استفسار فيما يخض تحضير الشاي

[وردة زمن]

السلام عليكم ورحمة الله تعالى وبركاته
اخواتي الكريمات ارجوكم انصحوني واعطوني طرقكم في تحضير الشاي واسرار نجاحه والكمية المستعملة ( الشاي والماء) والمدة وكذلك النوعية المستعملة وبعض الاضافات للحصول على نكهة
صدقوني مهما تعددت الطرق فلدي ثقة كبيرة جدا فيكن وجزاكن الله خيرا

[طهراوي ياسين]

عليكي بشاي الصحراء هو الاحسن

[ام ملاك.]

درك نقولك كيفاش نديرو ويجي بنين وكل من يشربو يعجبو
تشدي كاسرونة تحطي فيها قيس لترة ماء وتخليها تغلي
تجيبي الضاي الاخضر مانكذبش عليك مانعرفش النوعيات انا نشري دايما هداك اللي يجي بواطتو خضراء فونصي واسمو الجمل واقيلا
تشدي منو é مغارف كبار معمرين مليح وتغسليهم بالماء مليح وترميه داخل الماء اللي يغلي ونقصي للنار خاطرش يسيحلك
وزيدي حطي معاه كمشة نتاع النعناع اليابس وخليهم يغلو على نار هادية ماتغصبيهش نار قليلة برك
وزيدي حطي السكر على حسب الذوق انت ديري بالمغرفة الكبيرة وخلطيه وذوقي واذا ماعرفتيش وخفتي تسطريه بزاف ديري تقريبا 3 مغارف كبار سكر ونص وخليه يغلي كيما قلتلك تقريب واحد 20 دقيقة ولا نص ساعة
وكي تكملي خلاص وجدي وين رايحة تقدميه بقراج ديريلو شوية نعناع الداخل مغسول وفرغي لاتاي نتاعك عليه بصح صفيه عنداكي تفرغيه بلاتاي المغلي
وكي تحطيه زيدي حطي السكرواللي حب يزيد السكر يزيد وحدو
وان شالله تكوني فهمتيني
اي حاجة راني هنا

[وردة زمن]

اختي مونية بارك الله فيك واش تقصدي تشدي منو é مغارف كبار

[ام ظافر]

ابحثي اختي هناك موضوع مشابه وستجدين ما يكفيك من الاجابات

[إلهام07]

اختي مونية بارك الله فيك واش تقصدي تشدي منو é مغارف كبار

أسمحيلي على التدخل ، راهي تقصد 2 ملاعق كبار

[إلهام07]

أنا طريقتي ساهلة ماهلة و بنييينة :
تغلي الماء في كاسرول كبيرة ولما يغلي حطي كمية الشاي الأخضر اللي حبيتي في كاس (أنا نستعمل الجملين كيما الأخت)، أنا نحط حوالي 4 - 5 ملاعق على حسب عدد الأفراد و صبي فوقو الماء المغلي و حركيه بملعقة حتى يطلق المرارة نتاعو و نرمي هذال الماء زنعاود نفس العملية، أنا نشللو 2 مرات و ساعات لما يكون الشاي مر نشللو 4 مرات ( نحب الشاي خفيف ) من بعد تحطيه يغلي في الماء الساخن مع شوية نعناع على نار متوسطة ، ما تقويش النار .
لما يطيب ، نحليه بالسكر و نحط في الإبريق شوية نعناع و نصب الشاي الساخن فوقه و نقدمه :19:.

[وردة زمن]

شكرا لكل الاعظاء وكل الطرق بارك اللله فيكم وجرزاكم خيرا

[وردة زمن]

مادا عن النوعيات ارجوكم افيدوني

[eystur]

توافق ........

[zhor1970]

احسن انواع التاي حبيبتيهي الرقيم ايضااينزا شاي وهو ذو جودة عالية وايضا askram هذه هي احسن انواع التاي عن خبرة وتجربة حبيبتي

[zhor1970]

وطريقتي وهيتعطي تاي من اروع مايكون اخذت الطريقة مناهل الصحراء وكل من ذاقو يشهدلي بذلك تعلمتها من زوجي وهو تعلمها بحكم عملو في الصحراء ومعاشرتو لاهل الجنوب
اهم شيء هو غسل التاي بماء ساخن جدا للتخلص من كل الشوائب ثم +ماء ساخن والي نار ضعيفة جدااااااااااااااااااااااااااااااااااضروري 20د اقل شيء نحي التاي +علي الاوراق ماءساخن


منبعد الي النار20د اخري الاول + الثاني +السكر في ابريق اخر وخلطي من ابريق لاخر حتي يعمل التاي رغاوي ورايح تتحصلي علي الذتاي

[bluewater007]

وأنا أتفق. الله يبارك

[وردة زمن]

بارك الله فيك اختي وجزاك خيرا

[جويرية الإيمان]

الحقيقة أنني سكنت ورقلة 5 سنين

لكنني و الله لا أحب شايهم أبدا

حتى هموما لا يحبون شاينا

قاتلي جارتي لازم التاي يكون فيه الرغوى و لا ماهوش تاي .

و أنا منحبش الرغوى و منحبش البنة نتاعو .

شوفي أول أمس قالت عجوزتي علي أنا أحسن وحدة طب الشاي في العائلة

و حتى في دارنا ( أبي و أمي و أخواتي) دائما يطلبون مني عمل الشاي و خصوصا في الأعياد

و الله لا أمدح نفسي و كيما نقولو الماكلة يدين و التاي ثاني يدين .

شوفي التاي نتاعي و كما الجميع نغسل التاي بالماء المغلي و من بعد نغسلو بالماء البارد

و ديجا راي حاطة كسرونة ماء تغلي

أنا شخصيا نحط النعناع الأخضر( ماشي اليابس) يتغلى مع الماء حتى يتلق البنة

و من بعد نضيف التاي و نقعد نراقب فيه .

و أيضا أنا نضيف الورقة نتاع القارص (دارنا عندهم شجرة القارص)

و على حسب الواحد واش يحب كاين لحبوا قاطع بزاف و كاين لحبوا خفيف

يعن كل ما تخليه فوق النار يجي قاطع (كاسح) .

و من بعد نصفيه و نضيف نعناع و السكر حسب المذاق و نزيد نصفيه من النعناع أو نخليه و نحطو في الإبريق و نقدمو سخون .

و كاين إضافة أخرى حسب الذوق و هي قطرات من ماء الزهر .

[biti]

شوفي اختي انا نغلي الماء ومن بعد ندير فيه نعناع اخضر ونخليه يغلي حتى يتغير لونو ومن بعد نغسل الشاي مرتين بالماء تاع النعناع نستعمل غي شوى تاع ماء مشي بزاف ومن بعد نزيد هاداك الشاى في الماء نتاع النعناع ونخليه يغلي مليح وسكر على حسب الرغبة صدقيني يجي يهبل
حوالي لتر ماع مع 2 و3 اغصان نعناع وملعقتين شاى وبصحتك

[rachid5555]

أنا شخصيا اختي أفضل الطريقة التالية في شرب الشاي:
آخذ ملعقة صغيرة من الشاي الأخضر,أغسلها في مصفاةوأضعها في كوب ماء فارغ مع ملعقة صغيرة من السكة,ثم أضيف ماء مغلي جدا على الشاي و السكر و انتظر 2 الى 4 دقائق لينقع الشاي جيدا ثم أشربه رشفة رشفة.
مفعوله حينئذ يكون رهيبا فيما يخص الهضم و حتى تعديل الضغط.
شكرا لك اختي على هذه البادرة النافعة

[جويرية الإيمان]

رشيد 5555

هذا يسمى الشاي الكشري عند المصريين و هم يعملونه بكثرة .

[oumeima m]

شكراااااااااااااااااااااااااااااااا

[ست الحبايب]

الي يغسل التاي اكثر من مرة هل تراه يبقى فيه شيء من فوائده
اول غسلة بالماء المغلي للشاي تفقده اكثر من 70 في المائة من فوائد التاي المشهورة واذا غسلناه اكثر من ذلك سنشرب ماء اصفر وليس تاي
اولا يجب غسل التاي بالماء البارد ومرة واحدة تكفي فهو ليس لحم او فاكهة حتى يكون مرتع للجراثيم انه اوراق مجففة ومغسولة قبل تجفيفها لذلك كل من يريد شرب تاي عليه استغلال فوائده الكثيرة لا قتلها قبل الشرب بالغسل الكثير
امر اخر اذا غلي التاي مع الماء فوق النار مثل ما يفعله ناس الشرق يفقد كل فوائده والطريقة الصحيحة هي غلي الماء ثم صبه على التاي وتركه لمدة حتى ينقع به ويخرج فوائده وبنته في الماء
الشيء نفسه مع النعناع لا يغلى في الماء وانما يصب الماء المغلي عليه
اعطيك طريقة ناس ناحية الصحراء الغربية الجزائرية طبعا وهي بنة وفائدة في نفس الوقت
سخني لتر من الماء لدرجة الغليان ثم صبيه على التاي الذي كنتي غسلتيه بالماء البارد من قبل ثم ضعي الابريق فوق نار هادئة لمدة دقيقة او اثنين فقط حتى تسرعي عملية تفاعل التاي مع الماء ثم اضيفي النعناع اوراق للابريق وفي الاخير اخلطي السكر مع الكل وحذاري ان تخلطي السكر مع التاي ثم تعيديه فوق النار لانه سيترك ذوق الحريق للتاي مثل ما يقولو ناس الصحرى تحرق التاي يعني فيه بنة معروفة وهي السكر عقد مع التاي يميزوها الاشخاص الي يتذقوا التاي ويعرفولو مليح
والله اعلم اختي

[جيجلية]

[QUOTE=zhor1970;12910170]وطريقتي وهيتعطي تاي من اروع مايكون اخذت الطريقة مناهل الصحراء وكل من ذاقو يشهدلي بذلك تعلمتها من زوجي وهو تعلمها بحكم عملو في الصحراء ومعاشرتو لاهل الجنوب
اهم شيء هو غسل التاي بماء ساخن جدا للتخلص من كل الشوائب ثم +ماء ساخن والي نار ضعيفة جدااااااااااااااااااااااااااااااااااضروري 20د اقل شيء نحي التاي +علي الاوراق ماءساخن


منبعد الي النار20د اخري الاول + الثاني +السكر في ابريق اخر وخلطي من ابريق لاخر حتي يعمل التاي رغاوي ورايح تتحصلي علي الذتاي[/

لم افهم الطرقة ممكن إعادة شرحها مرة اخرى

[naima ba]

السلام عليكم يا أختي ............................ مساعدة في كيفية صنع الشاي
تشري اولآ شاي أحمد عبدي
1- تطيب الماء في القلاية
2- تجيبي الإبريق وتحطي فيه كأس من الشاي وتصبي عليه الماء وتخليه يرتاح قليلا تم تصفي التاي انتاعك ومن بعد تزيدي تديري الماء وتمصمصيه مليح بالماء السخون تم تنحي هداك الماء وتزيدي تشلليه بالماء البارد ومن بعد ترجع هداك الماء انتاع التاي اللي خليتيه يتنفخ في الأول وتحطي الأبريق على نار هادئة ومن بعد كي يطبخ مليح ............. صفيه وخلطيه بالسكر ومتنسيش النعناع .

[عطر الخير]

salam ya akhawat



ndir kad kabda ta yedi atay w men ba3d tchalih b kas ta ma skhoun mchi ktar men kass psk maywalich atay
men ba3d ndir lih el maa skhoun ked 2 kissan w nkhalih yaghli fouk el nar w nzidlah el sokor

w ki yaghli chwiya ntafi 3lih w nzidlah warkat ta na3na3
w chokrannnnnnnnn

[وردة زمن]

زيدو تفاعلو اريد كل الطرق ههههه

[حبيبة1986]

شوفي ختي حنا هكدا نديره:
2 كسارن في هم الماء فوق النار . وحدة اديري فيها 2 مغارف كبار لاتاي . و الثانية ديري نعناع + خنجلان + قرنفل + نص عود قرفة .
كي تغلي اللولا صفيه لاتاي وارميه في الثانية و خليه يغلي بلعقل و و بلمغرفة شوفي ارفدي . كي تشوفي اللون تاع لاتاي ولا شوية حامق نحيه و صفيه و ديري سكر. و ارمي داخل الترموس تاعك شوية نعناع .
و بصحتك

[رزيقة16]

يعطيكم الصحة علي وصفات الشاي ليوم رني تعلمت كيفاش انطيب شكرا يا لبنات ربي يهنيكم نشالله

[أم سهام 1997]

احسن شاي هو شاي السهم يااختي

[وردة زمن]

شكرا لكم جميعا