سلم تنقيط td

[az@algerie]

السلام عليكم
من لديه السلم الوزاري لطريقة تقييم اعمال الموجهة لهذه السنة
ارجو افادتنا بها

[سطايفية بكل فخر]

اختي لا اضن انه يوجد سلم وزاري
كل جامعى وكيفاش تخدم
مثلا نحن في العام الاول كانو يعتامدولنا على الغياب نقطته 5
المشاركة 5 والانتيرو 10
وكاين لي يعتامدون على ليميكرو تاست
وكاين لي يقلك نقطة الامتحان هي نقطة تيدي
وكاين لي يمدها هكاك برك يعاون بيها الطالب
بالتوفيق

[yacine-08]

النقطة التي اكرهها هي النقطة التي اعطيت لـ الاستاد لوضعها على حسب تقديره الخاص حول المشاركة و الحضور و تاست الخ

لان هناك بعض الاساتذة يبحت فقط عن الفرصة لانقاص النقاط ومعاقبة الطالب بطريقة واخرى

وهناك بعض الاساتذة الله يبارك لا تستطيع التوقف عن شكرهم و اعطاء بهم المتل .

احد الاساتدة تناقشت معه حول نقطة الاختبار وطريقة التصحيح المبهمة وغير المنطقية فقام بانقاص نقطة td الى 10 بعدما كان افيشا 14 . فقط حقدا لانني لم اسكت على حقي وحق الطلبة .

[سطايفية بكل فخر]

انت على الاقل عطاك 10
انا احدهم عطاني 8 جامي شفت تيدي يديو فيه ناس تحت ال10
ياخي راهو تاع عام لي محضرش خلاص عندو نقطة
كي قتلو كيفاش ندي هكا ياخي كنت نحضر ونحل التمارين
قالي انا درت نقطة الاختبار وزدتلها 3 وانا بسلامتي جبت فيه 5
قتلو مالا لي جاب 20 يدي 23 وكي كثرت عليه وقتلو راك مديت لخرين مش كيما علامتهم وانا لي كنت نحضر عليهم
قلبهالي 10 غير باش نخطيه
قلبني منعرفش صلاحي هو الوحيد لي معلاباليش كيفاش مداير

[yacine-08]

الله يهديهم برك

من المفروض نقطة الاختبار ، صحيح يجب عليك تنقيطها بشكل صارم و عدم الزيادة فقط للزيادة مع توضيح طريقة التصحيح

اما نقطة td فهي نقطة مساعدة وكل من يحضر و يشارك و يسال يجب ان لا تكون له نقطة اقل من 12 .

و تاست يبقى تاست و ليس اختبار يجب ان تكون فيه اسئلة حول مدى استيعاب الطالب لبعض الدروس وليس كل المقياس

ويكون فيه بعض المرونة في التصحيح و المساعدة .

[سطايفية بكل فخر]

معامن راك تحي ياخي كل واحد يقلط نمد نقطة لي تنفحلي ونفوت خاصة لما يكثر عدد الطلبة
+
كايين اساتدة حقانيين منغطيوش الحقيقة من بينهم
الاستاذ بن بعوش استاد البياستي نتاعنا ونقول اسمو لانو خلا روحو نظيف ربي يحفظو ويكملو بالحق لي يمدو
تعرف كيفاش يمد العلامة تحير
يخرجك سيف للطابلو لشتى متعرفش تجاوب يفهمك سير طابلو ويكتب اسمك بلي راك شاركت ويمد الفرصة للجميع يعني كامل القسم خرج للطابلو
ومن بعد دار 7 نقاط لي حضر ومغابش يعني ضمنلو حقو في الحضور
ولي شارك مرة وحدة عطاه 10 والباقي دار جدول حسب عدد المرات لي شارك فيهم وكل نيفو عندو نقطة
ما شاء الله لخؤ فينا ضمن 13 في التيدي وكونمبونسينا بيه الامتحان
انا شخصيا عطاني 15,5 ملقري مكنتش نفهم مليح الاحتمالات لانهم واعرين وكون دارلي التاست مكنتش رايحة ندي مليح

[yacine-08]

صح كان لدينا اساتذة يتعاملون بهده الطريقة

وهي طريقة جيدة لكن ليس افضل طريقة مرت علينا ، نحن في الكلاسيك كان لدينا اساتذ قوي جدا من ناحية معلوماته ومتمكن من القياس الدي يدرسه

و يعطي نقطة على حسب اهتمامك واسئلتك في المقياس يعني فقط فتح النقاش و المشاركة تعطيك النقطة بدون واجب النهوض الى تابلو

وكان يمدلنا حتى 18 نقطة في التيدي .

يعني هو لا يريد من الطلبة الحضور و التفرج فيه فقط حتى ينهي الدرس بل كان يحتنا على مشاركة وطرح التساؤلات و كنا نفهم جيدا ببساطة لانه متمكن من المقياس

ولا يحساب كل حضور بنقطة و كل نهوض بنجمة تقول رانا في الابتدائي .

[yacine-08]

المشكل حتى لو تم التعامل بطريقة صارمة مع طلبة السنوات الدراسة في الليسانس فهو شيئ يمكن تفهمه

لمادا ؟

لان الطلبة الجدد عاد جايبين عقلية ان الاستاذ هو الدي يوجه وهو يجلب المعلومة و لو لن يكون هناك صرامة قد لا يتبع الطلبة نهج صحيح لدراسة المقياس

لكن في مرحلة الماستر ، راك تتحدث مع اشخاص كبار في السن و هناك من درس اربع سنوات في الجامعة وهناك من يعمل وهناك من هو اكبر سنا من الاستاذ الدي يدرس ، فلا يجب الصرامة و تصعيب من الامور في نقطة تيدي و اعطاء اسئلة احتبار على شكل تاست ، فالتاست عادة يكون في 20 الى 30 دقيقة وليس ساعة ونصف .

ويبقى الامتحانات شيئ لا يمكن التساهل معه ، هنا طبعا نوافق الف بالمية .

[az@algerie]

شكرا على مشاركتكم
لكن هناك سلم تنقيط ابنسبة للاعمال موجهة ارسل لجميع كليات هذا ماقاله لنا ممثل القسم واكدته لنا اساتذة وبفعل لقد قد قيمتنا على هذا الاساس . على ما اتذكر الغياب على 5 نقاط والبحث 5 ومشاركة 7 وباقي على تقييم مستمر لكن للاسف استاذة ليست هنا . لذالك انا ابحث على الورقة واذا وجدتها ساضعها في المنتدى

[yacine-08]

شكرا اخي az@algerie (http://www.djelfa.info/vb/member.php?u=460001) .

حتى لو تم تحديد سلم التنقيط لكن يبقى نقطة تقديرية من الاستاذ ليس متل نقطة الامتحان

لان متلا المشاركة ، كيف تستطيع البرهنة انك كنت تشارك لديه .وعلى اي اساس تحسب المشاركة ، فيمد لك 3 او 7 فهو حر و نقطته دائما صحيحة .

[az@algerie]

صحيح انت محق

ربي يهديهم . ففي وقتنا حالي اصبح من صعب ان يتحصل طالب على حقه ونقطته وكانها اصبحت امنية ان يضع لك استاذ نقطتك الحقيقة

[Floona]

.........................

['' أمة الرحمن '']

السلام عليكم و رحمة الله
لا يوجد سلم وزاري هو سلم يقترح من إدارة القسم الذي تدرس فيه و تتم الموافقة بالاجماع عليه أو إجتهاد من أستاذ المقياس
موفق

[yacine-08]

هادي هي تنرفز الاستاد يخرج منك تلك النقطة تاع التيدي

الفوج الدي اكون فيه دائما اجلب لهم المشاكل ههههه

في السنة الرابعة درستنا استاذة ليست متمكنة من الموديل هي اصلا ليست متعودة على دراسته و ليس اختصاصها التي اخدت فيه الماجيستير

المهم هو ليس مقياس صعب لكن وضعت لنا احد الطرق في حل وتلك الطريقة كانت خاطئة فيها لاننا درسنا تلك الطريقة في سنة سابقة ، فعندما حسبنا بالطريقة السابقة لم نجد نفس النتائج فتحدثنا مع الاساتدة فقالت لنا النتائج صحيحة و انتم خاطئين و مادا تعرفون لكي تصححون لي خخخخ

فاجتمعنا نحن اعضاء الفوج وتوجهنا الى الاستاد الدي درسنا تلك الطريقة السابقة لكي نعرف من هو على حق ومن هو مخطئ ، وهو استاذ قديم و متمكن جدا ، فقال لنا هده الطريقة التي درستها لكم الاستاذة خاطئة و قال لنا ساتحدث معها .

فهي جاتها حشومة كيفاش هاد البروف يصحح ليها و يورويها خدمتها ، فوجنا كله لا يتجاوز نقطة التيدي 12 .اما الافواج الاخرى تجد حتى الى 16 .

هههههه

[nabil judo]

انا احدهم عطاني 8 جامي شفت تيدي يديو فيه ناس تحت ال10

اردت المشاركة معكم فقط
للاسف يوجد اساتذة يضعون1 في نقطة تيدي ؟؟؟

[سطايفية بكل فخر]

اردت المشاركة معكم فقط
للاسف يوجد اساتذة يضعون1 في نقطة تيدي ؟؟؟



اهلا وسهلا بيك
للاسف حقيقة وواقع مر
ربي يسامحهم