انا حزينة

[omtaha]

مرت سنوات زواجي وانا كل يوم فيها يتوهج حبي له وحبه لي لككككككككككككككككككن
القدر شاء ان يموت كل طفل الده ....... ولامرة زوجي حسسني بحزنو على هذ الوضع لكن انا بديت نحس ااني شجرة رايحة تتقطع ومانيش حابتو هو تاني يكون كما انا لهذا فكرت اني نزوجو
افكار كثيرة تصول وتجول في فكري

[panpouna]

السلام عليكم
اختي راني حاسة بمعاناتك وعدابك رغم اني لم امر بتجربتك لكني حامل ومجرد اني نخمم بلي رايحة تصرا حاجة لجنيني لا قدر الله نبدا نبكي الاولاد نحبوهم و هوما مازال ما تولدوش وفقدانهم اصعب حاجة في الدنيا بصح هادا هو مكتوبك وقدرك و لازم ترضاي بيه و تقولي الحمد لله وتدعي ربي يعوضك و ربي سبحانو رحيم بعباده و ان شاء الله ربي يرزقك باولاد اخرين ويعيشو معاك حياة طويلة

[الدر المكنون]

صبر جميل والله المستعان اخية

الزمي الاستغفار اخية وقيام الليل والدعاء

[maiss toussa]

لما الحزن أخية ولك رب واسع الرحمات وأخيات في الله يدعون لك الأولاد صحيح نعمة ولكن ليسوا كل شيء

[الصمت حكمة]

الأخوات سبقوني بواش كنت رايحة نجوابك، عندك لا تحسبي زواجو رايح يريحك في عقليتك و كأنك أذنبت ذنب و راكي تكفري عنه بهذه الطريقة، راكي هاكذا رايحة تتدمري أكثر يا مخلوقة راكي تحسبيها ساهلة، زيدي أصبري و تبعي مع طبيبة أخصائية متمكنة أو حتى كاين بعض النساء بالطب البديل لكن مش الكل، ما تغامريش مع أي وحدة و ديري رقية بشرط تكون شرعية لأنه ممكن لقدر الله يكون هذا بسبب مس من الشيطان أو سحر (ما رانيش نقول لك هاك باه توسوسي روحك) و أكثري خاصة من الإستغفار لأن الله تعالى يقول في سورة نوح : " استغفروا ربكم إنه كان غفارا يرسل السماء عليكم مدرارا و يمددكم بأموال و بنين و يجعل لكم جنات و يجعل لكم أنهارا" كاين اللي عمرهم ما حملوا و أملهم في الله كبير كيفاه انت تحملي فقدت الأمل بسرعة، علاه؟ أنا أختي 6 اللي ضيعتهم و خلف عليها ربي بـ 6 ضرك الله يبارك، ما تنسايش باللي راكي طامعة في رب كامل قادر على أكثر من واش راكي متخيلة، ما تنسايش باه تفرحينا بأخبارك انشاء الله

[لبيبة1]

سلام عليكم
الله يرزقك يا رب راني حاسة بيك والله قوليلي قداش سنة زواج عندك؟ و وش قالولك الاطباء؟
عليكي بالدعاء و العلاج و ربي يفرج...
اما بالنسبة انك تزوجيه تريثي و احذري حنا عندنا في هذه البلاد ماكانش ثقافة التعدد و عموما الي تدي واحد على مرتو رح تعمل المستحيل باش تفكهولها
يعني لازم تكون متدينة صح باش تونغاجي معاها اه ربي يرزقك يا حبيبتي و ماتضطريش لمرارة الضرة
و هناك حلول اخرى ايضا مثلا انكم تكفلو يتيم اااه اجركم كبير عند ربي و تحنو عليه و الله يعود كيما ولدكم الوالدين لرباو ماشي لي جابو

ااه حابة نعاونك باي طريقة
تعرفي هذاك زين الاثاث الخبير اللبناني يطلع في قناة هي قناة المراة العربية؟
هذا رابط zeinonline
عفوا ما عنديش الحق نحط روابط اكتبي في قوقل زين الاثاث درك يجبلك الموقع

عندو دواء اسمو القريص بالالوفيرا راهو مليح لامووور كثيرة منها الانيميا و عدم الانجاب و الدورة غبر المنتظمة.....
ما تشوفيش وش مكتوب في الرابط سقسي لي يبيع و هو يشرحلك
انا شربت قارورة من اجل الانيميا و حسيت بفرق كبير الحمد لله بصح المفروض تشربيه لمدة 6 اشهر ع الاقل
زين عندو وكلاء في جميع انحاء الجزائر و احتمال كبير تلقاي وكيل في ولايتك اسالي برك ولكان مالقيتيهش انا مستعدة نعاوك
موفقة يا رب

[لبيبة1]

عفوا ماركزتش مع لموضوع جاوبتك ع اساس ماتجيبيش اولاد لكن انتي تسقطيهم ما حبيتش نعدل الرد السابق ممكن يفيدك او يفيد غيرك تحياتي

[لسومة 41]

صبر جميل والله المستعان

[المرابطة]

اخواتي في الله السلام عليكم ورحمة الله
الدنيا مهم طالت ومهم بلغنا فيها من النعم ومن المحن فهي قصيرة لهذا اختي لا تقتلي نفسك حسرات على ما لم يعطي الله سبحانه وتعالى .والسعادة الكاملة الحقيقة لا تكتمل في الدنيا , لهذا اطلبها في الاخيرة .
ثم تصبري عزيزتي بذلك الزوج الكريم الفاضل الذي لم يحسسك بالمه ورغبته في الابناء ,وانصحك اختي ان تجعلي امر تزوجه اخر الحلول وليكن بعد اختيار الزوجة الثانية اختيارا حكيما وبعد مناقشة الموضوع مع الزوج فلعله راض بما اعطي الله

[صليحة الجزائرية]

سلامي الاخوات كفو ووفو لكن انا نقول ربي يعطيك الصبر ولا تتسرعي

[نانا الحيرانة]

أختي ما عندك إلا الصبر والدعااااء وهذا الأخير ليس بقليل

الدعاء يفعل العجائب لازم تكون عندك ثقة بالله وحسن ظن به

والكلمة إللي قلتيها تاع حبيت نزوجوا ما عندي ما نقللك غير ربي يهديك

إياكي ثم أياكي تجبدي هاذ لحكاية قدامه وتدخليها في راسوا مالازمش إنت تفكري فيها من الأصل

ربي رحيم وما خلق عسير إلا جعل بعده يسير وهو إذا أعطى أبهر

أصبري وراح تكون الايام القادمة أفضل بإذن الله تعالى

ربي يرزقك الذرية الصالحة عجلا قبل آجل ويقر عينك بشوفتهم

[لمياء كوكو]

اصبري اختاه و تقدمي على فعل ماقد تندمين عليه لاحقا

[AyOuB0587]

لكل شيء سبب
فحاولي البحث عن سبب وفاة الأطفال...
فإن كان بعد الولادة فهذا امر
وان كان خلال الحمل..ففي اي مرحلة؟ بدايته؟ ام نهايته؟
بالتالي ابحثي عن حلول لهذه ولو لم يساعدك زوجك ثم سيجعل الله لكم فرجا من عنده فلا تيأسي أبدا

[amiramirna]

مرت سنوات زواجي وانا كل يوم فيها يتوهج حبي له وحبه لي لككككككككككككككككككن
القدر شاء ان يموت كل طفل الده ....... ولامرة زوجي حسسني بحزنو على هذ الوضع لكن انا بديت نحس ااني شجرة رايحة تتقطع ومانيش حابتو هو تاني يكون كما انا لهذا فكرت اني نزوجو
افكار كثيرة تصول وتجول في فكري


أمراض العقم والإنجاب

يدعو بدعاء سيدنا زكريا عليه السلام عندما طلب من ربه أن يهبه غلاماً زكياً فاستجاب الله له ببركة هذا الدعاء: (رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ) [الأنبياء: 87]. كما أنصح من تأخر في الإنجاب أن يكثر من قراءة سورة الإخلاص، وسورة مريم.

[دلال 30]

يا الله...يا الله...... يا اااااااااااااااااااااااااالله سامحني ......... عمري 29سنة..أستاذة بالثانوية ..... وزرت بيت ربي ,,,وزوجي اامام,,,,, حاجة ماتخصني ......رزقني الله ب اربع اطفال ذكور ......كل واح فيهم يقول للقمر نوض نقعد في بلاصتك....... كي عرفت روحي بالحمل في ولدي الاخير قريب ننتحر..... وحاولت نطيحو بكل الطرق..... يارب....يارب......يارب....سامحنيييييييي ....... خفت يضحكو عليا الناس ويقولو عليا كيما الارنب , كل عام تولد....... كي شفت معاناتك بكييييييت ودعيت ربي يسامحنييييييييييييي

[bibicha]

صبر جميل والله المستعان اختي و الحمد لله على كل حال لي تجي من عند ربي مرحبا بيها

[omtaha]

انا عند الولادة يموتولي دون اي سبب طبي معروف وعندي تقريبا عام توقفت عن حبوب منع الحمل ولم احمل وللعلم انا كل ولاداتي بالقيصرية والدكتور شك في التصاقات الرحم بعد اخر عملية هو سبب تأخر الحمل وربما اضطر لعملية لفك الالتصاقات
والله والله والله اني وقت ماكتبت الموضوع كنت نبكي لكن وقت شفت الردود فرحت اكثر ما تتصورو
ربي يفرحكم كامل وفكرتوني في الحديث
عن أبي هريرة رضي الله عنه عن النبي صلى الله عليه وسلم قال : " سبعة يظلهم الله في ظله يوم لا ظل إلا ظله ، إمام عادل وشاب نشأ في عبادة الله ، ورجل قلبه معلق بالمساجد ، ورجلان تحابا في الله اجتمعا عليه وتفرقا عليه ، ورجل دعته امرأة ذات منصب وجمال فقال إني أخاف الله . ورجل تصدق بصدقة فأخفاها حتى لا تعلم شماله ما تنفق يمينه ، ورجل ذكر الله خالياً ففاضت عيناه " متفق عليه

[نرجس44]

السلام عليكم
اختي لا تياسي من رحمة الله و لتعملي ان هذا اختبار من الله سبحانه و تعالى و هل تعلمين ان امي و خالتي حدث معهن نفس الشيء فامي قبل ان تنجبني 3 مواليد ولدو و عاشو ايام و توفوا و بعدها رزقو بي و اخواتي 2 ثم بعدها كل مولود يرزق يموت و لكن بعدها رزقت باخوتي الصغار
و خالتي ايضا ولدت ابنتها البكر بعدها كل مولود يولد يتوى و لكن شاء الله ان تلد بعد 11 سنة بصبي عاش و عاشو بعده اخوته الاخرون
فكم صبرت خالتي و والدتي و اعطاهما الله جزاء صبرهما
فقط عليك بالصدقة و الدعاء

ربي يعينك و رزقك ان شاء الله

[azadde]

السلام عليكم ور حمة الله تعالى و بركاته
لا يجب ان تحزني يا اختي فان كل ذلك بمشيئة من الله فهو اختبار للصبر فلا يجب ان تضعفي امام الحق
فحتما ان كان مكتب لك ان تنجبي فالله هو المستعان
و لا تتفاني على الدعاء و الصلاة مهما كانت الظروف

[ikhbb81]

بِسْمِ اللَّهِ الرَّحْمَٰنِ الرَّحِيمِ
كهيعص ﴿ 1 ﴾ ذِكْرُ رَحْمَتِ رَبِّكَ عَبْدَهُ زَكَرِيَّا ﴿ 2 ﴾ إِذْ نَادَىٰ رَبَّهُ نِدَاءً خَفِيًّا ﴿ 3 ﴾ قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا ﴿ 4 ﴾ وَإِنِّي خِفْتُ الْمَوَالِيَ مِنْ وَرَائِي وَكَانَتِ امْرَأَتِي عَاقِرًا فَهَبْ لِي مِنْ لَدُنْكَ وَلِيًّا ﴿ 5 ﴾ يَرِثُنِي وَيَرِثُ مِنْ آلِ يَعْقُوبَ ۖ وَاجْعَلْهُ رَبِّ رَضِيًّا ﴿ 6 ﴾ يَا زَكَرِيَّا إِنَّا نُبَشِّرُكَ بِغُلَامٍ اسْمُهُ يَحْيَىٰ لَمْ نَجْعَلْ لَهُ مِنْ قَبْلُ سَمِيًّا ﴿ 7 ﴾ قَالَ رَبِّ أَنَّىٰ يَكُونُ لِي غُلَامٌ وَكَانَتِ امْرَأَتِي عَاقِرًا وَقَدْ بَلَغْتُ مِنَ الْكِبَرِ عِتِيًّا ﴿ 8 ﴾ قَالَ كَذَٰلِكَ قَالَ رَبُّكَ هُوَ عَلَيَّ هَيِّنٌ وَقَدْ خَلَقْتُكَ مِنْ قَبْلُ وَلَمْ تَكُ شَيْئًا ﴿ 9 ﴾


قال الامام الشافعي :
ولرب نازلة يضيق بها الفتى ******* ذرعا وعند الله منها المخرج
ضاقت ولما استحكمت حلقاتها ***** فرجت وكنت اظنها لا تفرج


ويقول فى ترك الهموم والتوكل على الله سبحانه وتعالى........

سهرت أعين ونامت عيون ***** فى أمور تكون أو لا تكون
فادرا الهموم ما استطعت عن النفس ****** فحملانك الهموم جنون
ان ربا كفاك بالأمس ما كان ***** سيكفيك فى غد ما يكون



إن الله يريد ان يسمع صوتكما في جوف الليل ... اما الولد فهذا شيء ليس صعبا على من خلقنا و لم نكن شيئا سبحانه

[ام البنوتة]

اختي انا نعرف واحدة في العائلة انجبت الطفل الاول بقيصرية و توفي بعد الولادة مباشرة ثم حملت مرة اخرى مباشرة انجبت الطفل الثاني بقيصرية كذلك توفي بعد اسبوع من الولادة.
بعد النفاس مباشرة انجبت طفل اخر و هو حي و لاباس عليه و زادت من بعدو طفلة..
يعني في 4 سنوات دارت 4 عمليات قيصرية لكنها ما فشلتش .حاجة حيرتني علاش شربتي حبوب منع الحمل و انت عندك هاذ المشكل..يعني طبيعي واحدة عندها اولاد تبعد بينهم تشرب pilule بصح انت علاش..
ديري قيام الليل و ابكي لربي سبحانو و حبوب منع الحمل ما تزيديش تقربي ليها على الاقل حتى يرزقك ربي باول مولود.و الحكاية تاع نزوجو ردددي بالك و الله يروحلك كلش و تخسري كلش.
كاين حل انكم اذاا لا قدر الله ربي ما رزقش تجيبوا مثلا ابن اختو او اخوه او اخيك و يتربى بينكم..عندنا في العائلة هذا الوضع و رحمة ربي عايشين

[omtaha]

شكرا لكل من قاسمني الهموم ربي يخليكم ويحفظكم من كل سوء

[سدرةالمنتهى]

يا اختي لا تقنطي من رحة اللله فرحمته وسعت غصبه

انا راني حايرة علاش المراة كي ماتجيبش لولاد مباشرة تفكر في زوجها و تقول مانحرموش من الاولاد و نخليه يتزوج بمراة اخرى؟؟؟؟؟؟؟؟؟؟؟؟؟؟؟؟؟؟؟؟؟ظظ

و هو علاش مايحيرش فيها و يقول علاش نحرم فيها من لذة الامومة نخليها تروح تعيش وتجيب اولاد تعيش حق الامومة اللي عطاهالها ربي


المهم ماتنسايش اختي االاولاد ماشي باش تخليهم يدعولك بالخير او يكبرولك شجرة النسب.......... بل ايضا هذوك راهم درر مكنون تلقايهم في الجنة يشفعولك نهار وحداخر.............بالعكس افرحي و قولي نلقاهم غدوة في الجنة يشفعولي احسن من تخليهم وراك تحملي همهم و تصرفاتهم عند الحساب

[سدرةالمنتهى]

يا اختي لا تقنطي من رحة اللله فرحمته وسعت غصبه

انا راني حايرة علاش المراة كي ماتجيبش لولاد مباشرة تفكر في زوجها و تقول مانحرموش من الاولاد و نخليه يتزوج بمراة اخرى؟؟؟؟؟؟؟؟؟؟؟؟؟؟؟؟؟؟؟؟؟ظظ

و هو علاش مايحيرش فيها و يقول علاش نحرم فيها من لذة الامومة نخليها تروح تعيش وتجيب اولاد تعيش حق الامومة اللي عطاهالها ربي


المهم ماتنسايش اختي االاولاد ماشي باش تخليهم يدعولك بالخير او يكبرولك شجرة النسب.......... بل ايضا هذوك راهم درر مكنون تلقايهم في الجنة يشفعولك نهار وحداخر.............بالعكس افرحي و قولي نلقاهم غدوة في الجنة يشفعولي احسن من تخليهم وراك تحملي همهم و تصرفاتهم عند الحساب

[mitrochka]

رزقك الله قرة لعينك في الدنيا و فرجا لك من كل هم
لا تنسي قراءة سورة مريم

[souheila dz]

أختي ربي يشفيك ويرزقك الذرية الصالحةيارب وكيما قالو اخواني في المنتدى عليك وعلى الدعاء
http://t3.gstatic.com/images?q=tbn:ANd9GcRmUl6dK4Jqz5SPEM-9-


http://t3.gstatic.com/images?q=tbn:ANd9GcRmUl6dK4Jqz5SPEM-9-GPEfjsD6vkYfDxNucxHoNV-j62vobus1_usA6Z7YQ

[ملاك العاصمية]

أختي الكريمة اولا حددي الاسباب التي تجعلك تجهضين
ان كان السبب طبيا فعالجي وخدي بالاسباب
اما ان كان السبب شيء آخر فعليك بالرقية الشرعية
اختي اضهضت ثلاث مرات وفي الشهر التاسع
وكان فعالجت وذهب لراقي شرعي وهي الأن أم لطفلين رائعين
زوجة اخي أجهضت مرتين
فأكثرت من الصلاة والدعاء
وهي الان ام لاربع توائم
ففي كل حمل انجبت ذكرين
استجاب الله لدعائها فرزقها بالمثنى
اختي نحن هنا نساعدك بما استطعنا
عنوين رقاة أو اطباء مختصين
وندعو لك ان شاء الله
لكن لا تدخلي ضرة لبيتك فستاعنين كثيرا فلا تستهيني بالأمر
اجعلي مسألة تزويجه آخر الحلول وان شاء الله لم تصلي اليه
هناك أمل ان تنجبي وتعيشي مع زوجك
يلا جاتك طفلة سميها ملاك هههههه
يا رب

[zaza22]

التمسي لزوجك الاعذار

[أَحمــد]

مشكلة صديقي,

تأخر في الإنجاب وهو يحلم كثير بأن يرزقه الله بولد, كلما ألتقيه كلامه يدور حول ان شاء الله ربي يرزقني بولد نسميه كذا ونديرلوا العقيقة ونعرضك ونشريلوا اللباس الفلاني ونربيه بالطريقة الفلانية وندرسوا ونراجع معاه وهو دائم التحصر دون اعتراض على قضاء الله وقدره.
ولكن لا يتكلم مع زوجته في هذا الموضوع لكي يصبرها أكثر واظهار قوته في الصبر وعدم الزجع من الأمر بالرغم من أنه قلبه يكاد يتفطر وهو يخفي ما يجد.
بالمقابل زوجته كثيرة الضجر وعدم الصبر بطبيعة المرأة وتلومه بكل لون عن طريق النقد المباشر أنت لست مهتم بي أنت لايهمك أمر الانجاب أو عن طريق التسائل هل أنت؟ وهل أنت؟ أو ماتحكيه لأهلها وزميلاتها بالرغم من كل هذا يخفي مايجد في نفسه من أجلها ويدعوا الله أن يُرزق بولد فيفرح هو وهي.
----------
المغزى من الكلام كوني قوية ولا تجعلي شجرة الود تنقطع وتكوني أنت المتسببة فيها فزوجك لايريد تحسيسك لكي لا يضيف لك متاعب.
ربي يرزقك والجميع بالولد الصالح.

[hadjira195]

صبر جميل والله المستعان اختي

[omtaha]

راني خايفة يجي نهار وهو يقولي مليت

[norhane taha]

السلام عليكم أختي

قريت كلامك من كتر بساطتو إلا أن معناه مؤلم ووصلت فكرتك ومعانتك
لكن متقوليش هكذاك ومتزوجيهش أبدا
مادام ربي قدر عليك هذا الشيء يعني إن شاء الله يكون في علاج إن شاء تحملي من جديد ويعيش وتفرحي هذا غير بلاء من عن ربي سبحانو يشوفك إذا تصبري ولا تقنطي يارب تكوني من الصابرين إن شاء الله

صحيح معنديش خبرة لكن نصيحتي ليك روحي شوفي طبيب مختص يعرف علاش راهم يموتو ؟؟؟ ويعالج أمر
كاين طبيب في وهران معروف أعطتلنا رقمو بنت ربي يجازيها ومكانش لي راحت عندو ومحملتش ونجح حملها يمكن هو يعرف واش كاين إذا حابة نبعتولك فورا
ربي يصبرك ويفرج كربك وهمك

[omtaha]

ربي يخليك انا شفت حتى مع البروفيسور كابويا وقلي ماعندك والو هذه الحالة نسموها رفض جسم الام للبيبي بالرغم من اني نوصل ل 9 شهور ولاني نولد بالقيصرية تعرفي عدد الولادات محدود

[norhane taha]

أنا والله ماني نعرف هذا طبيب لي قلت عليه

أنا لي نعرفو في وهران بنت خالتي كان عندها مشكل وحمد لله حملت يعني مشكل أسوأ منك

شوفي قدام ربي سبحانو وحكمتو وقدرتو مكانش حتى شيء يقدر يحدد نصيبك في هادي دنيا ويحكم عليك الحكم لله عز وجل عليك تأخذي بأسباب والله مستعان وهادوك غير وساوس شيطانية باش تفقدي أمل من رحمة ربي والله

أعطيني ميل ديالك نبعتلك إسمو ولقبو وكل معلومات وربي راح ينصرك إن شاء الله أنا منقدرش نبعتلك رسالة خاصة معنديش هادي صلاحية

[norhane taha]

إن شاء الله يا أختي نضيفك عندي ونفهمك مليح لكن مشكل أنا عندي ال***** والياهو وأم أس أن منيش عارفة إذا نقدر نأجوتيك بهذا ميل

[minamer]

السلام عليكم

اصبري ربي خير وهو اللي يعوضلك ليك و للزوجديالك

وربي صبحان هما فيه غير الخير

[محبة عبد الرحمان]

ربي يكون معاك اختي عليك بالدعاء و اللستغفار كثيرا ربي يرزقك

[ملاك العاصمية]

ربي يخليك انا شفت حتى مع البروفيسور كابويا وقلي ماعندك والو هذه الحالة نسموها رفض جسم الام للبيبي بالرغم من اني نوصل ل 9 شهور ولاني نولد بالقيصرية تعرفي عدد الولادات محدود


شفتي مع الدكتور كابويا
لكن كاين الي أحسن منو وأعظم منو
ربي سبحانه الذي رزق العاقر العجوز
ووضع حملا في بطن العذراء
وكلي أمرك لله رب العالمين
مع الأخد بالأسباب وعدم التهاون
ربي يرزقك بالذرية الصالحة