تسجيل الدخول

مشاهدة النسخة كاملة : انا امهم ارجوك افيديني

aminabent
2013-01-30, 08:27
السلام عليكم اختي انا امهم يا ريت كون تنعتيلي طريقة عمل الشونتي السائلة لاني جبت معايا من الجزائر على شكل غبرة لكن خلصتلي و كي حوست عليها هنا لقيتها سائلة يقلك فرغيها كما هي و ضربيها بالباتور لكن للاسف ما صلحتليش بقات جارية و فيها رائحة الحليب رغم اني زدت الفاني

سامحيني كسرتلك راسك ارجو انك تساعديني

و هادي هي صورتها
http://im35.gulfup.com/Bv9W1.jpg
وصال7
2013-01-30, 09:54
اختى حبيت نفيدك هاده الكريمة لازم تكون باااااااردة مليح وضربيها بسرعة متوسطة
sarah..
2013-01-30, 10:45
لازم تحطيها فالثلاجة على الاقل ساعتين من قبل باش تكون باردة وتصلحلك
aminabent
2013-01-30, 14:54
شكرا اخواتي على الاجابة ربي يجعلها في ميزان حسناتكم

سؤال اخر هل اذا حطيتها في الثلاجة لمدة اسبوع ما تصلحش؟؟؟؟ لاني كي شريتها حطيتها في الفريجيدار و ما استعملتهاش حتى بعد اسبوع تقريبا

اشكركما مجددا خواتاتي
تينا ماريا
2013-01-30, 15:12
المهم مدة الصلاحية تاعها ما تفوتش
أنا أمهم
2013-01-30, 16:48
ســــــــــــــــــــــــــــــــــــــــــــامحني على التأخير يا أمينة, الانترنت كانت مقطوعة عندي :(





كيما قالولك البنات , المهم تاريخ الصلوحية ما يفوتش



و لازم تكون باردة, حطي الباكو في الثلاجة , و يمكنك أيضا تحطي الماعون اللي راح تركضي فيه في الثلاجة!!!


ركضي بسرعة متوسطة, حتى تتحصلي على قوام الشانتيي. لــــــــــــــــــــــــــــــــــــكــــــــــــ ــــــــــــــــن إنتبهي!!!! إذا ركضتيها أكثر من اللازم ترجع كالحليب,


يعني إنتبهي : أول ما تجمد مثل الشانتيي وقفي!!! ما تزيديش التركيض و لو شوية!!!






نسيت نقولك راهي من غير سكر, يعني إذا تحبي الطعم الحلو : زيديها سكر مرحي.
aminabent
2013-01-30, 17:32
شكرا لمروركن جميعا ربي يجازيكم كل خير

شكرا اختي انا امهم مدة الصلاحية مازالت و اضفتلها السكر المسحوق و هي باردة يعني خطئي هو سرعة الخلط لاني شغلت الباطور بسرعة قصوى و حتى الوقت طولت بزاف الله غالب هو مكتوب طريقة التحضير و لكني لم افهمها جيدا (والله دوختني الشينوية و تقول قريت في العمى)وزوجي ماكانش في الدار جيت نشطار نحيتلها جدها هه

ان شاالله نشريها و ندير بنصائحكم و ان شاالله نرجع و نقولكم بلي صلحتلي

قبلاتي لكن جميعا