** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله *

[faizarbh]

فيوزة اختي وين راهم كيفيات يوم الاربعاء الاول من ماي راني غير نستنى فيك تكتبيهم
انشا الله تكوني بخير ويكون الي عطلك خير انشا الله
أهلين حبيبتي كيكا واش نقولك و الله تضحكي عليا
تعرفي نهار الاربعاء كان 1 ماي و كيما تعرفي ماكناش نخدمو و انا كنت فالدار قاعدة و حاسبة رانا الجمعة والله نهار كامل و انا حاسبة الجمعة هههههههههه و هو الاربعاء و غدوة من داك الخميس فالخدمة قاتلي صاحبتي كتبتي مصطفى واش دار البارح :confused: و كانت المفاجئة :rolleyes: قتلها كنت حاسبة كنا الجمعة هههههههههه
المهم راني رسلت لصديقة ماما هيا موالفة تسجلو و ايلا بعثتلي التسجيل راني نكتب الوصفات و نمهودملك :19:

[بوسعادة85]

مجهودات جبارة و الله
فاااااايزة شكرا

للجميع شكرا

[غزة في عيوني]

الله يعطيك الصحة فايزة ربي يجعلها في ميزان حسناتك مشكوووووورة

[ام محمد منتصر]

روعة يعطيك الصحة

[ام محمد منتصر]

بارك الله فيك

[faizarbh]

وصفات يوم 01/05/2013

كيكة عيد ميلاد على شكل ملعب:




يتبع

[faizarbh]

وصفات يوم الأربعاء 08/05/2013

غراتان الباذنجال :
نقشر كيلو باذنجال جهة بجهة يعني نخلي شوية قشور فيه و نقطعوه طوليا و يكون سميك و نديلو الملح و الفلفل و 6 ملاعق أكل زيت و وريقات نعناع مقطعة رقيق و 3 سنات ثوم مدقوق و نتبلهم مدة 30د بهاد الشكل راح يصفي الماء و نرمي هدك الماء و نقطروه مليح و نقلوه من جهتين و نحطوه بجهة.
في طاجين نرابي 2 بصل مربعات و معدنوس مقطع و 3 ملاعق زيت و نقليهم 10د على نار هادية ثم نضيف 20 غ لحم مفروم و 3 ملاعق أرز من النوع اللي يجي مفور و نخليهم 10 د على النار و نزيد مغرف صغيرة زعتر مفتت.
في مقلة تيفال ندير نص كاس طماطم مصبرة + ورقة رند و مغرف كبيرة سكر + 2 ملاعق أكل زيت عادي و نقلي 5د ثم ندير نص كاس ماء سخون و وريقات زعتر محكوك و نقلي 4 د و نطفي.
على طاولة العمل نحطقطع الباذنجال و ندير فيها حشو اللحم المفروم و نلفها و نديرهم في مول تاع الغراتان و ندير الصلصة فوقهم ثم نرابي عليها 150غ جبن أحمر و ندخله للفرن 15د. على نار هادية.

موس الشوكولا:
200غ شوكولا ، 4 حبات بيض ، 300غ زبدة بوماد ، 100غ سكر .
في كسرونة ثقيلة ندير الشوكولا مع الزبدة على نار هادية حتى تذوب و نحرك بملعقة خشب.
نضرب بياض البيض مع شوية ملح حتى يولي كالثلج .
نضرب صفار البيض مع 100غ سكر حتى تولي كريمة .
كي تبرد شوية الشوكولا نضيفلها خليط الصفار و نضرب بالخلاط باش تطلع ثم نضيف بياض البيض غير بشوية و نحرك بالسباتولا و نحرك من تحت لفوق حتى يمتزجوا مع بعض و نديرهم في لي مول و إلى الثلاجة نتركهم يبردو ساعتين أو أكثر حسب البرودة و نزين حسب الرغبة.

سلطة القرنون المغربية:
قرنون مقطع بالطول و مغلي نحطوه في ليان و نعصر عليه حبة ليمون + 5 ملاعق أكل زيت + ملح و فلفل و فص ثوم مدقوق و شوية معدنوس مقطع و نرابي حبة طماطم و نخلط الكل ثم نزيد مغرف قهوة موتارد و نخلطهم.
في التقديم نحط شوية أرز + مايونيز و ندير حفرة في وسطهم و نحط فيها خليط القرنون و نشرب الأرز بالفينيقرات.

قطايف:
باكي قطايف تاع سوريا (كنافة) 500غ،200غ زبدة ذايبة ، مغرف سكر و نخلطهم و ندير شوية فاني معاهم و نحطهم بجهة ،
الحشو : كوكاو أو لوز ، سكر ، زبدة ، فاني و نلمهم
في لي مول تاع الكنافة ندير شوية في يدنا تاع قطايف و ندير في وسطهم كرة حشو و نلمها على شكل كرة و نديهم في لي مول و ندخلهم فالفرن و يكون سخون جدا نخليهم 10د كي نخرجهم نديلهم شاربات و تكون شوية خفيفة و نسقوها تم تم و نقلب المول و ندير فالوسط بيستاش مدقوق.

[قوت]

برك الله فيك و شكرا على المجهود

[تغرينية]

بارك الله فيك على المجهود المبذول

[ورد قسنطينة]

وين راهم الوصفات شكرا

[kika85]

اختي ما علاباليش وعلاش ما حبوش يخرجو الوصفات تع الاسبوعين الاخيرين

[faizarbh]

اختي ما علاباليش وعلاش ما حبوش يخرجو الوصفات تع الاسبوعين الاخيرين

أختي كيكا الوصفات راهم هنا في الصفحة 18

[تغرينية]

شكراااااااااااااااااااااااااااااااا

[citadel]

جزاك الله خيرا راني جربت الصابلي وجا روعة مع انو معمول بالزيت الا انو يجي طري شكرا مرة اخرى ربي يعطيك ما تتمني وعلى فكرة امي دعاتلك

[faizarbh]

جزاك الله خيرا راني جربت الصابلي وجا روعة مع انو معمول بالزيت الا انو يجي طري شكرا مرة اخرى ربي يعطيك ما تتمني وعلى فكرة امي دعاتلك
ربي يخليك اختي منورة في اي وقت سلامي للوالدة الكريمة و ربي يخليهالك ان شاء الله

[غزة في عيوني]

صباح الخير فايزة الله يعطيك الصحة على المجهودات المبدولة حبيت نسقسيك على وحد الطبق دارو الشاف مصطفي في رمضان العام الي فات تاع نفس الكمية تاع الزيتون و نفس الكمية اللحم مرحي نرحوهم مع بعض ونديروهم دي بولات كبار مي نسيت الاسم ديالو و نسيت المقادير الاخرى ارجوووووك الى راكي عارفتو ديريه موضوع بلييييييييز الله يحفظك

[faizarbh]

صباح الخير فايزة الله يعطيك الصحة على المجهودات المبدولة حبيت نسقسيك على وحد الطبق دارو الشاف مصطفي في رمضان العام الي فات تاع نفس الكمية تاع الزيتون و نفس الكمية اللحم مرحي نرحوهم مع بعض ونديروهم دي بولات كبار مي نسيت الاسم ديالو و نسيت المقادير الاخرى ارجوووووك الى راكي عارفتو ديريه موضوع بلييييييييز الله يحفظك

و الله ما علابالي بيه عزيزتي بصح ندير مجهودي نحوسلك عليه و ان شاء الله تكون ماما ولا صاحبتها كاتبينو

[liliane24]

صباح الخير فايزة الله يعطيك الصحة على المجهودات المبدولة حبيت نسقسيك على وحد الطبق دارو الشاف مصطفي في رمضان العام الي فات تاع نفس الكمية تاع الزيتون و نفس الكمية اللحم مرحي نرحوهم مع بعض ونديروهم دي بولات كبار مي نسيت الاسم ديالو و نسيت المقادير الاخرى ارجوووووك الى راكي عارفتو ديريه موضوع بلييييييييز الله يحفظك

اختي غزة كانت الأخت ياراسمين حطت الوصفة و اللي هي :
طاجين الزيتون
المقادير:
300غ زيتون اخضر مغلي مرتين،300غ لحم مفروم، 2 أطراف دجاج، ورقة رندباقة معدنوسن، حبة بصل مرحية، 4 سنينات ثوم، 2 ملاعق كبيرة فرينة، 4 حبات جزر، ملح، فلفل أسود، قرفة،زعفران، سلكجبير بودرة، 1ملعقة كبيرة زبدة طرية
طريقة التحضير:
في الربو نضع 300غ زيتون + ثوم معدنوس اطحني الكل مع بعض يكون الزيتون مفروم فرم خشن + 300غ لحم مفروم اخلطي مع بعض قليلا ثم ضعيهم في قصعة واعجنيهم جيدا + توابل +1 م ك فرينة اخلطي جيدا و اتركيه جانبا يرتاح
تحضير المرق:
في طاجين نضع زبدة+ الدجاج+ بصل مفروم+ معدنوس خليه يتقلى 15د + ورقة رند+ التوابل قلي 5د بعدها مرقي بماء ساخن قيس ما يتغطى الدجاج + الجزر مقطع كريات
خذي خليط اللحم المفروم والزيتون وشكلي كريات كبيرة الحجم
بعدما تنقص المرقة ضفي كريات اللحم خليهم 10د واطفئي النار

هذا الطبق قدموا الشيف مصطفى في رمضان
طبق رائع صدقوني جربتوا أكثر من مرة

[رحمة من المولى]

ربي يحفطكم كااااااااااااااااااااااااامل

[hony]

win raki faiza twahachena wasafat chef

[samaxtm]

اذا امكن وصفة السفنج لي دارو السيد مصطفى يوم الاربعاء الفارط 16/05/2013 و شكرا

[عبير ريمة]

اذا امكن وصفة السفنج لي دارو السيد مصطفى يوم الاربعاء الفارط 16/05/2013 و شكرا
أختي الوصفة في هذا الرابط

http://www.djelfa.info/vb/showthread.php?t=1302591

[*LoRd*]

MERCI:mad:

[vertine]

الاخت فايزة لو سمحتي وصفات الاسبوعين الماضيين يلا عندك بليييييييييييز
او اي اخت عندها الوصفات تحطهم لنا

[om abd illah]

lالله يعطيك الصحة احتي على مجهودتك و الله يجعلها في ميزان حسانتك بفضلك تعرفنا على شاف في قمة و وصفاته لي جربتها كلها مليحة

[faizarbh]

السلام عليكم أحبتي
متتبعي هاد الموضوع
نتأسف بزاااااف بزااااااف لانقطاعي المتكرر يوم الاربعاء
و حتى على المنتدى
للاسف كنت مشغولة بزاف
العمل و المنزل و مع اللي رانا مع البناء و الله تعب كبير و انتوما ادرى بحال المراة مسكينة ههه
و تاني ماما راهي مريضة نتمنى تدعولها بالشفاء العاجل
و ان شاء الله راح نكتبلكم المواضيع اللي فاتت
اسمحولي بزاف بزاف الله غالب خارج عن إرادتي

[kokotg]

السلام عليكم أحبتي
متتبعي هاد الموضوع
نتأسف بزاااااف بزااااااف لانقطاعي المتكرر يوم الاربعاء
و حتى على المنتدى
للاسف كنت مشغولة بزاف
العمل و المنزل و مع اللي رانا مع البناء و الله تعب كبير و انتوما ادرى بحال المراة مسكينة ههه
و تاني ماما راهي مريضة نتمنى تدعولها بالشفاء العاجل
و ان شاء الله راح نكتبلكم المواضيع اللي فاتت
اسمحولي بزاف بزاف الله غالب خارج عن إرادتي


ربي يجيب الشفاء لميمتك هذا اهم شيء

[faizarbh]

وصفة كيكة الملعب لأعياد الميلاد:
4 بيض ، 150غ سكر ، 150غ فرينة ، لكل حبة بيض 30غ سكر و 30 غ فرينة و قرصة ملح و فاني.
في ليان ندير السكر و الملح و البيض و نضرب جيدا حتى يطلعو كالكريم + فاني و يكون الخليط على حساب الصينية .
في صينية ندير ورق زبدة او بابيي آ تابل و نرشوه بالزيت و نفرغ الخليط و ندخلوه للفرن كي اطيب نخرجها و نحطها تبرد و نقسمها على 4 بين كل طبقة ندير الكريم باتيسسير او كريمة الزبدة .
كريم باتيسير : في كاسرونة ندير نص لتر حليب حتى تدفى و نطفي الفرن و انقص منها فنجال آتاي من الحليب و نحطوه بجنب .
في ماعون آخر ندير 2 بيض و نضربهم مع 125 غ سكر + 100 غ مايزينة ثم نضيف نص كاس حليب آتاي و نخلط جيدا حتى تولي كريمة و نفرغهم على باقي الحليب و نحركهم على النار حتى يعقد مليح + شوية فاني.
كي تبرد نقسمها على 4 مرات على الكيكة.
ايلا حبيتي ممكن تزيديلها 2 ملاعق زبدة بوماد و نخلط جيدا بالباتور تولي كريم موسلين.
من فوق الكيكة نشكل كيما نحب .
بما انو ملعب : نجيب جوز الهند و ماء الزهر و ملون أخضر و ندخلههم في بعض مثل الكسكس و نديروه فالفرن شوية حتى ينشف ثم نديروه فوق الطورطة و بالشانتيي ندير نصف ملعب و ايضا لي بار ..

أكلة لمرضى الكوليسترول:
رطل بطاطا حمراء ، نقشرها و نقطعها دوائر عريضة و نفورها و مشوية ، ملح و فلفل أبيض أي نفورها و نديرها في شواية + 2 أطراف صدر جداج لانو خالي من الدهون، حبة بصل رابي ، حبة طماطم طازجة و ماء مغلى و دافئ( و نحط فيه لابطة معدنوس كي يبدا يغلي راح يتلون الماء )
نقلي البصل مع التوابل 10د و نزيد أطراف الدجاج و نثقبها بسكين و نخليها تتقلى 10د و نمرق بماء المعدنوس و نخلوها حتى يقل شوية الماء و كي نطفي عليها نسكب البطاطا المشوية و نقطع الطماطم دوائ على 3 و نشويها شوية بقشورها و نديرها من فوق و نشعل عليهم 5د و نطفي.

المحاجب:
كيلو سميمدة رطبة ، 3 ملاعق أكل فرينة ، مغرف قهوة ملح ، 3 ملاعق أكل زيت ، و نلمها بماء دافئ و تكون شوية قاسية و نريحها 30د بعدها نحطها على الطاولة و نبدا نديرلها قطرات ماء و نعجن حتى نطروها شوية و نخلوها ترتاح 30د و نديرهم كويرات أي بولات و نريحهم أيضا 30د أو 25د .
الحشو : بصل ، طماطم ، هريسة ، طماطم مصبرة و نطيبهم .
و نشكل المحاجب كالمعتاد و نطيبهم في الطاجين.

[hachem]

الله يبارك يعطيك الصحة ان شاء الله

[meriemzineb]

بارك الله فيك

[aziza05]

ربي يجيب الشفاء لميمتك

بارك الله فيك

[فايزة44]

اهلا فايزة شكر على الموضوع .من فضللك ممكن وصفات الاسبوع الماضي

[bint aljazair]

اختي غزة كانت الأخت ياراسمين حطت الوصفة و اللي هي :
طاجين الزيتون
المقادير:
300غ زيتون اخضر مغلي مرتين،300غ لحم مفروم، 2 أطراف دجاج، ورقة رندباقة معدنوسن، حبة بصل مرحية، 4 سنينات ثوم، 2 ملاعق كبيرة فرينة، 4 حبات جزر، ملح، فلفل أسود، قرفة،زعفران، سلكجبير بودرة، 1ملعقة كبيرة زبدة طرية
طريقة التحضير:
في الربو نضع 300غ زيتون + ثوم معدنوس اطحني الكل مع بعض يكون الزيتون مفروم فرم خشن + 300غ لحم مفروم اخلطي مع بعض قليلا ثم ضعيهم في قصعة واعجنيهم جيدا + توابل +1 م ك فرينة اخلطي جيدا و اتركيه جانبا يرتاح
تحضير المرق:
في طاجين نضع زبدة+ الدجاج+ بصل مفروم+ معدنوس خليه يتقلى 15د + ورقة رند+ التوابل قلي 5د بعدها مرقي بماء ساخن قيس ما يتغطى الدجاج + الجزر مقطع كريات
خذي خليط اللحم المفروم والزيتون وشكلي كريات كبيرة الحجم
بعدما تنقص المرقة ضفي كريات اللحم خليهم 10د واطفئي النار

هذا الطبق قدموا الشيف مصطفى في رمضان
طبق رائع صدقوني جربتوا أكثر من مرة


تشبه للوصفة اللي حطيتها في موضوع الأخت ياراسمين 26 ولا نقولكم هي بالذات والصفات عرفتها خط يدي

[faizarbh]

اهلا فايزة شكر على الموضوع .من فضللك ممكن وصفات الاسبوع الماضي

من عيوني اختي اصبري عليا غدا ان شاء الله قاتلي جارتي نعطيلك التسجيل

[فايزة44]

شكرا حبيبتي فايزة على الرد بارك الله فيك ويسر امورك

[vertine]

سلام عليكم
شكرا عزيزتي على المجهودات
بليييز اذا قدرتي و كان عندك وقت اعطينا وصفات الاسبوع الماضي

[faizarbh]

سلام عليكم
شكرا عزيزتي على المجهودات
بليييز اذا قدرتي و كان عندك وقت اعطينا وصفات الاسبوع الماضي

و الله يا اختي من دواعي سروري حتى انا راني نحوس عليهم انا ما سمعتلوش هاد الفترة الاخيرة لاني كنت مشغولة بزاااااف بزااااااااف فالخدمة و كانت موالفة ماما تسجلي لكن حتى هيا و كانت مشغولة مع الخدامة كانو عندنا فالدار و راني قلت لجارتنا قاتلي سجلتهم لكن كي رحت عندها ما لقيتهاش كان عندها زفاف و اليوم ان شاء الله العشية كي نفرغ راني نروح عندها و نجيب التسجيلات

[sasafede]

اخواتي ممكن اتقولولي على الجدول الي قالو اليوم تاع التوابل

[faizarbh]

اخواتي ممكن اتقولولي على الجدول الي قالو اليوم تاع التوابل
اختي راني سجلتو اصبري عليا من بعد رايحة نحط واش دار اليوم

[دموع تائبة]

رووووووووووعة يعطيكم الصحة

[faizarbh]

قبل ما نبداو الوصفات شكون هيا سعدية من ولاية عنابة اللي بعثت لمصطفى و قاتلو رانا نطبقو وصفاتك في منتدى الجلفة هههه اليوم هدر علينا :)

وصفات يوم الأربعاء 05/06/2013
طريقة صنع مركز الليمون :
كيلو سكر+لتر ماء نديرهم فوق النار مدة 15د حتى يولو شاربات و نخليها تبرد ثم نضيفلها مبشور 4 حبات ليمون و نغطيها و نخليها تبات ليلة كاملة غدوة من ذاك نصفوها و نعصر هادوك 4 حبات ليمون فالشاربات و نخلوهم ليلة كاملة و هكدا نتحصلو على مركز الليمون. و لما نروح نقدمها ندير نص كاس من مركز الليمون مع 4 كؤوس ماء بارد جدا جدا و نخلطهم مليح و نديرهم يبردو و نقطمهم.




طريقة صنع مركز النعناع :
لتر ماء+كيلو سكر و نديرهم فوق النار 15د يولو شاربات و نطفي عليها و مباشرة و هي سخونة نديرلها 2 ربطات نعناع و نخلوهم يباتو و نغطوهم غدوة من ذاك ننزع ربطات النعناع و كي نحب نقدمو ندير نصف كاس مركز النعناع يكون عاقد مع 4 كؤوس ماء بارد جدا و نخلطهم و نديرهم يبردو و نقدمهم .




جدول تفصيلي للتوابل:

في هاد الجدول نلقاو واش هوما التوابل المناسبين لكل أكلة
* إيلا كان طاجين مثوم: ملح ، فلفل أسود، قرفة،ذرة زعفران تاع الشعرة مطحون (فالاصل نديرولو ذرة كمون صغيرة ).

1/* إيلا كان مثوم بدون لحم أي faut mtawam ندير نفس التوابل و نزيد عليهم سكنجبير بودرة.

* شطيطحة لحم غنمي بيضاء : ملح، فلفل أسود،شوية قرفة، كبابة، و ايلا كانت باللحم البقري بدل الكبابة ندير الكروية .

* شطيطحة دجاج: ملح،فلفل أسود،قرفة، كروية،شوية بصل و نكثر الثوم .

* طاجين الزيتون بالدجاج: ملح،فلفل أسود أو أبيض،عود قرفة،شوية زعفران.

* طاجين الزيتون باللحم البقري: ملح،فلفل أسود، عود قرفة، زعفران، شوية كروية.
و ايلا كان لحم غنمي: شوية كبابة بدل الكروية.

* طاجين الكباب مرقة بيضاء: ملح،فلفل،زعفران،قرفة،سكنجبير طازج.

* طاجين الكباب بالمرقة بالجاج او بقري او غنمي ندير ذرة حبة طيبة بودرة.

2/* مرقة حمراء: ملح،فلفل،قرفة عود،فلفل عكري، فلفل ادريس ، كروية ، كبابة ، كركم ، شوية راس الحانوت ، كمون.

* شطيطحة لحم مرقة حمراء: ملح،فلفل،قرفة عود شوية كروية للبقري و للغنمي شوية كبابة .

* شطيطحة بالجاج مرقة حمراء: ملح،فلفل،فلفل عكري،كبابة و كركم و شوية فلفل ادريس.

* طاجين زيتون مرقة حمراء: ملح،فلفل،شوية راس الحانوت، فلفل عكري،نص حبة عصير ليمون.

*طاجين تاع الكوشة: لحم بقري او روتي أو جيقو أو دجاج: ملح، فلفل، جوزة الطيب.

* أي طبق غراتيني في الفرن: ملح،فلفل،شوية سكنجبير طازج،شوية جوزة الطيب.


المقروط :
3 عبار سميد متوسط تاع مقروط،عبر تاع زبدة ذايبة و زيت و سمن ذايب، عبر ماء زهر ، 4 ملاعق أكل لحظة،4 ملاعق سمن بوماد ،4 ملاعق فرينة ، 4 ملاعق مايزينة .
ممكن ندير فالوسط حشوة و نديرهم في لي مول تاع المعمول و نرشهم بماء الزهر بالبانسو .


الديول:
2 كيسان فرينة ، قرصة ملح ، 2 كيسان ماء ، و نخلطهم مليح و نخليهم يريحو 5د .
ندير في قدر ماء يغلي و نحط عليه الكسكاس و نندير فوق الكسكاس مقلة تيفال تكون قد الكسكاس ندير شوية زبدة فالمقلاة و نخليها تسخن مليح و بالبانسو ندير العجين بشكل دائري و نمشي 2 دقائق و انحيها تكون طابت .


شوربة الحوت:
5 أنواع حوت مقطعين، في قدر ندير البصل و الكرافس و حبيبات عدس و حبة طرشي و شوية خضرة كمون ، ملح ، فلفل ، عصير ليمون نقلي الكل و نمرق و نرحي الكل.



تشكيل القريوش:
نشكل عجينة القريوش بشكل مظفور و نريحها 10د و نكونو وجدنا علبة تاع طماطم مصبرة و نفتحها من الجهتين و نديرها فالزيت و من الاحسن نصنعلها يد بالسلك باش نشدها و ما تحرقش، و نرمي الحبة داخها على راسها و نرفد الزيت سخون بالزيت و نرمي عليها من فوق حتى تكبر و تتشكل وردة.

[mereyoucef]

جزاك الله خيرا في الدنيا و الاخرة

[ام سهام 02]

في ميزان حسناتك و يعطيك ما تتمناي

[bissane123]

بارك الله فيك أختي على المجهود ربي يجازيك

[فايزة44]

شكراااااااااااا على المجهود المبذول جوزيت الجنة

[faizarbh]

ربي يحفظكم أخواتي شكرا لكن على الدعم

[*جوداء*]

shokran habibti hta ana kont ncherchi 3la wasafato ...momken teketbilna wasafato al 9dima surtout ta3 ramadan

[chama115]

السلام عليكم اختي بارك الله فيك على هاد الوصفات
حبيت تعطيني الوصفة تاع البغرير ما ما راهي تحوس عليها
وجازاكي اله الف خير

[ام عبد الرزاق]

شكرا اختى انا تاني من متتبعات الشاف مصطفى بسعدى

[faizarbh]

shokran habibti hta ana kont ncherchi 3la wasafato ...momken teketbilna wasafato al 9dima surtout ta3 ramadan

اهلا اختي للاسف ما عنديش وصفاتو القديمة لكن الاخت ياراسمين هيا اللي راهي تحط في وصفاتو القديمة في موضوعها

[aziza05]

merci ma chérie j'ai pratiqué les dioul c'est mieux de ceux qui se vend mille merci

[Hayat houta]

بارك الله فيك على وصفة الديول ربي يعطيك ماتتمناي. :19:

[chama115]

ياراسمين
السلام عليكم اختي بارك الله فيك ارجوك اريد الرد على وصفة البغرير
امي حفظها الله تريدها في اقرب وقت
وجزاك الرحمان الف خير
شكرااا

[faizarbh]

ياراسمين
السلام عليكم اختي بارك الله فيك ارجوك اريد الرد على وصفة البغرير
امي حفظها الله تريدها في اقرب وقت
وجزاك الرحمان الف خير
شكرااا

اسمحيلي بزاف حبيبتي البارح رحت نرد عليك و صرالي ظرف و خرجت
بالنسبة للبغرير قوليلي وقتاش دارو
ايلا دارو هاد الاسابيع اللي فاتو راني ما سمعتوش بصح غير قوليلي وقتاش دارو و نشوف مع جارتي بالاك تكون كتباتو

[faizarbh]

merci ma chérie j'ai pratiqué les dioul c'est mieux de ceux qui se vend mille merci

وي صح حاجة تاع الدار مليحة بزاف و راهم يسهلو عليك اي وقت تتشهايهم تخدميهم وحدك

بارك الله فيك على وصفة الديول ربي يعطيك ماتتمناي. :19:

و فيكي بارك الله عزيزتي

[yarasmin26]

اهلا فايزة اسمعتو في الاسبوع الي فات واكتبت واش قدم حط سلطة مشوية والقنين هل تريدين الوصفة

[faizarbh]

اهلا فايزة اسمعتو في الاسبوع الي فات واكتبت واش قدم حط سلطة مشوية والقنين هل تريدين الوصفة

اهلا ياسمين عزيزتي طبعا راني نحوس على الوصفات 4 اسابيع اللي فاتو ما قدرتش نسمعو الله غالب

[faizarbh]

ايه اسمين وايلا عندك وصفة البغرير مديهالي

[chama115]

اسمحيلي بزاف حبيبتي البارح رحت نرد عليك و صرالي ظرف و خرجت
بالنسبة للبغرير قوليلي وقتاش دارو
ايلا دارو هاد الاسابيع اللي فاتو راني ما سمعتوش بصح غير قوليلي وقتاش دارو و نشوف مع جارتي بالاك تكون كتباتو
انعم دارو الاسابيع لي فاتو ماما كانت مريضة ما تبعاتوش تكلم عليه في الاسبوع لي فات وعلى حساب ما قال راه عمل ضجة وجربوه بزاف
نتمنى تلقايه عند جارتك
وربي يحفظك اختي

[فايزة44]

البغرير هذا واسعت من الحصة كاملة ، لكن نظن معاد لانه قاله بعجالة ، تفضلن :
2كيسان سميد، كاس فرينة ، مغرف كبيرة خميرة الخبز ، 3كيسان ماء دافيء،علبة ياغورت طبيعي ،نخلط الكل بالبرا ميكسور ، يخمر 10د ونطيبه عادي

[chama115]

[quote=فايزة44;1052990466]البغرير هذا واسعت من الحصة كاملة ، لكن نظن معاد لانه قاله بعجالة ، تفضلن :
2كيسان سميد، كاس فرينة ، مغرف كبيرة خميرة الخبز ، 3كيسان ماء دافيء،علبة ياغورت طبيعي ،نخلط الكل بالبرا ميكسور ، يخمر 10د ونطيبه عادي[/quo
شكرا اختي ربي يحفظك
جزاك الله بما فيه خيرا

[Hayat houta]

أختي جربت الديول ومانجحوليش ما فهمتش علاه

[faizarbh]

شكرا فايزة على الوصفة ربي يحفظك

[faizarbh]

أختي جربت الديول ومانجحوليش ما فهمتش علاه

انا ما جربتهمش اختي لكن راهم هنا جربوهم لبنات و قالو نجحولهم و انا تاني مجربتهم نفس الطريقة لكن على حمام مائي ماشي على الكسكاس

[ام تقي الله]

اختي فايزة جربت شحال من حاجة من تع الشاف مصطفى ومانجحوليش الصراحة
وهذاك الصابلي نفس المقادير نخدمو بهم حلوة اسمها عين البقرة ومن اسمو تخيليه
ومشكووووووووووووووووورة حبيبتي

[Hemal]

شكراااااااااااا

[faizarbh]

اختي فايزة جربت شحال من حاجة من تع الشاف مصطفى ومانجحوليش الصراحة
وهذاك الصابلي نفس المقادير نخدمو بهم حلوة اسمها عين البقرة ومن اسمو تخيليه
ومشكووووووووووووووووورة حبيبتي

شكراااااااااااا

أهلا اختي أم تقي الله والله ما علابالي السبب حقيقة انا بعض الوضفات اللي جربتهالو نجحتلي و حتى لبنات هنا نجحتلهم لكن ماشي كل مرة تسل الجرة ههههه مرات تصرا تصرا غلطات و بالنسبة لقاطو عين البقرة حنا هنا عندنا نبتة اسمها هكدا هههه

[*جوداء*]

Momken elrabet ta3 mawdou"ha:)اهلا اختي للاسف ما عنديش وصفاتو القديمة لكن الاخت ياراسمين هيا اللي راهي تحط في وصفاتو القديمة في موضوعها

[joyeusana]

بسم الله الرحمن الرحيم اخواتى من فضلكم الى عندها مقادير الكعك لشيف مصطفى وجزاكم الله كل الخير

[faizarbh]

Momken elrabet ta3 mawdou"ha:)

تفضلي أختي
http://www.djelfa.info/vb/showthread.php?t=1240574
:19:

[faizarbh]

بسم الله الرحمن الرحيم اخواتى من فضلكم الى عندها مقادير الكعك لشيف مصطفى وجزاكم الله كل الخير

وينتا دارو اختي ؟

[joyeusana]

لقد سمعت عن الكعك من احدى المتصلات باداعة الشلف وشكرت الشيف مصطفى فى الحصة لكن لم تقل المقادير

[faizarbh]

لقد سمعت عن الكعك من احدى المتصلات باداعة الشلف وشكرت الشيف مصطفى فى الحصة لكن لم تقل المقادير
مانيش متفكراتو مانيش عارفة ايلا قصدك الكعك المقرص ولا كعك البريوش

[joyeusana]

ادا ممكن ومافيهاش ازعاج اععطينى الى عندك

[faizarbh]

ادا ممكن ومافيهاش ازعاج اععطينى الى عندك

أختي شفتي فالوصفات اللي راني كاتبتها ممكن راهي تما انا اي وصفة ليه نعرفها راني حاطتها هنا و اللي ما سمعتهمش ما كتبتهمش ان شاء الله ايلا ما صبتيهش لبنات يمدولك ايلا سمعوه

[faizarbh]

وصفات الاسبوع الماضي:

سلطة شتوية:
نشوي الخضر التالية: حبة فلفل حلو + حبة باذنجال دون تقشير و نقطعهم دوائر + حبة بصل شرائح حتى يولس لونها بني + حبة جزر على الطول مفورة ثم نشويها + حبة بطاطا مفورة دوائر ثم نشويها و نخلط الكل.
نضع الماء يغلي في كاسرونة + فنجال خل حتى يغلي على النار و نفقس فيه 3 حبات بيض الواحدة تلوة الأخرى نخليهم واحد 2د ثم ننزعهم و نشويه شوية.
التتبيلة: معدنوس مقطع فالروبو + قرن حار مشوي + 6م ك خل + 10 م ك زيت زيتون + ملح + فلفل + شوية زعيترة + نص كاس عصير برتقال أو مشروب برتقال و نخلطهم و نتبل بيهم السلطة.

طورطة الفواكه:
العجينة:300غ فرينة + صفار بيضة ، 75غ زبدة ذايبة ، و نبسس العجينة بالأصابع و نبلل بالماء دافئ اجي طريح و نريحها 10د في كيس . ثم نحلها 2 مم و نضعها في صينية دائرية و نثبت الجوانب و نثقبها بفرشيطة و نطيبها 10د حتى يولي لونها ذهبي.
كي تبرد نرص الفواكه مقطعة أوفال.
في الروبو نطحن 300غ مشماش +3 م ك مايزينة + نص كاس حليب بارد شوية اجي عاقدة ثم نفرغ الخليط على طبقة الفراولة و نزين بالشانتيي مخفوقة و نرش من فوق بيمو مرشوش و ندخلها للثلاجة 3 ساعات و نقطعها.




المقيرطات:
3 كؤوس سميد خشن نحمصوه في مقلاة و نخلوه يبرد .
نص كاس سكر حرش + نص باكي خمارة حلوة + م ك زبدة بوماد و نبسس و نشمخوه بالماء زهر و الحليب البارد حتى يتشرب و نتركه 30د
في شنيوة غير مدهونة نفرغه فيها و نرصه بالمسطرة و يرتاح 30د أخرى ثم نطيبوه 25د فالفرن 180 درجة حتى يولي أحمر .
2 كؤوس و نص عسل نسخنه قليلا مع قطرات من ماء الزهر و نسقي المقيرطات مباشرة من الفرن و نتركها ترتاح 4 ساعات حتى تتشرب.




البغرير:
في روبو نخلط 2 كؤوس سميد + كاس فرينة + م ك خميرة خبز + 3 كؤوس ماء دافئ + علبة ياووغت و نخلطهم و نخليهم يرتاحو 10د و نبدا نطيب.

تشاراك العريان:
كيلو فرينة + 50 غ زبدة بومادة نخفقها جيدا مع 2 كيسان سكر قلاص ثم 4 م ك حليب بارد + م ص خمارة حلوة و نضيف الفرينة و الماء زهر حتى تولي طرية.
نحلها دوائر و نضع الحشو و نشكل هلال ثم ندهن ببياض البيض و نرش الكوكاو و نطيبوه.

[chama115]

سلام عليكم اختي فايزة بارك الله فيك على هاد المجهود و ربي معاك
راني نتبع وصفاتك عى الفايسبوك ما شاء الله عليك
ربي يوفقك للافضل ان شاء الله

[faizarbh]

سلام عليكم اختي فايزة بارك الله فيك على هاد المجهود و ربي معاك
راني نتبع وصفاتك عى الفايسبوك ما شاء الله عليك
ربي يوفقك للافضل ان شاء الله

ربي يخليك عزيزتي أ حاجة تحتاجيها راسليني :mh31:

[ورد قسنطينة]

svp la recette dioul

[ورد قسنطينة]

مافهمتش طريفة تشكيل القريوش

[bint aljazair]

السلام عليكم ورحمة الله وبركاته
من فضلك اريد وصفة عصير المشمش للشيف مصطفى الله يرضى عليك الاخت فايزة

[رحيق القلوب 29]

يعطيك الصحة

[faizarbh]

svp la recette dioul
راني حطيتها أختي من قبل
http://www.djelfa.info/vb/showthread.php?t=1211716&page=20

مافهمتش طريفة تشكيل القريوش

قال اظفريه عادي و كي اديريه في علبة الطماطم يتشكل

السلام عليكم ورحمة الله وبركاته
من فضلك اريد وصفة عصير المشمش للشيف مصطفى الله يرضى عليك الاخت فايزة

نعم اختي رايحة انحط الوصفة دقيقة فقط

يعطيك الصحة

تسلمي أختي منورة

[faizarbh]

وصفات يوم الأربعاء 12/06/2013
مثلجات منزلية:
ملعقة أكل عصير ليمون ، 8 م ك شانتيي طالعة ، ملعقة أكل مسحوق الحليب ، م ك ماء ورد ، م ك فاني ، 1/4 حمض السيتريك ، 3 م ك عسل و نضربهم و نديرهم فالثلاجة ساعتين.
7 م ك كريم شانتيي ، م ك معجون مشمش ، علبة شوكولا ذايبة ، م ك كاكاو ، 3 م ك عسل و نضربهم و نديرهم فالثلاجة 3 ساعات.
كي يبردو نشكلهم في كؤوس و هكدا يكون عندنا مثلجات بذوق الليمون و العسل و مثلجات بذوق الشوكولا.




مشروب المشمش:

300 غ مشمش + كاس عسل + نص ملعقة أكل قشور ليمون + 4 كؤوس حليب بارد + 3 مك كرام شانتيي طالعة.
في كسرونة ندير العسل و المشماش مقطع مربعات + قشور الليمون نتركهم 5 دقائق على و نخلوه على النار و نطفي حتى يبرد ثم نضيفلو باقي المقادير و نخلط الكل فالخلاط و نديروه يبرد و نقدموه في كؤوس طويلة.


طريقة تصبير الفلفلة الحلوة (الطرشي):

كيلو طرشي و ننزع الراس و نحافظ على الشكل و نرش داخلها مايزينة و قطرات من الزيت ، و نرابي 2 حبات طماطم و و نديرهم داخل الطرشي أي نمسحها داخلها و نغلق بالرؤوس اللي نحيناها من قبل و نضعهم في علبة بلاستيكيةعصير ليمون و نغلف كل حبة بورق ألمنيوم أو نغطي الكل و نديرها فالمجمد تشدلنا مدة شهرين.
و نقدموها مع سلطة مثلا


خبز:
رطل فرينة ، كاس مايزينة،

[rezkodz]

سلام عليكم
ختي اذا تقدري تمديلي وصفة القريوش التي قالها شاف مصطفى يوم الاربعاء 12*6*2013

وربي يعطيك ما تتمناي

لان امي كانت مشغولة و لم تسمعها

[rezkodz]

الله يبارك يعطيك الصحة

[faizarbh]

سلام عليكم
ختي اذا تقدري تمديلي وصفة القريوش التي قالها شاف مصطفى يوم الاربعاء 12*6*2013

وربي يعطيك ما تتمناي

لان امي كانت مشغولة و لم تسمعها

الله يبارك يعطيك الصحة


تفضل اخي تلقاه هنا

http://www.djelfa.info/vb/showthread.php?p=1052953213#post1052953213

[rezkodz]

شكرا لك اختي فايزة و لكنني اريد مقادير عجينة القريوش ليس طريقة التشكيل ان امكن

[Hemal]

يعطيك الصحة

[oum yahya]

يعطيك الصحة على كل هده الوصفات

[غزة في عيوني]

الله يعطيك الصحة يا فيوزة راكي منورة المنتدى ربي يعطيك ما تتمناي
اما في ما يخص الاخ الي راهو يحوس على الوصفة نتاع القريوش هي 5كيلات فرينة وكيلة مارغرين بسيهامليح ثم سيريها و زيدي فنجان صغير نتاع الخل الابيض +حبة بيض +2ساشي خمارة نتاع القاتو وللميها بالماء والماء الزهر خليها تريح ثم اخدمي بيها عادي بالطريقة الي قال عليها الشاف
واسمحيلي فيوزة جاوبت في مكانك حبيت نخفف عليك شوية ضغط هههههه

[mounira titi]

باركالله فيكم علي المجهود كل وحدة فيكم و الشكر الخاص للاخت faizarbh (http://www.djelfa.info/vb/member.php?u=379624) ربي يجزيك دنيا و اخرة علي ما تقدميه لنا .
و على فكرة انا جربت طرطة بالخضار و جات ابنينة وجميلة و عجبت الاولاد لكن اعدروني لا اعرف كيف اضع الصور .
ر

[crystale49]

شكرا لك اختي

[rezkodz]

سلام اختي
ماذا يقصد الشاف مصطفى بالحبة الطيبة ؟

[faizarbh]

سلام اختي
ماذا يقصد الشاف مصطفى بالحبة الطيبة ؟

سلام أخي حبة الطيبة هاديك اللي اجي مخلطة مع السانوج و نديروها للخبز و الكسرة تاع الدار يجي لونها بني و مذاقها حلو و السانوج يجي أسود و ذوقو مر دوك نحوسلك صورتها و كاين اللي يقوللها حبة الحلاوة
شوف هاد الموضوع تلقى فيه صور حبة الطيبة
http://www.djelfa.info/vb/showthread.php?t=1134660

[oumdounia]

من فضلكم وصفات الاربعاء ١٩جواان

[faizarbh]

من فضلكم وصفات الاربعاء ١٩جواان
ان شاء اختي ممكن العشية نحطهم الله غالب البارح خدمت بزاااااف و اليوم تاني راني نريح نشوية و نحطهم

[kokotg]

سلام فيوزة
حبيت نسقسيك على لاكرام الاول هذيك 8 ملاعق شانتي المطلعة نزيدلها باقي المكونات ونزيد نطلعها ولا نطلعها كل وحمض الستريك ربع ملعقة كبيرة ولا صغيرة
نزيد لاكرام الزاوج نطلع كل هكذا
عجبوني في زوج الله ينورك

[vertine]

السلام عليكم اخواتي الكريمات حلوة القطيفة فيها البيض ام لا ؟ ياريت اللي جارباتو تخبرني بلييييز حابة نديرو الان

[oumdounia]

ان شاء اختي ممكن العشية نحطهم الله غالب البارح خدمت بزاااااف و اليوم تاني راني نريح نشوية و نحطهم
baraka allahou fik ya okhti rani nestena fik

[faizarbh]

سلام فيوزة
حبيت نسقسيك على لاكرام الاول هذيك 8 ملاعق شانتي المطلعة نزيدلها باقي المكونات ونزيد نطلعها ولا نطلعها كل وحمض الستريك ربع ملعقة كبيرة ولا صغيرة
نزيد لاكرام الزاوج نطلع كل هكذا
عجبوني في زوج الله ينورك
حبيبتي ايه زيدي طلعيها بالنسبة لحمض السيتريك دوك نشوف فالتسجيل واش قال و نعاود نردلك الخبر

السلام عليكم اخواتي الكريمات حلوة القطيفة فيها البيض ام لا ؟ ياريت اللي جارباتو تخبرني بلييييز حابة نديرو الان

كاين اللي يديرها بالبيض و كاين اللي يديرها بدون بيض راهي حطتها اخت في قسم الحلويات بدون بيض

baraka allahou fik ya okhti rani nestena fik

اسمحيلي حبيبتي كانت النت نقطوعة عندنا غير ما خلصلتها
دوك نحط الوصفات و الله ما راني نفرغ هاد الايام

[faizarbh]

وصفات يوم الأربعاء 19/06/2013
كوكا:
4 كؤوس فرينة ، كاس مايزينة ، كاس سميد رطب ، 20 غ ملح ، فنجال آتاي زيت ، 2 ملاعق أكل سكر ، مغرف أكل و نص خمارة خبز ، ماء دافيء للعجن .
الحشو: 250غ لحم مفروم ، حبة بصل مربعات ، 3 ملاعق كبار زيت ، ملح،فلفل، مغرف أكل معدنوس مقطع ، علبة كريمة طازجة (كرام فراش)، مغرف أكل فرينة، ملعقة أكل عصير ليمون.
نخلط الفرينة و المايزينة + سكر و خمارة و و باقي المكونات نعجن و نريحهم 30د بعدها نديرهم كريات و ندهنهم بالزيت و نغطيها بقماش و نريحها 20د .
في مقلة نضع البصل و الزيت و نقلي بالملح و الفلفل 10د ثم نضيف اللحم و نقليه + المعدنوس و نقلي 10د ثم نطفي نضيف علبة كرام فراش ثم نزيد الفرينة و نحرك + عصير ليمون.
ندير قطرة زيت و نحلت الكوريات و نحط الحشو فالوسط و نغلق بالفرشيطة و في الوسط ندير ثقب و ندير فيه حبة زيتون سوداء و ندهنهم بصفار بيض و نرش عليهم جلجلان و ندخلهم الفرن يطيبوا.

سلطة روسية:
سلطة روسية على شكل وريدات بالبطاطا
الخليط الاول: كيلو بطاطا مقشرة و مغلية و مدروسة و نستخدم البطاطا البيضاء و نهرسها بالفرشيطة + 100غ جبن طري+2 صفار بيض و نخلطهم + ملح + ملعقة زبدة بوماد و نخلط و نحطها بجهة
يتبع

[سيليا22]

روووووووووووووعة اختي ومشكووووووووووووووورة على المجهوود

[om mostapha]

لي كل من عندهى وصفت قلب لوز لي شيف مصطفي ءدى كانت مجربة حطوهى من فضلكم شكرا.

[بثينة 123]

بارك الله فيك اختي الكريمة

[faizarbh]

لي كل من عندهى وصفت قلب لوز لي شيف مصطفي ءدى كانت مجربة حطوهى من فضلكم شكرا.
راني حاطتها من قبل ارجعي للوصفات تلقايها

[faizarbh]

وصفات يوم الأربعاء 26/06/2013
تشكتشوكة بلمسة سحرية:

رطل طرشي شرائح ، رطل قرعة دوائر من اللي اجي صغيرة ، رطل طماطم طازجة مقشرة و مقطعة دوائر،رطل بصل شرائح ، كمشة معدنوس مقطعة ، 6 بيض ، ملح ، فلفل ، قرفة ، فنجال عسل ، فنجال زبدة ذايبة ، وريقات رند.
في طاجين ندير البصل مع الزبدة و الملح و الفلفل و القرفة و نخليهم يتحمرو 20د على نار قليلة ثم نرمي عليهم الطرشي مدة 10د حتى يذوب ثم نضيف القرعة 5د و بعدها نضع الطماطم من فوق و نفرشها كطبقة أخيرة مدة 10د كي يطيب الكل نفرغ المعدنوس و نضرب البيض و نوجد العسل و نتركهم بجهة.
في مول تاع غراتان تاع فرن ندير التشكتشوكة فيه بعد ما نهدهنوه ثم نفرغ عليها البيض و من فوق ندير العسل بعدما ندفوه شوية و نطيبوه على الطابونة (الفرن الأرضي) و نغلق عليها بغطيوة تاع كوكوت و كي يطيب من تحت ندير المول تاعنا تحت الفرن و نخلوه يتحمر من فوق .

موسكوتشو:
هاد المسكوتشو قال الشاف انو يصنع منها 3 الى 4 و يديرهم فالمجمد وقت الحاجة يجبدهم
3 صفار بيض ، 3 بياض بيض طالع كالثلج ، نص مغرف قهوة ملح ، فنجال آتاي زيت ، 2 فناجل سكر حرش ، مغرف أكل قشور ليمون ، 2 خمارة حلوة الفرينة 2 كيسان و نص .
نحتاج القلاصاج الخاص بالمخبز للتزييت و يكون أصفر فاتح و حب الملوك بأغصانه و نشكلوه زوج بوكيات و شوية مكسرات محمصة و حبات فراولة
نضرب البياض مع شوية ملح و نزيدلو الصفار و نضرب + فنجال زيت ، السكر ، قشور ليمون ، كمشة فرينة ، و نفرغها في مول دائري
كي اطيب انديرلها القلاصاج و من جانبين نضع باقات حب الملوك و الفراولة مقطعة على اثنين .

حلوة على شكل بسبوسة:
كاس سميد خشن ، نص كاس كسكس متوسط يابس ، نص كاس خبر يابس مرحي ، فنجال آتاي كسكس متوسط يابس ، نص كاس خبز يابس مرحي ، فنجال ىتاي زبدة ذايبة ، 4 حبات بيض ، مغرف صغيرة قشور ليمون ، 2 خمارة كيميائية ، فنجال آتاي سكر ، فنجال ماء دافئ .
للشربات : 3 كيسان ماء بارد ، كاس و نص سكر حرش نحطهم على النار 5 د و نرمي 3 حبات مشمش مقطع مربعات نخليهم 15د ثم نميكسيهم فالروبو .
ندير السميد + كسكس+خبز و نخلط + سكر و قشور قارص و خمارة و نخلط + فنجال زبدة ذايبة و 4 حبات بيضايلا كان صغير ندير 5 حبات و نضرب البيض مع الماء و الزبدة باه نضيفوه للخليط الجاف.
ندهن المول و نفرغ الخليط 30د على نار متوسطة و فور اخراجه من الفرن نسقوه و نخليهم تتشرب أكثر من ساعتين و نزينها بالمكسرات أو جوز الهند و نقدمها في لي كيسات .
قلاصاج شوكولا:

[aminabil]

شكرا لكي اختي على المجهود الذي تقومين به

[نور الهدى06]

سلام انا جديدة حابة نفيد ونستفيد

[نور الهدى06]

svp ردو ليا مارانيش عارفة مين نبدا ومع من وكيفاش ووقتاش وووووووووووووووووو!!!!!!!!!!!!!!!!

[chu0chu]

شكراااااااااااااااااااااااااا

[faizarbh]

svp ردو ليا مارانيش عارفة مين نبدا ومع من وكيفاش ووقتاش وووووووووووووووووو!!!!!!!!!!!!!!!!
أختي ما نيش فاهماتك واش راكي حابة نساعدوك فهمينا برك

[الامل الباسم]

الله يعطيك صحة اختي موضوعك يستاهل تثبيت

انا عندي مشكل في شاربات

[faizarbh]

الله يعطيك صحة اختي موضوعك يستاهل تثبيت

انا عندي مشكل في شاربات
اهلا اختي واش بيها الشاربات و أي شاربات تقصدي اللي نسقو بيها قلب الللوز و البسبوسة او الشاربات تاع الليمون

[الامل الباسم]

شاربات لي نسقو بيها البسبوسة

[الامل الباسم]

هل يمكن عمل قلاصاج بسكر قلاص+بياض بيض لتزيين مسكوتة

[faizarbh]

هل يمكن عمل قلاصاج بسكر قلاص+بياض بيض لتزيين مسكوتة
للاسف ما جربتوش من قبل نخاف ييبس علي المسكوتة انا انفضل الشوكولا ذايبة او علبة كرام ديسار نخلطها مع شوكولا دايبة او ممكن ندير معجون و نرش فوقو كوكاو او جوز الهند او نخليه هكدا
بالنسبة لشاربات البسبوسة اتفضلي موضوعي هدا ممكن يفيدك
http://www.djelfa.info/vb/showthread.php?t=1130867

[الامل الباسم]

سمحيلي اختي كثرت عليك

ممكن تقوليلي طريقة صنع كاشير بلحم دجاج بدون فرينة ولا سميد

[faizarbh]

دوك نشوفلك اختي هنا فالمنتدى و اللي تعجبك جربيها انا فالحقيقة معتمدة كاشير بدون دجاج و بدون لحم روووووووعة كيما تاع برا

[الامل الباسم]

املا اعطيني لي انتي تعتامديه

[faizarbh]

شوفي هادو
http://www.djelfa.info/vb/showthread.php?t=1256730&highlight=%DF%C7%D4%ED%D1+%C7%E1%CF%CC%C7%CC

http://www.djelfa.info/vb/showthread.php?t=839627

بالنسبة اللي نديرو انا هدا هو غير مكلف و بنين
http://www.djelfa.info/vb/showthread.php?t=841612

و كاين تاني هدا يبان روعة رايحة نجربو ان شاء الله
http://www.djelfa.info/vb/showthread.php?t=1318779

[vertine]

سلام عليكم اختي فايزة بلييز اعطيني وصفة السوفلي اللي دارها هاذي الاربعاءع
حابة نديرها ذرك يلا تقدري

[faizarbh]

سلام عليكم اختي فايزة بلييز اعطيني وصفة السوفلي اللي دارها هاذي الاربعاءع
حابة نديرها ذرك يلا تقدري

أختي انا مازال ما نكتب الوصفات تاع البارح راهم فالتسجيل
بصح راه دار السوفلي من قبل راه فالصفحة الاولى
و هادي هيا الوصفة تاعو و راهي جرباتو اخت و عجبها بزاف ممكن تكون نفس الوصفة تاع البارح
** سوفلي **

رطل فرينة
مغرف قهوة ملح
فنجال شاي زيت
2 ملاعق أكل خمارة خبز
2 ملاعق أكل لحظة
حبة بيض كاملة
نخلط كل المقادير بالمائ دافئ و نخلوها ترتاح
الحشو: نطيب قطع مرقاز و نقطعهم و نديرهم مع صوص طماطم حتى يمتازجو و نشكل العجينة تاع السوفلي و ندير شوية مرقاز مع صوص طماطم ثم جبن و نغلق عليها و من فوق ندير ثقب صغير و ندخل فيه حبة زيتون أسود و نطليها بصفار بيضة ثم نرش عليه شوية سميد حرش و ندلها للفرن اطيب

[faizarbh]

ممكن تفيدك وصفة الكوكا تاني عجبتني دارها الاسبوع اللي فات
كوكا:
4 كؤوس فرينة ، كاس مايزينة ، كاس سميد رطب ، 20 غ ملح ، فنجال آتاي زيت ، 2 ملاعق أكل سكر ، مغرف أكل و نص خمارة خبز ، ماء دافيء للعجن .
الحشو: 250غ لحم مفروم ، حبة بصل مربعات ، 3 ملاعق كبار زيت ، ملح،فلفل، مغرف أكل معدنوس مقطع ، علبة كريمة طازجة (كرام فراش)، مغرف أكل فرينة، ملعقة أكل عصير ليمون.
نخلط الفرينة و المايزينة + سكر و خمارة و و باقي المكونات نعجن و نريحهم 30د بعدها نديرهم كريات و ندهنهم بالزيت و نغطيها بقماش و نريحها 20د .
في مقلة نضع البصل و الزيت و نقلي بالملح و الفلفل 10د ثم نضيف اللحم و نقليه + المعدنوس و نقلي 10د ثم نطفي نضيف علبة كرام فراش ثم نزيد الفرينة و نحرك + عصير ليمون.
ندير قطرة زيت و نحلت الكوريات و نحط الحشو فالوسط و نغلق بالفرشيطة و في الوسط ندير ثقب و ندير فيه حبة زيتون سوداء و ندهنهم بصفار بيض و نرش عليهم جلجلان و ندخلهم الفرن يطيبوا.

[تغرينية]

هايل يعطيك الصحة

[zarra duff]

بارك الله فيكم وجزاكم خيرا

[assiremhayet]

صح رمضانكوم فايزة إن أمكن وصفات مصطفى ليقدمها في هذا رمضان

[ماجدة ميمي1]

بارك الله فيك ربي يحفظك اختي

[faizarbh]

اسمحولي أخواتي هدا رمضان ما تبعتش الشاف مصطفى لظروف خاصة الله غالب اللي تبعاتو تقدر تحطلنا وصفاتو في هاد الشهر الكريم

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[billal bib]

يعطيك الصحة 4 4 4 44

[hinddd]

mmmmmmmmmmmmeeeeeeeeeeeeeeeeerrrrrrrrrrrrrrccccccc ccccccciiiiiiiiiiiiiiiiiiiiiiiiiiiiii

[اسماء32]

يعطيك الصحة اختي

[ام محمد يحي]

ما شاء الله

[احلام دنيا]

السلام عجبولي الوصفات اللي تنقلينا فيهم مشكورة ولكن هناك وصفات ناقصة مثلا حلوة الطابع والصلصة البيضا يعيشك الاخت

[hadjer hadjora]

بارك الله فيك على هدا المجهود المبدول الى ما راهوش سهل ربى اجازيك بكل خير ان شاء الله

[ZAAF00]

بارك الله فيك

[nawel.bo]

merciiiii hayliiin

[zoukhasm]

baraka allou fik okhti

[chahrazadb]

Ya3tik saha ohkty...rebby ya3tik matetmennay..estafadna bezzaf melmawdou3

[ندى خليل]

يعطيك الصحة مشكووووووووورة

[ايلول20]

يعطيك الصحة الله يبارك

[miloud100]

ألف شكررررررررررررررررررر

[miloud100]

goooooooooooooooood

[noussa 05]

يعطيكم الصحة

[فتيحة الجزائرية]

بارك الله فيكم

[بوسعادة85]

يعطيك الصحة و ربي يجازيك تمنيت تحطولي فكرة عجينة الشو نعملها لكن تنتفخ ثم تهبط رجاءاااااااااا ساعدوني

[kika85]

فايزة وين راكي ما راكيش تكتبيلنا الوصفات

[faizarbh]

للأسف اختي كيكا وليت مرتبطة وقت اللي يقدم الشاف مصطفى الوصفات على ذاك ما وليتش نقدر نكتب وصفاتو

[kika85]

معليش اختي غير تقعدي بخير المهم انتي كي راكي مليحة ويعطيك الصحة على كامل الوصفات الي قدمتيها وربي يعاونك

[daif_etbh]

شكرا اختي فايزة على هاد التعب ربي يجازيك كل خير و ربي يرزقك الجنة شكررررررا .

[سعيد صيد]

بارك الله فيكي

[omayoub2]

Merciiiiiiiiiiiiiii

[omayoub2]

بارك الله فيك راني نشوف في وصفات في القمة الله يحفظك

[هدى فلاح]

امور ربي يحفضها من العينhttp://im33.gulfup.com/LpM5e.jpg

[idron0]

اختي يعطيك الصحة

[أم أحمد عبد الصمد]

الله يعطيك الصحة على الوصفات

[tahiya]

mérci beaucoup okhti

[تسنيم مسلمة]

بارك الله فيك

[ام هاديل وياسين]

رايحة نجربو يعطيك الصحة

[tesnim27]

شكرا اختي بارك الله فيكي

[فاطمة شمس الاصيل]

الوصفات رااااااااااائعة الله يبارك

[LINA 97]

بارك الله فيك وربي يكرمك علي المجهود الذي تبذلينه

[fatimazahra09]

mille merci ...

[fatimazahra09]

vous etes un ange ...merci

[fatimazahra09]

alah yahardak

[fatimazahra09]

merci faiza ...t un ange

[fatimazahra09]

alah yahafdak alal almadjhoudat

[fatimazahra09]

mercci mille fois

[RYASMINE]

ما شاء الله عليك مدرسة

[elhadi1507]

بارك الله فيك هذي لازم نجربها

[شريف83]

44444444444444444444444444444444444

[شريف83]

44444444444444444444444444444

[شريف83]

4444444444444444444444444444444444444

[ام سراج وملاك]

شكرااااااااااااااااااااااا

[djimi70]

يعطيك الصحة مشكوووووووووررررررررررة:19::19::19::19::19::19::19 ::19:

[مريم العدراء]

بارك الله فيك

[Rababe_Gh]

merciiiiiiiiiiiiiiiiii bcp

[alg04000]

ما كل هذا الابداع حقا انت رائعة

[idron0]

44444444444444444444444444444

[nadiatlemcenia]

بارك الله فيك وصفات مصطفى رااااائعة انا سبقلي وجربتها منها

[دموع الورد2]

شكرا على مجهودك

بارك الله فيك

[lidya uzerli]

الله يبارك

[ماماخالد]

شككككككككككككككككككككككككككرا

[AMIRA HOLWA]

ربي يعطيك ما تتمني

ويجعل ما تفعلي في ميزان حسناتك

[kamili1]

بارك الله فيك

[ام احمد و ميسم]

وسااااااااام الشرف ليك اختي فايزة والشكر موصول في كل وقت على المجهوداااااااااااات

[بسمة محمد1]

مشكوووووررررر

[فرج قريب]

شكرا حبيبتي على هذه المعلومة و الوصفات الله يحفظك

[دموع تائبة]

شكرا ليك اختي فايزة
ربي يعطيك الخير

[sousou sahraoui]

10000000000000 mercie

[فتيحة عد]

يعطيك الصحة

[اميرة باخلاقي 00]

بارك الله فيك راني نشوف في وصفات في القمة الله يحفظك

[الوسيلة]

بآركـَ الله فيكـِ أختي ...فكرة قيّمة حقـآ

[اسمهان79]

بارك الله فيكي حبيبتي

[Om yaser]

يعطيك الصحة على هذه المجهودات

[tatasabrina]

بارك الله فيك

[amalelrouh]

شكرااااااااااااااااااااااااااااااااااااااا

[اسما38]

بارك الله فيك

[ضرغام الجزائر]

شكرا جزيلا لك