى فى das

lololala

2013-02-09, 20:48

سلام عليكم متنساش خوتي بلي لاداس تاني لحقت بلانام يعني بلوكاوها بحجة مكاش لي بوست ورانا غير نستناو معلباناش وينت نروحو وشا نديرو مهم انت عليك بالدوسي وسجل روحك عندهم ودير موافقة تاع كاش ادارة خاطي تربية بسكو ميقبلوش وربي يجيب لخير والله يسهل عليك وعلينا

ayyoub adam

2013-02-09, 21:02

وهي يحق لي اذا فتحو لانام اني نفسخ العقد تاع لاداس ونخدم بلانام ولا لالا ؟

lololala

2013-02-09, 21:08

تقدر تحول كونطرا من لاداس لانام هنا ساهلة مهم يقبلوك ويبعتولك تعيين هادي صاعبة ربي يسهل

ayyoub adam

2013-02-09, 21:22

تقدر تحول كونطرا من لاداس لانام هنا ساهلة مهم يقبلوك ويبعتولك تعيين هادي صاعبة ربي يسهل
شكرا اختاه والاخوة على ردودكم واجاباتكم على استفساراتي

البعض قالي ديرها تولي تندم ومايحولولكش اذا فتحتت لانام ؟ :confused:

المهم

غدا نطلع للمديرية النشاط الاجتماعي ونزيج نستفسر و نردلكم بالخبر ونشوفو

يفرج علينا ربي والله عينا

loulou02

2013-02-09, 21:31

كي تفتحanem دير فيها و حبس الخدمة تاعladas .

loulou02

2013-02-09, 21:33

شحال اخلصو تقنى سامى فى das
يخلص 5000 دج .

ayyoub adam

2013-02-09, 22:21

كي تفتحanem دير فيها و حبس الخدمة تاعladas .

هل قانونية عادي ؟
يعني انا مسجل في لانام عندي الورقة الزرقاء

وغدوة نروح ندفع لا داس

على ضمانتك اختي هههه كون مايقبلونيش في لانام اذا اذا فتحت اكي تخلصيني ههههه

شكرا على ردك

frisette

2013-02-09, 22:35

ana galouli bali habssou transfert man ladas l anem nta sakssi mlih f la das kbal matadfa3 dossier w afidna m3ak inchalah fiha khir

loulou02

2013-02-09, 22:38

ما فيها والو ، أنا راني نخدم ladas، و عندي البطاقة الزرقاء، و راني غير نقارع وينتا يفتحو العقود فيanem نحبس نورمال ladas.

ayyoub adam

2013-02-09, 22:49

ما فيها والو ، أنا راني نخدم ladas، و عندي البطاقة الزرقاء، و راني غير نقارع وينتا يفتحو العقود فيanem نحبس نورمال ladas.

اختي الكريمة وكتاه دخلتي ؟ وصح كيما يقولو تتأخر ديما الشهرية + شحال ساعات العمل وشكرا تعبتك معايا في الاستفسارات ..ماعليه استحمليني وفيدنا بتجربتك

loulou02

2013-02-09, 23:33

أنا دخلت 09-12-2010،صراولي مشاكل كبارفي الثانوية لي كنت نخدم فيها ماتتصورهمش(الحريث ، سوء المعاملة ، المعاني ،...............) و الآن ماقدرتش نكمل الأشهر لي بقاولي حبست وغادي نبدل في مدرسة إبتدائية ، بصح ما نسمحلهمش نوكل عليهم ربي ..........
ساعات العمل قليلة ، نصف يوم ، في البداية تتأخر الشهرية حوالي 3 أشهر ، لكن منبعد تولي عادي كل شهر ، مثلا ، شهر جانفي نخلصه مع أواخر فيفري و هكذا .
إن شاء الله ربي يفرج علينا بمناصب دائمة ، بالتوفيق أخي .

ayyoub adam

2013-02-10, 00:00

أنا دخلت 09-12-2010،صراولي مشاكل كبارفي الثانوية لي كنت نخدم فيها ماتتصورهمش(الحريث ، سوء المعاملة ، المعاني ،...............) و الآن ماقدرتش نكمل الأشهر لي بقاولي حبست وغادي نبدل في مدرسة إبتدائية ، بصح ما نسمحلهمش نوكل عليهم ربي ..........
ساعات العمل قليلة ، نصف يوم ، في البداية تتأخر الشهرية حوالي 3 أشهر ، لكن منبعد تولي عادي كل شهر ، مثلا ، شهر جانفي نخلصه مع أواخر فيفري و هكذا .
إن شاء الله ربي يفرج علينا بمناصب دائمة ، بالتوفيق أخي .

شكرا جزيلا اختاه وربي يوفقك ويعطيك ماتتمناي و يوفقنا جميعا يارب والله قرينا وتعبنا باه نلقاو الذل والمهانة في هذي البلاد لا حول ولا قوة الا بالله يااااااااااااااااااااااااااارب واعطينا الصبر

frisette

2013-02-10, 10:01

loulou khti t3ichi nti raki sure bali koun nodkhlo b la das nakdro nhabsso wnwaliw b l anem psk ana galouli kadra ygouloulak astafadti man 3akd matakdrich t3awdi tastafidi mara okhra

loulou02

2013-02-10, 12:47

لا لا أختي مافيها والو ، تقدري ديري عقدladas ، و تكمليcontrat تاعك ، و تزيدي ديري عقدanem ، أنا كي كنت في العام الأول تاع العقدladas كنت باغي نحبس و ندير anem، رحت سقسيت فيladas و قالولي تنجمي تبدلي و لكن من الأحسن كملي contratتاع ladasو زيدي ديري contraتاع anem.
و نزيدلك معلومة ، ladasتابعة لوزارة التضامن أماanem تابعة لوزارة العمل ، يعني ماشي كيفكيف .

"راجية الجنة"

2013-02-10, 13:32

سلام عليكم

قريت ردودكم قلت ممكن نلقى جواب
انا فضتلي الكنترا diap
وحاب نسجل في لاداس نقدر ولالا ؟

ayyoub adam

2013-02-10, 20:04

خاوتي رحت ليهم اليوم
مديرية التضامن والنشاط الاجتماعي
تخيلو الباب مسكر وغير البواب قالي ممنوع الاستقبالات الاثنين والاربعاء
المهم تلاسنت معاه كيفاه مؤسسة ادارية عامة مغلقة ؟ قالي قتلك مكناش الدخلة والباب بالحديد مغلق ؟

وهو يهدر معانا من الشباك تاع الامن او البواب

ايا وليت سقسيتو على عقود الادماج قالي مكانش راهي حابسة ؟

درك انا مافهمتش اعطوني الرسمي باه غدوة نروح نزيد نسمط روحي عليهم

peaceful spirit

2013-02-10, 20:17

علاش عندكم la das مفتوحة ؟؟؟؟ انا في ولايتي كلش بلوكي مام la das

frisette

2013-02-11, 09:49

merci loulou 3la al ijaba allah yhanik khti w yorzkek b khadma kima yhabha khatrek inchalah

frisette

2013-02-11, 09:50

خاوتي رحت ليهم اليوم
مديرية التضامن والنشاط الاجتماعي
تخيلو الباب مسكر وغير البواب قالي ممنوع الاستقبالات الاثنين والاربعاء
المهم تلاسنت معاه كيفاه مؤسسة ادارية عامة مغلقة ؟ قالي قتلك مكناش الدخلة والباب بالحديد مغلق ؟

وهو يهدر معانا من الشباك تاع الامن او البواب

ايا وليت سقسيتو على عقود الادماج قالي مكانش راهي حابسة ؟

درك انا مافهمتش اعطوني الرسمي باه غدوة نروح نزيد نسمط روحي عليهم

lala akhir rahi mssakra mais galou grib taftah rana nssakssiw bark