تطبيقي الفاشل لبوسوا لا تمسوا [الأرشيف] - منتديات الجلفة لكل الجزائريين و العرب

مشاهدة النسخة كاملة : تطبيقي الفاشل لبوسوا لا تمسوا

casanouva

2013-02-09, 14:16

جربت بوسوا لاتمسو ا
لاكن التطبيق كان فاشل
والله معرفت وين راهي الغلطة
طبقة الوصفة كيما مكتوبة او بتصاور
او مزت او منقصت
والله كانت بالنسبة لي صدمة كبيرة
خاوتي عندهم مدحكوا عليا
كي درتها الطيب ذابت قاع فسنيوة
يما قاتلي هادا موحال بوسوا لتمسو
لخطر كي ذاب المذاق تاعو جا اخفيف كيليصابلي
انا قلت في قلبي هذه الوصفة كي اطيب زعمة مليح كيفا قدرت اديرها صاحبة الوصفة فالماء الزهر كيفاه مصرالها والوا او حتو اوهي نجحتلها محال قاطو كيما ليصابلي يتشمخ ويلا راني غالطة
يما قاتلي هذا القاطوا راه خاصاتوا حاجة
لخاطر بوسو لاتمسوا ايجيه فيه الكاكوكاو مرحي ويلا الجلجلان
انا غالبتها او قلتلها دوك اتشوفي بوسوا لا تمسوا تاع الصح
او كان صح كيما اسمو باسوه او واحد مكلاه

الوصفة هاهي
http://www.djelfa.info/vb/showthread.php?t=974870&page=5

imane-2020

2013-02-09, 14:24

ماماك عندها يجيه الجلجلان
معليش مرة تفسديه ومرة تجيبيه هذا هو التعلام
واش راح تديري امرك لله انا نعرف ما فيهش البيض ويجي مليح
معليش ضحكو خاوتك خير من يضحكو عليك الناس قالك من اجتهد واخطاء له اجر ومن اجتهد واصاب له اجران

sarah022

2013-02-09, 14:28

ماعليش حنونة خيرها في غيرها انا جربته في العيد الي فات و نجحلي بصح حاجا ماعجبتنيش فيه يلم بزاف سكر قلاص و بقالي يابس السكر من فوق بصح قاع هاكا و جاني بنين و هادي هي الكوزينة ياما فشلنا و نجحنا

casanouva

2013-02-09, 14:32

والله يااختي مكنت نتصور ايجي بهاديك الطريقة
جربت معمول ام رامي جا ماشاء الله قاع شكروني
حبيت انزيد انجرب هادي الوصفة بصاح الله غالب
الله يسرتك زيدي اقراي مليح الوصفة وتخيلي هاد الحلوة كي ليصابلي كيفاه تتغطس فالماء الزهر
هادي راه محتبستلي مخي

wissem173

2013-02-09, 14:32

معليش...خيرها فغيرها...المهم المشاركة...

ساندي 28

2013-02-09, 15:06

معليهش التجربة والاخطاء تتعلمي منهم اكتر

امونة الشاوية

2013-02-09, 16:15

ان شاء الله المرة الجاية تنجحلك الحلوة

أم ماجد

2013-02-09, 17:13

انا جربتها العجينة مليحة لكن يبست بسرعة عرفت بان السر في ماء الزهر اعدت تجربتها مرتين مرة درتلها قلاصاج بالسكر قلاص
وجات روعة ومرة غطستها في سيرو وسكر رطب ثاني جات مليحة اللغز في ماء الزهر اختي رغم تحدثي مرارا مع صاحبة الوصفة الا انها لم تجبني

feuilleblanche17

2013-02-09, 17:34

انا في العيد صرالي مشكلتك تحلي و فقد الشكل نتاعو
عاودت جربتو ثاني يوم لازم يكون ناشف مليح بالفرينة باش ميفقدش شكلو
و شمخيه برك بالماء الزهر و زينيه و جا هايل

kadikirou

2013-02-10, 06:57

okhti al 3aziza walah jarabt hadi al wasfa 2 marat jani 4 khlah kima galoulak moumkin machayahtich mlih bal farina

افريقيا

2013-02-10, 07:16

أنا درتو شحال من مرة و كل مرة واش نحط فيه ساعة ندير كاوكاو ساعة جنجلان ساعة لوز و ساعات والو غير لكستريه نتاع لا فانيل و الزست نتاع القارص و جيه هايل حاولي مرة أخرى هذا ما كان و ان شاء الله تنجحي و هذه الكوزينة ساعات تنجحي و ساعات تزاقيها المهم ما تفشليش و خليهم يضحكوا على رواحهم

casanouva

2013-02-10, 09:14

والله ردت كيما الوصفة هي كاتبا العجينة كيما تاع ليصابلي
درها كيما قالت بصح المرة الجاية انزيدزا الجلجلان و نزيدلو الفرينة وانجرب وانقلوللكم

zhor1970

2013-02-10, 14:05

انا ماجربتش هذي مي بوسو لتمسو اللي موالف انديرو فيه جلجلان وكاوكاو مقليين ومرحيين ويجي رووووووووووووووووووعة

معليش انشاء الله المرة الثانية تنجحلك

ام ملاك.

2013-02-10, 14:31

هههههههههه ضحكتيني كي قلتي اسم على مسمى باسوه وماكلاوهش
ماعليش عاودي شوفي لاغوسات نتاعو في قوقل وشوفي فاش غلطتي ديري مقارنة