موضوع للنقاش البنت والخطوبة والصديقات

[فايزة20120]

بسم الله الرحمن الرحيم
السلام عليكم ورحمة الله تعالى وبركاته
راني نشوف في ظاهرة بدات تتنتشر بكثرة حبيت نطرحها وتعطوني آرىءكم فيها
من المعروف انو اي بنت يكون عندها صحاباتها من القراية او من العايلة او من الحي ولا حتى من النت مي البنت كتتخطب تقطع العلاقات والغتصالت وتبعد على صحاباتها لي كانوا كما خواتاتها تعتبرهم من الماضي وفي بعض المرات ماتقولش حتى بلي تخطبت
هيا دخلوا واعطونا رايكم والأسباب لي خلات هذ العقلية تنتشر
مع العلم اني لااعمم على كل ابنات
في أمان الله

[رُقية]

يمكن تكثر انشغالاتها
او يمكن تتسلل الانانية الى قلبها

[sali-sali]

هناك عدة احتمالات
يمكن انهن صديقات تجمعهن المصلحة
الانانية
تخاف من غيرتهن
خطيبها طلب منها ان تقطع الصلة بهن

ولكن قلة من الفتيات من يفعلن هكدا
لان الصداقة ممكن تستمر حتى بعد الزواج
ولكن ليست جميع الصديقات ولكن المقربات فقط

[فايزة20120]

انا نحكي على الفتاة لي بمجرد ماتتخطب تقطع العلاقة يعني ممكن خطيبها يكون مايعرفش صحاباتها وأيضا ممكن صديقت تكون من القارب نتاوعك يعني بنت الخالة او بنت العم

[كاميلا]

قوليلي نقولك عليهم ذاك النوع
علاش تقطع علاقاتها تولي تحس انها ولات جينيرال وعندها القراد في كتافها يعني مستواها اعلى من غيرها وتولي متكسرش راسها تولي بالعربية تتكسل وكاينة حاجة اخرى تولي تلصق في وحدة كيفها مخطوبة لانها تقدر تشاركها اهتماماتها في تلك المرحلة اما اللي مش مخطوبة ماعندها مدير بيها وكاين اللي تخاف من العين والحسد وكاين انا صراتلي وحدة كنت حاطتها صاحبتي نحكيلها كل شيء تخطبت وزوجت وانا معلاباليش حتى تلاقيتها حامل هعهههههههههعععهههههههه

[لمياء كوكو]

انا لي شفتهم في حياتي كامل ينساو صحاباتهم .......http://im33.gulfup.com/JGX81.jpg

[**مياس تسنيم**]

انانية وغيرة و ثاني كاين صحابات لي يغيرو يولو يكرهو فيها في الزواج و هذاك ماشي شباب ماشي مرفة ........الخ
يعني احيانا كي تقطع ثاني مليح

[sarah1424]

Klamk shih whadi kayna bzff
bn hia mat9oulch belli tkhatbet tkhaf men l3in wstt ida kanou shabtha mech makhtoubat
wzid juste khotba 9adr tekmlk w9ader ybatlou
amma tetbdal wtejbed roha hya kayna aussi bzfff saraha manich makhtouba wandi shabati makhtoubat wkayn l tzewjou
n9olk hna nosknou f la cite dima m3a ba3d alr lwahda k tekhtab rahi twalli wa9tha kaml lkhatibha tehki maah par telephone ya3rfou ba3dahom mlih
alr mandhach wa9t lshabtha wa9t lkhatibha
hadi hya lehkaya je pence mafihach hassasia

[منهاج]

السلام عليكم

كيما كاين ناس يتمناو لبعضهم الخير كاين العكس و بزاف شيرات يفسدو على صحاباتهم شيرات الخطبة على

هادي كل ما شيرة صحتلها الفرصة وانخطبت راها تخاف على روحا

[nibrasse76]

حقيقة ليس لدي فكرة ..لكن ساحاول الاستنتاج ...ربما الفتاة تخطب اكيد هناك من الصديقات من تغتابها وتقطع فيها ..الخ ...تعرفو عفايس النساء والغيرة ... ......واكيد الناس الملاح والطيبين يوصلولها الهدرة ...تنزعج وتتأثر ...المخلوقة دخلت مرحلة جديدة حساسة جدا.تشعر بالغدر والخديعة ...الحل ..تجبد روحها في صمت . ؟؟؟

[هدى الجيجلية]

السلام عليكم
اختي
بارك الله فيك
على هذا الموضوع الذي
يخدم الاسرة والمجتمع
فعلا هذه الظاهرة
إنتشرت كثير
الفتاة في هذه المرحلة
تخاف على الحسد
أو على اشياء
تمنع هذه الخطوبة
كاالسحر مثلا
فهي تفضل
الكتمان
على القول
هذا رايي الشخصي
سدد الله خطاك بكل ما تحبه وترضاه

[mohamed160]

هههههههههههههه عندها الحق وانتم تعرفوا بعضكم خير

[سعاذ]

السلام عليكم
سمحيلي اختى هذي مرهيش صداقة خاطرالصداقة اعمق من هذا
ذوك بزاف ميعرفوش واش تعني الصداقة الحقيقية ذوك اي واحدة
تتعرف على واحدة اخرى غدو تقول عليها انها صحبتها يعني اليوم
صحبتها غدوى الله اعلم سسور علاقات من هذا النوع تكون
مبنية على المصلحة و حب ذات و على جال لحوايج هذو
بزاف ولاو مايمنوش بحجا اسمها الصداقة
دمتم في رعاية الله و حفظه

[ام البنوتة]

ربي يهدي الجميع ...الرزق على ربي

[خولة لبابة]

........الغيرة.....المصلحة.....حب الذات......و أمور كثيرة تجعل البنت تتخلى عن صديقاتها......هذا الموضوع يحتاج الى نقاش كبير.....

[Archi Amina]

حتى انا والله صراتلي تخطبت صحبتي و ما قاتليش حتى فات عام على الخطوبة تاعها

و كي قلتلها علاه مقلتيليش قاتلي ماجاتش مناسبة

[صدر الاسلام]

حتى انا والله صراتلي تخطبت صحبتي و ما قاتليش حتى فات عام على الخطوبة تاعها
و كي قلتلها علاه مقلتيليش قاتلي ماجاتش مناسبة


يا يمينة يا بنتي يقول مولانا رسول الله صلى الله عليه وسلم .
"استعينوا على قضاء حوائجكم بالسر والكتمان " اوكما قال فلا تنزعجي من تصرف اصدق صديقاتك قي هذا المنوال.

خطبت ولا اقول بمن """"""لاني متى ما قلت يحسدوه
خطيب قد نفى عني رقادي""""""متى ما نمت ايقضني ابوه
اللهم لا حسد منك ولا من احد.
الله يوفقها الى ما يحب ويرضى صديقتك تبقى الى ابد الصديقة.
صدر الاسلام

[thawizat]

عندك الحق أختي هذه الظاهرة كاينا بزاف و سراتلي قداش من خطرة
لكن هادوك ماشي صحابات و الصداقة نتاعهم لا محل لها من الاعراب
آخر مرة تخطبت صديقة مقربة، قلتلها بالاك تديري كيما لخرين خاطر عيييت من هديك العقلية
و الحمد لله مدارتش و تخبرني ديما بجديدها و ان شاء الله ربي يكملها بخير و لكل البنات

[محمد...عبد النور]

السلام عليكم أختي الكريمة
يوجد الكثير من ااحتمالات
اولها ممكن تخاف تؤذي شعور بعض الصديقات غير المخطوبات
ممكن تخاف الحسد و تخلي الامر سر
ممكن تشوف روحها احسن من صحاباتها و تبدلهم و هذه صديقة للمصلحة و ليست صديقة حقيقية
ممكن يكون عندها انشغالات كثيرة
ممكن ترى انها تقطع كل علاقاتها للتأقلم مع الجو الجديد
ممكن خطيبها قاللها اتركي بعض الصديقات
و ممكن تخاف بلاك الخطوبة لا تثمر بزواج فتتحفظ عن امر الخطبة حتى تترسم بعقد رسمي
او ممكن ترى ان هذا الامر امر جدي الافضل ان يقضى في السر و بالكتمان الى ان يصبح رسمي
و ممكن .. و ممكن
المهم لكل غائب عذره و نتمنى لكل مقبل على الزواج حياة طيبة هنية
شكرا على الموضوع الجميل و جزيتي كل خير
ســـــــــــــــــــــــــــــــــــــــــــــلام

[مريم الصابرة]

السلام عليكم اختي
إيه يا اختي حطيتي يدك على الجرح والله ما فهمت علاه خلعة او زوخ او كيما قاتلك الاحت تولي جينرال وإحنا شومارا ما فهمتش او لما يولي عندها راجل يعني لقات كنز علي بابا لما تكون عازبة تظل لاصقة فيك حتى تكرهي من جدها لما تتخطب حتى تسمعي طيط طيط جاو يدو فلانة وتلقاك فالشارع تقولي جامي عرفاتك ومن قبل تسلم وتعنق وتديك بالأحضان ممكن تخاف من خطيبها او تخاف عليه يدوهولها او يحسدوها بالناقص يا اختي نقولك الصح انا اللي نشوفها تخكبت نفاي رقمها من عندي ما نوليش في مشاكل وراكي تعطيلي ودرتيلي بروبلام وأصلا بقاولي صحاباتي هنا فالنت إن شاء الله ما يتبدلوش لما ينخطبو شكرا

[soha1987]

انا كيما هوما تخطبت وماقلت حتى لوحدا خفت على روحي خفت من العين هههههههههههههههه راني نتمسخر بلاك تصدقو
هاد النوع غير هو يالطيف منهم يخافو من العين وغير يخبيوهم بصح لي كتبو ربي والله ماينحيهولك العبد لبنات كي تجي دالتكم ردوهالهم هاكدا تعطيوهم الضربة القاضية ويموتو
شكرا على الموضوع اختي

[وفاء...]

توجد بعض الحالات اين يمنع الخاطب مخطوبته من مقابلة صديقاتها و هذه حقيقة عاشتها خالتي , اما بالنسبة لي فانا مخطوبة ولا تزال علاقاتي مع صديقاتي كما كانت في السابق بل اكثر
المهم الواحد يزين نيته و يتكبرش على الغاشي و يحمد ربي لان الخطبة ماشي حاجة لي يتكبر بها الواحد على الناس

:mh31: