قولولي كيفاه ندير معاها......

[taranim]

السلام عليكم حبيتكم تنصحوني في حاجة انا نقرا في الجامعة و هاد العام نكمل انشاء الله و حكمت مذكرة تخرج مع واحدة صاحبتي و هي ماعلابالها بوالو يعني راحت تزوجت و تجي تقرا ساعة ولا زوج في كل يومين و كي نقوللها على المذكرة تبدلي الموضوع و انا كرهت و انا نخدم وحدي ماتعاوني بوالو حتى الدراهم و ماتشاركش معايا و كي نقولها تبدل الموضوع و المشكل الكبير راهي بالحمل و الولادة تاعها تطيح مع التخرج و مالقيت بيها وين انصحوني و قولولي كيفاه ندير معاها انا عييت بزاف و منحبش المشاكل وماحابيتش نهاوشها لانو خاطيني ...انتظر ردردكم و نصائحكم :sdf:

[mira mira02]

اصبري حنونة كلنل مررنا بهدي مرحلة والله كل شي يفوت

[منهاج]

السلام عليكم

الحل الوحيد هو انك تتوكلي على ربي وتكملي ما بديتي وحدك لانو ما عندك ما ديريلها خاصة ادا اسم هادي الشيرة

راه مافيشي في الادارة لانو صحبتي صرالها نفس القصة تقريبا كي كنا في اخر سنة دارت مع وحدة وتفاهمو على

كلشي كي بداو الخدمة لي معاها مرضت ايا عيات تعيطلها في التليفون والو ولات تجي تفوت الامتحانات وتروح

لدارهم ايا صحبتي اشتكات للادارة عليها قالولها ما نقدرو نديرو معاها والو خلاص الاسم تافيشا عندنا وهي راها مريضة .

[مواطنة]

السلام عليكم ورحمة الله و بركاته
اختي بما ان صاحبتك حامل يصير معها تغيرات هي تولي ما تتحملش تفسها امالا ساعفيها و بعتيلها رسالة نصية اذا ما جيش تخدم و لا تبعث العمل ديالها او تشارك في المصاريف تتكلمي مع الادارة خوفيها برك اذا صلحت اللهم بارك وادا ما دارت والو توكلي على الله خدمي وحدك كلش و حتى المصاريف احتسبي الاجر عند الله تعالى و نهار التخرج يبان لي قرى
الحين هي راهي مخلوعة وكلش جديد عليها كي تنصدم بالواقع تولي نورمال
لكن كوني لطيفة معها لان حقنا نقدرو ندوه باحترام دون مشاكل

[loulou02]

أخطيك منها و خدمي ميموار نتاعك وحدك ، و كيما يقولو : "الشركة هلكة يا لوكان في ماكلة الطعام ".

[marwa amira]

كلشي يفوت يبقى غي الشر كمليها وربي يجازيك
هذه الدنيا تجارب نتعلم منها دروس تفيدنا
تعلمي أختي وعلمي أن الصديق وقت الضيق

[بيلسان11]

أنا نقولك حابة تنجحي كملي حتى وحدك ما عندك ما تديري و ربي ان شاء الله يجازيك . حالتك مثل حالات كثيرة في الجامعة تلقاي ديما واحد يخدم و الثاني يتخرج بلا ما يدير والو. بصح اكيد راح تستفيدي من تعبك و كدك في المذكرة نهار تلقاي خدمة.

[لمياء كوكو]

ياريتني كنت كيفك أنا مازالني برك نعاود فالباك ههههههه

[sarah nassou]

كملي واش بديتي و أجرك على الله

[هدى الجيجلية]

السلام عليكم اختي
بارك الله فيك
على هذا الموضوع القيم
هذا هو الخطا
لما البنت تتزوج وتقرا في الجامعة
يعني ما عندها وقت لدراسة
المهم اختي
كملي مشوارك ولا تحطي
شيء في قلبك
ربي راح ايكون معاك وايجازيك كل خير يارب
إن شاء الله ربي أينجحك
سدد الله خطاك بكل ما تحبه وترضاه

[karimblida]

اخدمي وحدم كيما خوك.....مع الاول بانتلي وعرة .و لكن شوي اجتهاد كملت على خير
و الله تدي شهادة بذوق مميز

[taranim]

شكرا على النصيحة نكمل وحدي و هدا ماكان و ربي يكون معايا و دوكا رانا نديرو في الامتحانات ادعيولي ربي ينجحني و نكمل المذكرة لي بديتها

[taranim]

ياريتني كنت كيفك أنا مازالني برك نعاود فالباك ههههههه

انشاء الله تنجحي و تجيبي الباك و ربي يعطيلك ما تتمناي اختي :19:

[merzouguiyoucef]

عادي كلشي يفوت ويبقى غير الكلام .....روحي راكي ناجحة ان شاء الله

[MARIE25]

okheti hoti rohek raki rayha tesouteni wahedk wa3tamdi 3la rohek hada makan ana serat m3aya we haka dart we hamedolileh tekharejet we 3ada koliche bekhir we nesit kolchi betawwfik nechalah.

[sali-sali]

هنا تقدري تثبتي لنفسك انك قادرة تخدميها وحدك
انتي ديرلي لي عليك و نهار تجي تسقسيك و تقولك واش اخدمتي ....قلها ماعلاباليش
وقت المناقشة تبانلها اللعب

ربي يوفقك

[knives55]

نفس المشكل حدث معي

درة مذكرة تخرج مع صاحبي راح وخلني نخدم وحدي قفل تلفون تاعوا

والله نحيت اسموا ودفعتها وحدي


يروح يربح هذ واش دري نحي اسموهاو خلاص انسيها