مشكلتي أني سمينة

[مشكلتي]

بسم الله الرحمان الرحيم
أنا فتاة دارسة و متعلمة والحمد لله عمري 22 سنة
تقدم لخطبتي العديد لكن أنا أرفض باستمرار بسبب وزني الزائد الذي يشكل عقدة لي
فبعض الناس يقولولي نتيا سمينة بزااااف لازم تنقصي و كاين ناس يقولولي ماتنقصيش في وزنك لازم تبقاي هكذا لأن الرجال تع هاد الزمان يحبو المرا الي تكون معمرة !!
مع العلم أن وزني 85 كغ و طولي 1.68
و الآن كاين واحد زميلي ف الجامعة حاب يخطبني و أنا بصراحة عاجبني بزاااف
مي المشكلة تاعي كوني سمينة رايحة تخليني نرفضو
ساعدوني بردودكم من فضلكم راني نعاني و محتارة
مع أنو يحبني كيما راني سمينة بصح صديقاتي يقولول لازم اديري ريجيم باه تنقصي و كون تبقاي سمينة هكدا رايح يكرهك
الان راني محتارة ندير ريجيم ننقص ولا نبقى هكا ؟
من فضلكم ساعدوني راايحة نهبل
و الا عندكم ريجيم مليح عاونوني بيه
و جزاكم الله خيرا

[tekoua touti]

mé3lich assoubri bark

[مراد12345]

أنا رجل وسأقول لك الصراحة

أغلبية الرجال لا يفضلون السمينة جدا

توقفي عن الأكل هذا هو الحل الوحيد لن ينفعك شيء آخر

[* الحلم سكر *]

يا اخـتي ربي يهـديك .. هـو قـابل بيـك كيـما راكي عـلاه تـطلـعي و تـهبـطي :confused:
نـلـومـو الـرجال اللي يتـشـرطو واحـنا اقتـمسـنا ادوارهـم ونـشـرطو على ارواحـنا :mad: نـظـن هـو يشـوف و اخـتارك كيـما راكي سمـيـنة و الا ضـعيـفة
صـح لاتاي عـندها دور و مـليـحة لـمـرا تـكون رشـيـقة مي ما تـوصـلش تـعقـدك هـكـذا خـلي عـندك عـزيمة
امـشي كـثيـر و تبـعي ريـجـيم مـعتـدل و ثقـفـي روحـك و زيـدي ايـمانك خـليـك من اللي قاتلك الـراجل يحب و ما يحبش هذا الراجل اختارك في كامل قواه و هو يـعرف روحو واش يحـب واش يـكره ماشي انتي و صـحباتك لي راح تنـعتولو
اسـعي انـك تـضعـفي باه راح تـرتاحي حتى نفسيا و توثقي في روحك اكثر ... و الاهـم اوثقي في روحك كيما راك وسـعي طـريقـة تفـكيـرك
:19: و نـحـب نـقلك الـذكـية و هـي تـحاول تـكون ممـيزة بذات الوقت تـحـجب على راجـلها نـقاط ضعفـها و تـخليـه يـشوف غيـر الـحوايـج لـملـيـحة لي ماراحـش يلـفاها في غيـرها :19:
خـمي واش عنـدك مـيـزات ماكانـش في اللي زعما رشيـقات و طـوريهم و كـوني انتي ماشي واش قالو صحـباتك
ربي مــعاك و مـــوفقـة

[ENGLISH1lover]

شوفي حنوني ن نقلك اا نا عندي 4سنين مزوج معناهابعمرك و نفس الوزن و الحمد لله تزوجنا عن قصة حب و لكن و لكن صدقيني مهه يكن حبه و ده و لن ديري لاتاي لعمرك و لصحتك حذي رايي و الله ما تندمي على الاقل تعيشي هنية مهما كان الراجل يحب المرا الي تهنيه في الفراش تكون مثيرة هني راسك هذي قاعدة يعني حبيبتي والله مام انا مازالني نعاني و سيرتوها درك كي ولدت حنونتي ربي يهنيك و هذا وقت الزواج هيا تشطري

[الوجہ البَشوش]

الله يـــــهــــديـــــك ان أضعت هذه الفرصة ستندمـــين كثيرا
+ هذه لييست مشكلة 85kg ليس بالكثـــر و زيد هو قابل بييك هكدا و ادا انت متحبيش السمنة ديري ريجيم صغير كالتفليل من الاكل فقط في العشاء و خلاااص
+ كاينة وحدة تكون شابة في وجها لما تكون سمينة و لما تنقص وجها ينقص تاني و ترحعش شابة يعني حتى السمنة تخلي الوحدو عامرة في وجها و يجي مدور ..اكيد فهمتني
+++ لا تأخذي بأراء صديقاتك لأنهن لا يعلمن الغيب

[karimblida]

كوراج ..تنقصي ميزانك.....هدا من اجل الصحة نتاعك
اما اللي خطبك راكي عاجباتو سمينة .ادا الله يسهل علاش تعمري راسك
بالتوفيق

[الوجہ البَشوش]

و زيــــــــــــد كي تتخطبي و تحضري روحط للزواج راح تنقصي وحدك بلا ما تحسي

[مناد بوفلجة]

إذا كان هو قبل بك كما أنت

فلماذا ترفضين أنت ؟

و 85 كلغ ، مع الطول 1.68 و العمر 22 سنة ، غير متوافقة قليلا

و أنتي تحميلين فكرة سيئة في ذهنك فقط

على حسب طولك و عمرك ، يجب أن يكون وزنك المثالي الأقصى هو 70.28 كيلوغرام

يعني يجب عليك التخلص من 15 كلغ

و هو أمر سهل مع الحمية

حاولي تعديل الوزن بــ الإكثرا من التفاح و بحمية غذائية

و أبعدي الوساوس من ذهنك

و توكلي على الله

[كاميلا]

ايييييييييههيييييييييه هذا مابقى تحطي وذينة لهاذي وتسمعي لراي هاذي تلقاي روحك في الهاوي هههه
وشبيك يا اختي ربي يهديك راني استغربت انا قلت راكي كاش 200 كلغ والخطاب مجاوكش قوي ثقتك بروحك وتقبلي روحك قبل الاخرين واللي يقبلك بيك بوزنك ومدام هو قابل بيك راهي حاجة مليحة راكي غير 85 احمدي ربي كاين اللي راهم فوق 100 اذا من السهل تنقصي ننصحك بقاعة رياضة لازم رياضة والحمية الغذائية تحت اشراف الطبيب واعتبري كي تنقصي وزنك هذا شيء راجع ليك جسمك وانت حرة فيه ومن مصلحتك تنحي السموم والسيليليت لانه الدهون راهي من بعد دير كارثة للجسم
اما الغيارات هادوك مزيديش تسمعيلهم انا نحير كي وحدة من الدوار وتقول لازم لاتاي ههههههه اما كون جيتي من لبلاد واش تقولي غير حطي رجليك راكي طيري تنزلي ماكيش من الخارج هوما كي يضعفه روحهم ياكله الشيء اللي يفيد وتلقايهم عضلات ولحم فقط ماش يوليو ضعاف البنية
اختي الكريمة قوي ثقتك بنفسك كون تسمعي لراي الناس راح متعيشيش حياتك واياكي وزيدي تظهري هذا الضعف للي يكون خطيبك ديما قيمي روحك وديما حسسي الناس راكي واثقة من نفسك
وقوليلهم شح شح فيكم يا وحد المصفارات هههههههههههههههه موتوا

[كاميلا]

هههههههههههههه وكاينة طريقة غير مع الشورة ويامات اللي تقضي فيهم تلقاي روحك تفشيتي ههههههه والله جريات يضعفه

[nina love]

بالنسبة للناس وكلامهم ...لاتهتمي كثيرا ،،،أنا شخصيا العكس كي نحفت خليتهم علقو حتى شبعو أقصد ـ شعب البلاد ـ لأني حتى أنا كنت سمينة هههه وهبطت ضربة وحدة من 80ل59كيلو وبفضل الرياضة المستمرة طبعا.....أنا راضية على رشاقتي....
أختي خليه يتقدم لك ومن بعد إسأليه رأيه يلا تعجبيه وتقعدي هكذا ...أو تنقصي وتعجبيه كي تكوني نحيفة....لكن الأهم تكون عندك شخصية وترضي طموحك وإرادتك أنت....أتمنى لك التوفيق والنجاح

[sedadka]

يا اخـتي ربي يهـديك هـو قـابل بيـك كيـما راكي عـلاه تـطلـعي و تـهبـطي

[أنوثة شرقية]

نقولك سر حنونة انا كيما تزوجت كنت ضعيفة شوية وكي ولدت زاد وزني وصار كيما راكي تقولي 85 والله والله زوجي كان يحبني ولما زاد وزني زاد رجع يموت عليا والحمدلله.بيني وبينك انا حابة ننقص بصح هو قالي راكي هايلة هكدا. كاين رجال يحبو المرأة الممتلئة وكاين اللي يحبوها ضعيفة. لكن صدقيني الصح ولاد بلادنا يحبو المرأة الممتلئة وليست السمينة وانتي راكي ممتلئة ولستي سمينة يااختي.ومع هذا انا ننصحك باش تنقصي شوية علجال صحتك لأني هذا اللي قررت نديرو موش علجال رأي الناس والله اخر همي. ولكن لأجل صحتي فقط

[المحب للجزائر]

احمدي الله على معافاتك في بدنك و عقلك
أما كونك بدينة أو نحيفة أو ذات قوام لا يهم
و لي يحبك يحبك كما أنت فلا داعي لتحسين المظاهر
أسال الله يسهل لك الامور إن فيها خير لك

[نور القمر 07]

ديري الثقة في روحك حبيبتي
الاهم ماشي السمانة و لكن في العقلية
ياربي يكملك و تخطبي

[fafou12]

انت يظهرلي موسوسة الراجل كي تقدملك معناه معجب بيك يعني انت عجباتو كي راكي سمينة ادا كنت تحبيه مكان لاه تفرطي فيه قادرة تكون فرصة و مترجعش و منبعد تندمي و انا ننصحك ديري صلاة الاستخارة على موضوع الزواج حتى تحزمي امرك بلما تتندمي و تكوني مرتاحة

[salah aioubi]

الحلهو أن تفطري فطور ملك و غداء أمير و عشاء فقير
أي عند الصباح في الفطور نوعي من الفطور أما في الغداء فكلي القليل أما في العشاء فلا تأكلي سوا القليييييييييييييييييل

[salah aioubi]

أنا متأكد 100 بالمئة من الحل فقد جربته

[السي محمد]

انا كنت سمين قبل فترة قصيرة جدا

الآن نقصت في الوزن بسبب المشاكل و التعب و الجري

[tekoua touti]

essobri bark me3lich

[tekoua touti]

diri régime khfif

[فاطمة الزهراء31]

بسم الله الرحمان الرحيم
أنا فتاة دارسة و متعلمة والحمد لله عمري 22 سنة
تقدم لخطبتي العديد لكن أنا أرفض باستمرار بسبب وزني الزائد الذي يشكل عقدة لي
فبعض الناس يقولولي نتيا سمينة بزااااف لازم تنقصي و كاين ناس يقولولي ماتنقصيش في وزنك لازم تبقاي هكذا لأن الرجال تع هاد الزمان يحبو المرا الي تكون معمرة !!
مع العلم أن وزني 85 كغ و طولي 1.68
و الآن كاين واحد زميلي ف الجامعة حاب يخطبني و أنا بصراحة عاجبني بزاااف
مي المشكلة تاعي كوني سمينة رايحة تخليني نرفضو
ساعدوني بردودكم من فضلكم راني نعاني و محتارة
مع أنو يحبني كيما راني سمينة بصح صديقاتي يقولول لازم اديري ريجيم باه تنقصي و كون تبقاي سمينة هكدا رايح يكرهك
الان راني محتارة ندير ريجيم ننقص ولا نبقى هكا ؟
من فضلكم ساعدوني راايحة نهبل
و الا عندكم ريجيم مليح عاونوني بيه
و جزاكم الله خيرا
السلام عليكم
شوفي ختي مايغلطوكش الناس ويقولولك رجال يبغوا المرا المعمرة لاخطر كاين فرق بين المرا لمعمرة وبين السمينة انتي قولتي طولك1.68 لازم يكون طولك متناسب مع وزنك هكا باش تكوني معمرة بصح انتي راكي في 85كغ معنتها لازم تنقصي انا صحبتي كانت 84 كغ دروك راها67 كغ ...انتي عمرك 22سنة صافي مزالك صغيرة بصح ناس كي يشوفوك يعطولك عمر اكبر من عمرك لازم كل عام تعيشيه بوقته نعطيك ريجيم تاع سمانة تنقصي بين 5كغ حتى 7كغ في سمانة برك ... بصح ديريه واذا كملتيه تهبطي لـ 79كغ قاع لي جربوا هذا الريجيم نقصوا (نهارين لولا كولي غير تفاح ونهارين شربي غير الحليب كونديا ونهاريين كولي كيوي ونهار السابع سلطة برك )وماتكلي والوا معاهم علبالي بلي ريجيم قاسي بصح يبدلك حياتك وديريه خطرة في شهر برك باش ماتمرضيش ونصيحتي ليك ختي لعزيزة ماتتقلقيش وديما ضحكي لاخطر السمنة السبب تاعها نفسي الملل,الكأبة,الفراغ تلقا سمان يكلوا بزاف مشي جوع بصح كي يتقلقوا لازم تضحكي وتتفائلي بالايام الجاية وديري حاجة في بالك ختي انتي الوحيدة لي تقدري تغيري روحك لازم تكون عندك إرادة قوية وتكوني مقتنعة بلي لازم تتبدلي وتنقصي وكان ماتتحكميش في وزنك دروك تولي توزني100كغ لازم تحطي كلشي في بلاصته والمرا لازم تكون خفيفة وماتأمنيش ناس كي يقولولك انتي هكا وماتنقصيش وعظمك هكا لاخطر صحبتي كانت سمينة من بكري يقولولها عظمك خشين وماتنقصيش ودروك دارت القلب ونقصت وجربي الريجيم و كثري من المشي وبدلي حياتك على جال روحك انتي مشي على جال الناس وبالتوفيق

[tekoua touti]

wé hédik hiya kht i el mouhim nti met9al9ich ro7ék

[محمد " ادرار"]

بسم الله الرحمن الرحيم



سافر أحمد بن حنبل إلى بلد ، فقصد مسجداً وتهيأ للنوم فيه ..
لكن حارس المسجد منعه من ذلك ، فقال الإمام – رحمه الله تعالى
إذاً أنام موضع قدمي بجوار المسجد
فقام الحارس يجرّه ليبعده عن المكان وهنا رآه خبّاز على هذه الحال
فعرض عليه النوم في بيته ، ولما دخل أحمد بن حنبل البيت لاحظ أن الرجل يعجن العجين ويكثر من الاستغفار ؟
فسأله الإمام أحمد وقال

هل وجدت ثمرات الاستغفار ؟
فقال الخبّاز: ما دعوت دعوه إلا أجيبت ! ،

إلا دعوة واحده لم تستجب
قال الإمام أحمد : وما هي ؟
قال الخبّاز : أن أرى أحمد بن حنبل
قال أحمد : ها أنا أتيت أجر إليك جراً .


هل تريد راحة البال. وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3].
هل تريد قوة الجسم وصحة البدن والسلامة من العاهات والآفات والأمراض والاوصاب ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].
هل تريد دفع الكوارث والسلامة من الحوادث والأمن من الفتن والمحن ؟
عليكم بالاستغفار: {وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].
هل تريد الغيث المدرار والذرية الطيبة والولد الصالح والمال الحلال والرزق الواسع ؟
عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :1012].
هل تريد تكفير السيئات وزيادة الحسنات ورفع الدرجات ؟
عليكم بالاستغفار: {وَقُولُوا حِطَّةٌ نَغْفِرْ لَكُمْ خَطَايَاكُمْ وَسَنَزِيدُ الْمُحْسِنِينَ} [البقرة: 58].

الاستغفار هو دواؤك الناجح وعلاجك الناجح من الذنوب والخطايا، لذلك أمر النبي صلى الله عليه وسلم بالاستغفار دائماً وأبداً بقوله: (يا أيها الناس استغفروا الله وتوبوا إليه فإني استغفر الله وأتوب إليه في اليوم مائة مرة) .
والله يرضى عن المستغفر الصادق لأنه يعترف بذنبه ويستقبل ربه فكأنه يقول: يارب أخطأت وأسأت وأذنبت وقصرت في حقك، وتعديت حقوقك، وظلمت نفسي وغلبني شيطاني، وقهرني هواي وغرتني نفسي الأمارة بالسوء، واعتم دت على سعه حلمك وكريم عفوك، وعظيم جودك وكبير رحمتك.
فالأن جئت تائباً نادماً مستغفراً، فاصفح عني، وأعف عني، وسامحني، وأقل عثرتي، وأقل زلتي، وأمح خطيئتي، فليس لي رب غيرك، ولا إله سواك.



يارب إن عظمت ذنوبي كثرة ***** فلقد علمت بأن عفوك أعظم
إن كان لا يرجوك إلا محسن ***** فبمن يلوذ ويستجير المجرم
مالي إليك وسيلة إلا الرضا ***** وجميل عفوك ثم أني مسلم



في الحديث : ( من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لا يحتسب ) . # ضعفه الشيخ الألباني في السلسلة الضعيفة#




ومن اللطائف كان بعض المعاصرين عقيماً لا يولد له وقد عجز الأطباء عن علاجه وبارت الأدوية فيه فسأل أحد العلماء فقال: عليكم بكثرة الاستغفار صباح مساء فإن الله قال عن المستغفرين {وَيُمْدِدْكُمْ بِأَمْوَالٍ وَبَنِينَ}[نوح :12]. فأكثر هذا الرجل من الاستغفار وداوم عليهن فرزقه الله الذرية الصالحة.
فيا من مزقه القلق، وأضناه الهم، وعذبه الحزن، عليك بالاستغفار فإنه يقشع سحب الهموم ويزيل غيوم الغموم، وهو البلسم الشافي، والدواء الكافي

[zineb_saib]

وعلاش تسمعي لصديقاتك المهم انك عجبتيه حاولي متبينيلوش بلي راكي معقدة من السمنة وبلي راكي عادية جدا باش ميتولهش مع الامر
والحاجة الثانية لازم تنقصي وزنك باش تكسبي صحتك لانك بعد الزواج رح تزيدي تسمني ومتقدريش تنقصي
افطري كل يوم على لاتاي سخون على الريق لازم ومتكثريش السكر
واشربي اكثر من لتر ونصف ماء كل يوم
كثري من التفاح ونحي عليك الحلويات وليدام
لازم اكلك كامل يكون صحي خضر وفواكه واسماك واللحم يكون مشوي فقط
اما الرياضة امشي برك كل يوم نصف ساعة راهي ماشي بزاف والله دوك تلقاي نتيجة ليه ليه انا راني نمشي بهاد النظام وماعندي حتى مشاكل حتى وزني راهو ثابت في 58
ونتي راكي طويلة ماشاء الله يلزم تنقصي 17 كلغ وهدا شيء ساهل جدا
واذا قدرتي العبي رياضة النط على الحبل راهو يطيح الوزن بصورة سريعة