الشكوى الى الله

[face]

و الله ما لقيتش منين نبدا اشو حالنا نحن الشباب الجزائري الذي تم تجويعه و تشريده و تذليله و حرمانه من ابسط حقوقه من طرف المسؤولون الجزائريون حتى عقود الذل و الهوان و الفقر حرمونا منها وكيلهم ربي ففي الثانوية التى اعمل بها يقوم المدير و الناظرة و المراقبة العامة و حتى المقتصد بالتبلي على موظفي عقود الادماج بش يبروفوكيوهم و يتسابوا عليهم من اجل طردهم فمثلا واحد يعمل مع المقتصد قالوا المدير روح خرج اتلاميذ من المرحاض و هو يعرف انه ليس عمله فقام بارسال شكوى الى مديرية التربية لفسخ العقد و اخر يعمل صباحا و اراد الذهاب مساء الى جلسات طبيب فقال للناظرة انه سيعمل مساء بدل الصباح فقالت له معليش جيب برك ورقة تثبت ذلك كيما جاب راحت قالت للمدير او ميجيش لالصباح و يجي لعشية فراحلو المدير قالو علاش قالو اني هدرت مع الناظرة و قاتلي مشي مشكل سع الناظرة قالت هدر معي في الكولوار مشي في المكتب افهوا يا جماعة عيني عيني يتسابوا علينا شياب النار وش درنا هل نحن يهود اسرائليون ام جزائريون ادعوا معي ان ياتي الى البلاد رجل مسؤول ينحينا الحقرة و الذل و التهميش علاش يحرمونا حتى من طرف خبر البلاد مشي ليهم

[loulou02]

و الله يا خويا لي قلته قليل ،لوكان نحكيلكم على الثانوية لي كنت نخدم فيها وبدلت تنخلعو ، السكرتيرات خامجات يحكمو في المدير ،ميبغوش يخدمو خدمتهم حتى يولي يحلل فيهم ، و يجو روتار و يخرجو بكري و العشية ميجوش يعني يخدمو ساعتين في النهار ، تصورو وحد المرة دابز المدير معاهم غير علاجال الخدمة قالتله السكرتيرة "دوك ندير يدي في فمي و نتقيا" ، و زيد وزيد ، لخاطرش المدير رخيس و ضعيف الشخصية ، تخيلو يوقف عند الباب تاع الثانوية كي يكونوالتلاميذ داخلين في الصباح و يبقى يشوف في البنات و يدراقي فيهم ، ميحشمش قزاز و يلعبها داير لحية و يصلي ، العجب راه صاري في المؤسسات التربوية و حتى واحد ما تجرأ و تكلم .

[face]

ايه الداب راكب مولاه و يحرثوا علينا نحن اصحاب عقود العبودية لعنة الله عليهم دنيا و اخرة

[Bigg Sam]

لاحول ولا قوة إلا بالله

[loulou02]

ربي يأخد فيهم الحق ،حسبنا الله و نعم الوكيل ، يا رب فرج علينا عاجلا غير آجل

[sarl02]

نعم وللاسف هذا ما يحدث عند بعض ضعاف النفوس ومشتاقين مسؤولية وخاصة حال الشياب منهم ...فانا مقتصد جديد في قطاع التربية ومعي 03 من عقود الادماج في المصلحة والله بمثابة اخوتي واعطيتهم الضوء الاخضر للحضور من عدمه او الحضور بالتناوب بالتفاهم بينهم وتم الامر فعلا ولا دخل للمدير في اي شيء يخصهم ولا علاقة له بهم..لاني اتفهم وضعهم جيدا لاني جزت بهذه المرحلة وبالتوفيق للجميع في ايجاد منصب عمل قار ودائم.

[ما فهمت والو]

ومكانش شي واحد يحبسهم عند حدهم؟
يا ناس القسم على ربي كون جيت انا والله ما نسمحلهم الجوع ولا الرجوع حتى كون يحاوزني عادي نخرج و نبقا بطال وين المشكل اللي خلق ما يضيع المهم ما يجيش خامج ولا خامجة حاشاكم يتحكمو فيا