السكن مع اهل الزوج أو المستقل أحسن؟؟؟

[كنوز البحار]

السلام عليكم...أول مرة اكتب في هذا الركن انشغالي عسى اجد عندكم النصح و الارشاد....أنا يا جماعة مريت بتجربة زواج فاشلة انتهت للاسف بالطلاق...رغم ان كل الضروف المادية للحياة من مسكن مستقر و لوازم متوفرة عندي الا ان الاستقرار النفسي بسبب المشاكل و عيوب الزوج واهله كان منعدما.كنت ابقى في البيت و يغلق علي الباب و لا اخرج الى مكان و لا يجيني احد..فأمضي وقتي كئيبة احدث نفسي و احاول اشغال فراغ الوقت و الذي مرضني نفسيا و شبح الوحدة كذلك..المهم قدر الله و ماشاء فعل..الآن بعد سنوات تقدم لي شخص آخر لابأس به على العموم في منطقة اخرى عن منطقتنا خيرني في مسألة السكن ان اقيم مع اهله او اسكن وحدي....بصراحة صرت خايفة ان تتكرر معاناتي ووحدتي في منطقة لا اعرفها لو اسكن لوحدي...و في نفس الوقت اخاف من المشاكل لقدر الله مع عائلته لو اسكن معهم...وساعات نقول ربما السكن معهم احسن على الاقل احس انني متزوجة و مع عايلة نكون لهم بنت و يكونو لي اهل...والللله ما عرفت شكون اللي خير..
معظم النساء يفضلن السكن المستقر الا ان تجربتي المريرة و ذكرياتي المؤلمة اعطتني انطباع سلبي عنه...لكن لا اضمن حسن طباع اهل زوجي معي لو اسكن معاهم..الله اعلم...أنا والله متمنية نحظى بأهل جدد و علاقة متينة ..لاني حرمت من هذا في زواجي الاول...و انشالله لو كنت أعمل ايهما يوالمني كثر في رايكم؟؟؟الى المجربات اقتراحاتكم و نصائحكم...و ادعولي نتوفق في حياتي خطراه تعبت بزاااااااااف والله و خايفة من اعادة الزواج و الفشل...ادعولي و ربي يبارك فيكم

[كاميلا]

شوفي هي حسب الحالة
واستطاعة الزوج وحسب حالة والديه
من غير المعقول والديه كبار بزاف في السن ومراض يعني رح تقدري ترقدي هانية وتخليهم؟ مستحيل اما خلاف هذا فذلك ليس فيه عيب ان كان الزوج مستقل وزيد اللي يحبه يسكنه في غرفة في شقة كيفاش ترقدي وولادك راقدين معاك؟؟؟؟؟؟؟ وزيد متقدريش تكوني على حريتك وخاصة ان كان اخوة الزوج معاكم يعني حجاب في الخارج وواحد في الدار ههههههههههههه شعرك تولي تلقطي فيه بالكوطا نضحك برك
كيما قتلك حسب حالة الزوج

[كنوز البحار]

شوفي هي حسب الحالة
واستطاعة الزوج وحسب حالة والديه
من غير المعقول والديه كبار بزاف في السن ومراض يعني رح تقدري ترقدي هانية وتخليهم؟ مستحيل اما خلاف هذا فذلك ليس فيه عيب ان كان الزوج مستقل وزيد اللي يحبه يسكنه في غرفة في شقة كيفاش ترقدي وولادك راقدين معاك؟؟؟؟؟؟؟ وزيد متقدريش تكوني على حريتك وخاصة ان كان اخوة الزوج معاكم يعني حجاب في الخارج وواحد في الدار ههههههههههههه شعرك تولي تلقطي فيه بالكوطا نضحك برك
كيما قتلك حسب حالة الزوج

هههههههههه فهمتك عندك الحق في هذي..بصح دارهم كبيرة بزاف ارضي مش شقة..شكرا حبيبتي

[ام البنوتة]

جربي و شوفي.اسكني معاهم و عينك ميزانك و لاقدر الله اذا صرا مشكل يستاعل الاستقلال ببيت منفصل ما نظنش حتى راجل يرفض هاذ الفكرة حتى يعيش هو و مرتو مرتاحين.
الحل موجود ان شاء الله و الناس معادن و فيهم الطيبين و ان شاء الله اهلو يكونوا من اهل خير و انت تاني خليهم يحبوك..

[كنوز البحار]

جربي و شوفي.اسكني معاهم و عينك ميزانك و لاقدر الله اذا صرا مشكل يستاعل الاستقلال ببيت منفصل ما نظنش حتى راجل يرفض هاذ الفكرة حتى يعيش هو و مرتو مرتاحين.
الحل موجود ان شاء الله و الناس معادن و فيهم الطيبين و ان شاء الله اهلو يكونوا من اهل خير و انت تاني خليهم يحبوك..

نشالله حبيبتي ..سما نسكن معاهم في البداية؟و كيفاه نخليهم يحبوني ؟علابالك انا حماتي الاولى ما تقعدش معايا براحتها تعاملني كالضيفة رغم اني حااااااااولت ديما حااجز حديد بيناتنا..

[لمياء كوكو]

هو كلش على حساب اهل زوجك اذا كانو في بزاف عندك الحق تتشرطي لأنو مهما طولتي راح تخرجي بدارك
اما اذا كان شيخك و عجوزتك وحدهم لازمك تقومي بيهم

و ربي يجيبلك الخير يارب و يكملك

[souadraghad]

السلام عليكم
أنا وعن تجربة أنصحك بالسكن لوحدك
لأني جربت الإثنين
وأستقريت نفسيا ومعنويا وجسديا عندما سكنت وحدي
فمهما كانت عائلة زوجك طيبة وحنونة ومتظامنة، إلا أنه هناك هناك مشاكل
فعندما تكونين معهم يجب عليكم أن تكوني في المستوى لكي تكوني عند حسن ظنهم
فمثلا يجب عليك أن تكوني مسؤوولة وتتحملي أعباء المنزل وواجباتك كلها بدون تقصير دون أن تشتكي من أي شئ
وإنسي الدلال في بيت أهلك ، فمهما كانت حماتك طيبة وحنونة فلا تستطيعين مقارنتها بوالدتك أبـــــدا
والله يوفقك ويسعدك في بيتك
إن لزم الأمر أسكني معهم في نفس البيت لكن مستقلة هذا أفضل
وشكرا

[كنوز البحار]

وفي حالة نخدم في رايكم ايهما اريحلي ؟شكرا لكم

[sali-sali]

اهلا بك اختي
ان شاء الله هاته المرة ستجدين السعادة التي تمنيتيها

جربي اسكني مع اهل الزوج لفترة و ان وجدتي راحتك فامكثي معهم لفترة اطول .....وان لم تستطيعي فاسكني لوحدك
المهم السعادة الزوجية و راحة البال

ربي يهنيك

[arbodar]

انا شخصيا كرجل احب ان اوفر سكني لخاص لان سكن الاهل لن يدوم و على كل رجل توفير سكنه الخاص
لكن لو تشترط عليا الفتاة ذلك سيبدو لي كانها تقول لي انها لا تحب تواجد والداي
فرغم اني انا نفسي سأسعى لتوفير مسكني الخاص لكن فبابه سيكون مفتوح دوما لوالداي و هو بيتهما ايضا خاصة لو كانا لا قدر الله مريضان (الله يحفظ لهما دوام الصحة ان شاء الله)
و بما ان زوجك خيرك فهذه حياتك لا يمكن ان يعطيك شخص رايه لانه لن يعيشها مكانك
و بالتوفيق لك اختي و ان شاء الله يعوضك الله خيرا استخيري الله و الله يوفقك ان شاء الله

[sali-sali]

وفي حالة نخدم في رايكم ايهما اريحلي ؟شكرا لكم

في حالة العمل كدلك ان رحبوا بالكرة و تركوك تعملين فاسكني معهم....وان رايت غضب منهم فاسكني لوحدك

كما قلت المهم الراحة و السعادة الزوجية التي للاسف تفتقدها اغلب العائلات

[ام جوتي وفراس]

شوفي اختي انتي في الاول ماكنتش مشكلتك مع الدار لانك ساكنه وحدك كانت مشكلتك مع عقلية زوجك لوكان جاء معاشرك مليح وخليك تدخلي وتخرجي كنتي راح اتحسي بلوحده والقلق اكيد لا يعني الرجال ماشي كيف كيف واكيد من عندي نا حياة مستقره وحدك خير وهكا يبقى القدر بيناتكم لان الاحتكاك واش ينجم عليه هذا رايي ونتمنى الخير ليك وللجميع

[arbodar]

و اضيف لك شيء
انا عندي اخ لي تزوج و عاش معنا الاعوام الاولى من زواجه لا اذكر اربع او خمس سنوات فبيتنا يتسع لذلك و لم تكن هناك اي مشاكل
و الان استقل بسكنه و سكنه ليس بعيد عن سكننا العائلي و كما قلت و الحمد لله لم يسبق ان حصلت لنا او لله الحمد اي مشاكل لا و هم ساكنين معنا ولا بعد ان وفر سكنه الخاص بل على العكس الان مثلا اخي حين يريد ان يسافر مع زوجته لمكان ما يحضر لنا ابنه لانه مزال صغير و هذا يسعدنا جدا و حتى لا يقلق على بيته حين يسافر و زوجته بحكم انه قريب منا و يعلم انه لو حصل اي شيء سنكون موجودين و حتى زوجة اخي تحب القدوم لزيارتنا بشكل دائم بحكم ان بيتهم قريب جدا كما قلت و احيانا العكس تذهب امي و اختي ليزيارتهم
هذا حتى لا تعتقد البنات انه صحيح انه لابد ان تكون هناك مشكل مع اهل الزوج فهذا التفكير المسبق هو الذي يجعل المشاكل تقع فعلا فالفتاة تتزوج و هي تفكر هذا التفكير و انها ستلقى معاملة سيئة فتبادر اليها كنوع من الدفاع المسبق دون ان تشعر و العكس صحيح ايضا قد يتصور اهل الزوج ان الكنة ستكون معاملتها سيئة لهم فيبادرون بذلك كاسلوب دفاعي دون ان يشعرو
لكن لو ان كل منهم وضع بباله العكس لما حصل يعني لو ان الزوجة تفكر انها ستعيش وسط اهلها و هم يفكرون انها ابنتهم وواحده منهم لما حصلت مشاكل
و الله يهني كل العائلات ان شاء الله
و كما قلت هذه حياتك و انتي من يعلم ظروفك و ظروف خطيبك
و الله يوفقكما لما فيه خير

[mustapha harreche]

السلام عليكم...أول مرة اكتب في هذا الركن انشغالي عسى اجد عندكم النصح و الارشاد....أنا يا جماعة مريت بتجربة زواج فاشلة انتهت للاسف بالطلاق...رغم ان كل الضروف المادية للحياة من مسكن مستقر و لوازم متوفرة عندي الا ان الاستقرار النفسي بسبب المشاكل و عيوب الزوج واهله كان منعدما.كنت ابقى في البيت و يغلق علي الباب و لا اخرج الى مكان و لا يجيني احد..فأمضي وقتي كئيبة احدث نفسي و احاول اشغال فراغ الوقت و الذي مرضني نفسيا و شبح الوحدة كذلك..المهم قدر الله و ماشاء فعل..الآن بعد سنوات تقدم لي شخص آخر لابأس به على العموم في منطقة اخرى عن منطقتنا خيرني في مسألة السكن ان اقيم مع اهله او اسكن وحدي....بصراحة صرت خايفة ان تتكرر معاناتي ووحدتي في منطقة لا اعرفها لو اسكن لوحدي...و في نفس الوقت اخاف من المشاكل لقدر الله مع عائلته لو اسكن معهم...وساعات نقول ربما السكن معهم احسن على الاقل احس انني متزوجة و مع عايلة نكون لهم بنت و يكونو لي اهل...والللله ما عرفت شكون اللي خير..
معظم النساء يفضلن السكن المستقر الا ان تجربتي المريرة و ذكرياتي المؤلمة اعطتني انطباع سلبي عنه...لكن لا اضمن حسن طباع اهل زوجي معي لو اسكن معاهم..الله اعلم...أنا والله متمنية نحظى بأهل جدد و علاقة متينة ..لاني حرمت من هذا في زواجي الاول...و انشالله لو كنت أعمل ايهما يوالمني كثر في رايكم؟؟؟الى المجربات اقتراحاتكم و نصائحكم...و ادعولي نتوفق في حياتي خطراه تعبت بزاااااااااف والله و خايفة من اعادة الزواج و الفشل...ادعولي و ربي يبارك فيكم

في البداية أقول بورك لكما و بورك عليكما و جمع بينكما في الخير
أما بالنسبة لسؤالكي فرأي الخاص و لا ألزم به أحدا و حسب تجربتي و خاصة و أنكي تودين العمل
إستقري في مسكنكي الخاص و خاصة في بداية حياتكي فستعرفين حينها المعنى الحقيقي للزواج و الحكمة منه
و هدا يرجع إلى طبيعة الزوجين طبعا فكل حسب طبعه ، و منه تتعرفين أيضا على طباع أهل زوجكي من بعيد
فبدلك يمكنكي إيجاد الطريقة المثلى للتعامل معهم دون أن تكون مشاكل قد تؤثر مستقبلا .
و بارك الله فيكي.

ربما

[كنوز البحار]

و اضيف لك شيء
انا عندي اخ لي تزوج و عاش معنا الاعوام الاولى من زواجه لا اذكر اربع او خمس سنوات فبيتنا يتسع لذلك و لم تكن هناك اي مشاكل
و الان استقل بسكنه و سكنه ليس بعيد عن سكننا العائلي و كما قلت و الحمد لله لم يسبق ان حصلت لنا او لله الحمد اي مشاكل لا و هم ساكنين معنا ولا بعد ان وفر سكنه الخاص بل على العكس الان مثلا اخي حين يريد ان يسافر مع زوجته لمكان ما يحضر لنا ابنه لانه مزال صغير و هذا يسعدنا جدا و حتى لا يقلق على بيته حين يسافر و زوجته بحكم انه قريب منا و يعلم انه لو حصل اي شيء سنكون موجودين و حتى زوجة اخي تحب القدوم لزيارتنا بشكل دائم بحكم ان بيتهم قريب جدا كما قلت و احيانا العكس تذهب امي و اختي ليزيارتهم
هذا حتى لا تعتقد البنات انه صحيح انه لابد ان تكون هناك مشكل مع اهل الزوج فهذا التفكير المسبق هو الذي يجعل المشاكل تقع فعلا فالفتاة تتزوج و هي تفكر هذا التفكير و انها ستلقى معاملة سيئة فتبادر اليها كنوع من الدفاع المسبق دون ان تشعر و العكس صحيح ايضا قد يتصور اهل الزوج ان الكنة ستكون معاملتها سيئة لهم فيبادرون بذلك كاسلوب دفاعي دون ان يشعرو
لكن لو ان كل منهم وضع بباله العكس لما حصل يعني لو ان الزوجة تفكر انها ستعيش وسط اهلها و هم يفكرون انها ابنتهم وواحده منهم لما حصلت مشاكل
و الله يهني كل العائلات ان شاء الله
و كما قلت هذه حياتك و انتي من يعلم ظروفك و ظروف خطيبك
و الله يوفقكما لما فيه خير
شكرا لردك و نصحك أخي..كلامك درر بارك اللله فيك:o

[كنوز البحار]

شوفي اختي انتي في الاول ماكنتش مشكلتك مع الدار لانك ساكنه وحدك كانت مشكلتك مع عقلية زوجك لوكان جاء معاشرك مليح وخليك تدخلي وتخرجي كنتي راح اتحسي بلوحده والقلق اكيد لا يعني الرجال ماشي كيف كيف واكيد من عندي نا حياة مستقره وحدك خير وهكا يبقى القدر بيناتكم لان الاحتكاك واش ينجم عليه هذا رايي ونتمنى الخير ليك وللجميع

راكي فهمتيني ...ساعات الواحد كي يشوف عقلية مش مليحة يخاف و يتعقد من كل العقليات..الرجال مش كيف كيف..بارك اله فيك:o

[zineb_saib]

السلام عليكم ورحمة الله وبركاته
شوفي ياأختي مبارك عليك أولا وربي يجمع بيناتكم بالخير ان شاء الله
بالنسبة ليا مكانش أفضل من السكن المنفرد متخليش تجربتك الأولى تأثر عليك ماشي الرجال كامل كيف كيف
بصح الاحسن تعيشي مع اهل زوجك الاشهر الاولى باش تاخذي تجربة انت وزوجك في تحمل المسؤولية ومن بعد اسكنوا وحدكم
خاصة اذا كان في بيته امه وابوه فقط متخلوهمش وحدهم
اما اذا كان سكن مختلط فيه السلفات والاخوة ووو.... غير اخطيك من تكسار الراس وروحي للسكن الفردي من الأول باش يبقى القدر بيناتكم كامل

[ام البنوتة]

نشالله حبيبتي ..سما نسكن معاهم في البداية؟و كيفاه نخليهم يحبوني ؟علابالك انا حماتي الاولى ما تقعدش معايا براحتها تعاملني كالضيفة رغم اني حااااااااولت ديما حااجز حديد بيناتنا..
ايه اختي و علاه لا لا.الافكار المسبقة بلي كاين مشاكل يخليوك دايما في حالة تحفز و ما تتمتعيش بحياتك بسبب هاذ التفكير..
انا تاني تزوجت بعيد على اهلي و مع ماليه و مع الوقت سكنت وحدي .يعني ماشي قضية حياة او موت الظروف لي ما تعجبكش تقدري تغيريها.
يقول الرسول الكريم"ما استعبد القلوب الا الاحسان"
احسني اليهم يحبوك

[sarl02]

كل رجل يحب ان يستقل بحياته ويؤسس بيته الخاص مطول او مقصر ...لكن لا افهم كيف لبنت ان تشترط على رجل السكن المستقل منذ البداية وهي مزالت ما حطش رجليها بعد خاصة اذا كانت ظروفه ما تسمحش فوالله لو كانت اخر نساء الارض ما تتبعني كزوجة رايي الخاص ولا الزم به احدا.

[tinza]

أفضل السكن وحدي
لكي أعيش كل ثانية مع زوجتي

[منهاج]

السلام عليكم

الله يقدم لي فيه الخير وان شاء الله تتهناي وتكون زواجة الدهر

[ابوعبدالسلام]

انا على ما فهمت من قصتك المشكل كان مع زوجك وليس مع السكن وحدك ؟
انا انصحكي بالسكن وحدك افضل لكي .
اللهم اذا كان عنده غير الاب والام لزم تخدميهم ورب يجيب الي فيه الخير ان شاء الله وتعمري الدار وتهلاي في رجلك ودارك ونسال الله العافية ...؟

[درة بيتي]

السلا م عليكم أولا ألف مبروك وربي يكمل فرحتك ويزين سعدك وبالنسبة لسؤالك أنا جربت السكن مع الأهل ثم وحدي كل حالة عندها سلبيات وإيجابيات ولكن مكاش ماخير من الحرية يا أختي والإستقلالية خصوصا إذا كنت عاملة أما فيما يخص زواجك القديم فمن المستحسن أن تحاولي نسيان التجربة وتأخذي العبرة منها فقط والباقي زايد متقعديش تقارني في التجربة الأولى بالثانية لأنك مهما كنت سعيدة رح إتبعك سلبية التجربة الأولى مادمتي تتفكري فيها وتقارني فيها بالحالية وصفي نيتك من الأول كي تدخلي لدار حماتك بش ربي يعطيك على قدر النية إن شاء الله تمنياتي لك بدوام السعادة والهناء ولا تنسي الإستخارة فالله خير مرشد وهادي لك إذا كنت في حيرة تقبلي مروري

[ام ملاك.]

حنونة تاخذي رايي اسكني وحدك خاطرش مارايح يجيك غير تكسار الراس
انا كنت كيفك وقريب مرضت نفسيا يالطيف
والمشكل مايبينولكش يعطوك وجه وموراك دايرين حالة بالهدرة ساعة ماتخدمش ساعة نهار طول وهي في شمبرتها مع انو تدخلي باش تريحي برك
وساعة نهار طول وهي لاهية بروحها وتحب غير روحها وخلي من الهدرة
المهم نصيحة لوجه الله بما انو عندك خيار اسكني وحدك خير وروحيلهم بالمناسبات وماتخليهمش يعرفو عقليتك نتاع الصح
خاطرش صح موالين راجلك بصح ماراهمش مواليك مارايحينش يعاملوك كيما واحد منهم هذي عن تجربة
خليك بعيدة عليهم وماتتدخليش في مشاكلهم و ولا في مشاريعهم
عامليهم بالمليح وربي يهنيك ان شالله
اما عن الخدمة شوفي انت وروحك اذا تقدري تخدمي بارة و في الدار اخدمي

[أنوثة شرقية]

اختي العزيزة لفتت انتباهي مشكلتك واردت ان اشاركك رايي المتواضع. انا انصحك من الاخر انه اذا توفر سكن لوحدك اظن هذا افضل لك ولاهل زوجك. طبعا اولا انسي التجربة اللي فاتت عليك مش كل الرجال كيما بعض وثاني شي حاولي تستفيدي من التجربة السابقة وصلحي الامور اللي انتي كنت شايفة انها لازم تتصلح. السكن لوحدك مفيد في جميع الاحوال وطبعا لازم تكسبي اهل زوجك بالزيارات والعزايم او العرضات وتتهلاي فيهم وفي زوجك وتحاولي تتنازلي عن بعض الامور اللي تفسد حياتك كيما التنقريش والشكوى كوني مؤمنة وطيبة وبشوشة وصبورة ومتواضعه. عجوزتك اتهلاي فيها اكسيها وفرحيها وزوريها وتطمني عليها ديما بالتلفون.زوجك راح يفرح كي يشوفك هكذا متهلية في اهلو وراح يتهللا فيك ويحطك في عينيه.كوني نعم الناصحة وتميزي بالثقل وف نفس الوقت بالبشاشة والروح المرحة.وان شاء الله يكملك ربي ويعوضك خير .وادعيلي ربي يحقق لي ما اتمنى

[كنوز البحار]

بارك الله فيكم جميييييييييييييعا.......مروركم عطر جزاكم الله كل خير

[طالبة مساعدة]

بيت مستقل تجدين الهناء والاحترام بين الاهل وشغلي نفسك بصناعة الحلويات مطالعة قراءة القران انا افضل ذلك و انت لك الاختيار

[ikhbb81]

و هل يوجد سكن مستقل في الجزائر ؟!!!

من بين اسباب العنوسة السكن الذي اصبح من شبه المستحيلات في بلاد غنية و شعبها فقير !!!!

[jojo39]

السلام عليكم اختي راح ننصحك حتى انا تزوجت وراني باش نتطلاق بسبب اهله من احسن انك تسكني بسكن وحدك احسن

[dahbi01]

أختي الكريمة :
الأعمال باالنيات وانا نفضل انك تعيشين مع أهله خاصة إذا كان عندك مسكن وحدك وهما قربى منك اي في نفس الحي تطيبي معاهم وتغسلي وتنقي لأنو كي تقومي بهاته الأعمال رفعت له وجههه عند أهله ورفعت شان أهلك عند اهله هو يعرفوك بأنك بنت أصل وجود وهو في هاته الحالة يرضاو عليه والديه كي ما فرطش فيهم .
وفي الاخير تربحيهم كامل. و الله المستعان

[ام ايمان16]

ربي يجيبلك الي فيه الخير

[ikhbb81]

كل واحد و ظروفه ...
و السكن الفردي مليح لكن في الجزائر من يستطيع ان يوفر سكن خاص !!!!
زيد إذا كانوا والديه ليس لديهم من يعتني بهم هل تقبلين هذا لوالديك ؟
و زيد الرجل الذي يرزقه الله امرأة ترعاه و ترعى والديه فظلمها فهو كلب حقير عندي ... ما عليها الا ان تصبر و تحتسب لعل الله يحدث بعد ذلك أمرا .
و الله اعلم

[om assil]

صلي صلاة الاستخارة احسن و ديري في بالك اذا فتي و سكنتي مع اهله و لكان قدر الله و حبيت تخرجي وحدك راهي صعيبة بزاف مش كيما من الاول بدارك

[ام نسمة]

مرحبا شوفي اختي ما تخافي ما والو ارمي الماضي كلو وراء ظهرك واستقبلي حياتك الجديدة بكل تفائل انا برئي ان كان بمقدوره ان يوفر لك سكن خاص فهدا افضل بكثير لانك مهما سكنتي مع اهلو يجي النهار وين تديري دارك فهمتي اذا من البداية احسن زد على هذا ستبقى العلاقة بينك وبين اهله ودية ومحترمة اتمنى لك حظ موفق