ما رأيكم القطاع العام أم الخاص ؟

[loulou02]

السلام عليكم ، أمس ذهبت إلى الوكالة الوطنية للتشغيلANEM طبعا للسؤال عن العقود في القطاع الإداري ، قالتلي السكرتيرة مازال ما فتحوهمش و إذا راكي حابة تخدمي عند القطاع الخاص كاين عيادة خاصة تبحث عنsecrétaire medical ، أعطتني bultinو قالتلي روحي شوفي ، رحت وأعطيتهمbultin مع CVو ديبلوم و قالولي دوك نعيطولك .
أنا الآن راني مترددة إذا نقبل أو لا ، راني خايفة نبدا نخدم عندهم و علابالكم الخاص يحرث عليك ، و منبعد يفتحو العقود في القطاع العمومي و تكون تطفرت ، لذلك أشيرو عليا ماذا أفعل ؟

[sisi8930]

شوفي أختي كان همك الحرث يكذب عليك الكاذب حتى في القطاع العموووووووووووومي

[!?زين الدين?!]

يا اخت المشكل انك اذا قبلتي ليس بامكانك االرجوع الى القطاع العمومي ولا ننسى ان العقد في القطاع الاقتصادي سنتين فقط ولا تمنح لك الا 0.5 نقطة عن كل سنة في احتساب الخبرة

[maram_dib]

يا الأخت أنت صبرتي زيدي أصبري شوية ماكي خاسرة والو أنا سنييت عند الخاص وندمت عليه حتى وإذا كان السيد مليح معاك تحسي بلي كاينة فوارق أنا وهو نفس المستوى الا انه فاتني غير بخبرة 04 سنوات وهو انسان مليح ...... لكن أنا نشوف بلي العمومي أفضل حتى ويحرث عليك يقعد فيه مميزات أخرى غير ان المدة نتاعوا اكثر من الخاص وانت وقناعتك

[lilas rym]

zidi osbri khir ana dert m3a privé wrana fi mchakel kbira roddi balek

[حواء نادين]

أختي العمل في القطاع العمومي افضل بكثير..
عليك ان تستخيري في هذا الامر...
والي فيه الخير لك ربي يجيبو..

[jomana jiham]

القطاع العمومي افضل بكثير.انا راني في العمومي و شعال من مرة نكره و نبغي نبدل و قادرة نبدل بصح انت اذا بدتي و ما عاملوكش مليح غادي تندمي بزاف.

[loulou02]

السلام عليكم ، شكرا لكل الإخوة و الأخوات لي نصحوني ، بارك الله فيكم ، راني قررت نزيد نصبر و نقارع حتى يفتحو العقود في القطاع العمومي إن شاء الله .

[ahmedof13]

أتا أظن أن العام لن يفتح نظراا للإكتضاظ إذا أردت الإنتظار لمدة 3 سنوات حتى تنتهي عقود الآوائل لدى أنصحك بعمل عقد عند الخاص لمدة سنتين يمكن إضافة 3سنوات أخرى فيما يتمثل في عقد cta إذا أرد الإنتظار إنتظري
و الله يجيب التيسير

[عاشق العدالة]

ربي يوفقنا

[spartsam]

راني نعمل في إدارة مركزية و ما نخبيش عليك، صح كاين ناس ماصابوهاش لكن راني نفكر باه نحبس للأسباب التالية:

- أمامي مستقبل مجهول (الإدماج مرتبط بتعديل قوانين التوظيف الحالية، و أي إدماج خارج الإطار القانوني مستحيـــــــل) معناه نستنى الحكومة وقتاه تنفحلها تدمجني، إلى متى..... مانعرف؛
- نمط التوظيف الحالي لا يخدمنا بتاتا (على أساس الشهادة)، المسابقات ولاو ينجحو فيها أصحاب الخبرة الطويلة (أكثر من 5 سنوات) خاصة مع الموضة الجديدة وين ولاو الموظفين المرسمين يشاركو في مسابقات التوظيف الخارجية للإرتقاء إلى رتب أعلى عوض المسابقات الداخلية، لأنهم ضامنين البوست (عندهم خبرة طويلة) كيفاه يصيحلي بوست وسطهم و أنا اللي عندي خبرة تاع عام و نصف؟؟؟؟
- منحة 15000 دج شهريا غير كافية باه الواحد يبني بيها حياتو على المدى الطويل (الزواج ما رانيش مطلعلو حساب خلاص)؛
- ماهومش يدفعوا علينا الإشتراكات في صندوق التقاعد، معناه السنوات هاذي ريــــــــح ما تصيبهاش نهار تدي la retraite (ما لازمش واحد ايشوف قدام نيفو برك، خمم للزمان عقوبة)؛
- الحريـــــــث، تخدم أكثر من الموظف المرسم و أحسن منو لكنو يخلص ضعف المنحة تاعك ويزيد يدي les primes ونتا التشوف غير بعينيك؛

بالرغم من هذا و بالرغم من حالة الاحباط الشديد و اليأس اللي راني نعيشها نقول الحمد لله، ما بقالي غير القطاع الخاص أو مسابقات التوظيف على أساس الإختبار (ما نزيدش نجتاز المسابقات على اساس الشهادة).
نطلب ربي يرزقني و يرزق كل من هو في حالتي بمنصب عمل محترم و مستقر.

[سعاذ]

السلام عليكم
شوفي في القطاع العام كل عام خبرة تتحسبلك بنقطة في المسابقة على اساس الشهادة
و في القطاع الخاص كل عام خبرة تتحسبلك ب 0.5 نقطة في المسابقة على اساس الشهادة

[frisette]

anti ossberti zidi ossobri hya sah douka rahom kif kif les deux mostakbalhom majhoul mais f al kita3 al 3am sa3at klila wmayakderch y3aytalk wakt ma yhab takhdmi ana kount f privé sa3at yahkmak wra sa3at al 3amal w sa3at y3ayatlak f ayam al 3otla w nti choufi makhroujek

[loulou02]

راني نعمل في إدارة مركزية و ما نخبيش عليك، صح كاين ناس ماصابوهاش لكن راني نفكر باه نحبس للأسباب التالية:

- أمامي مستقبل مجهول (الإدماج مرتبط بتعديل قوانين التوظيف الحالية، و أي إدماج خارج الإطار القانوني مستحيـــــــل) معناه نستنى الحكومة وقتاه تنفحلها تدمجني، إلى متى..... مانعرف؛
- نمط التوظيف الحالي لا يخدمنا بتاتا (على أساس الشهادة)، المسابقات ولاو ينجحو فيها أصحاب الخبرة الطويلة (أكثر من 5 سنوات) خاصة مع الموضة الجديدة وين ولاو الموظفين المرسمين يشاركو في مسابقات التوظيف الخارجية للإرتقاء إلى رتب أعلى عوض المسابقات الداخلية، لأنهم ضامنين البوست (عندهم خبرة طويلة) كيفاه يصيحلي بوست وسطهم و أنا اللي عندي خبرة تاع عام و نصف؟؟؟؟
- منحة 15000 دج شهريا غير كافية باه الواحد يبني بيها حياتو على المدى الطويل (الزواج ما رانيش مطلعلو حساب خلاص)؛
- ماهومش يدفعوا علينا الإشتراكات في صندوق التقاعد، معناه السنوات هاذي ريــــــــح ما تصيبهاش نهار تدي la retraite (ما لازمش واحد ايشوف قدام نيفو برك، خمم للزمان عقوبة)؛
- الحريـــــــث، تخدم أكثر من الموظف المرسم و أحسن منو لكنو يخلص ضعف المنحة تاعك ويزيد يدي les primes ونتا التشوف غير بعينيك؛

بالرغم من هذا و بالرغم من حالة الاحباط الشديد و اليأس اللي راني نعيشها نقول الحمد لله، ما بقالي غير القطاع الخاص أو مسابقات التوظيف على أساس الإختبار (ما نزيدش نجتاز المسابقات على اساس الشهادة).
نطلب ربي يرزقني و يرزق كل من هو في حالتي بمنصب عمل محترم و مستقر.
ربي يفرج عليك أخي في القريب العاجل ، و الله أنا تغيضني كي نشوف شباب يخدموanem ، أنتم أولى بالتوظيف في المسابقات لأن البنت آخرتها تتزوج و راجلها هو يصرف عليها ، معليش أصبر أخي و متقنطش من رحمة ربي ، إن شاء الله ربي يفتح عليك عاجلا غير آجل .

[rabah ag]

ربي يفرج عليك أخي في القريب العاجل ، و الله أنا تغيضني كي نشوف شباب يخدموanem ، أنتم أولى بالتوظيف في المسابقات لأن البنت آخرتها تتزوج و راجلها هو يصرف عليها ، معليش أصبر أخي و متقنطش من رحمة ربي ، إن شاء الله ربي يفتح عليك عاجلا غير آجل .



الحمد لله ياربي كاينة انثى خمت في خاوتها الشباب برافوووووووو شكراااااااااا