خطيبي كذب علي انصحونيييييي

[musa.amira]

رح نحكيلكم و نتمنا تساعدوني مالقيتش وش ندير..انصحوني والله ندعيلكم من قلبي
خطيبي شرا لا شومبر بلاما يقولي مع العلم انو مازال ماندزوجوش منا على عامين و كي واجهتو قالي شريتها من حانوت صاحبو و قالي سلكلي بابا شوي وانا شوي..وانا زعفت كي ماقاليش عليها بصح بلعتها و سكت.. و مبعدا اكتاشفت انو باعتهالو ختو بعد ما استعملتها 3سنين و الدراهم عطاهملو لي يخدم عندو.. انا زعفت بزاف كيفاه كذب عليا و زيد لي غاضني كيفاه رضا عليا ندخل في الفضلة تاع ختو.
سامحوني طولت بالهدرة ونتمنا تساعدوني كيفاش ندير معاه نخليه ولا نكمل بصح ندي موقفمنو.. راني عييت من التخمام ..الله يجازي كل من تنصحني

[فافا مينوشة]

وش نقولك ختي في هادي معندوش الحق كان يصارحك وزيد مازالكم عامين
بصح وش نقولك بلاك عندو ظروف لي خلاتو يكذب عليك بلاك لي شومبر غاليين بعتلو ختو خير وش فيها ختو ماهوش واحد براوي
ماعليش ساعفي و ربي يتمملكم بخير ان شاء الله ويجمعكم

[الوردة المتفتحة]

شوفي صحيح حاجة تزعف عندك الحق بصح مش لدرجة انك تفسخي بعيد الشر ازعفي من ودي موقف ومن بعد اعطيلو فرصة يبررلك علاه دار هكذا بلاك اختو محتاجة دراهم بلاك هو ماعندوش يقولك نشريها رخيسة ديري في بالك الشمبرة كي تكون حاجة جديدة تفرح بصح مش معناها شرط تكون جديدة وبلاك هادي وتعجبك طولي بالك ختي راكي درك مسؤولة وماتتسرعيش فقاراراتك خاصة اذا السيد ماحكمتي عليه من قبل حتى شي وهو عجبك ياريت تكون هاذي اخر سبب الخلافات بيناتكم
ربي يجيبلك ساعة الخير

[wiza19]

ماديريش في بالك اختي لانو الكذب ملح الرجال راهم كامل يزيدو و ينقصو يعني ماش غير خطيبك...:d
المهم انت طولي بالك و ما تتقلقيش و حاولي دايما تكوني حكيمة في تصرفاتك دايما شوفي للناحية الايجابية....:19:.
.ما تتقلقيش....في جال صحتك ا طفلة;)

[musa.amira]

لا لا ما شي ماعندوش.حالهم ميسور جدا والحمدلله.. بصح امه و خواتاتو يكرهوني و ديما يديرولنا المشاكل و حابين نتفرقو و ماما حكيتلها كلشي و كل ماتروح عندهم يكذبو عليها و امه داتها وراتلها الشومبرا و كذبت كيما كذب هو
ماما قاتلي راهم يحوسو غير يديرولكم المشاكل برك قاتلي اتفاهمي معاه كي يلحق العرس يبدلها و ماتكبريش الموضوع. بصح قاتلي راهو غايضني الحال كيفاه شاركوه ماليه في الكذبة هذي بالاك هوما لي دبرو عليه يدير هكذا

[wiza19]

كاينين ناس يحبو المشاكل و مايحبو حتى واحد يستراح...يا حنونة المهم تكوني متفاهمة انت و راجلك هذا هو الصح...حاولي انت تقنعيه برايك خليهم هوما يقولوا واش يحبو اهم حاجة انت و هو تكونو متفاهمين....ربي يجيبلكم الهنا ان شاء الله

[musa.amira]

اااامييييييييين شكرا بزاف على النصيحة ختيربي يهنيك

[musa.amira]

رح نحكيلكم و نتمنا تساعدوني مالقيتش وش ندير..انصحوني والله ندعيلكم من قلبي
خطيبي شرا لا شومبر بلاما يقولي مع العلم انو مازال ماندزوجوش منا على عامين و كي واجهتو قالي شريتها من حانوت صاحبو و قالي سلكلي بابا شوي وانا شوي..وانا زعفت كي ماقاليش عليها بصح بلعتها و سكت.. و مبعدا اكتاشفت انو باعتهالو ختو بعد ما استعملتها 3سنين و الدراهم عطاهملو لي يخدم عندو.. انا زعفت بزاف كيفاه كذب عليا و زيد لي غاضني كيفاه رضا عليا ندخل في الفضلة تاع ختو. و زيد ماليه شاركوه فالكذبة و كي راحت ماما عندهم داتها امه و وراتلها لاشومبر و كذبو كامل عليها و قالولها جديدة.
مع العلم انو حالهم ميسور جدا ..و امه و خواتاتو يكرهوني و ديما يديرولنا المشاكل باه نتفرقو
سامحوني طولت بالهدرة ونتمنا تساعدوني كيفاش ندير معاه نخليه ولا نكمل بصح ندي موقفمنو.. راني عييت من التخمام ..الله يجازي كل من تنصحني

[درة بيتي]

شوفي نقلك حاجة حبيبتي البناء را يبدا من الأساس وإذا كان الأساس راشي واش نقلك ربصي روحك يا اختي وخممي مليح وحكمي عقلك ماشي قلبك وإستخيري الله عز وجل هذا زواج ماشي لعبة وإذا ماليه من درك يكرهوك وحابين يفرقوكم إمالا إمباعد كي تدخلي واشي يديرو فيك أنا نقلك بصراحة متغامريش بعمرك وإذا تحسي في روحك مكيش مرتاحتلو مكلاه تكمليش معاه لإن أي بداية في أي مشروع لازمها الصدق بش تنجح فما بالك مشروع زواج وحياتك وعمرك متعلقين بهاد المشروع وربي يلهمك للي فيه لخير نتمنى نكون قدرت نساعدك مانكونش زدت عليك واسمحيلي على صراحتي بصح راكي طلبتي النصيحة صراحتك بواش قالي رايي تقبلي مروري حنونة وربي يهدي بالك ويعطيك ما تتمني

[حذيفة بن اليمان]

والله يا أختي الكريمة وش نقولك.

سمعت خطرة مقولة.. إذا أردت أن تبني حبا حقيقيا، فكن صريحا وصادقا من البداية.

مانيش باغي ليك تتفارقي انتي وخطيبك، وفي نفس الوقت باغي ربي يوفق بيناتكم وتكملو على خير.

كاين زوج حوايج باغي نسقسيك عليهم، إذا جاوبتي عليهم رح تعرفي الحل لمشكلتك:

- السؤال الأول: هل أنتي صارحتيه بالأمر؟ إذا صارحتيه بالأمر رح تعالجي المشكل بنفسك بدون ما تخبي المشكل في قلبك، صارحيه وشوفي وش يقولك، هل سيعتبر الأمر تافه وبحاول ترقيعه، أم سيعتبر أن أخطأ خطأ جسيم ويطلب السماح بشدة، وهنا يمكن تحددي نيته، مش المشكل في أنك تكملي وتدي موقف، المشكل أنو الي يكذب في موقف كيما هذا يقدر يكذب في مواقف أكبر بكثير مستقبلا هاذي ديريها في بالك.

- السؤال الثاني: هل صليتي صلاة إستخارة؟ قبل الخطبة أو بعد هاته الحادثة؟ تقربي لله عزل وجل يا أختي، وأطلبي منه أن تتحل هاته المشكلة، كاين أمور مايعرفهمش العبد لا حرج في أن يستخير ربه، وهو رح يبينلك هل زواجك من هذا الشخص فيه خير أم شر.


نصيحتي الأخيرة ليك، حاولي تبني شيء متين ومتماسك، ممكن تكون فيه تصرفات وانتي تقدري تنحيها، وممكن تصرفاته طبيعة ماتتبدلش أيضا، كل شيء محتمل.

نصحتك زوج نصائح نظن هوما لي رح يفيدوك، خصوصا الإستخارة، وربي يوفقك في حياتك.

[karimblida]

رشيها بليسونس
شعليها(الشوبرا هادي)
زربية خير من الطياحة
قلنا بدلها بدلها و خلاص
في بالي ما قيمكش


الله يجمع بيناتكم في الخير
السكوت مش مليح في الامور المصيرية ..لازم الحوار و الاستخارة

[dahbi01]

أولا أنصح بعض الزملاء عن بعض الردود والآراء الهمجية

أختي الكريمة أولا انت ما عندك حتى حق تتكلمي مع خطيبك في الهاتف .حاولي ماتتكلميش معاه وين حق الوالدين لازم ماتجيبيش ليهم العار وكوني لهم نعم السند .وخليهم يحطوا فيك الثقة.
وانت علاش ؟؟؟ واش من حق تدخلي في شؤنه ......الشمبرة.......غدوا تزيدي لو ..الفايونس.....من بعد البنتورة

أختي هاديك اخته ماركيش رايحة تبغيه كيما تبغيه اخته ممكن عطاتها لو وقالك شراها هذا هو الانسان ممكن حشم .

ننصحك اختي ماتتدخليش في شؤونه بعد الزواج تم تتكلمي بمقدار+ عاونه بالدعاء ربي يسهل لكم

[حذيفة بن اليمان]

أولا أنصح بعض الزملاء عن بعض الردود والآراء الهمجية

أختي الكريمة أولا انت ما عندك حتى حق تتكلمي مع خطيبك في الهاتف .حاولي ماتتكلميش معاه وين حق الوالدين لازم ماتجيبيش ليهم العار وكوني لهم نعم السند .وخليهم يحطوا فيك الثقة.
وانت علاش ؟؟؟ واش من حق تدخلي في شؤنه ......الشمبرة.......غدوا تزيدي لو ..الفايونس.....من بعد البنتورة

أختي هاديك اخته ماركيش رايحة تبغيه كيما تبغيه اخته ممكن عطاتها لو وقالك شراها هذا هو الانسان ممكن حشم .

ننصحك اختي ماتتدخليش في شؤونه بعد الزواج تم تتكلمي بمقدار+ عاونه بالدعاء ربي يسهل لكم

شكون تقصد خويا بالردود الهمجية؟

الحمد منحت الأخت أحسن رد وهو الإستخارة، طلبت منها ان تستخير الله ليأتي لها أفضل رد مني ومنك ومن أي شخص.

نتمنى تكون ماجمعتش كي قلت هذا الرد.

[نجوى لحلوة]

ضوقي حبيبتي هو صح غلط بصح شوفي الهدف من الكذب تاعو وتاني انتي تعرفي ضروفو المادية يعني كاين فرق بين واحد عندو ويحوس على الواجد وبين واحد ما عندوش راهو يطبب في روحو مسكين لاكان الاولى صحا معاك حق بصح لازم تصارحيه وتعرفي كيفاه تهدري معاه ولاكان ما عندوش راكي رايحة تكبري في عينو كيما تتفهميه وتقدريه والشومبرا تع اختو ماكانش لي شافها نورمال المهم دبرلك وحدة وخلاص وما تخميش انها فضلة اختو



هذا لاكان حابة تعيشي هانية معاه

[مناد بوفلجة]

زمان في عهد جدتي مريم الله يرحمها
كانوا الناس يتزوجووا بأبسط الأشياء

و كانت الشامبرا كوشي هي : حصيرة مستعملة

و كانت هناك بركة في الرزق و الأولاد
و كانوا عايشين الله يبارك ، في سعادة
حبة تمر ، يقسموها إلى إثنين

و اليوم : الله يجيب الخير

لا تهتمي بــ بروتوكلات الأعراس هذه الأيام
و لا تتجسسي على خطيبك ،
أو زوجك " إن كان هناك عقد زواج "

و إهتمي بإصلاح زوجك

و الله يوفقك

[assia81]

السلام عليكم ورحمة الله وبركاته
اختي ماتقلقي روجك ماتمرضي روحك لكان كاتبهولك ربي اكي تديه
انت درك معلابلكش وش السبة لي خلاتو يدير هكا وانت صارحيه ماكنش قد المصارحة وعليك تتقبلي كل شيء وثقي في زوجك ولكان كذب جي نهار تكتشفي ذلك ولتم تصرفي اذا راجلك ذو دين واخلاق فلايهم هذه الامور
وماتخليش امور مادية تكون هي السبب في الافتراق
واستخيري الله لكان فيه الخير او يقربو منك ومادريش على اخواتاتو وام انت ماشي راح تزوجيهم هما اصبري واخلاص ولايضروكي الا باذن الله وعليها عليك تحكمي في ربي وباذن الله حاجة ماضرك

[أم أسماء 2]

اختي راكي تقولي خطيبي يعني مازال ماولاش زوجك ايوا كيفاش تتذخلي في امور ليست من حقك التذخل فيها حتى يولي زوجك تما ذخلي روحك وتشرطي عليه
اختي الدين نتاعنا مليح يقولك الراجل راه اجنبي عليك حتى يعقد القران ينكما تما تكلمي معاه وخرجي معاه شفتي الدين كي مليح انت راه غير خطيبك يعني مالازمش تتكلمي معاه وتناقشيه ولا تبيني له بلي راكي مقلقة حتى يملك ويقول راني غير خاطبها راها دايرتلي هكا كون نتزوجوا كي دير
اختي نصيحة من اخت لك في الله ما تتكلميش معاه حتى يعقد عليك هكا ديري قيمة لك ولاهلك

[برايجية 34]

والله الواحد ما يلقى واش يقول أختي أهل زوجها ما تفكروهاش مدة عام وكي تفكروها جابولها قندورة نتاع أختو وحاشاكم موسخة ملبوسة تبهدل وكي قاتلو قالها منعرف وجابو 10000 كذبة وكذبة المهم وصلت لدرجة يدخلو ناس برانية يعني واحد صاحب محل قالولو يكذب عليها المهم أختي تقولي نورمالمون فسخت في هذاك الوقت لأنهم بانو على حقيقتهم من بعد الزواج أنا ماننصحكش تفسخي ولكن حاولي تفهمي اذا الغرض من وراء هذي الحاجة هو انهم يحطو من قيمتك شوفي واش في نفوسهم ومن بعدك شوفي والله غير تحيري

[السي محمد]

و انتي وش راحلك فيه

يشري شمبرة تاع اختو ولا تاع صاحبو و لا يسرقها؟؟؟؟؟


لو خطيبتي تناقشني في امر مثل هذا نقوللها روحي تجري لدراكم

بكل صراحة و وضوح

ما عندكش الحق تسقسيه منين كيفاش و علاش يشري

[منهاج]

السلام عليكم

الله يجيب الخير

[mimi-sk]

هذا هو حال العائلات الجزائرية

معظمهم يعملو المشاكل مع الكنة ما فهمناش وعلاه

ربي يكون في عونك و يسهلك ان شاء الله

[zaza22]

هادوا هما الرجالة انا في نفسي زعلت عليك

[أَحمــد]

بعض الأعضاء يزيد الزيت للنار, ماهكذا تُحل هذه الأمور بارك الله فيكم

الأمر ليس بهذه الدرجة, تستطيعون التشاور في الأمر من جديد وتعود المياه الى مجاريها بشرط تغليب المصلحة الأهم وهي تواصل الترابط بينكم.

لكن مدة الخطوبة عامين مدة طويلة جدا وقد ينشئ منها عدم التفاهم, الأحسن التعجيل بالزواج فخير البر عاجله

بالتوفيق لكما

[mohamed160]

سبحان الله . على جالى الشنبرى بسكوا انتع ختوا والله انا كى شتى فى الموضوع خطيبى كداب على الله يهديك الاخت

[wafa16]

ما فيها والو اختي باينة اختو سحقت دراهم وهو حب يعاونها المهم ما زالو عامين مالا تقدرو تبدلوها
روحي غير بلعقل