ماذا أفعل مع أهلي [الأرشيف] - منتديات الجلفة لكل الجزائريين و العرب

لمياء كوكو

2013-01-30, 11:12

اشكركم على الردود .......................

اريد ردود ممكن بلييييييز

nibrasse76

2013-01-30, 14:48

ربما هم خايفين عليك ..ويشوفوا بلي مازلت صغيرة ولازم كي تروحي عند زوجك تكوني فاهمة كل شيئ باه يتهنوا عليك ....رغم هذا احترم راي اهلك كثيرا ...واضح انهم ذوي سمعة جيدة و انصحك بالحفاظ عليها ....

واش رايك لو ان الوالد يذهب ليشرب الخمر في الاسواق ويقول هاذي حياتي الخاصة ؟؟؟ الا يؤثر على حياتك ايضا ؟؟؟ هل سيتقدم لك خطاب ؟؟

ـــاخيرا ومن خلال قولك "التدخل في حياتي "....تاكدت ان اهلك على حق في عدم رغبتهم في تزويجك الان .

مواطنة جزائرية

2013-01-30, 14:59

مازالك صغيرة و والديك راهم يخمو غير في صلاحك

عيشي حياتك راكي امزالك هذا الوقت اللي راكي جاية فيه للدنيا

و تذكري لكل لشىء أجل

يعني كلش بالمكتوب

متقلقيش روحك و أقراي للباك بالاكش يخلوك تكملي قرايتك كون جيبه

sali-sali

2013-01-30, 15:05

انتي نظن راكي حاسبة انك لما تتزوجي غادي تولي عندك شويا حرية عند دار زوجك

ادا راكي دايرا هدا الحساب غير مكان علاه نقولك مزالك صغيرة

و لما يجي مكتوبك ولي يشوفوه والديك يستاهلك اكيد راح يقبلوا بيه

لمياء كوكو

2013-01-30, 17:13

شكرا بزاف على الردود

هدى الجيجلية

2013-01-30, 19:00

السلام عليكم
خيتي
خيتي
مازالك صغيرة
صدقيني
والديك خايفين
على مصلحتك
سدد الله خطاك بكل ما تحبه وترضاه

nouna l maghbouna

2013-01-30, 19:25

اختي راني حاسة بيك
اهدري مع يماك و احكيلها كلشي
و باباك ربي يهديه و اول حاجة نوصيك عليها :اصبرري اصبري اصبري

النجمة القطبية

2013-01-31, 00:01

أول شيء أنا عمري 20 نعاود الباك للمرة الثانية بصح قاعدة فالدار
المشكل ماش هنا المشكل أنا حبيت نتزوج و أهل يرفضو كل عريس يتقدم بسبة أنو مازالني صغيرة بصح أنا حاسة روحي نقدر نتحمل المسؤولية واش راح نقعد ندير في الدار مع العلم هوما ماش قابلين نقرى فالجامعة
مليت من هاذ التصرفات و التدخل في حياتي
علابالي راح تقولولي معليش هاذو ماليك و لازم تتقبلي الواقع بصح أنا و الله ماني قادرة نتحمل و زيد بالزيادة ماعنديش الحرية نخرج ولا نروح عند صحاباتي و قداش من مرة يخطبوني و بابا مايقوليش كيفاه ندير

اريد ردود ممكن بلييييييز

الاهل دايما عندهم وجهة نظر ولا تفكرى بان والديك يظلموك لكن يحبولك الافضل مجرد راى
لكن عذرا مجرد ملاحظة شوفى الكلمات التالية
واش نقعد نعمل فى الدار ==وين تقعدى مالا ياك راك تقراى
مليت من هذه التصرفات والتدخل فى حياتى==حقهم والديك
معنديش الحرية نخرج ونروح لصحاباتى ==وين تروحى
لماذا تتذمرين من هذا ان كنتى اصلا بعد زواجك راح تقعدى فى الدار واكيد زوجك له الحق فى التدخل فى كل امور حياتك ومكاش زوج يسمح لزوجتو تروح لصحاباتها وتخرج بلا سبب اذن نفس الشئ شكون قالك الزواج حرية
ربى يوفقك للاصلح

karimblida

2013-01-31, 07:52

والديك يعرفو مليح وش يصلحلك.......تهافت الخطاب الله يبارك ...مؤشر ايجابي على صلاح العائلة
لكن ادا قدرت تقولي.......ممنوع تقراي في الجامعة(ممكن راي ممتاز )و لكن ما هو البديل ما عدا التوقف نهائيا؟؟؟؟؟؟؟؟؟؟؟؟؟؟؟؟؟؟؟؟؟؟؟
هنا ضراحة ..ظلموك اهلك ادا ماوفرولكش بديل عن التعليم (زعما) العالي
بالتوفيق

mounia 85

2013-01-31, 08:03

وشبيك مزروبة نهار يجي مكتوبك اكي تتزوجي
انا تزوجت وعمري 26 سنة وساعات نندم ونقول كون غير ماتزوجتش ههههههههه

أم أمين2007

2013-01-31, 08:40

يا بنيتي هيا تخيلي معي
ما جبتيش الباك ..جا اول خاطب..قبل ابوك...وانت ما عجبكش.. واش تقولي...... ظلموني انا مازالني صغيرة..تقلقو مني.....
وتزوجت......رجل يغلق عليك الباب....وهات البيت ....المسؤلية الاطفال......على بالك الزواج خرجات وتحواس وحياةrose bonbon
لا بنتي اسمعي كلام اهلك احسن ليك
ربي يهنيك

لمياء كوكو

2013-01-31, 10:15

لالا والله علابالي بلي الزواج مسؤولية و ماش تحواس و تقلاش مانيش حابة نتزوج باه نعيش حياتي بالعكس أنا نظرتي للزواج على أساسا نلقي لي يفهمني و نفهموا خير مانقعد وحدي أنا ديما وحدي اذا فهمتوني

لمياء كوكو

2013-01-31, 10:16

و بالنسبة كي قلت انا منخرجش والله مانخرج تخيلو اخر مرة خرجت فيها كانت في اكتوبر والله العظيم

loulou02

2013-01-31, 12:59

ربي يفرج عليك

ياقوتة الجنة

2013-01-31, 17:03

السلام عليكم

واش نقولك اختي ربي يعرف احسن مني ومنك ومن اهلك
انتي تخطي وربي يخطط والله فعال لما يريد...بحكمة

اذا لحد الان ماقبلوش ...اذن ربي سبحانه وتعالى راه يبعد عليك رجال لن يكونوا في المستوى...*عسى ان تحبوا شيئا وهو شر لكم*

ممكن الله سبحانه وتعالى راه كاتبلك راجل مليييح بزاف...ومازال وقته...**عسى ان تكرهوا شيئا وهو خير لكم**

ثقي بالله ....وتفائلي خيرا تجديه
السلام عليكم ورحمة الله تعالى وبركاته

لمياء كوكو

2013-02-01, 13:20

شكرا بزاف على الردود

مينو2006

2013-02-03, 10:59

شوفي ختي عيشي حياتك و دار والديك راهي ما تتشبعش و اني نقلك على خاطر راني متزوجة وعلى بالي كامل حلمنا بالزواج و الحياة رسمناها كيما حبينا و مع الاخير نتصدمو بالواقع الزواج مسؤولية كبيرة بزاف ختي و انت مازالك صغيرة و ماشي لي يتقدم ليك تزربي روحك لازم تخمي مليح ماشي حاجة ساهلة و الراجل جاي جاي لكن بروية حظ سعيد

prettyangel

2013-02-03, 11:50

أختاه ان كنتي تنوين الزواج قصد الهروب من والديك و ان تصبحي حرّة فانت مخطئة و عليك التفكير جيدا أنت لم تتحملي ان تمكثي في البيت مع أهلك فهل يا ترى ستتحملين مسؤولية الزواج بما فيها من الاعتناء باشغال البيت و زوجك و الى ما ذلك يوميا ؟؟؟؟؟
بالظافة انت مازلتي في اعز شبابك و انصحك بالصبر.

دروب التابعين

2013-02-04, 08:46

قراركي صائب لانكي تودين اكمال نصف الدين
تدخل الاولياء في حياة االابناء مشكلة تكاد تصبغ المجتمع الجزائري يعني تبقى مشكلة
-اعملي صلاة الاستخارة وادعي ربي يجيبلك لي تكملي معاه الى اااخر المطاف
-اسال الله ان تنزاح عقبة التدخل في حياتكي ونشلله تديري وش راكي حابة نتيا ولي فيه الشر ربي يبعدو عليك ولي فيه الخير ربي يجيبولك

riadh génie civil

2013-02-04, 11:24

أولا نتي حابة تتزوجي باش تهربي من الوضع اللي راكي فيه وهذا أكبر غلط ياختي نتي أولا بالنسبة ليا يتوفر فيكي اجمل وأرقى الشروط وهذا ما راح يجلب ليك غير ولاد الحلال ان شاء الله أو على الأقل اللي مازال فيهم النخوة والرجللة وماهمش طامعين في دراهمك ...
صحاباتك ماعندهم ما يديرولك حاولي تصبري شوي 20 سنة صح قادرة تتزوجي ما حتى لو تزيدي عام ولا 2 ما عندو ما يصرا حاولي في هاد العام ولا 2 تحفضي ولو جزء من القرآن وتطلبي من ربي انو يكافأك بزوج صالح يزينلك حياتك كااااملة وتعيشي اسعد ايامك معاه احسن من أي زوج تهربي بيه من الحبس اللي راكي تقولي عليه ...
ونصيحة مني إذا حابة تنجحي وتكوني سعيدة في حياتك لازملك ... 1 تحلمي وتملي وتثيقي في ربي ... 2 تصبري لأنو الصبر مفتاح الفرج ... 3 تضحي لأنو ربي ماعطاش حتى لواحد كل شيء يعني المطلوب منك أنك تضحي بسماع كلام والديك وتضحي بأنك تحاولي تتعودي على الجلوس في البيت وتتعلمي كيفاش تسعدي زوجك وتحسني من طريقة معاملتك ومن أخلاقك ومن طريقة تفكيرك لأنها المفتاح لسعادتك المستقبلية كل هذا على ضوء القرآن طبعا وباتباعك لتعاليم دينك وربي يفرج ان شاء الله

لمياء كوكو

2013-02-04, 12:17

نشكركم بزاااااااااف بزاف و أنا راني صابرة عادي ربي يجيب الخير ان شاء الله ربي يخليكم ليا http://im31.gulfup.com/TbU5V.gif

** موحدة 02 **

2013-02-04, 14:05

نتمنى اختي ان اختيارك للزواج ما يكونش هروب من البيت
حسيت في كلامك انو عندك فراغ في حياتك و ملل من بيتكم
لهذا ننصحك انك تشغلي روحك بأمور يدوية خياطة كروشي او حتى بالمطبخ
و مادام راكي قارية وعلاه ما تحاوليش تقراي كتب الدين فيها فايدة عظيمة تقربك من ربي اكثر و تدي أجر و ما تضيعيش وقتك
راهي كل ثانية نتحاسبو عليها و ما شاء الله عندك الانترنت فيها كل شي كللي اخرجتي برا
راني حاسة بيك انا مرات تضيق بيا كي نطل شوبة من التاقة لبرا نحس روحي في عالم آخر .. الانسان يحتاج للترويح على النفس
لهذا حاولي تخرجي عند العايلة او الجيران مع امك اما غيرها ماراهش في الدنيا خير
و هذا كللوا حتى ربي يأذنلك بالزوج الصالح اللي يكملك حياتك لأنو حقا الزواج استقرار نفسي و سكينة و اطمئنان لكن فقط اذا كان الزوج صااااااااااااااالح
و ما تنسايش كيما قالو الاخوة قبلي و عن تجربة أهلك يعرفو مصلاحتك اكثر منك ...
امالا اصبري و ادعي ربي يرزقك الزوج الطيب و الا البقاء في داركم خيير

Tana She Pas Koi

2013-02-07, 18:34

حبوبا ولدينا بزاف يخفوا علينا حنا تبالنا تصروفاتهم انهم يحاسروا فينا و يخلونا مناش حبين هذ دينا بصح والله غي من خوفهم علينا و تأكدي مكاش ليبغيلك خير كما والديك