فكتوريا
2013-02-06, 22:06
هادا واحد الأستاد ديال الانجليزية سول واحد التلميد، قال ليه: إيلا بغيتي تقول لشي واحد أجي لهنا بالانجليزية، أشنو تقول ليه؟
جاوب التلميد: كام هير.
قال ليه الأستاد: مزيان. وإيلا بغيتي تقول ليه يرجع فين كان؟
جاوب التلميد: نجري للجهة الأخرى، ونقول ليه: كام هير
واحد الراجل كان غادي ولقى مراية طايحة.
هزها، شاف وجهو فيها وهو يلوحها.
قال مع راسو كون كانت زوينة ڭاع ما يلوحوها ماليها هادي واحد المرا خوافة، كل ليلة كتفيق راجلها وكتقول ليه: ناري سمعت شي حس، راه كاين شفار ف الدار.
كل ليلة على هاد الحال، وراجلها عيا.
واحد النهار قال ليها: يا لالة راه الشفار إيلا بغى يشفر، ڭاع ما كيدير الحس.
الغد ليه ف الليل، فيقاتو المرا وقالت ليه: ناري ما سامعة حتى حس ف الدار!
هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
قالت ليه مرتة: دق على الخشب.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون
هادي وحدة قصيرة دخلات السانسور
بغات تطلع ليتاج عشرة، وما وسلاتش البوطون، ناضت وركات على خمسة جوج خطرات
واحد الشفار مسموم دخل لواحد الدار يسرقها و ما لقى فيها والو. ناض اتصل بأمريكا و خلى السماعة مرفوعة و مشى
مبوق شاف بلاكة مكتوب عليها: مزرعة أبقار
سول مول المزرعة: كيفاش كتزرعوا البقر؟
تفلى عليه السيد وقال ليه: كنرشوا السكر وكيخرج البقر.
ناض المبوق الغد ليه رش السكر.
رجع من بعد نهار لقى النمل مجموع على السكر.
وهو يقول: يا حليلي على البقر ملي كيكون صغير.
مبوق وقف مورا واحد مكلخ ف الڭيشي.
شوية بدا المبوق كيضحك.
سولو المكلخ: علاش كضحك؟
قال ليه المبوق: عرفت الكود ديالك.
قال ليه المكلخ: أشنو هو يالاه؟
قال ليه المبوق: نجمة، نجمة، نجمة، نجمة.
شبع فيه المكلخ ضحك وقال ليه: غلط، الكود ديالي هو 4011
واحد المبوق شد المانضا وجالس يحسب ف الدار
قال: ها 600 درهم ديال الكرا، ها 800 درهم ديال التقدية، ها 200 درهم ديال الما والضو، وها 500 ديال التبويقة
شوية سمع الدقان على الباب: حل الباب، البوليس هادا
وهو يقطع 500 درهم ديال التبويقة، عاد ناض حل الباب
.
جاوب التلميد: كام هير.
قال ليه الأستاد: مزيان. وإيلا بغيتي تقول ليه يرجع فين كان؟
جاوب التلميد: نجري للجهة الأخرى، ونقول ليه: كام هير
واحد الراجل كان غادي ولقى مراية طايحة.
هزها، شاف وجهو فيها وهو يلوحها.
قال مع راسو كون كانت زوينة ڭاع ما يلوحوها ماليها هادي واحد المرا خوافة، كل ليلة كتفيق راجلها وكتقول ليه: ناري سمعت شي حس، راه كاين شفار ف الدار.
كل ليلة على هاد الحال، وراجلها عيا.
واحد النهار قال ليها: يا لالة راه الشفار إيلا بغى يشفر، ڭاع ما كيدير الحس.
الغد ليه ف الليل، فيقاتو المرا وقالت ليه: ناري ما سامعة حتى حس ف الدار!
هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
قالت ليه مرتة: دق على الخشب.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون
هادي وحدة قصيرة دخلات السانسور
بغات تطلع ليتاج عشرة، وما وسلاتش البوطون، ناضت وركات على خمسة جوج خطرات
واحد الشفار مسموم دخل لواحد الدار يسرقها و ما لقى فيها والو. ناض اتصل بأمريكا و خلى السماعة مرفوعة و مشى
مبوق شاف بلاكة مكتوب عليها: مزرعة أبقار
سول مول المزرعة: كيفاش كتزرعوا البقر؟
تفلى عليه السيد وقال ليه: كنرشوا السكر وكيخرج البقر.
ناض المبوق الغد ليه رش السكر.
رجع من بعد نهار لقى النمل مجموع على السكر.
وهو يقول: يا حليلي على البقر ملي كيكون صغير.
مبوق وقف مورا واحد مكلخ ف الڭيشي.
شوية بدا المبوق كيضحك.
سولو المكلخ: علاش كضحك؟
قال ليه المبوق: عرفت الكود ديالك.
قال ليه المكلخ: أشنو هو يالاه؟
قال ليه المبوق: نجمة، نجمة، نجمة، نجمة.
شبع فيه المكلخ ضحك وقال ليه: غلط، الكود ديالي هو 4011
واحد المبوق شد المانضا وجالس يحسب ف الدار
قال: ها 600 درهم ديال الكرا، ها 800 درهم ديال التقدية، ها 200 درهم ديال الما والضو، وها 500 ديال التبويقة
شوية سمع الدقان على الباب: حل الباب، البوليس هادا
وهو يقطع 500 درهم ديال التبويقة، عاد ناض حل الباب
.