مادا يقول لي رفيق شدائدنا ابليس يوميا...!! ادخل ربما لنا نفس الحظ في نصائحه!

[ل..ب..ن..ى]

في الليل قبل النوم:
ابليس:لبنى غير ماديريش الرافاي <المنبه> دوك بوحدك تنوضي .ديجا ما راهش فيك النعاس..
انا: اتقي ربك , انا نوض وحدي...!
في الصباح:
الرافاي قتل روحه وهو يقولي لبنى زيدي برك 5دقايق مازال الحال شوية
ماما تاتي لايقاظي : نوضي راح عليك الحال ومازالك راقدة!
فيقول صديق الشدة ابليس: لبنى عندكم برك des cours وما يمركوش وزيد ماراكيش كامل تفهمي ...
علاه تروحي تضيعين وقتك ؟ خلي <اتركي> حتى من بعد وعاودي للدرس وفهميه غاية<احسن>
القرار: انا: ماما مانقروش حتى للساعة العاشرة 10سا
.....نزيد نرقد شوية ,
ابليس: لبنى في خاطرك ماتقلقيش كامل روحك
وزيد الحافلات كاين عند العشرة بزيادة ..!
نلبس بشوية عليا ونمشي في خاطري ...

عند المحطة:
ولا حافلة هناك ...يعني راح الcours الثاني

في الحافلة:
لبنى ما ملتيش ديري شوية غناء في ادنك
الطريق طويلة وانت راكي بوحدك ساكتة ..! بففففففف

في الجامعة:
نروح نحوس على واحدة معايا تعطيني كراسها لاعادة الدرس الناقص
ابليس: وااااااااو تعاودي لكامل هاد الدرس ..!
اوووو شحال طويل , ايا غير فوتيها هادي ديري فوطوكوبي وصايي, ولمادا اخترعت تلك الالة؟!!

قبل الدخول الى td :
لازم نوجد تمارين لمبعد خاطر راني out ...!
ابليس: بفففففففف شوفي الحال شحال راه شباب في الخارج
وتلك الجماعة هناك باينة شياختهم راهي حلوة تغير..!
واش بيك حابة تقعدي تقري؟ علابالك يامات الشباب مايتعاودوش ...!
خليك من القراية ....

الساعة 13:55 :
نروح تكون دخلت الاستادة...
ابليس: ايااا لبنى باقي 5دقايق . وهدا من حقك زيدي اقعدي شوية !
وزيد هي خير منك < هه برك هي استادة وانا لازلت لا شيء>

داخل لصف: ابليس: بففففففف الجو حار نورمال راكي تبعي الدرس!
اه تعقلي على .....وعلى......<وراح عقلي بعيد على الدرس>

الساعة 17:00 :
ابليس: اوووووو صايي ! خفا فات الوقت!

يحب يزيد ينطق , ايا نقوله صايي بزاف عليك خليني نروح للدار
................

وفي الدار حكايات وحكايات
....!.......

باختصار:

*بلاصا شابة قدام التلفاز هناك مع كامل هاد التعب والله غير تريحي فيها المورال تاعك....
*يا الله بلى صلاة مازال الحال باقي الوقت ومن بعد عاوديها....! كل شيء الا صلاتي ..!
*درك روحي للمنتدى باينين الاعضاء راهم كامل تما مع هاد الوقت ...!
*امام الحاسوب: مازال الوقت راهي برك ال2:00 صباحا
............
وبلانات وبلانات ....!

ليعاد السيناريو في الصباح...!

واين من الوقت دكر ربي وتلاوة القران الكريم؟!!
ماهي حصيلتي لليوم؟ هل افدت؟ هل استفدت؟

هل اضفت درجة حسنات تفيدني يوم الحساب؟
هل اضفت نقطة او درجة في مخي لمستواي الدراسي؟
لا..لا..لا....!

هل كان دلك ابليس ام نفسي الامارة بالسوء؟!!!

الاجابة: كلاهما, فانهما فيروس هالك, اتيا للحياة لتخريبها وتدميرها لفلان وغلقها بوجه فلانو....!

يا رب استرني واهدني وامة حبيبي المصطفى عليه الصلاة والسلام
وابعد عنا رفيقي الشدة ...!

وما سردته ليس بالضرورة ما يحصل لي بل حصيلة يومية لشاب عربي
ومازال للموضوع الف بقية
فابليس ربي يسترنا منه
له حيل وحيل وطوفان افكار ...!
تحياتي

سلام

[le fugitif]

مسكينة يا بوقوسة راكي شفيتيني الله يعينك


http://www.moveed.com/data/thumbnails/88/__3.gif

[ل..ب..ن..ى]

مسكينة يا بوقوسة راكي شفيتيني الله يعينك


http://www.moveed.com/data/thumbnails/88/__3.gif


امييين يا ربي

شكرا لك فوجي على المرور
نورت

تحياتي

سلام

[صالح القسنطيني]

و عليك السلام و رحمة الله و بركاته و بعد:

صدق من قال إن الشيطان يفتح لك الف باب من خير ليوقعك في باب واحد من الشر

و له مصائد و حيل لا يعلمها الا الله فتارة يزين لنا الشرك و تارة يزين لنا البدعة و تارة يزين لنا المعصية

أعوذ بالله من الشيطان الرجيم

اما عن الدراسة جامعة جامي نعرفها على 8 إلا في الحلات النادرة

ثم بعد: جزاك الله خيرا و بارك الله فيك

[ل..ب..ن..ى]

و عليك السلام و رحمة الله و بركاته و بعد:

صدق من قال إن الشيطان يفتح لك الف باب من خير ليوقعك في باب واحد من الشر

و له مصائد و حيل لا يعلمها الا الله فتارة يزين لنا الشرك و تارة يزين لنا البدعة و تارة يزين لنا المعصية

أعوذ بالله من الشيطان الرجيم

اما عن الدراسة جامعة جامي نعرفها على 8 إلا في الحلات النادرة

ثم بعد: جزاك الله خيرا و بارك الله فيك

ربي يبارك فيك اخي صالح
كلامك في محله
الله يحفظك

وانت تاني يبانلي ابليس راه داير فيك غرضه
ماعليه الارادة تتغلب على كل شيء

تحياتي

سلام

[حمادة المصرى]

الحمد لله انا لم افهم ولا كلمه
من اللى انتى كتبتيه
ولكن فاهم الموضوع
وبعدين انتى حتروحى منه فين
دة ملعون الى يوم الدين
بس ممكن تتغلبى عليه
بالرجوع الى الله
تحياتى
يا بوكسا

[نورالدين17]

وانا راه يقولي أقرا وما تردش ....................بصح انا ما نخذش رايو

[AMARAGROPA]

السلام عليكم ورحمة الله وبركاته .

الأخت bogossa على حساب الشوفة ابليس راه معاك معاك وين تروحي ...ههه

أنا راه يقلي : مازال الحال شوية زيد أسهر ... وكيما قال الأخ نورالدين رايح نخالفو هاذي المرة.

سلام...

[سليم_الجزائر]

وانا راه يقولي أقرا وما تردش ....................بصح انا ما نخذش رايو
لست الوحيد الا انني نرد بالوجوه ومين يبقالي شوية وقت نرد على المواضيع الاخرى

[طارق القبطان]

شكرا جزيلا لك على الموضوع القبم
إبليس ما وجد إلا لصد الناس عن الحق
ونحن في راع دائم معه
إياك واتباع خطواته
فإن عقبى هذه الإنتكاسة الندامة
مشكورة مرة أخرى

[سلاف26]

نعوذ بالله من الشيطان و جنوده
مشكورة اختي بوقوصة على الطرح المميز :19:

[س..ع..ي..د]

جميع الكلمات لكتبتيها تنطبق عليا
مشكورة علي الموضوع اختي ل.....ب........ن.....ى.....

[ل..ب..ن..ى]

السلام عليكم
وعدرا على التاخير

شكرا لكل من مر على الصفحة
ان شاء الله ربي يبعد علينا خبث ابليس
وافكاره المسيئة رغم انها تجي على القوسطو مرات ...!

تحياتي


سلام

[كمال الاسلام]

كي مراهش وسوسلك على الصلوات والواجبات الدينية احمد ربي

اما الدراسة فذلك فقط شوية ارادة والتفكير في المستقبل مازيدش يدور بيك ابليس اللعين






اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات .
الله أهدني وسددني ، اللهم إني أسالك الهدى والسداد.

[ل..ب..ن..ى]

كي مراهش وسوسلك على الصلوات والواجبات الدينية احمد ربي


اما الدراسة فذلك فقط شوية ارادة والتفكير في المستقبل مازيدش يدور بيك ابليس اللعين






اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات .
الله أهدني وسددني ، اللهم إني أسالك الهدى والسداد.


السلام عليكم
شكرا لك اخي على المرور
الحمد لله ايماني بربي ما يتحكمش فيه ابليس
البقية شهوات دنيا ربما تكون في خطر عند تدخل اللعين
ولكن المهم الباقيات الصالحات مصونات

اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات .
الله أهدني وسددني ، اللهم إني أسالك الهدى والسداد.


تحياتي

سلام

[أسير الذنوب]

الله يكون في عونك.....يا محاينك ابليس نتاعك واعر بزاف.....المهم لا تدعيه يغلبك.....احزمي امرك وحاولي وضع برنامج والتقيد به...ان شاء الله ربي يوفقك

[ل..ب..ن..ى]

شكرا لك اسير الدنوب على النصح

والله غير دار فيا حالة

ان شاء الله يبعد على كل مؤمن ومؤمنه


تحياتي

سلام